Heiðarlegt fólk

  Þessi listi yfir heiðarleika fólks eftir búsetu er nokkurra ára gamall.  Kannski hefur eitthvað breyst síðan.  Listinn var settur fram á tónlistarráðstefnunni Midem í Frakklandi og gerði grein fyrir því hvað fólk í tónlistariðnaði má reikna með að eiga viðskipti við heiðarlegt fólk eftir þjóðerni.  Ég tek fram að þessi listi á ekki að spegla kynþáttfordóma eða neitt slíkt.  Hann er einungis byggður á reynslu fólks í tónlistariðnaði heimsins.  Þegar þú átt viðskipti með tónlist við eftirtaldar þjóðir þá má reikna með að heiðarleiki viðskiptavinarins sé eftirfarandi:

Norðmenn 61%

Kínverjar 60%

Danir 56%

Bandaríkjamenn 49%

Ítalir 35%

Kóreubúar 34%

Indverjar 31%

Frakkar 21%

Nígeríumenn 21%

Slóvenar 16%

Tyrkir 10%

Brasilíumenn 7%

Athugasemdir

[Lára Hanna Einarsdóttir, 14.12.2007 kl. 23:10]

Athuglisvert...  Voru ekki fleiri þjóðir á listanum?  Svíar t.d. og Bretar...?

[Óskar Þorkelsson, 14.12.2007 kl. 23:14]

get kvittað fyrir nojarana.. hrikalega heiðarlegt fólk

[Jens Guð, 14.12.2007 kl. 23:36]

  Lára,  nei,  Svíar og Bretar voru ekki á þessum lista fremur en Íslendingar.  En eigum við ekki að reikna með að Svíar,  Bretar og Íslendingar séu nálægt Norðmönnum varðandi heiðarleika.

  Óskar,  ég tek undir það að reynsla af viðskiptum við norrænar þjóðir er bara góð. 

[Eva Benjamínsdóttir, 14.12.2007 kl. 23:39]

Hvar ætli íslendingar séu á listanum? Og veistu hvort þessi könnun á við ALLA TÓNLIST, þetta er forvitnilegt.

[Hjördís í Skerjaveri (IP-tala skráð) 15.12.2007 kl. 08:29]

En Færeyingar? Er loksins búin að fá (að því að mér skilst) öflugan umboðsmann fyrir kryddin mín í Færeyjum. Hann heitir Pétur Nolso - vona að hann sé bestur :)

[Jens Guð, 16.12.2007 kl. 00:13]

  Eva,  ég veit ekki allar forsendur fyrir þessari niðurstöðu.  Fyrirlesari sagði þær byggja á reynslu fólks í tónlistariðnaðinum.  Ég reikna með að það séu samskipti við plötuútgefendur,  hljómleikahaldara,  umboðsmenn,  tónlistarmenn og þess háttar.  Ekkert kom fram um að þetta tengdist einni tegund tónlistar umfram aðra.

  Hjördís,  þér er óhætt að treysta Færeyingum umfram alla aðra.  Ég þekki Íslending sem týndi peningaveski sínu á diskóteki í Þórshöfn í Færeyjum.  Nokkrum dögum síðar var bankað upp hjá honum þar sem hann dvaldi í litlu þorpi í Færeyjum.  Ungir menn voru með peningaveskið og afhentu honum það.

  Íslendingurinn kíkti í veskið og sá að þar var allt óhreyft.  40.000 kall eða svo var á sínum stað.  Íslendingurinn var undrandi á að peningurinn var enn á sínum stað.  Ungu færeysku mennirnir hálf móðguðust yfir undrun hans.  Veskið hafði gengið á milli fjölda manna sem reyndu að hafa uppi á eigandanum.  "Við tökum auðvitað ekki peninga sem aðrir eiga," sögðu Færeyingarnir.

  Ég man eftir því að eitt árið voru 27 þjófnaðarmál kærð í Færeyjum.  Flest tengdust þau þjófnaði úr bílum.  Af þeim sem upplýstust reyndust einungis Íslendingar og Grænlendingar gerendur.  Ég þekki ekki Pétur Nolso.  En kannast við ættarnafnið Nolsoy.