Bestu íslensku hljómsveitarnöfnin

  Um síðustu mánaðarmót óskaði ég eftir tillögum um bestu íslensku hljómsveitarnöfnin.  Mér reiknast til að 82 nöfn hafi verið nefnd til sögunnar.  Sjálfur átti ég þá eftir að greiða atkvæði með nöfnunum Morðingjarnir,  Ljótu hálfvitarnir,  Gyllinæð,  Alsæla,  Frostmark og Utangarðsmenn.  Þau nöfn sem hlutu 3 atkvæði eða fleiri voru: 

Trúbrot

Óðmenn

Sagtmóðigur

Kamarorghestar

Þeyr

Brunaliðið

Utangarðsmenn

  Þessi nöfn set ég í formlega skoðanakönnun.  Áður vil ég þó kanna viðhorf ykkar til nafna sem hlutu 2 útnefningar.  Það er að segja viðhorf ykkar sem ekki tilnefndu þau nöfn:

Unun

Hljómsveit Ingimars Eydals

Purrkur Pillnikk

Brimkló

Spilverk þjóðanna

Dátar

Mínus

Búdrýgindi

Hljómar

Súkkat

Mannakorn

Tennurnar hans afa

Sigur Rós

Bara-flokkurinn

Morðingjarnir

  Ef einhver af þessum nöfnum fá stuðning þá verða þau í formlegu kosningunni. Þið getið skoðað tilnefningar og rök fyrir þeim á http://jensgud.blog.is/blog/jensgud/entry/379916/

   

Athugasemdir

[Steini Briem (IP-tala skráð) 18.12.2007 kl. 00:06]

Brimkló (stutt og laggott) og Tennurnar hans afa (lýsandi). Var búinn að nefna Unun.

[Jón Steinar Ragnarsson, 18.12.2007 kl. 00:22]

Hvar er Ýr??? Langflottast skoh.

[Steingrímur Helgason, 18.12.2007 kl. 00:29]

Spilverk þjóðanna & Tennurnar hans afa, & nú hlýðir þú drengur !

[Lára Hanna Einarsdóttir, 18.12.2007 kl. 00:31]

Spilverk þjóðanna.

[Ásdís Sigurðardóttir, 18.12.2007 kl. 00:47]

Mér finnst Kamarorghestar flottast af þessu..

[Jens Guð, 18.12.2007 kl. 01:01]

  Steini,  þessi nöfn eru öll góð.  En þó að Brimkló sé töff nafn þá vísar það kannski dáldið mikið til sjómannavísna í stað þess að hljómsveitin flutti að mestu bandaríska kántrý-slagara.  Ég ætla þó ekki að afskrifa nafnið vegna þessa.

  Jón Steinar,  ég man eftir að mér þótti nafnið Ýr mjög flott á sínum tíma.  Og plata þeirra Ísfirðinga líka flott.  Ekki síst kántrýlagið sem var sungið með íslenskum framburði.  Ég gaf bandarískum tengdaföður mínum þessa plötu.  Hann og hans vinir skemmtu sér vel yfir íslenska framburðinum.

  Steingrímur,  ég hlýði.

 Lára og Hanna,  ég samþykki ykkar tillögur.  Einkum nafn Kamarorghestanna.  Snilldar nafn. 

[Haukur Viðar, 18.12.2007 kl. 01:02]

Mér finnst Dátar bera höfuð og herðar yfir hin á listanum.

Svakalegt nafn alveg!

PS: Takk fyrir tilnefninguna

[Steini Briem (IP-tala skráð) 18.12.2007 kl. 01:36]

Jamm, Árni Johnsen lagði til nafnið Brimkló, ef ég man rétt. Brimhljóð og veðragnýr allsráðandi. Sjómannslíf, sjómannslíf, ástir og ævintýr! Sipp og hoj! Sipp og hoj!

[Ása Ninna Katrínardóttir (IP-tala skráð) 18.12.2007 kl. 01:55]

Af þessum finnst mér flottast Kamaroghestar

[Eva Benjamínsdóttir, 18.12.2007 kl. 02:22]

Hvar er Tilvera?

