Frjálslyndur borgarstjóri

  Ólafur F.  Magnússon hefur leikið snilldar leik.  Vilhjálmur Þ.  Vilhjálmsson lék illilega á Ólaf þegar hann stakk Ólaf í bakið og kippti Birni Inga um borð við myndun meirihluta borgarstjórnar eftir síðustu borgarstjórnarkosningar.  Ólafur hefur náð öllum vopnum á ný og stendur eftir sterkari en nokkurn gat órað fyrir.  Hann er núna orðinn borgarstjóri Frjálslyndra með meiri völd en hann hefði haft við myndun meirihluta borgarstjórnar á sínum tíma.  Málefnalisti Frjálslynda flokksins er orðinn málefnalisti borgarstjórnarmeirihlutans.  Núna erum við í FF orðin ráðandi afl í borginni.  Næst tökum við ríkisstjórnina.

  Ólafur náði að fella borgarstjórn D og B lista í Reykjavík og mynda meirihluta með Samfylkingu,  Vinstri grænum og Framsókn.  Þar með var Sjálfstæðisflokkurinn orðinn óvirkur en tilbúinn að gefa allt eftir til að komast aftur í meirihluta.  Þetta nýtti Ólafur sér og stendur nú uppi sem sigurvegari. 

  Eðlilega er allt ágætt fólk í Samfylkingu og Vinstri grænum spælt yfir framvindu mála.  Því til huggunar má benda á ótvíræðan kost þess að Framsóknarflokkurinn sé kominn út í kuldann.  Það er ekki lítill ávinningur.    

  Ólund Margrétar Sverrisdóttur kemur ekki á óvart.  Hún vill ekki vera bloggvinur minn. 

Athugasemdir

[Félag Ungra Frjálslyndra, 21.1.2008 kl. 23:34]

Félag ungra frjálslyndra lýsir yfir algerum stuðning við Ólaf F. Magnússon borgarfulltrúa F-Listans og fagnar því að grundvallarmálefni Frjálslynda flokksins séu nú að fá brautargengi í Reykjavík.

Félag ungra frjálslyndra fagnar því sérstaklega að nýi borgarmeirihlutinn ætli sér að viðhalda eign almennings á Orkuveitu Reykjavíkur og orkuauðlindum hennar.

[Georg Eiður Arnarson, 21.1.2008 kl. 23:35]

Sammála þessa . kv .

[Jens Guð, 21.1.2008 kl. 23:40]

  FUF,  ég er rosalega ánægður með niðurstöðuna og flott hjá ykkur að bregðsast svona fljótt við að álykta um hana.

  Georg,  ég samfagna.

[S. Lúther Gestsson, 21.1.2008 kl. 23:42]

Nú spyr ég hverjir standa fyrir bloggsíðunni fyrir F.U.F. Eru allir í stjórn þar með aðgang að stjórnborðinu? Eða bara Viðar?

[Ransu, 21.1.2008 kl. 23:43]

"Leikur" - Það á vel við

[Auðun Gíslason, 21.1.2008 kl. 23:43]

Og myndi náttúrulega toppa snillina með því að svíkja Villa strax á morgun!!!

[Sigurður Þórðarson, 21.1.2008 kl. 23:50]

Af hverju vill Magga fella nýja meirihlutann sem ætlar að efna öll kosningaloforð hennar?

[Jens Guð, 21.1.2008 kl. 23:52]

  S.  Lúther,  Viðar er formaður FUF og án þess að ég viti það þá reikna ég með að hann sé ekki einráður þar.  Ég er í kjördæmaráði FF í Reykjavík norður.  Þar höfum við náið samstarf um allt sem við sendum frá okkur.  Ég ætla að óreyndu að það sama eigi við um FUF.

  Ransu,  pólitík er refskák í aðra röndina.  Pólitíkusar þurfa að spila þá leiki sem best gefast hverju sinni.  Ólafur hefur spilað frábærlega flott úr sínum spilum.  Hann er sigurvegari dagsins. 

[Jens Guð, 21.1.2008 kl. 23:54]

  Auðun,  þessi meirihluti borgarstjórnar er traustur.  Niðurstaðan er þannig að meirihlutinn heldur út kjörtímabilið.

  Viðar Helgi,  takk fyrir að staðfesta það.

[Jens Guð, 21.1.2008 kl. 23:56]

  Siggi,  við þekkjum Margréti það vel að kosningaloforð eru ekki á hennar forgangslista. 

[Steingrímur Helgason, 21.1.2008 kl. 23:56]

Þetta er náttúrlega ein sérgóð pólitísk framsettning, sjálfur brúkaði ég nú hæglátara orðagljáfur, en ég er heldur enginn Jens.  En staðan er vissulega sérstök.

[TómasHa, 21.1.2008 kl. 23:58]

Ólafur virðist ekkert kannst við annað en að hann sé óháður.

[Jens Guð, 22.1.2008 kl. 00:14]

  Steingrímur,  ég er ekki vanur að vera fáorður um hitamál.

  Tómas Ha,  Ólafur kom inn í FF sem "óháður".  Hann var í Sjálfstæðisflokknum og þurfti eðlilega aðlögunartíma til að ganga til liðs við okkur í FF.  Ólafur er það mikill hugsjónarmaður að hann hleypur ekki til eftir því hvernig vindar blása.  En hann fann samhljóm með okkur,  hefur verið góður fulltrúi okkar og við stöndum þétt við bakið á honum.

  Viðar Helgi,  á www.sigurjonth.blog.is er sett fram hugmynd um að við styðjum Ólaf F. til formennsku í flokknum.  Ég styð þá tillögu.   

[jensen (IP-tala skráð) 22.1.2008 kl. 00:24]

Nú eru Viðar og Jens,og fleiri í F F flokknum að gera í sig.Hvernig dettur ykkur í hug að þessi óþétti nýi borgarstjórnarmeirihluti haldist?Þið eruð farnir að minna á vælandi Framsóknarbaulara ákveðna þó.Ja svei mér þá að ætla að styðja Ólaf til forystu í F F,úff nú er ég hissa.Jens og Viðar og co eru farnir að tala í hringi.Persónulega hafði maður trú í fyrstu á tilveru Frjálslynda Flokksins,en síðan hefur ansi mikið vatn runnið til sjávar,F F er að líkjast ýmsu sem má líkja að Framsókn.Ekki meir Ekki meir.

[jensen (IP-tala skráð) 22.1.2008 kl. 00:30]

Aðeins meir Aðeins meir,Eruð þið stoltir af þessum vinnubrögðum Ólafs í alvöru ?.

[Kjartan Pálmarsson, 22.1.2008 kl. 00:31]

Ég er í sjokki yfir þessu! Efast um að ég bjóði nokkrum manni góðan DAG á morgun ;(

[Jens Guð, 22.1.2008 kl. 00:33]

  Ólafur fylgdi Margréti úr FF síðasta vor þegar hún varð undir í mótframboði gegn sitjandi varaformanni,  Magnúsi Þór.  Eins og reyndar fleiri sem hafa komið til baka.  Þetta var smá tímabundið taugaveiklunardæmi og misskilin hugmynd um að Íslandshreyfingin yrði eitthvert ráðandi afl.  Ekki misskilja mig.  Ég ber alveg mikla virðingu fyrir hugsjónarmönnum Íslandshreyfingarinnar.  Dæmið var bara óraunhæft og því fór sem fór.

