Enn einn hatursglæpur vesalinga

   Að morgni sunnudagsins 19. mars sl. barst lögreglunni tilkynning um að verið væri að ganga í skrokk á manni á Laugavegi. Voru bæði árásarmennirnir og árásarþolinn farnir af vettvangi þegar þangað var komið. Í frumskýrslu lögreglu segir að þar hafi verið staddur B sem kvaðst hafa séð tvo menn kýla mann frá Marokkó margsinnis og hafi þeir sparkað í hann liggjandi. Kvað hann fórnarlambið hafa farið blóðugt upp í bifreið sem ók á brott.

  Lögreglan hafði uppi á bílnum við Njálsgötu. Árásarþolinn gaf sig á tal við lögregluna og segir í frumskýrslu lögreglu að hann hafi verið bólginn í andliti og á nefi, vinstri augabrún sprungin og hann skrámaður á líkama. Sagði hann að tveir menn hefðu kýlt hann og sparkað í hann þegar þeir gerðu sér grein fyrir því að hann talaði ekki íslensku.

  Skömmu síðar voru tveir menn handteknir á mótum Barónsstígs og Eiríksgötu. Annar aðilinn kom heim og saman við þá lýsingu sem B gaf á árásaraðilanum.

 Þriðjudaginn 21. mars lagði A fram kæru á hendur ákærðu fyrir líkamsárás. Kvaðst hann hafa gengið einn frá miðbænum, austur Laugaveginn. Ákærðu hafi gengið samsíða honum og ávarpað hann á íslensku. Kvaðst A ekki hafa skilið það sem þeir sögðu og hafi svarað á ensku. Hafi annar mannanna þá farið að ýta við honum og öskrað á hann að tala íslensku. Hinn maðurinn, sá stærri, hafi slegið til hans og höggið komið á vinstra auga hans. Við höggið hafi hann vankast verulega og dottið. Mennirnir hafi þá sparkað í hann og hann fundið höggin koma víðsvegar í líkama sinn, m.a. í axlir og brjóstkassa. Hafi tveir menn frá Marokkó stöðvað bifreið sína þegar þeir hafi séð árásina og tekið hann upp í bifreið sína.

  Jens Sigurðsson,  Hellubæ, Andakílshreppi, Borgarfirði, og Pétur Jónsson, Björk, Andakílshreppi, Borgarfirði, voru ákærðir fyrir líkamsárás gegn A. Þótti sannað að Pétur hefði slegið A tvö högg íandlitið og að báðir ákærðu hefðu sparkað í hann liggjandi. Hlaut A við þetta brot á efri kjálka og augnbotni vinstra megin auk þess sem tvær tennur brotnuðu og hann hlaut sár og mar víða um líkamann. Jens og Pétur voru samkvæmt þessu sakfelldir og við ákvörðun refsingar var litið til hinna alvarlegu afleiðinga árásarinnar og að allt benti til þess að megin hvati hennar hefði verið neikvæð afstaða til útlendinga svo og að brotið var framið í félagi.

  Í læknisvottorði segir: 

Við skoðun hafi komið í ljós sár yfir vinstri öxl utan- og framanvert og hafi sár verið um 3 cm að lengd. Neðan við hægra herðablað hafi verið roðablettur/marblettur u.þ.b. 5 cm í þvermál. Á miðju baki vinstra megin rétt neðan við herðablað hafi einnig verið roðablettur og rof í húð. Svæði þetta hafi verið um 5x8 cm að flatarmáli. Fimm cm neðan við það svæði hafi verið annar álíka blettur um 10 cm í þvermál. Hann hafi verið rauður og með rofi á húð. Á innanverðum vinstri upphandlegg hafi verið 5x5 cm mar. Ofan á vinstri framhandlegg hafi hann verið með sár sem hafi verið um cm að lengd. Þá hafi hann verið með sár á vinstri augabrún en þar undir hafi verið marbunga sem hafi verið u.þ.b. 2x2 cm að flatarmáli. Þá hafi hann verið með marbungu undir vinstri kinn sem hafi verið 3x4 cm að flatarmáli. Við skoðun á munnholi hafi 1. og 2. tönn í neðri góm og hægra megin frá miðju verið brotin. Brotnað hafi úr efsta hluta tannanna. Þá hafi hann verið með marbungu á hægri kinn sem hafi verið 3x3 cm að flatarmáli. Ljóst hafi verið að um alvarlega áverka væri að ræða og hafi verið tekin röntgen- og sneiðmynd af andlistbeinum sem hafi sýnt brot í fram- og hliðarvegg á vinstra kinnbeini. Brotið hafi verið ótilfært en einnig hafi verið brot í augntóftarveggnum hliðlægt og vinstra megin. Einnig hafi sést vökvi (blæðing) á vinstri kinnholu. Augu hafi verið blóðhlaupin.