Spilverk þjóðanna, Tennurnar hans afa (flott hef ekki heyrt það fyrr), Mannakorn, má ég halda áfram?

[Jón Steinar Ragnarsson, 18.12.2007 kl. 04:40]

Dátar eru náttúrlega hrikalega crude og flott. Hljómsveit Þorsteins Guðmundsonar er þó hrikalegra og lagið Kanarí er alger standardsetter fyrir Íslenska tónlistarmenningu. Tennurnar hans afa myndu virka ef þeir hefðu verið í dauðarokkinu og á alþjóðamarkaði.

[Jón Steinar Ragnarsson, 18.12.2007 kl. 04:47]

Ok...Kamarorghestarnir fá mitt atkvæði. sérlega vegna kunningskapar við Lísu Páls og Bögga. Þau eru bæði snillingar og sómafólk.

[Tinna Gunnarsdóttir Gígja, 18.12.2007 kl. 09:07]

Spilverk Þjóðanna er auðvitað hryllilega flott nafn, ljóðrænt og rennur ljúflega af tungu.

[Haraldur Geir (IP-tala skráð) 18.12.2007 kl. 09:39]

Góðan dag.

Ég man eftir einu góðu hljómsveitarnafni. Sauðfé á mjög undir högg að sækja í landi Reykjavíkur. Svo var til hljómsveit sem hét því skemmtilega nafni Sjáumst í sundi.

[Lára Ómarsdóttir (IP-tala skráð) 18.12.2007 kl. 12:44]

Bara-flokkurinn, Unun, Brimkló og Sigur Rós. Allt mjög flott nöfn sem eiga heima í könnuninni

[Jónína Dúadóttir, 18.12.2007 kl. 12:50]

Kamarorgkestar er snilldarnafn

[Jónína Dúadóttir, 18.12.2007 kl. 12:50]

Ég meina : Kamarorghestar...

[Georg P Sveinbjörnsson, 18.12.2007 kl. 13:27]

Þeyr er einstaklega hljómþýtt og fallegt nafn...eins og tónlistin þeirra

[Kristín Björg Þorsteinsdóttir, 18.12.2007 kl. 13:39]

Þeyr

[halkatla, 18.12.2007 kl. 14:26]

Purrkur Pillnik

[Davíð Kristjánsson (IP-tala skráð) 18.12.2007 kl. 14:49]

Ég man eftir hljómsveit á Selfossi sem hét: "Sauðfé á undir högg að sækja í landi Reykjavíkur" Þessi hljómsveit kom upp um svipað leiti og hljómsveitin "Tommi rótari" sem var forveri "Skítamórals" og "Á móti sól".

Annars var ég í hljómsveit sem hét "Baggabandið."

[Magnús Axelsson, 18.12.2007 kl. 15:59]

"Sauðfé á undir högg að sækja í landi Reykjavíkur" fær hiklaust mitt atkvæði, ef út í það fer. Það má hlýða á þessa öndvegis sveit á slóðinni http://rokk.is/default.asp?Flytjandi_ID=461&sida=um_flytjanda.

[Magnús Geir Guðmundsson, 18.12.2007 kl. 18:54]

Það er ekki verið að biðja um nýjar tilnefningar, SElfyssingar og aðrir góðir nærsveitamenn!

En Sauðfé fínt nafn og í henni trommaði snillingurinn Guðmundur torfi Heimisson ekki satt?

[Siggi Lee Lewis (IP-tala skráð) 18.12.2007 kl. 21:50]

Hvað með Blueswillis?

