Spaugilegar orðaskýringar

  Þessar orðaskýringar fékk ég sendar frá Austfjörðum.  Þar notar fólk sömu orð og aðrir Íslendingar en í annarri merkingu.  Þetta er bráðfyndið.  Og það sem merkilegra er:  Þessi orð eru bara notuð um kindur í daglegu tali á Austfjörðum. 

Að bera fé: Afklæða (= rýja) kind
Aflafé: Kindur sem stunda veiðiskap
Áhættufé: Fífldjarfar sauðkindur
Eigið fé: Kindur sem eiga sig sjálfar
Eiðslufé: Kindur í sjálfsmorðhugleiðingum
Fégirnd: Afbrigðileg kynhneygð (= að girnast sauðfé)
Fégræðgi: Að vera einstaklega sólginn í sauðaket
Féhirðir: Smali
Féhirðir: Eivindur
Félag: Lag sem samið er um sauðfé
Félagi: Sá sem leggur lag sitt við sauðfé eða lagar sig að sauðfé
Félegur: Eins og sauður (= kindarlegur)
Féleysi: Þegar skorið hefur verið niður vegna riðuveiki (ef þú leysir fé "sem hefur verið heft til mjólkur")
Féleysi: Sauðþrár
Fésýsla: Sauðfjárhérað
Fjárdráttur: Samræði við kind
Fjárhagur: Einhver sem er afar laginn við sauðfé
Fjárhirslur: Geymslur fyrir sauðfé
Fjárlög: Öll lög sem samin eru um sauðfé (s.b. Sigga litla s....)
Fjármagn: Þegar margar ær koma saman
Fjármál: Tungumál sauðkinda (= jarm)
Fjármálaráðherra: Yfirsmali
Fjármunir: Lausamunir í eigu sauðkinda (svo sem; sauðnaut, sauðá, sauðskinn, sauðvarnir, o.s.frv. )
Fjárnám: Skóli fyrir kindur
Fjárnámskrafa: Námskindur í kröfugöngu
Fjárplógsstarfsemi: Jarðyrkja þar sem sauðfé er beytt fyrir plóg
Fjársöfnun: Smalamennska
Fjárútlát: Þegar ærnar eru settar út á vorin
Fjárútlát: þegar kindur drepast úti
Fjárvarsla: Það að geyma kindur
Fjárveitingar: Þegar boðið er upp á sauðket í matarboðum
Fjáröflun: Smalamennska
Fundið fé: Kindur sem búið er að smala
Glatað fé: Fé sem ekki hefur komið aftur af fjalli
Grímsá: Kind í eigu Gríms
Sauðá: Kind í eigu sauðs 
Handbært fé: Horaðar kindur sem auðvelt er að bera heim af fjalli.
Handbært fé frá rekstri: Kindur sem menn hafa gefist upp á að reka og ákveðið að bera á höndum sér
Hlutafé: Súpukjöt
Langá: Einstaklega löng kind
Lausafé: Kindur sem eru lausar á afréttinum
Norðurá: Kind að norðan
Opnibert fé: Fé í eigu ríkisins
Sauðburður: Þegar handbært fé er borið að á milli staða
Sparifé: Kindur sem ekki eru notaðar hversdags
Stofnfé: Fyrstu kindurnar sem maður eignast
Tryggingafé: Öruggt sauðfé
Veltufé: Afvelta kindur
Þjórfé: Drykkfelldar ær
Þverá: Þrjósk kind
Þjórsá: Kind sem drekkur lítið enn lengi í einu
Jökulsá: Kind sem villtist upp á jökul
Morsá: Kind með vasaljós
Kaldá: Verulega kynköld kind
Hrútá: Það er mella
Búðará: Kind með kaupæði 
Vallá: Blanda af kind og geit
B.M.Vallá: Valla mannbær kind (= lamb)
Miðfjarðará: Verulega þrjósk kind sem heldur sig bara í miðjum firði
Svartá: Svarti sauðurinn
Hvítá: Albinói
Geithúsará: Kind sem áreitir Geitur
Ljósá: Verulega myrkfælin kind
Bleiksá: Samkynhneigð kind
Eivindará: Kind sem er búin að fara oft í áfengismeðferð 
 

Athugasemdir

[Steini Briem (IP-tala skráð) 12.10.2007 kl. 13:41]

Þegar hann fór upp á hana,
helvíti var Jensinn fjárvana,
en ferlega langaði að fífl'ana,
því féleg var ærlega Ruslana.

[Gunnar Th. Gunnarsson, 12.10.2007 kl. 15:54]

 Kom þetta frá Viðari?

[Þorsteinn Sverrisson, 12.10.2007 kl. 17:32]

Fyndið. Sá þennan lista fyrir nokkru en þá var hann styttri.

Svartá: Rio Negro
Hvítá: Rio Blanco
Rauðá: Rio Tinto !!!

[Jens Guð, 12.10.2007 kl. 19:11]

  Gunnar,  já,  þetta kom frá Viðari. 

  Þorsteinn,  ég sé að fleiri en ein manneskja hafa sett þetta saman.  Til að mynda hættir orðalistinn að vera í stafrófsröð frá og með jökulsá.  Þar verður jafnframt sú breyting að skýringartexti er í þátíð í stað þess að vera alfarið í nútíð.  Sömuleiðis er stíllinn frábrugðinn á ýmsan annan hátt.  En allt er þetta broslegt.

  Erlingur, þarna er ekki aðeins komið nýr flötur á Eyvindar og Höllu syndromið heldur yfir fjölda annarra fyrirbæra.  Þetta er töluvert snjallt.   

[Jens Guð, 12.10.2007 kl. 20:14]

  Gunnar,  af því að þú kannast við Viðar þá vil ég benda þér á að hann keppti í gær í spurningakeppni í Fókusi í Fréttablaðinu í dag.  Við spjölluðum saman í síma í dag.  Hann sagðist hafa vitað tvö rétt svör til viðbótar en ekki náð að framkalla þau í fljótu bragði.  Ég kannast við þær aðstæður.  Ég var í þessari sömu spurningakeppni fyrir viku.  Þegar 10 hraðaspurningum er dælt yfir mann á færibandi þá víkur yfirveguð hugsun fyrir streituviðbrögðum.   

[Ævar Rafn Kjartansson, 12.10.2007 kl. 20:59]

Þessu verður hér með stolið og birt í næsta tölublaði Vísnavargs sem er gefið út árlega í 14 eintökum.

[Jens Guð, 12.10.2007 kl. 21:07]

  Ævar,  bara endilega deila þessum broslega texta með 14 til viðbótar.