  Árni,  ég er búinn að smella á þig sem bloggvin.

[Jens Guð, 22.1.2008 kl. 00:48]

  Ólafur, markmið okkar sem erum áhugasöm um pólitík snýst um það að koma okkar baráttumálum í höfn:  Reykjavíkurflugvöll kjurrt,  viðhaldi gamallrar húsmyndar í miðbænum og svo framvegis. 

  Jensen,  Framsóknarflokkurinn snýst í dag bara um spillingu.  FF verður seint sakaður um spillingu.  Við gerum út á hugsjónir.  Já,  ég er bara ánægður með framgöngu Ólafs.  Hann er búinn að gera okkar baráttumál að stefnuskrá nýs meirhluta í borginni.

  Kjartan,  þér er óhætt að bjóða öllum góðan dag.  Nýr og betri dagur er runninn upp.

[Eva Benjamínsdóttir, 22.1.2008 kl. 00:48]

Geta borgararnir treyst þessum pólitíkusum, nei og nú ætla ég að segja ljótt:hætti við. 

[Jens Guð, 22.1.2008 kl. 01:04]

  Viðar Helgi,  Magnús nýtur víðtæks stuðnings sem varaformaður FF.  Hann hefur staðið af sér mótframboð Gunnars Örlygs og síðar Margrétar Sverris með glæsibrag.  Ég styð hann heilshugar í það embætti,  eins og ég hef alltaf gert.  Ég tók þátt í "smölun" til að tryggja honum örugga endurkosningu.   

  Stuðningur minn við tillögu Sigurjóns um að Ólafur F.  verði studdur til formennsku er á engan hátt beint gegn Magnúsi Þór.  Fjarri því.  Enda vitum við í dag ekki hvort að Magnús Þór sækist eftir endurkjöri sem varaformaður eða bjóði sig fram til formanns. 

[Jens Guð, 22.1.2008 kl. 01:08]

  Eva,  þetta snýst allt um að koma sínum hugsjónum í höfn.

  Arnþór,  Villi er málglaður. Enda verið fyrir utan sviðsljós í rösklega 100 daga. 

[Kjartan Pálmarsson, 22.1.2008 kl. 01:09]

Það eina sem gleður mig í þessu er að nafni minn Magnússon er kominn aftur í meirihluta, annað er það ekki!

[Halla Rut , 22.1.2008 kl. 01:34]

Málefnin eru það sem skiptir máli og þeim hefur Ólafur komið á framfæri svo það er eðlilegt að Frjálslyndir fagni. Á endanum þá er það sem ætti að skipta mestu máli en umræðan virðist alltaf snúast um allt annað.

Til hamingju  Ólafur F.  Magnússon og gangi þér vel að efna þín loforð tilokkar borgarbúa.

[Helga Guðrún Eiríksdóttir, 22.1.2008 kl. 02:42]

Skemmtileg umræða hér. En það minnist enginn á Dag ræfilinn, hvar setur þetta hann? Hvað varð um trúverðuleikann í heild sinni?

[Helga Guðrún Eiríksdóttir, 22.1.2008 kl. 02:43]

Trúverðugleikann.. átti þetta að vera.

[Ari (IP-tala skráð) 22.1.2008 kl. 03:11]

En hann er ekkert frjálslyndur, hann er óháður.  Annars er þetta bara eins og að fylgjast með Survivor þessi pólítík.

Ólafur lék engan snilldarleik, xD hefur haft samband við hann og boðið honum þetta, þetta er snilldarleikur Villa eftir öllu að dæma.

Villi Vill er að reyna að slá pólítískar keilur með þessu og bjarga ærunni eftir REI-málið, líka að ná fram hefndum f. seinast þegar hann var settur út í kuldann. Hins vegar kemur þetta út sem e-ð mafíuplott, flestir eru hneykslaðir á þessu, eflaust líka margir xD menn, vilja ekkert Villa aftur eftir þetta klúður hans, borgarfulltrúar xD lýstu í raun vantrausti á hann seinast og hafa kannski ekkert viljað hann aftur...

ef Margrét myndi koma inn sem varamaður ef Ólafur veikist aftur þá yrðu 4. umskiptin að veruleika.
Ólafur talar um að koma stefnumálum Frjálslyndra að samt sem áður þó hann sé ekki í flokknum. Þessi stefnumál urðu til þegar hann var í flokknum og þau hafa ekki breyst, þannig að hann getur alveg talað um að koma þeim að. Ef maður vill hafa þetta rétt samt, þá er ekki hægt að tala um að Frjálslyndi flokkurinn komi að þessari borgarstjórn, heldur fyrrverandi liðsmenn hans sem koma stefnumálum hans á framfæri.

Annars eru þessir menn bara að slá síðustu pólítísku keilur sínar áður en þeir falla í ónáð á næsta kjörtímabili, sem þeir gera. Þess má líka til gamans geta að hvorugur fýldi karlpungurinn hefur e-ð sem líkist karizma.
Þetta hefur verið plottað vikum eða mánuðum saman, þeir hafa boðið honum borgarstjórann og hann hefur séð gull og græna skóga og samþykkt.

Nú eru Reykvíkingar komnir með borgarstjóra sem á við geðheilsubrest að stríða.

Sáuði fréttirnar. Hrikalega er maðurinn pirraður, móðgaður, viðkvæmur og hörundssár yfir sumum no-brainer spurningum fréttamanna sem eru bara að vinna vinnuna sína og spyrja spurninga sem allir eru að hugsa um.

 

[Steini Briem (IP-tala skráð) 22.1.2008 kl. 03:22]

Það er þarft verk að friða húsin neðst á Laugaveginum en ekki er nú Jón Magnússon, þingmaður Frjálslyndra, sammála því. "Bara rífa þetta!" sagði hann nýlega í Kastljósinu. Og það stóð nú ekki annað til en að Reykjavíkurflugvöllur yrði þar sem hann er á þessu kjörtímabili, og þess vegna mörgum árum eftir að það er liðið, enda er nýlega búið að laga flugbrautirnar fyrir mörg hundruð milljónir króna.

En það er að sjálfsögðu gott ef fasteignaskattarnir verða ekki hækkaðir á næstunni. Slíkt hefði valdið hækkun á húsaleigu og ekki er nú á hana bætandi, þar sem húsaleigubætur hafa ekkert hækkað undanfarið, þrátt fyrir að Samfylkingin eigi aðild að ríkisstjórninni með Jóhönnu Sigurðardóttur sem félagsmálaráðherra. Og bætur lífeyrisþega hækkuðu ekkert núna um áramótin, þrátt fyrir margra milljarða króna tekjuafgang ríkissjóðs í fyrra. En trúlega hefur Sjálfstæðisflokkurinn staðið í vegi fyrir því "vegna þess að lífeyrisþegar myndu bara eyða hækkuninni í einhverja vitleysu".

