Bestu plötur ársins 2007

  Fréttablaðið hafði samband við mig.  Erindið var að biðja mig um að vera einn margra álitsgjafa blaðsins um val á bestu plötum ársins 2007.  Val mitt á 5 bestu íslensku plötunum reyndist erfiðara en ég hélt.  Ástæða þess var sú að 15 - 20 titlar komu upp í huga mér.  Þeir toguðust á um að vera á listanum.  Eiginlega slógust um að vera á listanum.  Það var þrautinni þyngra að fækka þeim niður í 5.

  Vandamálið með erlendu plöturnar var öfugt. Þar var fátt um fína drætti.  Allar plöturnar sem ég setti í efstu sætin í fyrstu atrennu reyndust vera frá árinu 2006 þegar betur var að gáð.  Þetta voru síðustu plötur Rise Against,  Tool og Deftones.  Ekki vildi ég fylla listann af plötum flytjenda sem enginn þekkir.  Ekki heldur plötum flytjenda sem hafa áður sent frá sér miklu betri plötur en í ár.  Þetta var meira puðið.  Nánast hausverkur.  En hófst á síðustu stundu.  Skiladagur er 16.  des.

  Niðurstaðan verður birt í Fréttablaðinu öðru hvoru megin við áramótin.  Þá verð ég í Bandaríkjunum.   

Athugasemdir

[DoctorE (IP-tala skráð) 15.12.2007 kl. 22:53]

Ertu ekki að fíla nýju Eagles.. og náttlega Mark Knopfler?
Ef nei þá hef ég áhyggjur af heyrnini í þér vinur, verður að fá þér hrukkukrem eða eitthvað ;)

[Jens Guð, 15.12.2007 kl. 23:10]

  Menn þurfa að rokka töluvert þyngra og harðara en Eagles og Mark Knopfler til að hljóma vel í mínum eyrum.  Músík Eagles og Marks pirrar mig ekkert.  Og ég átta mig alveg á því að hvorutveggja eru af og til að gera fína hluti.  En ég kaupi frekar plötur þar sem lætin eru meiri,  hljómurinn þyngri og gítarglamrið meira.

  Kannski stendur það í samhengi við að ég er bara með 30% heyrn.  En ég sel kröftugasta hrukkukremið á markaðnum,  Naturica GLA+,  sænska hrukkubanann.  Verð þó að viðurkenna að ég hef aldrei prófað það góða krem.  Ég kann vel að meta öll mín öldrunareinkenni,  kominn á sextugsaldurinn. 

[DoctorE (IP-tala skráð) 15.12.2007 kl. 23:16]

Bara að grínast með þig.. öldrunareinkenni eru góð, eldast með reisn en ekki sem stretsað frík eitthvað :)

Ég hlusta eiginlega á allt nema kannski Nylon ;)

[Jens Guð, 15.12.2007 kl. 23:39]

  Ég áttaði mig nú alveg á að þetta var í léttum dúr hjá þér.  Ég vildi að ég væri svona umburðarlyndur gagnvart músík eins og þú.  Ég læt svo marga músík pirra mig að ég á það til að yfirgefa veitingahús í fússi þegar þar eru spiluð lög sem ég þoli illa.

[Steingrímur Helgason, 16.12.2007 kl. 02:03]

Nú er vont að vera ekki áskrifönd af Fréttablaðinu.

Hörmulegt hreinlega með þessi fríblöð að ekki sé hægt að segja upp áskriftinni fyrirfram ...

[Jens Guð, 16.12.2007 kl. 02:09]

  Steingrímur minn,  þú hefur alla mína samúð.  Mér gengur illa að fá fríblöðin.  Ég verð að fara á bókasafn þegar ég kem frá Bandaríkjunum eftir hálfs mánaðr dvöl þar yfir jól og áramót.  Mér leikur forvitni á að vita hvað aðrir álitsgjafar Fréttablaðsins eru mér sammála/ósammála um bestu plötur ársins 2007.

[Steingrímur Helgason, 16.12.2007 kl. 02:16]

Jensi min, þig grunar væntanlega að ég var bara að klípa vinalega í lillutána á þér, enda haft mig til hlés undanfarið á kórablogginu ..

[Jens Guð, 16.12.2007 kl. 02:21]

  Steingrímur,  ég átta mig alveg á hrekkjum þínum. Ég kann vel að meta þá. 

[DoctorE (IP-tala skráð) 16.12.2007 kl. 02:57]

Allir að stríða þér Jens, hér er a.m.k tvíelti í gangi ;)

[Jens Guð, 16.12.2007 kl. 03:28]

  Doktor E,  ég þoli alveg heilmikla stríðni.  Ég hef aldrei upplifað einelti né tvíelti.  Ég geri þó ekki lítið úr þannig dæmum.  Ég er með mikinn móral yfir að hafa beitt skólasystkini mín á árum áður eineltistilburðum.  Biðst afsökunar á vanþroska mínum og dómgreindarleysi þar um.  Mér hefur oftar en einu sinni verið verulega brugðið þegar gömul skólasystkini hafa kvartað við mig undan ofbeldi mínu í þeirra garð.  Eitthvað sem ég hélt að væri létt grín upplifðu þau sem einelti.  Ég skammast mín fyrir dómgreindarleysið og biðst hér og nú fyrirgefningar á heimskupörum félagslega óþroskaðs unglings.

[Magnús Geir Guðmundsson, 16.12.2007 kl. 04:36]

Það er aldeilis syndajátningasyrpan félagi Jens!

En veit auðvitað nokkurn vegin hvernig listin mun ´líta út hjá þér, sá íslenski!

[ari (IP-tala skráð) 16.12.2007 kl. 18:30]

það verður fróðlegt að sjá hvað þú setur í listann.

Vandamálið er reyndar öfugt hjá mér, mér finnst erlendu plöturnar vera erfiðari að setja saman í lista, mikið um fína drætti. Toppplatan er þó ákveðin. 
 
Efstar á innlenda listanum er svanasöngur I Adapt og frumburður Ask The Slave.
Ég á þó eftir að hlusta á margt innlent eins og Skáta, Mugison, Dr.
Spock, Mínus, Rökkurró ofl. 

[Jens Guð, 17.12.2007 kl. 00:50]

  Ari,  ansi ertu getspakur.  Þó ég haldi trúnaði við þá niðurstöðu sem ég sendi Fréttablaðinu þá get ég upplýst að þú ert glettilega heitur.   

[ari (IP-tala skráð) 17.12.2007 kl. 14:28]

Haha, þú segir það....  ég hef kannski óvart nefnt á nafn meirihluta þeirra 5
innlendu titla sem þú ætlar að hafa á listanum þínum. ;)

Ég biðst "innilegrar afsökunar" á því að hafa svipaðan tónlistarsmekk og þú ;)
 

[Jens Guð, 17.12.2007 kl. 20:19]

  Flestar þær plötur sem þú nefndir komu virkilega til greina hjá mér.  Helmingurinn af þeim endaði á Topp 5 hjá mér. 

  Það er ekkert nema skemmtilegt að músíksmekkurinn liggi svona saman. 

[Birkir Viðarsson (IP-tala skráð) 21.12.2007 kl. 13:59]

Enda eru þið báðir vandaðir sveinar.

Kemur samt á óvart að Guð sé að fara ytra og það til Bandaríkjana. Hélt að hann væri í farbanni...