Kaupið plötuna Ökutíma eða ég lem ykkur!

 

  Æ,  nei,  þessi fyrirsögn er ekki við hæfi.  Er algjörlega á skjön við það sem ég ætlaði að segja.  Tek þetta til baka og verð að finna betri ástæðu til að hvetja ykkur til að kaupa plötuna Ökutíma.  Fyrirsögnin er bara aulahúmor af minni hálfu.

  Platan Ökutímar kom út í dag.  Ég brunaði í Smáralind til að kaupa 10 eintök.  En hún var ekki komin í sölu þar.  Samt sér Sena um dreifingu á henni og Skífan í Smáralind er í eigu sömu aðila (Bónus-feðga).  Hún hlýtur að vera komin í sölu á morgun.

  Ástæðan fyrir því að þið verðið að kaupa Ökutíma er eftirfarandi:  Þetta er önnur sólóplata Lay Low-ar.  Fyrri sólóplata hennar var frábær og Lay Low stimplaði sig inn á kortið sem einn merkasti tónlistarmaður landsins.  Hirti öll stærstu verðlaun Íslensku tónlistarverðlaunanna í fyrra.

  Nýja platan,  Ökutímar,  inniheldur 13 lög úr sýningu LA á samnefndu leikriti.  Þar af 5 frumsamin lög og hin lögin eru hennar snilldar túlkun á lögum bandarísku kántrý-drottningarinnar Dolly Pardon.  Nei,  nei.  Ekki fara í baklás.  Kántrý Dollyar er ekki það flottasta á markaðnum (nema kannski í eyrum Hallbjarnar Hjartar).  En hún er góður lagahöfundur og í flutningi Lay Low-ar eru lög Dollyar gullmolar.

  Það merkilegasta við þessa plötu er að Lay Low hefur ánafnað Aflinu,  systursamtökum Stígamóta á Norðurlandi,  allan og óskiptan ágóða af sölu plötunnar.  Þetta er þvílíkt höfðingleg gjöf Lay Low-ar að ég er næstum grátklökkur yfir uppátækinu.  Ekki einungis vegna þess að þetta færir fjársveltum samtökum sjálfboðaliða tekjustofn heldur einnig vegna þess að þetta vekur athygli á mikilvægri starfsemi Aflsins.

  Lay Low er flottust.  Leikfélag Akureyrar lætur jafnframt allan aðgöngueyri að síðustu sýningu LA á Ökutímum renna óskiptan til Aflsins. 

  Elskurnar mínar,  ekki taka mark á kjánalegri fyrirsögn þessarar bloggfærslu.  Sýnið frekar stuðning í verki gegn barnaníði og heimilisofbeldi með því að kaupa eins mörg eintök af Ökutímum og þið getið:  Til að gefa í afmælisgjafir,  tækifærisgjafir,  þess vegna jólagjafir (það eru ekki nema 11 mánuðir til næstu jóla).

  Ég ákalla jafnframt alla mína góðu bloggvini til að taka þetta erindi upp á ykkar vinsæla bloggi.  Allir saman nú!

  Lögin á plötunni Ökutímar eru:

1. Ótal minningar
2. Lítið lag
3. Saman
4. Gleðileg jól
5. Forboðin ást

6.  Here I Am

7.  9 to 5
8.  Fuel to the Flame
9.  Jolene
10.  Ping Pong
11.  Why, Why, Why
12.  I Will Always Love You
13.  Love Is Like a Butterfly

  www.aflid.muna.is 

Athugasemdir

[halkatla, 24.1.2008 kl. 23:53]

Lay-Low er greinileg alveg óendanlega gáfuð (nú læt ég mig dreyma um að hún taki uppá að gerast forseti, eða borgarstjóri  -  sem heldur áfram að syngja að sjálfsögðu)

[Jenný Anna Baldursdóttir, 25.1.2008 kl. 00:10]

Consider it done my man.

[Jens Guð, 25.1.2008 kl. 00:25]

  Dúa,  fyrirsögnin var misráðin.  Eins og ég er ofbeldisfullur þá passar færsla mín ekki við hvatningu um að fólk kaupi plötuna Ökutíma.   En viltu vera svo vinsamleg að taka upp á þínu bloggi áskorun til þinna blogglesenda um að kaupa þessa plötu.  Þá get ég bara lamið einhverja aðra sem koma málinu ekkert við.

  Anna Karen,  ég þekki ekki Lay Law né hennar gáfnafar.  Sérstaklega höfðingleg gjöf hennar til Aflsins gengur þó næstum því fram af mér.  Ég vann við plötuútgáfu til margra ára og veit að hún er að ánafna Aflinu verulega hárri upphæð (miðað við að við stöndum saman og kaupum plötuna í einhverjum mæli).  Sennilega þeirri mestu sem þessi fjársveltu en nauðsynlegu samtökum hefur fallið í skaut.

  Anna Karen,  vertu svo góð að vekja athygli á þessu framlagi Lay Low-ar á þinni skemmtilegu og vinsælu bloggsíðu.     

[Jens Guð, 25.1.2008 kl. 00:27]

  Jenný,  get ég ekki enn og aftur treyst á þú hlaupir undir bagga?

[Ragnheiður , 25.1.2008 kl. 01:30]

Ég er í sjálfu sér ekki til í að kaupa diskinn en væri himinsæl við að leggja andvirði hans inn hjá Aflinu. Ég á mýgrút af diskum og spila þá sjaldnast enda dó spilarinn á þessu heimili og hefur amk enn ekki verið endurnýjaður.

Frábær ábending hjá þér Jens.