[jensen (IP-tala skráð) 22.1.2008 kl. 07:18]

Steini Briem,þú skrifar, ´´gott ef fasteignaskattarnir verða ekki hækkaðir á næstunni´´

það vill nú svo til að fráfarandi borgarstjórn er búinn að því og það um tæp tólf prósent. 

[Páll Geir Bjarnason, 22.1.2008 kl. 08:57]

...var það ekki Fasteignamati Ríkisins að kenna?

[S. Lúther Gestsson, 22.1.2008 kl. 09:32]

Vil skulum nú ekki gleyma því að Sjálfstæðisflokkurinn er að fara að vinna með Ólafi að borgarmálum. Sjálfstæðisflokkurinn fékk Ólaf til ráða með sér, er það bara ekki allt í lagi, það er vitað mál að Björn Ingi vann borgina með óheiðarlegum hætti af  hverju mátti þá ekki Vilhjálmur gera það sama. þú uppskerð bara eins og þú sáir.

Hins vegar eru allir FF flokksmenn að deyja úr stolti og allir ætla að vera svo duglegir að styðja sinn mann að fólk verður mætt út á götu í kolvitlausu veðri um hádegi með skóflur og haka til að láta verkin tala, bara einhver verk, gröfum bara og hökum, málum og rífum.

Enn það segir enginn úr ykkar röðum hvað það er gott að Sjálfstæðismenn séu komnir aftur til valda í borginni, Haldiði að læknirinn mæti bara einn og skrifi nokkrar skýrslur og þá sé allt í höfn, svona eins og hann er til heilsunnar. Auðvitað verður hann að hafa fullfrískt fólk með sér, og hver er þá best til fallinn í það enn X-D.

Hvenar velur Ólafur sér einhvern flokk til að skrá sig í?

[Linda (IP-tala skráð) 22.1.2008 kl. 10:18]

Gleymdu ekki að þessi "leikur" er á kostnað borgarbúa. Á meðan að þetta fólk er í þessu eiginhagsmunarpoti og á þessu ego trippi, þá eru málefni borgarinnar látin sitja á hakanum. Það er ekki nema von að ekkert gerist í þessari borg! Þetta fólk er í vinnu hjá okkur, borgarbúum, á launum sem við borgum og við eigum ekki að láta svona líðast. Flest eðlilega funkerandi fyrritæki væri búið að reka svona starfsfólk. Er ekki kominn tími til að almenningur fái að kjósa borgarstjóra?

[- (IP-tala skráð) 22.1.2008 kl. 10:22]

Ég spyr JENS og vill fá svör - hvernig getur þú túlkað það sem svo að frjálslyndi flokkurinn sé við völd í borginni þegar enginn af efstu þremur á F-lista (sem vissulega er bókstafur Frjálslyndra) er í raun í Frjálslynda flokknum?

[Lára Hanna Einarsdóttir, 22.1.2008 kl. 12:13]

 

NÚ ER OKKUR NÓG BOÐIÐ!

Við undirrituð mótmælum þeim vinnubrögðum sem viðhöfð voru við myndun meirihluta Sjálfstæðisflokks og Ólafs F. Magnússonar. Við mótmælum borgarstjóra með 6527 atkvæði á bak við sig sem enginn veit hvort eru til komin vegna Frjálslynda flokksins, málefna hans eða kjörþokka Ólafs sem einstaklings. Hluti þessara atkvæða var augljóslega ætlaður Margréti Sverrisdóttur sem ekki styður nýjan meirihluta Ólafs F. Magnússonar og Sjálfstæðisflokks.

Við látum þetta ekki yfir okkur ganga hljóðalaust. GERUM ALLT SEM Í OKKAR VALDI STENDUR TIL AÐ SPYRNA VIÐ FÓTUM OG SÝNA Í VILJA OG VERKI AÐ ÞETTA VILJUM VIÐ EKKI! Til stendur að safna undirskriftum og afhenda nýjum meirihluta á opnum fundi Borgarstjórnar á fimmtudag.

Þar sem ekki er "Í BOÐI" að blása til nýrra kosninga er okkur ekki stætt á örðu en að sýna fram á hversu lítinn stuðning þessi meirihluti hefur og hversu lítinn stuðning þessi vinnubrögð hafa! Ef Ólafur vitnar í sín 6527 atkvæði skulum við gera slíkt hið sama - söfnum jafnmörgum undirskriftum!!!

Sendið áfram og skrifið undir, http://www.petitiononline.com/nogbodid/

[jensen (IP-tala skráð) 22.1.2008 kl. 12:49]

Sjálfstæðismenn eiga eftir  að murka og lumbra á Ólafi og á hann eftir að yfirgefa borgarstjórastólinn illa særður,nema að hann flýi inn í Sjálfstæðisflokkinn.Trúlega neyðist hann til að ganga í þann flokk ef hann ætlar að halda sér í þessum bráðfyndna sápuóperuleik.

[Stefán (IP-tala skráð) 22.1.2008 kl. 13:18]

Er Ólafur F Magnússon einhversstaðar flokksbundinn ?

[Lára Hanna Einarsdóttir, 22.1.2008 kl. 13:29]

Samkvæmt þessu er Ólafur flokksbundinn í Íslandshreyfingunni. Margrét er varaformaður Íslandshreyfingarinnar. Guðrún gæti verið þar líka. Ef svo er, eru a.m.k. þrír efstu menn F-listans í borgarstjórn flokksbundnir í Íslandshreyfingunni og því ætti Ómar Ragnarsson einn stjórnmálaforingja að hrósa sigri.

[Steini Briem (IP-tala skráð) 22.1.2008 kl. 14:01]

Herra Jensen í #35, ASÍ gagnrýndi Tjarnarkvartettinn fyrir að lækka ekki fasteignaskatta borgarbúa í ár, því fasteignamatið hækkaði almennt um 12% frá áramótum, samkvæmt ákvörðun Yfirfasteignamatsnefndar, sem vísaði þar til hækkunar á verði fasteigna frá fyrra ári.

Fasteignaverðið hefur hækkað að meðaltali um 70-80% hér í Reykjavík eftir að bankarnir fóru að lána hér í stórum stíl til húsnæðiskaupa árið 2004 en Framsóknarflokkurinn stóð fyrir því, stendur í skýrslu sem Edda Rós Karlsdóttir, forstöðumaður greiningardeildar Landsbankans og áður Búnaðarbankans, skrifaði. Þannig að það er um að gera að senda þennan reikning til Framsóknarflokksins, eins og unga fólkið hér mun gera, sem er að kaupa sér húsnæði í fyrsta skipti. Og langstærsti þátturinn í verðbólgunni hér undanfarin ár hefur verið hækkun á verði húsnæðis, herra Jensen.

