Blaðamaður gleymdi að lesa bloggið mitt

 

  Flest fjölmiðlafólk gætir sín á því að lesa bloggið mitt reglulega.  Sérstaklega eru fréttamenn og blaðamenn samviskusamir við lesturinn.  Þannig komast þeir með puttann á púlsinn.  Það óhapp henti einn ágætan blaðamann nýverið að hann gleymdi að lesa bloggið mitt.  Fyrir bragðið sló hann upp í Morgunblaðinu í dag frétt af auka friðarsúlum sem sést höfðu í Reykjavík í fyrradag.  Hann fann ekki skýringu á tilurð auka friðarsúlanna en taldi þó fullvíst að þær hafi verið staðsettar í austurbænum.

  Æ, æ, æ.  Ég sem útskýrði þetta svo vel fyrir tveimur dögum:  http://jensgud.blog.is/blog/jensgud/entry/339679/

      

Athugasemdir

[Steini Briem (IP-tala skráð) 19.10.2007 kl. 00:02]

Súlna er hér ferlegur fans,
féll í Viðey hann Villi í trans,
og nú laglegur ljósakrans,
lafir utan um hálsinn hans.

[Ásdís Sigurðardóttir, 19.10.2007 kl. 00:06]

Er nokkuð séns að svona frægur og góður bloggari væri til í að styðja okkur öryrkja í undirskriftarsöfnun?? allar upplýsingar eru inn á heimasíðu minni. Ertu til í að setja smá auglýsingu á okkur.  :):)

[Helga Guðrún Eiríksdóttir, 19.10.2007 kl. 02:09]

Ekki á´ann logið, Jennarann; löngu búinn að skora þegar Moggarar fatta loks að leikur sé í gangi.

[Guðný GG, 19.10.2007 kl. 08:19]

   Bóndinn dró mig út úr húsi í fyrrakvöld uppveðraður yfir því að það væri búið að breyta friðarsúlunni "sérðu hún er bara út um allt"  Hann trúði mér ekki þegar ég reyndi að útskýra að þetta væri Hilton-lýsing hehe .

[Magnús Geir Guðmundsson, 19.10.2007 kl. 09:18]

En gleymdi Jens nokkuð að mæta á rvk í morgun? Hef ekki heyrt í honum enn, bara I. A. hjal!

[Jens Guð, 19.10.2007 kl. 10:07]

  Ásdís,  ég skal vekja athygli á undirskriftarsöfnuninni núna rétt á eftir.

  Helga Guðrún,  þau hjá Mogganum hafa ekki klikkað á þessu fyrr en núna.  Einn maður gleymir að lesa bloggið mitt einn dag og þá gerist svona óhapp.

  Guðný,  ég var nú ansi ringlaður þegar ég sá þessar auka friðarsúlur.  Fyrst hélt ég að þetta væri eitthvað sem speglaðist í bílrúðunum hjá mér og skrúfaði rúðurnar niður.  

  Magnús,  vegna Airvawes eru allir fastir dagskrárliðir í Capone-þættinum felldir niður í dag.  Líka "Guðsorð". 

  Hörður,  allir geta gert mistök.  Ef menn læra af þeim þá standa þeir styrkari á eftir.  Viðkomandi blaðamaður kemur væntanlega öflugri til leiks þegar frá líða stundir.   

[Magnús Geir Guðmundsson, 19.10.2007 kl. 10:14]

Í einu orði sagt, HNEYKSLI!

Loksins þegar ég man og má vera að, þá bara fellt niður vegna Snobbflugfélagstónleika, nenni nú varla að muna eftir þessari stöð aftur!