Málið var höfðað með ákæru 3. október 2006, þar sem báðum ákærðu er gefið að sök að hafa á Laugavegi í Reykjavík að morgni sunnudagsins 19. mars 2006 ráðist saman á brotaþola, A, slegið hann margsinnis íandlitið og sparkað margsinnis í andlit hans og líkama eftir að hann féll í götuna. Við þetta hafi brotaþoli hlotið brot á efri kjálka og augnabotni vinstra megin, tvær tennur í neðri gómi hafi brotnað og hann hafi hlotið sár og mar víða um líkamann. Upplýst er að vitnið, B, kvaddi lögreglu á vettvang og ákærðu voru handteknir nokkrum mínútum síðar. Var brotaþoli þá með áverka í andliti.

Vitnið, B, kvaðst fyrir dómi hafa orðið var við stimpingar er hann var á leið framhjá vettvangi. Hafi hann stöðvað bifreið sína og fylgst með og séð að tveir menn létu höggin dynja á brotaþola, hann hafi fallið á gangstéttina og hafi mennirnir þá sparkað í hann. Nánar spurður kvaðst hann hafa séð annan árásarmanninn, ákærða Pétur, sem hafði sig meira í frammi, veita brotaþola tvö til þrjú „alvöru högg“ í andlit. Hinn, ákærði Jens, hafi verið meira í að „sparka og bakka". Brotaþoli kvað stærri manninn, Pétur, hafa slegið sig fyrsta höggið í andlitið, hann hefði fallið og þá fengið spörk í andlit og víða um líkamann. Hann kvaðst hafa fengið spark í andlitið og reynt að verja það með höndunum. Hann kvaðst viss um að báðir mennirnir hefðu lamið hann og sparkað í hann, sá hávaxni hefði þó haft sig meira í frammi. Ákærði Pétur kvaðst sennilega hafa slegið brotaþola tvö högg íhöfuðið og hent honum frá sér en neitaði því að hafa sparkað í hann. Ákærði Jens kvað meðákærða Pétur hafa kýlt brotaþola tvisvar og taldi hann höggin hafa komið í andlit brotaþola. Sjálfur hefði hann hvorki slegið né sparkað.

Refsing ákærða Péturs er ákveðin fangelsi í sex mánuði. Þegar til þess er litið að hann var tvítugur að aldri þegar brotið var framið og hefur ekki áður verið fundinn sekur um refsiverða háttsemi þykir mega staðfesta ákvörðun héraðsdóms um að skilorðsbinda refsinguna.

Ljóst er að ákærði Jens hafði sig minna í frammi við árásina en sannað þykir að hann tók þátt í henni með því að sparka í brotaþola. Refsing ákærða Jens er ákveðin fangelsi í þrjá mánuði. Þegar til þess er litið að hann var 21 árs þegar atvikið átti sér stað og sakarferill hans hefur ekki áhrif á refsingu, þykir mega staðfesta ákvörðun héraðsdóms um að skilorðsbinda refsingu

