Færeysk hljómsveit slær í gegn í Danmörku

 

  Undanfarnar vikur hefur þátttaka og velgengni færeysku pönksveitarinnar The Dreams í dönsku söngvakeppninni Melodi Grand Prix vakið mikla athygli í Danmörku.  Sömuleiðis hafa Færeyingar fylgst vel með sínum mönnum.  The Dreams komst áfram í öllum þrepum keppninnar og endaði í lokakeppninni núna í fyrrakvöld. 

  Þar var það danskur súkkulaðistrákur sem sigraði.  Strákarnir í The Dreams eru síður en svo ósáttir.  Vegna þátttöku þeirra í keppninni hafa danskir fjölmiðlar slegist um viðtöl við þá,  lag þeirra "La' mig være"hefur fengið góða útvarpsspilun og einnig verið spilað á sjónvarpsstöðinni DR1.  Sem dæmi um árangurinn þá er The Dreams þegar bókuð á 15 danskar tónlistarhátíðir í sumar.  Það er meira en nokkur vinsæl dönsk hljómsveit getur státað af.

  Ég veit ekki hvernig staðið er að vali á sigurvegara í Melodi Grand Prix.  Ég hef grun um að sérstök dómnefnd hafi mikið vægi í niðurstöðunni.  Samkvæmt umsögn fjölmiðla náði The Dreams upp lang bestu stemmningunni á úrslitakvöldinu.  Tryllti lýðinn,  eins og sagt er.  Í skoðanakönnun á heimasíðu keppninnar veðja lang flestir - af þeim sem taka afstöðu - á sigur The Dreams. 

  Það er ekki alltaf vont fyrir alla Færeyinga að tilheyra danska markaðnum - þó að ég sé hlynntur "200% loysing".

Athugasemdir

[Jens Guð, 4.2.2008 kl. 23:58]

  Takk fyrir þær upplýsingar,  Jón Arnar.  Sms 49.000 mega sín greinilega lítils á móti sms-um 6 milljón Dana.  Það hallar á. 

[Þráinn Maríus (IP-tala skráð) 5.2.2008 kl. 00:05]

Þessi Hljómsveit er þræl góð, ég heyrði eina plötu með þeim þegar ég var að vinna þarna úti og var sú mjög melódisk og skemmtileg, mikil spilagleði og bara flott hljómsveit, sú plata er að ég held cover á gömul Færeysk lög.

Hér er svo linkur á lagið þeirra í keppnini.

http://netradio.dr.dk/content.asp?mode=archive&asx=http%3A//www.dr.dk/forms/published/playlistgen.aspx%3Fqid%3D581413&channel=p3&program=la%20mig%20v%E6re&date=&length=02%3A47&&participant=yes

[Ari (IP-tala skráð) 5.2.2008 kl. 00:41]

æi finnst þetta ekkert sérstakt, eins og ég nefndi áður.

En talandi um Færeyinga, þá kom Högni Hoydal með áhugavert komment í vikunni um að gríma Dana hafi fallið í nýlendumálum þeirra þegar 2 grænlenskir þingmenn voru niðurlægðir af dönsku stjórnarþingmönnum nýlega í danska þinginu http://www.information.dk/154147