[Lára Hanna Einarsdóttir, 22.1.2008 kl. 14:35]

Vek athygli á tveimur skoðanakönnunum á www.visir.is - vinstra megin á forsíðunni. Er ekki rétt að láta skoðun sína í ljós?

Í annarri er spurt: Styður þú nýmyndaðan meirihluta í borgarstjórn?  Já eða nei.

Í hinni er spurt:  Ef gengið yrði til kosninga í Reykjavík í dag, hvaða flokk myndirðu kjósa? Lítill gluggi kemur upp þar sem merkt er við flokk og smellt á "svara" neðst í glugganum.

[jensen (IP-tala skráð) 22.1.2008 kl. 17:31]

Vel svarað og skýrt hjá Steina Briem.takk.

[Jeremía, 22.1.2008 kl. 18:06]

Málefnin eru góð, en persónan Ólafur ótrúverðugur, rétt eins og Bingi.  Manni sem hikar ekki við að svíkja samstarfsmenn sína á þennan hátt er ekki hægt að treysta, þrátt fyrir fagurmæli um góð málefni.  Og þótt hann standi við öll þessi loforð mun hann samt vera maðurinn sem sveik félaga sína fyrir valdastöðu.

Og Frjálslyndi flokkurinn er í mínum huga ótraustvegjandi flokkur af annari ástæðu.  Ég sendi öllum flokkunum 5 spurningar um afstöðu til fóstureyðinga fyrir síðustu kosningar og þessi flokkur var sá eini sem ekki gat sent svar við spurningunum 5 þrátt fyrir nokkrar ítrekanir. 

[Óskar Þorkelsson, 22.1.2008 kl. 18:54]

stórfurðulegt að liðsmenn FF skuli fagna Óla Falska sem borgarstjóra þegar maðurinn er ekki einu sinni í frjálslyndaflokknum.

Stórfurðulegt að menn skuli fagna niðurstöðunni þegar borgin er í raun stjórnlaus.

Stórfurðulegt að menn skuli fagna þegar það eru sjálfstæðismenn sem núa saman höndum í fögnuði yfir afhroði r listans..

Stórfurðulegt að menn skulu vera að mæra Óla Falska þegar það er vitað mál að honum er ekki treystandi fyrir sjálfum sér.

já alveg stórfurðulegt.

[Theódór Norðkvist, 22.1.2008 kl. 19:22]

Þetta eru eintómir baktjaldamakkarónar þarna í borgarstjórninni, eins og Stormskerið segir.

[Jens Guð, 22.1.2008 kl. 19:59]

  Fyrir þarsíðustu borgarstjórnarkosningar gekk Ólafur F.  til samstarfs við FF og bauð fram með F-listanum sem óháður.  Ólafur var þá nýhrakinn úr Sjálfstæðisflokknum (vegna áhuga Ólafs á umhverfisvernd) og ekki tilbúinn að ganga formlega í FF.   

  Ólafur samlagaðist FF vel og gekk fljótlega formlega í flokkinn.  Ólafur leiddi framboð F-listans í síðustu kosningum sem flokksbundinn fulltrúi flokksins.  Þar fór hann fram með stefnumál FF í borgarmálum.  70% af málefnalista nýja borgarstjórnarmeirihlutans eru tekin beint upp úr kosningabaráttu F-listans.

  Eftir að Margrét Sverrisdóttir,  varaborgarfulltrúi,  varð undir í kosningu til varaformanns FF móðgaðist hún,  gekk úr FF og stofnaði Íslandshreyfinguna.  Þar fékk hún að vera varaformaður.  Nokkrir af nánustu samstarfsmönnum Margrétar í borgarstjórnarlista FF fylgdu henni yfir í Íslandshreyfinguna.  Ólafur var þar í hópi.

  Það breytir þó engu um það að Ólafur hefur í engu hvikað frá stefnumálum FF.  Enda situr hann í borgarstjórn og er að taka við embætti borgarstjóra sem fulltrúi F-listans.  Þess vegna kemur ekki annað til greina en að við í FF fögnum því að stefnumál flokksins séu orðin ráðandi í borgarmálum.

[Jens Guð, 22.1.2008 kl. 21:18]

  Magnús Ingi,  nú veit ég ekki hvernig þú stóðst að því að senda F-listanum fyrirspurn um afstöðu flokksins til fóstureyðinga,  né hvernig þú fylgdir henni eftir.  Hvort að þú sendir fyrirspurnina á eitt netfang eða fleiri.

  Ef þú áttir bara samskipti við eina manneskju þá er ekki sanngjarnt að dæma allan flokkinn út frá þeim samskiptum. 

  Ég man ekki til þess að flokkurinn hafi mótað eina sameiginlega stefnu eða afstöðu til fóstureyðinga.  Ég tala ekki fyrir hönd flokksins en ég er fylgjandi frjálsum fóstureyðingum. 

[Guðmundur (IP-tala skráð) 22.1.2008 kl. 21:20]

Villi var nú hálf bjánalegur í Kastljósinu áðan.  Annars átti Bingi eftir að taka út sína refsingu svo þessi skipti eru í lagi í bili.

[Þorkell Sigurjónsson, 22.1.2008 kl. 21:51]

Skil ekki alveg. Nú var Ólafur í fyrri meirihluta og svo myndar hann sjálfur meirihluta og hann þá orðinn Borgarstjóri. Var það kannski aðaltilgangur byltingarinnar ? Ekki gat það verið flugvallarmál í Rvk. þar sem athuganir eru í gangi og verða næstu árin þannig að ekki þurfti að hafa áhyggjur af flutningi eftir eitt á eða svo. Þannig, að mér sýnist að helsti ávinningurinn er Borgarstjórastóll og Reykvíkingar borga tugi milljóna fyrir  óra Ólafs flokkslausa. Þannig að ég skil ekki alveg gleði þína,  hina miklu Jens Guð ?

[S. Lúther Gestsson, 22.1.2008 kl. 21:58]

Þetta einmitt sem þú segir Jens núna finnst mér hálf skrýtið, ég hef það á tilfinningunni að ykkur finnst ekkert skipta máli hvort sjálfstæðisflokkurinn er með ykkur eða ekki. Þið haldið að Ólafur eigi bara einn heiðurinn af þessu, hann vinni einn að málefnum borgara, og það skipti engu máli hvort hann sé með eða ekki.

Þetta er alrangt hjá þér og þínum, Ólafur situr í afar veikri stöðu í meirihluta og þarf aðstoð annarsstaðar frá. Þegar þið áttið ykkur á þessu getur þetta gengið upp.

[Steini Briem (IP-tala skráð) 22.1.2008 kl. 21:59]

Það getur enginn læknir skrifað upp á það, hvorki Dagur B. Eggertsson né aðrir, að Ólafur F. Magnússon, aðrir borgarfulltrúar eða þingmenn, muni ekki veikjast á næstu árum. Læknisvottorðið sem Ólafur skilaði þegar hann kom aftur til starfa í borgarstjórn var einungis staðfesting á að hann hefði verið veikur frá því í fyrravetur en hann átti rétt á launum í veikindaleyfi í eitt ár.

