Söluhæstu tónlistarmenn sögunnar

  Þessi listi er sóttur í smiðju Samtaka bandarískra hljómplötuútgefenda og mælir þess vegna einungis plötusölu í Bandaríkjunum.  En bandaríski plötumarkaðurinn er sá stærsti í heimi ásamt því að hafa mikil áhrif á heimsmarkaðinn.  Fjölmiðlar vítt og breitt um heim fylgjast með bandaríska músíkiðnaðinum,  birta bandaríska vinsældalista og fréttir. 

  Listinn speglar upp að einhverju marki hlutföll í heimssölu.  Á heimsmarkaði hefur selst röskur milljarður af plötum með Bítlunum.  Á heimsmarkaði er Presley næst söluhæstur.  Vinsældir kántrý-boltans Garths Brooks eru hinsvegar bundnar við bandaríska markaðinn.

  Þannig lítur listinn út.  Talan fyrir aftan nöfnin stendur fyrir milljónir eintaka.

1    Bítlarnir 170

2    Garth Brooks 128

3    Elvis Presley 118,5

4    Led Zeppelin 111,5

5    Eagles 98

6    Billy Joel  79,5

7    Pink Floyd 74,5

8   Barbra Streisand  71

9    Elton John 69,5

10  AC/DC 69

11  George Strait 67

12  Aerosmith 66,5

13  Rolling Stones 66

14  Bruce Springsteen 63,5

15  Madonna 63

16  Mariah Carey 61,5

17  Michael Jackson 60,5

18  Metallica 57

19  Van Halen 56,5

20  Whitney Houston 54

 

Athugasemdir

[Elfar Logi Hannesson (IP-tala skráð) 10.2.2008 kl. 16:09]

Yes hef alltaf gaman af svona listum og tölfræði skemmtanabransans - sumt kemur ánægjulega á óvart þarna og þá sérrílagi að sjá meistara Billy Joel í 6 sætinu hefur ávallt verið í miklu uppáhaldi hjá mér

[Óskar Þorkelsson, 10.2.2008 kl. 16:20]

ég er greinilega meðlajóninn í músikk.. Pink floyd mín uppáhalds í 30 ár, Eagles fylgir fast á eftir og Ac/DC og Led Zeppelin eru þarna líka...

[Magnús Geir Guðmundsson, 10.2.2008 kl. 17:00]

Fátt sem kemur á óvart þarna, hf nokkrum sinnum lesið svona lista gegnum tíðina, en reyndar langt um liðið frá því síðast. Held til dæmis að Elton hafi einhvern tíma verið ofar og sama má segja um "Svart-hvítu hetjuna" Jacko!En hvar eru ABBAbabbið og stevie Wonder?

[Magnús Geir Guðmundsson, 10.2.2008 kl. 17:01]

ABBAbabbið og Stevie Wonder hans Saxa, ætlaði ég auðvitað að segja haha!

[Ari (IP-tala skráð) 10.2.2008 kl. 17:07]

Haha Garth Brooks... ojjj ...  og er barbra streisand svona stór.

Hver í ósköpunum er George Straight annars? :O

[Jens Guð, 10.2.2008 kl. 18:06]

  Elfar,  ég hef líka afskaplega gaman af að velta svona listum fyrir mér.  Það er alltaf eitthvað sem kemur á óvart og annað sem fyllir út í heildarmyndina fyrir manni.  Þarna kemur fram að Metallica hafi selt 57 milljónir eintaka af plötum sínum í Bandaríkjunum.  Það kemur aftur á móti ekki fram þarna að Metallica hefur "aðeins" selt 35 milljónir utan Bandaríkjanna.

  Óskar,  ég var Pink Floyd aðdáandi fyrir 40 árum.  Ég keypti allar plötur hljómsveitarinnar næstu árin.  En svo kom pönkið og þá fékk ég þreytu á Pink Floyd.  Samt er ég aðeins farinn að hlusta á þá aftur.  Led Zeppelin og AC/DC eru í uppáhaldi hjá mér. 

  Maggi,  það er nokkuð víst að bæði Elton John og Michael Jackson hafa verið ofar á listanum.  Það er ekki langt síðan ég las að heimssalan á "Thriller" væri komin í 57 milljónir eintaka.

  ABBA hafa selt 10,5 milljón eintaka í Bandaríkjunum,  jafn margar plötur og Nine Inch Nails,  Depeche Mode og Lenny Kravitz.  Með þessari sölu rétt slefa þau inn á Topp 100.

  Stevie Wonder hefur selt næstum tvöfalt fleiri plötur,  19,5 og nær inn á Topp 50.

  Ari,  George Strait er kántrý-bolti í sömu deild og Garth Brooks.  Leiðindagaurar.