Það eru allt of fáir karlar sem taka þessa skínandi afstöðu sem þú gerir. Ég er ótrúlega sátt við þig að þessu leyti og þá er ég búin að segja það (skrifa það) upphátt (opinberlega)

[Steini Briem (IP-tala skráð) 25.1.2008 kl. 01:57]

Líka hægt að leggja einhverja upphæð inn á Aflið í banka, 1145-26-2150, kennitala 690702-2150.

[Eva Benjamínsdóttir, 25.1.2008 kl. 02:44]

Þá er hún komin,gott má, bravó fyrir Lay Low, ég fæ mér plötuna og spila hana í tölvunni. Minn geislasplari er líka ónýtur.

TIL HAMINGJU AFLIÐ - Til HAMINHJU LAY-LOW!

[Magnús Geir Guðmundsson, 25.1.2008 kl. 09:45]

SVo ég blandi mér aðeins í þennan fagra kvennafans með ykkur STeina Jens minn, þá bara tökum vér undir þín óþreytandi barátturóm þinn fyrir þessu góða málefni og liggjum ei á liði vóru að mæra og lofsyngja hana Lovísu, Lay Low!

[Linda Linnet Hilmarsdóttir, 25.1.2008 kl. 09:53]

Sammála,þessi stelpa er algjör gullmoli og lögin og flutningur hjá stelpunni er bara meiriháttar,ég ætla mér að nálgast þennan gæðagrip og leggja mitt til góðgerðamála.kveðju og góða notalega helgi

[Linda Linnet Hilmarsdóttir, 25.1.2008 kl. 10:49]

Gleymdi að óska þér til hamingju með Bóndadaginn

[Guðmundur G. Hreiðarsson (IP-tala skráð) 25.1.2008 kl. 11:12]

Ég fer huldu höfði næstu daga eða viku. Mottóið verður: Stay Low.

[Steini Briem (IP-tala skráð) 25.1.2008 kl. 14:55]

Lay Low-dúllan í beinni á Rás 2 eftir klukkan þrjú í dag, föstudag.

[Magnús Geir Guðmundsson, 25.1.2008 kl. 16:50]

Heyrðu gullgripurinn heldur ekki komin hingað en, allavega var hann ekki komin í Hagkaupum er spurst var fyrir um hann í morgun!

Fjárans droll bara!

[Guðríður Hrefna Haraldsdóttir, 25.1.2008 kl. 20:41]

Hlustaði á þessa plötu í gær og hún er einstaklega góð, frábær lög, frábær flutningur. Þetta er plata sem ætti að vera til á öllum heimilum!

[tommi (IP-tala skráð) 25.1.2008 kl. 20:47]

Keypti diskinn áðan ásatmt nýja Hjaltalín disknum, stórgóðir báðir, svona eftir fyrstu hlustun

[Baldur Már Pétursson (IP-tala skráð) 25.1.2008 kl. 22:14]

Án þess að dissa plötuna neitt, þá finnst mér kjánalegt að kaupa geisladisk í Skífunni til að styrkja einhvert málefni...

Sérstaklega þegar það er Sena sem að gefur hana út.. Þú ert að styrkja Senu+Skífuna(Sama batteríið) miklu meira heldur en  Aflinð,  systursamtök Stígamóta á Norðurlandi

bara svona mín 0.02$ 

[Jens Guð, 26.1.2008 kl. 00:33]

  Steini,  takk fyrir að koma með bankaupplýsingar Aflsins.

  Eva,  takk fyrir að ætla að kaupa plötuna.

  Maggi,  takk fyrir stuðninginn.

  Linda,  ég tek undir það að Lay Low er gullmoli og það er frábært þegar svona vinsæl poppstjarna hefur hjartað á réttum stað,  eins og hún.  Og lætur verkin tala.  Þetta framlag hennar eru ekki einhverjir tíkallar gefnir í sýndarmennsku.  Þetta er alvöru fjárhagsstuðningur við Aflið.  Og stór yfirlýsing,  "móralskur" stuðningur og hvatning til annarra - ekki bara annarra poppara - að láta sig varða verulega þarft samfélagsvandamál.

  Guðmundur,  skamm,  skamm.  Kauptu plötuna og vertu stoltur af því að vera á yfirborðinu með það.

  Gurrí,  takk fyrir að mæla með plötunni og hvatningu til að hún verði á sem flestum/öllum heimilum.

  Tommi,  Hjaltalín eru að gera ágæta hluti.  Hlusta greinilega á Arcade Fire.  Og Lay Low hefur greinlega hlustað á Woody Guthrie.

  Baldur,  platan fæst víðar en í Skífunni.  Platan er EKKI gefin út af Senu heldur COD Music.  Sena sér einungis um dreifingu hennar.  Ef ég þekki dreifingarmarkaðinn rétt þá fær Sena 12-15% af heildsöluverði plötunnar í sinni hlut (kannski um 150 kall af hverju eintaki).  Plötufyrirtæki fitna ekki af dreifingu á svona plötu sem neinu nemur.  Jú,  að vísu ef platan selst mjög vel.  En dreifing á plötu er að uppistöðu til útlagður kostnaður upp að því marki að plata seljist vel.  Bara útkeyrsla á reikningi kostar um 60 kall.  Við þá upphæð bætist úthringingarkostnaður og launakostnaður handa starfsmanni fyrir að taka niður pantanir og afgreiða þær.  Þetta er ástæðan fyrir því að hagkvæmara er fyrir lítið útgáfufyrirtæki að fá stærra batterí til að dreifa plötum. 

  Ef þú vilt styðja Aflið beint þá hefur Steini gefið hér fyrir ofan upp reikning Aflsins.  Ég gæti líka stutt Aflið á þann hátt.  En ég vil líka styðja höfðinglegt framlag Lay Low-ar í verki með því að kaupa plötuna og gefa mínum vinum plötuna.  Meðal annars til að vekja athygli á verkefninu.