Ef Ólafur treystir sér sjálfur til að starfa í borgarstjórn er honum það að sjálfsögðu heimilt. Og það sama gildir um alla borgarfulltrúa, nema þeir séu sviptir sjálfræði, en sjálfræðissviptingar hérlendis eru einungis um tíu á ári. Sviptingin má ekki standa lengur en nauðsynlegt er og skilyrði hennar er dómsúrskurður. Ekki er nóg að læknir fullyrði að maður sé geðveikur, dómari þarf að vera sannfærður um að svo sé og ástand viðkomandi svo slæmt að honum sé ómögulegt að ráða sér sjálfur. En yfirlæknar sjúkrahúsa og dómsmálaráðuneytið geta ákveðið allt að 21 sólarhrings nauðungarvistun á sjúkrahúsi, að mjög ströngum skilyrðum uppfylltum.

[Jens Guð, 22.1.2008 kl. 23:10]

  Guðmundur,  Villi er þaulvanur að vera hálf bjánalegur og telur það ekki eftir sér,  hvort sem hann týnir minnisblöðum í leiðinni eða lætur Bjarna Ármanns plata sig.

  Þorkell,  tilgangurinn var að koma stefnumálum F-listans í forgang.  Útkoman verður betri borg fyrir borgarbúa. 

  S.  Lúther,  Sjálfstæðisflokkurinn hefur gengist inn á málefnaskrá F-listans.  Það skiptir mestu máli.  Sjálfstæðisflokkurinn gerir fátt illt af sér á meðan í borgarstjórn.

  Steini,  takk fyrir þennan fróðleik.  Þar fyrir utan er Ólafur við góða heilsu. 

[Steini Briem (IP-tala skráð) 22.1.2008 kl. 23:38]

Ég þekki Ólaf ágætlega persónulega og af góðu einu, og við skulum bara vona að borginni verði vel stjórnað fram að næstu kosningum. En EF Ólafur veikist aftur á þessu kjörtímabili er kominn nýr meirihluti í borginni, einn ganginn enn, því Magga er á móti nýja meirihlutanum. Hins vegar er enginn ástæða til að gera ráð fyrir því núna að Ólafur muni verða aftur frá störfum í borgarstjórn vegna veikinda.

[Sigurður H. Einarsson (IP-tala skráð) 22.1.2008 kl. 23:39]

Félagsmenn frjálslynda flokksins hafa stimplað sig rækilega inn sem tækifærisinnaður hægri flokkur. En það er nú ekki á hreinu í hvaða flokki eða fulltrúi hvers Ólafur er. En tækifærisinnar eru þar sem best bíðst hverju sinni.

Það má allveg taka undir margt í málefnasamningum sem var skrifaður á 20 mínútum út í horni. Vera góð við gamla fólkið, ókeypis í stædó, en það stóð aldrei til að hreyfa við flugvellinum á næstu árum. Og ekki að rífa kofana við Laugaveg.

Grundvallarmálið er þetta. Ólafur F Magnússon var keyftur, verðið var borgarstjórnarstóll. Fólk sem er keyft í pólitík er ýmist kallað tækifærisinnar eða pólitískar mellur. Ólafur veit það að hann er á leið út úr pólitík, og langar að það verði gerð af sér stytta í ráðhúsinu. Hann hefur ekkert bakland svo einfalt er það. Það sem er að gerast hér er að póllitíkin er að færast á lágt plan. En ég held að sonur Nato Manga hafi spilað með Ólaf en að launum fær hann Orkuveituna. Hefur líklega lært margt af kallinum.

Það er spá mín að ekki aðeins Ólafur hafi þarna gert afleik. Sagan mun dæma hann hart. Heldur hefur borgarstjórnarflokkur íhaldsins leikið afleik þarna líka. Eða sáu þið einhvern gleðisvip, hjá þessu fólki sem var að mynda nýjan meirihluta? Og var það ekki borgarstjórnarfulltrúi íhaldsins sem öskraði " við sjáum ekkert eftir þér Björn Ingi" og 3 mánuðum seinna er sami borgarfulltrúi í sömu stöðu bara hinum megin við borðið. Er mark takandi á svona pólitíkusum?? 

[Jens Guð, 23.1.2008 kl. 00:00]

  Steini,  ég skal játa að það var barnalegt af Ólafi að ganga út frá því sem vísu að Magga myndi fylgja honum í nýja meirihlutann.  Ég hefði nú alveg getað upplýst hann um að hún myndi ekki gera það.  En hann gleymdi að spyrja mig í hraðri atburðarrás.

  Siggi félagi,  þú getur tæplega flokkað málefnaskrá meirihlutans sem harða hægri pólitík.  Félagslegar umbætur eru meira áberandi:  Strætófargjöld er felld niður hjá 18 ára og yngri (næsta skref er frítt í strætó fyrir alla);  fjölgun hjúkrunarrýma og þjónustuíbúða aldraðra;  átak í samþættingu heimaþjónustu og -hjúkrun;  tekjumörk hækkuð vegna niðurfellingu fasteignaskatta hjá öldruðum og öryrkjum;  félagslegum íbúðum fjölgað um 300;  átak í öryggi gangandi og hjólandi vegfarenda...

  Ólafur F.  er félagslega sinnaður,  auk þess að vera hugsjónarmaður í baráttu gegn mengun,  fyrir umhverfisvernd og verndun gamallar götumyndar Laugavegar,  fyrir óbreyttri staðsetningu flugvallarins...

[halkatla, 23.1.2008 kl. 00:02]

Jens minn hvað hefurðu nú verið að reykja? I want to know

það er ótrúlega óforskammað af ykkur frjálslyndum að ætla að þröngva ykkur svona uppá alla borgarbúa, þið hafið EKKERT umboð til þess  

frjálslyndi flokkurinn er dauður - lengi lifi ???

[S. Lúther Gestsson, 23.1.2008 kl. 00:29]

Já Anna Karen, ekki nema von þú viljir vita hvað er í pípunni. Jens helldi niður bjór á lyklaborðið eins og komið hefur framm annarstaðar, svo líklega er betra að taka eitthvað annað inn sem ekki kemst á milli takkanna. Allavega neitar kallinn að svara nokkurri spurningu hér að ofan og eru kommentin þó orðinn hátt í 70.

[Jens Guð, 23.1.2008 kl. 00:31]

  Anna Karen,  ég var að reykja Camel filter úr hörðum pakka.

  Við í Frjálslyndum fengum yfir 10% í síðustu borgarstjórnarkosningum.  Við höfum þess vegna rýmra umboð en Framsóknarflokkurinn.  En gættu að því að lýðræði gengur ekki út á ofríki meirihlutans.  Það er samspil/púsluspil jafnræðis sjónarmiða þar sem tekið er tillit til lítilla sem stórra flokka.  Þannig er gott lýðræði.