Brotaþoli, A, krefst skaðabóta að fjárhæð 944.085 krónur, sem er nánar sundurliðuð í héraðsdómi. Var á það fallist í héraði að ákærðu bæri óskipt að greiða honum 274.095 krónur í skaðabætur með vöxtum og dráttarvöxtum auk þess sem fallist var á kröfu hans um greiðslu 87.150 króna í lögmannskostnað. Í samræmi við niðurstöðu dómsins sendi lögmaður brotaþola innheimtubréf til ákærðu 3. janúar 2007 með kröfu um greiðslu á396.093 krónum, en innifalið í þeirri tölu var reiknað vinnutap í þrjá daga, kostnaður vegna tannviðgerða og læknishjálpar og lögmannskostnaðar auk þjáningar- og miskabóta. Ákærði Jens greiddi hina umkröfðu fjárhæð 12. janúar 2007 án fyrirvara.

Samkvæmt ákæru hlaut brotaþoli áverka á efri kjálka og augnbotni vinstra megin, brot á tönnum og sár og mar víða um líkamann. Á læknisvottorðum samkvæmt sjúkraskrá á slysa- og bráðadeild og sérfræðings á háls-, nef og eyrnadeild er talað um þríbrot í andliti, þ.e. í fram- og hliðarvegg vinstri kjálka og augntóftarvegg, auk tannbrota. Fram kemur að brotin hafi setið vel og því ekki þörf á aðgerð, en dofi hafi verið í andliti. Nefbrot er ekki nefnt í þessum samtímagögnum og ekki í upphaflegri kröfugerð brotaþola. Verður því ekki fullyrt að læknisvottorð sem lagt hefur verið fyrir Hæstarétt, þar sem getið er um nefbrot og aðgerð vegna þess, tengist árásinni að öðru leyti en því að þar er lýst viðvarandi doða í andliti.

Upplýst er að brotaþoli var frá vinnu næstu þrjá vinnudaga eftir árásina, sem átti sér stað snemma á sunnudagsmorgni. Fyrir liggur læknisvottorð sem gefur til kynna að hann hafi verið veikur í skilningi í fjóra daga án þess að vera rúmliggjandi og verður því fallist á að honum beri þjáningabætur í þann tíma 4.360 krónur. Þegar virt eru þau meiðsli sem brotaþoli hlaut og að leiða má af nýju læknisvottorði að hann finni enn fyrir doða í andliti, eru miskabætur ákveðnar 400.000 krónur. Að öðru leyti er með vísan til forsendna héraðsdóms staðfest niðurstaða hans um skaðabætur til brotaþola og lögmannskostnað. Samkvæmt þessu skulu ákærðu greiða A óskipt 550.345 krónur í skaðabætur og lögmannskostnað.

Athugasemdir

[Valdimar Samúelsson, 12.2.2008 kl. 08:31]

Ég var að koma frá keflavík laugardag eftirmiðdag  fyrir rúmri viku þá sá ég sama ofbeldið eftir fyrsta hringinn í ofan við hafnafjörð var blóðugur slagur tveir áeinum hann ber út í snjónum. Við stoppuðum bílinn ásamt öðrum en þá var ráðist að okkur og öskrað á útlensku og fólk rekið í burt. Mafían hefir völdin hér fyrir góðgæsku og einfeldningshátt ég segi ekki bara hjá konum en hver byrjaði að smala erlendum inn í landið. Þá kallað hjálparstofnun eða flóttamanna hjálp. Það fólk lætur alla vita um þessa innbyggðu góðgæsku í austurlöndun nær og fjær. Evrópu og hver veit hvað. Allt þetta fólk veit rétt sinn og vílar ekki fyrir að standa áöllum reglugerðum sem til eru í heiminum.  Er þetta tapað mál hjá okkur.???

[DoctorE (IP-tala skráð) 12.2.2008 kl. 08:42]

Borgarfjörður, er það ekki hillbilly staður Íslands, ég hef heyrt því fleygt

[Linda Linnet Hilmarsdóttir, 12.2.2008 kl. 10:44]

Innlitskvitt og kveðjurTakk takk

[Stefán (IP-tala skráð) 12.2.2008 kl. 10:47]

Það væri skemmtileg tilbreyting ef þú myndir líka birta skrif og dóma um útlendinga sem framja afbrot hér, en ekki bara hatursgreinar um íslenska afbrotamenn.  