[Ómar Ingi, 10.2.2008 kl. 19:39]

Bítlagarg

[Steingrímur Helgason, 10.2.2008 kl. 20:01]

Hehe,,,

Ég er samkvæmt þessu frekar ameríkusinnaður 'meinztrím' maður, því að eins & ég hef áður athugasemdast hérna hjá þér þá fíla ég fínt leiðindagauranna' kántríboltanna þessa.

Það er nefnilega sjaldan talað um hvað ´kántrý' er stórt í sölutölum & spilun í ameríkunni, en þarna kemur það fram, rétt eftir að þú mærðir D.Patrónuna um daginn.

Þessi þrjú eiga það líka sameiginlegt að fjöldi annara hefur 'coverað' þeirra lög bæði í Ameríkunni sem og í Evrópunni okkar, & marga hef ég hrellt með því að óskalagið þeirra sé nú bara gamalt ameríkst kántrý.

Það er svo gaman að sjá svipinn á fólki sem að heldur því fram slík tónlist sé ómerkilegri en önnur, þegar þeirra núverandi uppáhaldslag, er einmitt eitt slíkt.

[Bubbi J. (IP-tala skráð) 10.2.2008 kl. 20:08]

Eitt algengasta svarið við spurningunni góðkunnu "Hvernig tónlist hlustarðu á"?  er "Allt nema kántrí og þungarokk" og þá kviknar önnur spurning... hvað eiga kántrí og þungarokk sameiginlegt annað en að sitja einatt hlið við hlið í þessu sígilda svari???

[Guðmundur (IP-tala skráð) 10.2.2008 kl. 20:25]

Það er rétt að benda á að þessi listi er byggður á eintökum sendum á verslanir en ekki sölu út úr verslunum, 'vottað' af RIAA. Þess vegna sér maður stundum að plata er td. komin með tvöfalda platínusölu, þrátt fyrir að skönnuð sala sé innan við milljón.

Fyrir vottun þarf síðan útgáfufyrirtækið/umboðsaðili að borga RIAA fyrir og því algengt að sjá eldri listamenn allt í einu rjúka upp í sölu eftir að hafa ekki hreyfst í mörg ár. Þá er útgáfufyrirtækið kannski að gefa út safnplötu með listamanninum eða í einhverri söluherferð og ákveða því að fá vottun á eldri verk sem enginn hefur sinnt í mörg, mörg ár. Ég man að Back in black með AC/DC rauk einn góðan dag úr 10 millum upp í 16 millur og komst þar með í hóp söluhæstu platna frá upphafi - og vottunin virkaði svo sannarlega, því platan tók heldur betur sölukipp og nú er hún vottuð fyrir 22 millum.

[Jens Guð, 10.2.2008 kl. 20:40]

  Ómar,  ertu ekkert hrifinn af Bítlunum?  Það merkilega við það hvað Bítlarnir hafa selt miklu fleiri plötur en aðrir í Bandaríkjunum er að hljómsveitin kom inn á Bandaríska plötumarkaðinn 1964 og hætti 5 árum síðar.

  Steingrímur,  kántrý-æðið fer ekki framhjá manni þegar Bandaríkin eru sótt heim.  Einkum er kántrýið yfirþyrmandi í Suðurríkjunum.  Ég er ekki kántrý-kall en kann þó vel við þann hluta kántrý-deildarinnar sem er með annan fótinn í vísna- og/eða þjóðlagamúsík,  svo sem Johnny Cash,  Neil Young,  Dylan og Woody Guthrie.

  Bubbi,  þegar fólk segist hlusta á allt nema kántrý og þungarokk þá hef ég sannreynt að viðkomandi kann ekki að skilgreina einhæfa miðjumoðspoppið sitt.  Ef gengið er á viðkomandi og spurt:  "Hvaða djassista hlustarðu helst á?" þá er farið í baklás og sagt:  "Ja,  ég hef ekkert hlustað á djass."

  Svo spyr maður:  "En hvaða óperur eru í uppáhaldi?"  Það líður ekki á löngu þangað til viðkomandi neyðist til að viðurkenna:  "Ja,  ég á við að ég get hlustað á eiginlega allt sem spilað er á Bylgjunni."

[Jens Guð, 10.2.2008 kl. 21:04]

  Guðmundur,  þannig að sölutölur/listinn er nýliðum á óháða markaðnum óhagstæður. 

  Það virðist hvergi vera til áreiðanlegur listi.  Íslenski sölulistinn er án sölu í Skífunni,  BT og Fríhöfninni.  Ég veit ekki af hverju.  Þær búðir eru með meirihluta heildarsölunnar.   

[Jón Halldór Guðmundsson, 10.2.2008 kl. 21:59]

Stónsarinn er flottur.

[Jens Guð, 10.2.2008 kl. 22:30]

  Hann er helsta tákn Rolling Stones hérlendis.