  Núna hefur Sjálfstæðisflokkurinn gengist inn á stefnumál Frjálslyndra með glöðu geði.  Þar með hefur orðið til meirihluti við stefnumál Frjálslyndra.  Borgarbúum til heilla. 

[Steini Briem (IP-tala skráð) 23.1.2008 kl. 00:32]

Hvers vegna ætti Ólafur F. að vera á leið úr pólitík, Sigurður H.? Hann fær núna það fram sem hann vill í borginni og verður borgarstjóri hér í Reykjavík á fimmtudaginn. Og hvaða mellutal er þetta?! Er konan þín kannski mella vegna þess að henni leist betur á þig en Jón í næsta húsi?!

Pólitískussarnir eru náttúrlega fleiri en einn og fleiri en tveir í þessu landi en mér líst bara mjög vel á að fasteignaskattarnir verði lækkaðir núna strax frá því sem ákveðið var, börn, unglingar, öryrkjar og aldraðir fái ókeypis í strætó og "kofaskriflin" neðst á Laugaveginum verði friðuð. Mörg gömul hús í miðbæ Reykjavíkur hafa verið gerð upp undanfarin ár á mjög smekklegan hátt en ekki vildi nú Bingó friða "kofaskriflin" á Laugaveginum, þannig að það var ágreiningur um mikilvæg mál í borgarstjórninni.

Ólafur vill aksjón og það eiga stjórnmál að snúast um. Ef þú ætlaðir upp á einhvern kvenmann á þínum sokkabandsárum varstu þá kannski að athuga og athuga málin árum saman og komst þér aldrei að verki?! En það kæmi mér sosum ekki á óvart. Og ég þekki bæði Ólaf og "syni NATO-Manga" af góðu einu en mey skal að kveldi lofa, að sjálfsögðu.

[Jens Guð, 23.1.2008 kl. 00:33]

  S.  Lúther,  hvaða spurningu hef ég neitað að svara?  Ég svara glaður og hress öllum spurningum sem til mín er beint.

[Jens Guð, 23.1.2008 kl. 00:35]

  Steini,  Kjartan Magnússon þekki ég ekki.  Hinsvegar veit ég að Andrés bróðir hans er með góðan músíksmekk.  Án þess að ég þekki hann heldur nema úr fjarlægð.

[Jens Guð, 23.1.2008 kl. 00:43]

  Ég vil bæta því við að mér er kunnugt um að gott samband er á milli Ólafs F.  og félögum mínum í Frjálslynda flokksins.  Í 24 stundum á morgun staðfestir Ólafur F.  það.  Félag ungra frjálslyndra hefur þegar lýst opinberlega yfir stuðningi við Ólaf,  ásamt mér og ýmsum öðrum bloggurum FF.  Núna þegar skipað verður í nefndir hjá borginni verður eðlilegt samráð á milli Ólafs og okkar í FF sem stóðum með honum að baki framboðs F-listans fyrir síðustu kosningar.   

[Steini Briem (IP-tala skráð) 23.1.2008 kl. 00:57]

Andrés Magnússon var klefanautur minn á Mogganum. Bíbí (núverandi dómsmálaráðherra) var þá ritstjóri á Mogganum og kíkti alltaf inn til okkar í hádeginu: "Er Andrés ekki vaknaður?" Og þá svaraði ég að vanda: "Hvernig dettur þér það í hug?!"

Ef fólki líst vel á málefnin á ekki að skipta máli hvaða flokk það hefur kosið. Stjórnmálaflokkar eru ekki fótboltalið. Þeir eru stofnaðir til að koma ákveðnum málefnum á framfæri og í verk.

[S. Lúther Gestsson, 23.1.2008 kl. 01:02]

Ert þú  þá að fara í einhverja nefnd á vegum borgarinnar?

Ef ekki hver þá?

Er þetta virkilega eina það sem hægt er til að bjarga meirihlutanum strax, ráðast í algerlega reynslulausan pakka í röðum FUH.

Ég meina vita allir í F.U.H hvar ráðhúsið er?

[S. Lúther Gestsson, 23.1.2008 kl. 01:04]

F.U.F átti þetta að vera hjá mér. Maður bara er ekki farinn að læra þessa skammstöfun strax, hún er svo ný.

[Steini Briem (IP-tala skráð) 23.1.2008 kl. 01:15]

Nú veit ég ekki hvern S. Lúther er að tala um en alla vega er ég hvorki í FUF né FUF (Félagi ungra frjálslyndra eða Félagi ungra framsóknarmanna).

[Jens Guð, 23.1.2008 kl. 01:49]

  S. Luther,  ég ætla að hringja í Ólaf F. og fá hjá honum nánari upplýsingar.  Læt ykkur síðan vita betur um málið. 

[halkatla, 23.1.2008 kl. 09:07]

" Núna hefur Sjálfstæðisflokkurinn gengist inn á stefnumál Frjálslyndra með glöðu geði.  Þar með hefur orðið til meirihluti við stefnumál Frjálslyndra.  Borgarbúum til heilla. "
 

þið ætlið semsagt ekkert að bakka með það að þið séuð eina fólkið í borginni sem hefur eitthvað jákvætt fram að færa? talið einsog þið með ykkar ponsu fylgi og stuðningsleysi varamanna hafið eitthvað umboð frá Guði til að stjórna borginni? Vá.... kannski ef Ólafur væri traustverðugur til þess að gera eitthvað en ekki vegna þess að þið teljið ykkar mál það frábær að það megi fótumtroða allt siðferði bara til þess að koma ykkar kosningaloforðum og stefnumálum í framkvæmd...  

en jamms, ég hef reyndar meiri áhuga á því sem þú varst að reykja - og hélt auðvitað að það væri eitthvað meira spennandi en bara sígó  

[Brjánn Guðjónsson, 23.1.2008 kl. 10:13]

upp úr kafinu kemur að Ólafur er í nýju fötum keisarans. hann stendur berrassaður í borgarstjórastólnum. hefur ekki backup.

[Steini Briem (IP-tala skráð) 23.1.2008 kl. 12:38]

