Óvænt skilaboð til geðhjúkrunarfræðings

  Það er ekki alltaf auðvelt verk fyrir dagskrárgerðarfólk að afgreiða símtöl frá hlustendum í beinni útsendingu.  Það sannaðist í fyrradag þegar kona hringdi inn í Reykjavík síðdegis á Bylgjunni í fyrradag.  Þorgeir Ástvaldsson og Kristófer Helgason spjölluðu við hlustendur.

  Konan vakti athygli á dapurlega löngum biðröðum skjólstæðinga Fjölskylduhjálpar Íslands.  Hún kom einnig inn á óréttlát kjör öryrkja og aldraða.  Skyndilega breytti hún um umræðuefni og sagði áður en náðist að skrúfa niður í henni:  „Ég ætla að skila kveðju til geðhjúkrunarfræðings á Landspítalanum, sem er farin að ríða kallinum mínum og er búin að eyðileggja allt fyrir mér.  Eyðileggja líf mitt."

  Hægt er að heyra símtalið á:  http://eyjan.is/goto/omardiego/

Athugasemdir

[Margrét Birna Auðunsdóttir, 14.12.2007 kl. 21:17]

Þetta er greinilega fjölskylduharmleikur og varla ástæða til að vekja meiri athygli á því en orðið er. Þetta fólk gæti átt börn sem finna fyrir þessu.

[Jens Guð, 14.12.2007 kl. 21:44]

  Án þess að ég þekki nokkuð til málsins,  þá dreg ég þá ályktun að geðhjúkrunarfræðingurinn sé varla eini sökudólgurinn í málinu.  Varla hefur hann/hún neytt karlinn til að brjóta gegn trúnaði við eiginkonuna? 

  Það er rétt hjá þér,  Margrét,  að þarna er fjölskylduharmleikur og vonandi eru börn ekki fórnalömb. 

[Yngvi Högnason, 14.12.2007 kl. 22:52]

þetta er örugglega einhver femínisti þessi geðhjúkka sem að hefur svo sterk tök á kalli að hún bara tekur hann. Það eins gott fyrir hina að losna við svona liðleskju, hún er bara ekki búin að átta sig á því. 

[Jens Guð, 14.12.2007 kl. 22:59]

  Hún virðist alla vega hafa fengið sitt fram,  þessi geðhjúkka.  Kallinn bara meðvirkt fórnarlamb. Eða hvað?