[Einar Bragi Bragason., 18.12.2007 kl. 22:16]

ÞURSAFLOKKURINN

[Steini Briem (IP-tala skráð) 18.12.2007 kl. 22:23]

Saktmóðigur er með "k":

http://www.simnet.is/saktmodigur/utgafa.html

[Jens Guð, 18.12.2007 kl. 22:43]

  Siggi,  eins og Blueswillis er sniðugt nafn (ekki síst vegna þess að hljómsveitin spilar ekki blús heldur kántrý) þá stendur valið á milli íslenskra nafna.  Það er að segja íslenskar hljómsveitir með útlendu nafni koma ekki til greina í þessari könnun.  Útlendar hljómsveitir með íslensku nafni koma heldur ekki til greina (s.s. Dimmu borgir,  Gjallarhorn,  Vondur...). 

  Könnunin heitir "bestu íslensku hljómsveitarnöfnin" og gengur út á íslensk nöfn á íslenskum hljómsveitum. 

  Síðar getum við hugsanlega kannað smekk fólks gagnvart öllum hljómsveitarnöfnum,  íslenskum sem útlenskum á allra þjóða hljómsveitum.  Einnig má síðar kanna viðhorf fólks til erlendra hljómsveita sem bera íslensk nöfn.  Þar er af nógu að taka á Norðurlöndunum og ekki síst í Færeyjum. 

  Jafnframt,  eins og Maggi bendir á,  er lokið vali á nýjum tilnefningum.  Núna er ég einungis að leita eftir því hvort að stuðningur sé við einhver af nöfnunum sem fengu 2 tilnefningar um að blanda sér í slaginn við nöfnin sem fengu 3 eða fleiri tilnefningar.

  Þetta er samt ekki svo "fasískt" hjá mér að ef 10 - 20 manns myndu skyndilega tilnefna hér og nú hljómsveitarnafnið Ákveðnir menn þá myndi ég skella því með í kosninguna sem er framundan.   

[Jens Guð, 18.12.2007 kl. 22:58]

  Steini,  takk fyrir að leiðrétta það.  Ég lagfæri það í færslunni.  Mér til afsökunar hef ég að fleiri eiga í erfiðleikum með að stafsetja nafn hljómsveitarinnar rétt.  Ég á ágæta plötu sem hljómsveitin sendi frá sér 1998 þannig að það er klaufalegt hjá mér að klúðra stafsetningu á nafninu. 

  Að vísu hef ég þá afsökun að eftir nýafstaðna flutninga eru mínar 20 þúsund plötur í 130 kössum inn á lager.  Þannig að það eru gestaþrautir næstu ára að finna tilteknar plötur.

  Engu að síðir er orðið saktmóðigur bara gamalt og gott orð yfir hógværð.   

[Steini Briem (IP-tala skráð) 18.12.2007 kl. 23:35]

Þetta plötusafn þitt er trúlega um 40 milljóna króna virði, þannig að þú hefur vonandi ráðið einhverja geldinga til að passa upp á það, Jensinn minn. Kellingasafnið hans Hefners slagar engan veginn upp í þetta, hvorki að umfangi né gæðum, að bestu manna yfirsýn.

[Anna Karen Sigurðardóttir (IP-tala skráð) 18.12.2007 kl. 23:36]

Hef alltaf verið hrifin af heiti Spilverks Þjóðanna.

Er hins vegar með krónískt óþol fyrir öllum þessum fleirtöluheitum eins og Dátum, Hljómum, Tötörum og hvað allt þetta lið hét nú. Eftirherm af "The ..."-tímabilinu. Hugmyndaflugið var alveg að fara með fólk á tímabili.

[Gulli (IP-tala skráð) 19.12.2007 kl. 10:50]

Vá hvað þetta var samhengislaust hjá mér, reynum aftur:

Mér finnst stórmerkilegt að nöfn eins og Hundur í óskilum, 200.000 Naglbítar og Sjálfsfróun, sem spilaði undir "dulnefninu" Handrið á Rás 2 einhvern tíma vegna ósættis við nafnið þar á bæ, hafi ekki komið upp á borð hérna.
En þar sem tilnefningum er lokið ætla ég að gefa "Sauðfé á mjög undir högg að sækja í landi Reykjavíkur" mitt atkvæði.

Jens, vinsamlegast fjarlægðu fyrri athugasemd hjá mér, hún er með öllu ónýt.