• Reykjavíkurflugvöllur verður sýndur í óbreyttri mynd á aðalskipulagi á meðan rannsóknir standa yfir vegna nýs flugvallarstæðis á höfuðborgarsvæðinu. Ekki verður tekin ákvörðun um flutning Reykjavíkurflugvallar á kjörtímabilinu.
• Leitað verður leiða til að varðveita 19. aldar götumynd Laugavegarins og  miðborgarinnar eins og kostur er.
• Framkvæmdir hefjist sem fyrst við mislæg gatnamót Miklubrautar og Kringlumýrarbrautar. 
• Staðarvali og annarri undirbúningsvinnu vegna lagningar Sundabreytar verði lokið sem fyrst svo framkvæmdir geti hafist.
• Áhersla verður lögð á að tryggja öryggi gangandi og hjólandi vegfarenda.
• Almenningssamgöngur verða efldar. Tilraun um frían aðgang fyrir ákveðna hópa verði haldið áfram. Fargjöld í strætisvagna verði felld niður hjá börnum og unglingum að 18 ára aldri sem og öldruðum og öryrkjum. Unnið verði að því að bæta leiðakerfið og þjónustu við farþega.
• Fjölgun hjúkrunarrýma og þjónustuíbúða fyrir aldraða.
• Efling og samþætting heimaþjónustu og heimahjúkrunar.
• Tekjumörk vegna niðurfellingar fasteignaskatta fyrir elli- og örorkulífeyrisþega verða hækkuð verulega.
• Fasteignaskattar á íbúðarhúsnæði verða lækkaðir á árinu.
• Félagslegum leiguíbúðum Reykjavíkurborgar verður fjölgað um 100 árlega 2008-2010 eða um samtals 300 á tímabilinu. 
• Framboð lóða fyrir fjölskyldur og atvinnurekstur verður tryggt.
• Þjónusta leikskóla og grunnskóla verður aukin og faglegt og fjárhagslegt sjálfstæði þeirra styrkt.
• Unnið verður að því að auka öryggi í miðborg Reykjavíkur í samvinnu við lögreglu, íbúa og rekstaraðila.
• Átak verður gert við merkingu og varðveislu sögufrægra staða í borginni.
• Lögð er áhersla á verndun óspilltrar náttúru og að dregið verði úr mengun í borginni þannig að tryggja megi íbúum vistvænt og öruggt umhverfi.
• Orkuveita Reykjavíkur og orkulindir þeirra verða áfram í eigu almennings.

[Sigurbjörn Friðriksson, 23.1.2008 kl. 12:51]

Ólafur F Magnússon hefur sagt skilið við kommúnista (VG), bleik-komma (Samsullið) og Framsókn ("Illt er að eiga framsóknarmann fyrir vin").  Hann var áður í Sjálfstæðisflokknum og sagði sig eingöngu úr honum vegna ósættis varðandi Kárahnjúkavirkjun.  Nú er komin borgarstjórn með borgarstjóra sem er treystandi, hvort sem það er Ólafur eða Vilhjálmur.

Til hamingju Reykvíkingar!

[- (IP-tala skráð) 23.1.2008 kl. 13:56]

Jens þú segist fagna Ólafi - af því hann sé Frjálslyndur - ég man ekki eftir því að þú hafir á sínum tíma fagnað Gunnari Örlygssyni.

Þið eruð tækifærissinnar í Frjálslynda flokknum og oft á tíðum veruleikafirrtir. Það er einn flokkur við völd í Reykjavík - já bara einn flokkur. 

[Brjánn Guðjónsson, 23.1.2008 kl. 13:56]

Ttreystandi segirðu. Sigurbjörn.

[Jeremía, 23.1.2008 kl. 14:04]

Jens, þú spyrð hvernig ég stóð að þessari fyrirspurn.  Nákvæmlega á sama hátt og til allra hinna flokkanna, sem sendu skýr og ákveðin svör flestir.  Ingibjörg Sólrún sendir reyndar svör sem ég var ekki viss um hvort væru hennar eigin eða flokksins, en Frjálslyndir voru þeir einu sem gátu ekki sent nein svör.  Ég sendi sem sagt öllum flokkunum sama bréfið á aðalnetfang flokksins sem ég fann á heim og einnig prívat netfang formanns flokksins.  Formaðurinn sendi ekkert svar en Magnús varaformaður svaraði hinu örstutt og sagðist skyldu senda svar síðar, en það kom aldrei.  Ég sendi honum nokkrar ítrekanir en ekkert svar kom.  Lélegt. 

[Jeremía, 23.1.2008 kl. 14:05]

...sem ég fann á heimasíðu flokksins - átti þetta að vera

[Steini Briem (IP-tala skráð) 23.1.2008 kl. 14:55]

Bjóstu við að einhver stjórnmálaflokkanna hér væri á móti fóstureyðingum, Magnús minn?! Voðalegt útburðarvæl er þetta!

Fái Ólafur F. Magnússon nýju fötin keisarans ókeypis treysti ég honum fyllilega til að gefa þau upp til skatts, ólíkt sumum. Það er ákveðin ástæða fyrir því að Tjarnarkvartettinn kom sér ekki saman um málefnasamning, þrátt fyrir að hafa komist á koppinn í haust, en ekki var sá koppur nú stærri en sá sem nýi meirihlutinn situr á. Og það er nú betra að vera með bossann beran þegar setið er á koppnum, hafi það atriði farið framhjá þér, Brjánn minn góður.

[Jeremía, 23.1.2008 kl. 15:20]

Ég veit ekki hvað þú átt við með "útburðarvæl".  Ég bjóst ekki við að fá jákvæð svör við öllum spurningunum en þó einhverjum.  Þær voru hugsaðar þannig að svörin gæfu til kynna hvar stefnan lægi, ef ekki algerlega með eða algerlega á móti.

[Guðmundur G. Hreiðarsson (IP-tala skráð) 23.1.2008 kl. 16:39]

Brjánn: Hann Bingó hefur nú til afnota tvennan alklæðnað, sem að eigin sögn var þegar orðinn gatslitinn eftir síðustu kosningabaráttu. Vonandi hefur hann ekki lent í mjög ruddalegum slagsmálum.

[Eiríkur St. Eiríksson (IP-tala skráð) 23.1.2008 kl. 18:29]

Hef ekki vit á pólitískum leikfléttum, hvorki heiðarlegum né óheiðarlegum, en ég rak augun í það á vef færeyska útvarpsins að nú er kominn kvittur á kreik um það í Færeyjum að Högni Hoydal hjá Þjóðveldisflokknum hafi boðið Jörgen Niclasen hjá Fólkaflokknum embætti lögmanns fari þeir í eina sæng eða með einhvern á milli sín. Niclasen neitar þessu að sjálfsögðu. Hvort þetta verður til þess að Jóannes Eidesgaard lögmaður og formaður Jafnaðarmanna hraði stjórnarmyndun og gefi eitthvað eftir af kröfum flokksins gagnvart Fólkaflokknum og Sambandsflokknum, sem setið hafa í stjórn með Jafnaðarmönnum, á tíminn eftir að leiða í ljós. Hvort tveggja Eidesgaard og Niclasen, sem leiðir systurflokk Frjálslynda flokksins í Færeyjum, þekkja vel til íslenskra stjórnmála og e.t.v. hafa þeir kynnt sér nýjustu leikfléttur. Reyndar þekkir Jens Guð mjög vel til í Færeyjum og gaman væri að heyra skoðun hans á þessu.

[Sigurður H. Einarsson (IP-tala skráð) 23.1.2008 kl. 21:52]

Það er einkenni hægrisinnaðra tækifærisinnaðra flokka er fiska eftir vinsælum málum eða málum sem þeir halda að geti verið vinsæl til að fiska eftir atkvæðum.

Útlendingaumræðan ykkar og fiskveiðstjórnunarkerfið er dæmi um málefni sem Frjálslyndi flokkurinn reynir að poppa upp til að fá atkvæði.