[AK-72, 12.2.2008 kl. 11:14]

Frábært framtak hjá þér, Jens, að vekja athygli á þessum málum sem fer hljótt um, þ.e. hatursglæpir gegn útlendingum.

Stefán: hvað er að því að vekja athygli á þessu? Ekki gera fjölmiðlar það ólíkt því sem gengur á þegar útelndingar fremja glæp. Þá eru stríðsfyrirsagnir og umfjallanir í marga daga ásamt því að mennirnir erusakfelldir af almenningi fyrir það eitt að vera erlendir. Hvers vegna má ekki sýna að Íslenindgar ráðist á saklaust fólk af erlendu bergi brtið, fyrir það eitt að vera dökkir eða útlenidngar? Ásamt nauðgurum þá finnst mér þetta einmitt einhverjir þeir fyrirlitlegust glæpamenn sem til eru, og sagan hefur sýnt okkur hvert fordómar leiða, ef ekki er vakinn athygli á þeim strax svo hægt sé að vinna gegn þeim með fræðslu og öðrum aðgerðum.

[Stefán (IP-tala skráð) 12.2.2008 kl. 11:51]

Ég hef bara ekki orðið var við það að fjölmiðlar hér á landi fjalli á meiri áberandi hátt um glæpi sem útlendingar fremja hér heldur en þá glæpi sem íslendingar fremja og  stríðsfyrirsagnir eru að mínu mati ekki stærri sé um útlendinga að ræða nema síður sé, en þær stækka þó vafalaust verulega í augunum á þér kæri AK-72. 

[Gunnar Hrafn Jónsson (IP-tala skráð) 12.2.2008 kl. 12:07]

Já, maður spyr sig hvar þetta endar :(

[Stefán (IP-tala skráð) 12.2.2008 kl. 13:29]

Bryndís, eins og segir orðrétt í þessari einhliða grein Gunnars Hrafns, þá er þarna aðeins ,, um óljósa lýsingu fórnarlambs " að ræða. Enga þekki ég sem betur fer sem vill réttlæta tilhæfulausar árásir íslendinga á útlendinga hér, en ég vil líka minna á að töluvert er um það hér á landi að útlendingar ráðist gróflega hverjir á aðra og stórskaði. Það er hægt að fá upplýsingar um fjölda slíkra glæpa hjá lögreglunni, en um það mynduð þið ,, auðvitað " aldrei skrifa. Þarna er t.d. um að ræða fólk frá Eystrasaltsríkjunum og pólverja búsetta hér. Þá ætla ég líka að rifja það upp að fyrir nokkrum árum reyndi innflytjandi frá Alsír í tvígang að myrða hér innflytjanda frá Marokkó. Fyrst stakk hann Marokko innflytjandan nærri því til ólífis í Hagkaup í Skeifunni, þar sem maðurinn lá alblóðugur á gólfinu og síðan aftur nokkru síðar fyrir utan Pizzastaðinn Hróa Hött þar skammt frá. Samkvæmt fjölmiðlum var sú hnífsárás enn nær því en sú fyrri að valda dauða. Þá varð ég líka eitt sinn vitni að því ásamt nokkrum öðrum, að innflytjandi frá Marokko reyndi alveg að tilefnislausu að skera á háls bandarískan hermann af Keflavíkurflugvelli með því að skera hann á háls, en ég rétt náði að koma í veg fyrir það með miklu snarræði.       

[Stefán (IP-tala skráð) 12.2.2008 kl. 14:07]

Auðvitað veit ég að enginn sem skrifar hér ætlar sér að verja nokkra glæpi með skrifum sínum, en hvorki blaðamenn né bloggarar ættu samt að fjalla algjörlega einhliða um hatursglæpi, því að þeir eru framdir af innflytjendum gegn öðrum innflytjendum, af innflytjendum gegn íslendingum og af íslendingum gegn innflytjendum.   

