Færeysk hljómsveit slær í gegn

 

  Færeyskir fjölmiðlar eru í dag undirlagðir stórfréttinni um að færeysku grallararnir í Boys in a Band sigraði í gærkvöld í alþjóðlegu hljómsveitakeppninni GBOB (Global Battles of the Bands).  Sigurlaunin eru meðal annars rúmar 6 milljónir ísl.  kr.  auk ótal tækifæra.  Sunneva Háberg Eysturstein,  framkvæmdarstjóri forkeppni GBOB í Færeyjum,  segir að með því að spila rétt úr þessum sigri geti Boys in a Band hæglega orðið heimsfræg popphljómsveit.  Sigur í þessari keppni sé stærsta tækifæri sem ný hljómsveit getur fengið.

  Aðstandendur Iceland Airwaves eru þekktir fyrir að hafa gott eyra fyrir tónlistarmönnum sem eiga eftir að slá í gegn á alþjóðamarkaði.  Það vissi því á gott fyrir Boys in a Band þegar þeim var boðið að spila á Iceland Airwaves í haust.  Flestallir tónlistargagnrýnendur fjölmiðlanna sem sáu og heyrðu í hljómsveitinni á Gauki á Stöng voru sammála um að þessi fönkaða og glaðværa popprokksveit hefði verið besta atriðið á Iceland Airwaves í ár.

 

 

Boys in a Band sigraði í Lundúnum

Athugasemdir

[Ingi Björn Sigurðsson, 7.12.2007 kl. 13:23]

Þeir spiluðu reyndar á Lídó.. En það er rétt að þeir sló algjörlega í gegn á Airwaves. Eitt af bestu atriðum hátíðarinnar 2007. Voru svipaðir tónlistarlega og Jakobínarína með sjarma Mugison. Frábært band..

[ari (IP-tala skráð) 8.12.2007 kl. 00:27]

Ég sá þá á Hróarskeldu í sumar. eina það sem ég vissi var að þeir væru færeyskir(ég er áhugamaður um Færeyjar rétt eins og Jensinn og ef e-ð er færeyskt þá tékkar kjeddlinn á því) og þeir höfðu held ég verið valdi band ársins eða e-ð þannig hjá þeim.  Ég fór og bjóst við e-ju meðalmennskurokkbandi eftir lýsingunum, en viti menn þeir voru alveg í þvílíku stuði á sviðinu, skrýtið klæddir og út um allt svið, segjandi brandara milli laga. Frábært tónleikaband!

[ari (IP-tala skráð) 8.12.2007 kl. 00:31]

Reyndar...  til að bæta einu við,  ef ég á að vera alveg hreinskilinn þá fór nafnið svo í mig (hrikalega asnalegt nafn haha) að ég íhugaði að fara ekki.

[Jens Guð, 8.12.2007 kl. 17:03]

  Ingi, takk fyrir að leiðrétta hljómleikastaðinn.

  Ari,  ég sammála þér með að nafnið er óheppilegt.  Ég hélt fyrst að þetta væri boyband og hafði engan áhuga á að heyra í drengjunum.  Svo frétti ég að þetta væri góð "Franz Ferdinand fönkrokksveit".  Raunin er sú að Boys in a Band er flottari,  hressari og fyndnari.  Nafnið er hluti af sprellinu.  Þess vegna er það viljandi haft asnalegt.

[ari (IP-tala skráð) 9.12.2007 kl. 15:12]

 Já ætli það ekki bara :)

Hér má sjá sigurstundina á myndbroti:

http://astream.com/links/gbob/gbob2007winner.asx

[ari (IP-tala skráð) 9.12.2007 kl. 15:17]

Annars, allir að hlusta:

http://www.myspace.com/boysinaband

reyndar eru þeir mun hressari læf en í stúdíói