Ólafur F reynir að geta flugvallarmálið að einhverju máli sem ekkert er. Því hann telur að hann geti fengið einhver atkvæði út á það. Honum er í raun allveg sama hvort þessi flugvöllur verði þarna eða ekki. Eða að einhverjir húskofar við Laugarveg verði þarna eða ekki. Markmiðið er að fá völd. Hann var keyftur fyrir einn borgarstjórastól í 12 til 15 mánuði. Það er prísin. Svona starfa hægrisinnaðir tækifærisinnar. Og að reyna að skreyta sig með útlendingaumræðu, kvótakerfi, umhverfismálum, eða flugvallarmálum. Satt að segja gef ég ekkert fyrir slíkt frá slíkum vindhönum í pólitík. Og til að trompa málefnafáætktina að búa til einhversskonar stefnuskrá um velferð á 20 mín. Ég gef ekkert fyrir slíka pólitíkusa.

Hins vegar finnst mér það mjög dapurlegt að Sigurjón Þórðarson Hegranesgoð, og Jens Kristján Guðmundsson, skulu fylgja slíkum vindhana í pólitík.  

[Haukur Nikulásson, 23.1.2008 kl. 22:35]

Þessum farsa í borgarstjórn er hvergi nærri lokið. Það er greinilegt að flaustrið við að reka hnífana í allar þýddi að það vissi eiginlega enginn hvað var að gerast í reyknum sem birgði fólki sýn.

Ólafur er skv. öllu sem mér sýnist bara borgarstjóri fyrir sjálfan sig. Hann er í klárri andstöðu við varaformanna Íslandshreyfingarinnar sem hann virtist styðja í Alþingiskosningum með hálfum huga og formaðurinn í Íslandshreyfingunni hefur ekki slegið eign sinni á hann. Ómar þegir reyndar alveg um þetta atriði. Frjálslyndir keppast við að annað hvort eigna sér hann eða skjalla til fylgislags án sýnilegs árangurs.

Bakland Ólafs er skv. ofansögðu ekkert. Ekki einu sinni 6527 atkvæðin sem greidd voru frjálslynda flokknum. Hann nefnilega notar þau sem rök með sér í aðra röndina en gefur ekkert fyrir að vera í flokknum í hina röndina. Ef hann yrði krafinn svara þá er hann óháður eins og aulinn hún Margrét Sverris. Þau svara bara eigið egói.

Ég ætla samt ekki að álasa Ólafi fyrir að þiggja embættið. Menn eru í pólitík til að hafa áhrif og ef íhaldið er svo örvinglað að láta honum þetta í té til að komast í meirihluta er það þeirra vandamál og undirlægjuháttur.

Mér finnst samt að bæði Frjálslyndi flokkurinn og Íslandshreyfingin megi sjá það sem aðrir sjá: Ólafur er bara verðandi borgarstjóri fyrir sjálfan sig persónulega - án flokks. 

[Steini Briem (IP-tala skráð) 23.1.2008 kl. 22:46]

Í fyrsta lagi gæti Ólafur F. Magnússon verið borgarstjóri út þetta kjörtímabil í nýja meirihlutanum, ef hann hefði krafist þess. Í öðru lagi er hann ekki í Frjálslynda flokknum. Í þriðja lagi hefur hann ekkert á móti útlendingum hér og hefur sjálfur búið erlendis. Í fjórða lagi hefur friðun gamalla húsa í miðbæ Reykjavíkur og umhverfismál skipt Ólaf mjög miklu máli og í fimmta lagi stríðir núverandi fiskveiðistjórnunarkerfi hér gegn mannréttindum, eins og Mannréttindanefnd Sameinuðu þjóðanna hefur staðfest.

[Brjánn Guðjónsson, 23.1.2008 kl. 22:55]

hahaha Steini  satt er það.

líka mun auðveldara að drulla upp á bak

[Brjánn Guðjónsson, 23.1.2008 kl. 22:57]

Guðmundur. Óli hefði betur fatað sig upp eins og Bingi. Annars segist Bingi hafa tútnað svona út eftir kosningar. Greinilega of nærri kjötkötlunum.

[Steini Briem (IP-tala skráð) 23.1.2008 kl. 23:35]

Mér er slétt sama í hvaða flokki menn eru, eða hvort þeir eru í nokkrum flokki yfirhöfuð, svo framarlega sem þeir eru með góða málefnaskrá og koma henni í framkvæmd! Það getur hins vegar enginn metið störf nýja meirihlutans fyrr en þessu kjörtímabili er lokið. Tjarnarkvartettinn gat ekki einu sinni komið sér saman um málefnaskrá og hafði ekki rænu á að hækka ekki fasteignaskattana uppúr öllu valdi í ár vegna hækkunar á fasteignamatinu.

Hvað þá að fella niður strætisvagnafargjöld barna, unglinga, öryrkja og ellilífeyrisþega. Barn kom grátandi til Dags borgarstjóra í útsendingu Sjónvarpsins vegna þessa atriðis og Dagur sagði blessuðu barninu að hann "ætlaði að athuga málið"! Og þegar rætt var um að friða húsin neðst á Laugaveginum á allra síðustu stundu rétti Tjarnarkvartettinn þann kaleik menntamálaráðherranum, Þorgerði Katrínu, sem er í Sjálfstæðisflokknum! Bingó vildi ekki friða húsin á þessum stað, eins og Ólafur F. Magnússon vildi gera.

Þannig að hver höndin var uppi á móti annarri í þessum blessaða Tjarnarkvartett, sem gerði nú ekki margt af viti, og því engin ástæða til að gráta hann. Bingó grenjar hins vegar úr sér augun, þar sem Framsóknarflokkurinn er nú orðinn valdalaus í borginni.

[Brjánn Guðjónsson, 24.1.2008 kl. 16:32]

annars er málefnasamningurinn frekar ódýr. átak hér og átak þar, efla þetta og hitt. frekar almennt orðað og mikil froða.

[Steini Briem (IP-tala skráð) 24.1.2008 kl. 17:24]

Þessi málefnasamningur lítur bara mjög vel út (sjá #76) og Tjarnarkvartettinn hefði getað verið búinn að koma þar mörgum atriðum í framkvæmd nú þegar, til dæmis hafið framkvæmdir við mislæg gatnamót Miklubrautar og Kringlumýrarbrautar, komið í veg fyrir mikla hækkun fasteignagjalda í ár vegna hækkunar á fasteignamatinu, lækkað tekjumörk vegna niðurfellingar fasteignaskatta fyrir elli- og örorkulífeyrisþega, friðað og látið gera upp gömlu húsin neðst á Laugaveginum, svo einhver séu nefnd, og fellt niður strætisvagnafargjöld barna, unglinga, öryrkja og aldraðra.

En aðalatriðið er að koma sér saman um málefnasamning og síðan að koma honum í framkvæmd sem fyrst en það gerði Tjarnarkvartettinn ekki og hefur því verið lagður til hinstu hvílu.