[AK-72, 12.2.2008 kl. 14:34]

Ég fæ það á tilfinninguna Stefán, að þú vitir ekki almennielga hvað orðið hatursglæpur þýðir. Hatursglæpur er það þegar ástæður glæps eru fordómar geranda í garð þjóðfélagshóps vegna litarháttar/þjóðernis/trúar/kynhneigðar t.d.. Tökum sem dæmi: Adolf litli finsnt gyðingar hættulegir vegna þess að allir tala um hvað þeir séu vondir, hann og Hinrik vinur hans fara niður í bæ, sjá gyðing og ráðast á hann vegna þess að þeir eru sannfærðir um að gyðingar séu vondir í eðli sínu og því eigi gyðingurinn það skilið að vera laminn. Er þetta skýrt?

 Það er svo enginn að réttlæta glæpi, heldur er verið að fjalla um þessa tegund glæpa sem virðast vera komnir af stað hér. Nú eru kominn þegar fimm tilvik á rétt rúmlega ári þar sem ástæðan er þjóðernið og tvö samtök innræktaðra hálfvita sem verða miklir menn á því að hata annað fólk  Er það í lagi eða eigum við bara að þegja og tala aðeins um afbort útlendinga sem þessir innræktuðu notfæra sér sem ástæðu til að æsa upp í sér fordómana og ráðast á saklaust fólk.

[AK-72, 12.2.2008 kl. 14:36]

Og svona varðandi tilfellið með vin Gunnars, þá er þetta ekki annað í mínum augum en tilraun til manndráps.

[Stefán (IP-tala skráð) 12.2.2008 kl. 14:56]

Jú AK-72, ég veit hvað hatursglæpir eru og nefni tvö dæmi: Þegar innflytjandinn frá Alsír reyndi í tvígang að drepa hér innflytjandann frá Marokko vegna þess að hann hataði nágrannaþjóð sína Marokko og svo innflytjandinn frá Marokko sem reyndi hér að drepa þeldökkan amerískan hermann vegna þess að hann hataði bæði svertingja og ameríkana.    

[Ari (IP-tala skráð) 12.2.2008 kl. 15:07]

slæmt mál þar sem kemur fram að ástæður eru rasískar.

Hins vegar má ekki hlaupa til í öllum málum þar sem íslendingar og útlendingar eru í slagsmálum og kalla það rasisma, þetta eru kannski bara 2 menn að slást óháð uppruna.

[Gunnar Hrafn Jónsson (IP-tala skráð) 12.2.2008 kl. 15:42]

Já, þau dæmi sem hafa verið nefnd bera engan veginn keim af slagsmálum heldur eru þetta einhliða árásir þar sem fólk er beitt grófu ofbeldi án þess að geta varið sig.

[Jens Guð, 12.2.2008 kl. 17:00]

  Stefán,  það er vont að réttlæta hatursglæpi gegn nýbúum eða gera lítið úr þeim með því að vísa til þess að fleiri ofbeldisglæpir séu framdir eru hérlendis og ekki bara af Íslendingum.  Reyndar er dapurlegt yfirhöfuð að hatursglæpir séu varðir og réttlættir, burt séð frá því hversu fráleit og langsótt sem vörnin er.  

[Maynard (IP-tala skráð) 12.2.2008 kl. 18:05]

Ef að útlendingur ræðst að Íslendingi að þá er það sönnun á því að útlendingum er ekki treystandi og að þeir "ættu bara að halda sig heima hjá sér". En ef að Íslendingur ræðst að útlendingi þá eru þetta bara slagsmál í hinu mesta bróðerni og fólk eigi að hætta að væla. Mafíurnar hér á landi hafa þó allavega ástæður, peninga. Að ráðast að einhverjum af því að hann er brúnn og með skrítið nafn eru ekki ástæður heldur heimska.

Ég hef aldrei verið jafn stoltur að tilheyra Bananalýðveldinu Ísland.

[Davið (IP-tala skráð) 12.2.2008 kl. 20:40]

Sma ofbeldi hefur aldrei skaðað neinn.Hvaða væll er þetta i ykkur ?

[Grumpa, 12.2.2008 kl. 20:52]

Hlerinn, þú hlýtur að vera að grínast eða gera at í fólki hérna?! Hvernig er annars mögulega hægt að hafa svona skoðanir, í fúlustu alvöru?! Ættu þeir íslendingar sem búa erlendis þá ekki að sama skapi að hunska sér heim? Ef "útrásin" klikkar eitthvað þá eru það hatursglæpir og kynþáttafordómar sem eiga sök á því. Þessi lönd þarna eru líka bara full af útlendingum sem eru langt frá því eins klárir og við

[Númi (IP-tala skráð) 12.2.2008 kl. 23:02]

Nei nú er ég alveg mikið hissa á henni Bryndísi.Þvílíkir fordómar og mannvonska í gangi hjá henni,ætla ekki að orðlengja þetta nema kannski að hún fari að ritskoða sig áður en hún sendir inná pósta.Hægðu á vonskunni í þér,annars ertu nokkuð öflug,og kemur sterk inn í umræður,verum bara róleg.

[Jóhann (IP-tala skráð) 12.2.2008 kl. 23:32]

Ekki skil ég hvað tilgangi þetta tilfinninga/hneykslunarklám á að þjóna hjá þér. Heldur þú, að margir geti ekki auðveldlega toppað þig í þessum efnum?

Ertu að fara fram á strangari refsiramma, lengri fangelsisdvöl?

[Steini Briem (IP-tala skráð) 12.2.2008 kl. 23:35]

Þessir Andkílingar eru laglega búnir að skíta í buxan sín!!! Og hver vill nú vera Andkílingur eftir þetta atriði?! En trúlega hafa borgfirskir sauðaþjófar stolið þessum óknyttadlýð og selt í kindahakk. Alla vega er kindaketið grunsamlega ódýrt í Melabúðinni.

[Brjánn Guðjónsson, 12.2.2008 kl. 23:37]

Borgarfjörðurinn já......hann er ekki alslæmur. Ég þekki margt gott fólk þar.

Nota tækifærið til að skora á fólk að kíkja á bloggið mitt og sjá hvort þið sjáið hina margfrægu auglýsingu.

[Óskar Þorkelsson, 12.2.2008 kl. 23:38]

furðulegt að maður eins og hlerinn sem btw hefur þetta í lýsingu á sjálfum sér á sínu bloggi : Hef gaman af öllu er varðar mannleg samskipti.  skuli láta svona þvætting fara frá sér opinberlega.  Það er fólk eins og þú markmannsdrusla úr kópavogi sem fær mig til þess að skammast mín fyrir að vera íslendingur. 

[Steingrímur Helgason, 12.2.2008 kl. 23:55]

Dittóa með Óskari þetta með hlerann...

Það ætti að hætta að hlerann, eiginlega.

Svona athugasemdir fá mann til að hætta að trúa á tjáníngarfrelsið, tímabundið..

[Steini Briem (IP-tala skráð) 12.2.2008 kl. 23:57]

Allir Íslendingar hafa alltaf hagað sér sómasamlega á erlendri grund. Enginn Íslendingur hefur nokkurn tíma lent í slagsmálum erlendis, stolið þar nokkrum sköpuðum hlut, keypt eiturlyf eða flutt þau til Íslands.

Þeir Íslendingar sem sitja í fangelsum erlendis eru þar fyrir algjöran misskilning. Og þegar Íslendingar eru erlendis er strax kominn hópur af útlendingum í kringum þá til að lemja þá sundur og saman, bara fyrir að vera Íslendingar! Þetta verður að stöðva og það strax!!!

[Ari (IP-tala skráð) 12.2.2008 kl. 23:57]

Bryndís, ég sagði aldrei að þetta mál hefði verið slagsmál, ég var þá að tala almennt um ofbeldisfréttir hér. Leiðinlegar athugasemdir? Ég hef aðeins komið með eina athugasemd hérna í þessari bloggfærslu.

[Birkir Viðarsson (IP-tala skráð) 13.2.2008 kl. 03:31]

Flottar færslur hjá þér Jens.

Erfitt fyrir suma að líta í spegil.

Haltu áfram að fight the good fight.

stefán: "Það væri skemmtileg tilbreyting ef þú myndir líka birta skrif og dóma um útlendinga sem framja afbrot hér, en ekki bara hatursgreinar um íslenska afbrotamenn. "

Af hverju ætti hann að vera að því? Íslenskir net- og prentmiðlar eru sérstaklega duglegir við það og nafngreina snemma á stigum mála.

Gaman samt að sjá að loks er farið að nefna íslenska hatursglæpamenn.

[Stefán (IP-tala skráð) 13.2.2008 kl. 10:09]

,, Þvílíkir fordómar og mannvonska " segir Númi um hana Bryndísi og ég vil taka undir það með honum að því leiti að hinn mjög svo ágæti penni sem Bryndís er, virðist haldin miklum fordómum og hatri gegn innfæddum íslendingum og sömuleiðis Birkir Viðarsson harðkjarnarokkari og óska ég þeim báðum góðs gengis við flutningana af landi brott og vona að þau finni sínar Paradísir erlendis, hvort sem þau flytja til Austur-Evrópu, Múslimaríkja, Portúgal eða hvert þau fara. Samt er ekki víst að harðkjarnarokkinu hans Birkis yrði vel tekið í þessum ríkjum.   

[StefánStefán (IP-tala skráð) 13.2.2008 kl. 13:12]

Það er gott Bryndís að þjóðin fái að njóta þín og fjölskyldu þinnar áfram. Las á síðu þinni að þið eigið þrjá litla grislinga og mér verður þá hugsað til foreldra litla drengsins sem var keyrt yfir í Keflavík. Ég veit að móðirin er alveg miður sín yfir því að pólverjinn sem olli dauða litla drengsins er núna laus úr farbanni. Þykist vita að þér sem ástríkri og réttlátri móðir væri eitthvað sviðað innanbrjósts ef þú hefðir lent í slíku máli. 

[Steini Briem (IP-tala skráð) 13.2.2008 kl. 15:19]

Fólk ber sjálft ábyrgð á börnum sínum, ekki síður en bílstjórar á þeim bílum sem þeir aka. Karlar og konur af öllum þjóðernum aka of hratt hér og því er enn meiri ástæða fyrir alla til að hafa góðar gætur á börnum sínum við götur, hvort sem umferðin þar er lítil eða mikil.

Enginn á að láta smábörn leika sér ein við götu, hvað þá úti á götu, og ekki heldur með eitthvað eldri börnum. Þau eiga ekki að bera slíka ábyrgð, sem fylgir þeim jafnvel alla æfi, ef eitthvað kemur upp á. Lærum af reynslunni, gott fólk, og hættum að kenna öðru fólki um alla skapaða hluti! Og bílstjórar, íslenskir og erlendir, verða að aka hægar en þeir gera hér!

[Einar Steinsson, 13.2.2008 kl. 15:36]

Stefán, ég geri ráð fyrir að móðurinni í Keflavík líði svipað og móður unglingsstúlku vestur á Bíldudal sem var ekin niður af Íslenskum vitleysingi á ofsahraða fyrir ekki svo löngu síðan. Sá fékk ekki stóran dóm. Ég sé ekki alveg hvaða máli þjóðerni ökufantsins skiptir máli ef þú missir barnið þitt.

[Birkir (IP-tala skráð) 13.2.2008 kl. 16:11]

Stefán: ég kann að meta hnittni en að setja hana í þetta samhengi er ekki jafn snjallt. Ég hef hvorki hatur á innfæddum Íslendingum og hef ekki meiri fordæoma fyrir þeim umfram aðra. Öll höfum við fordóma. Ég er helvíti infæddur og óska öllum hins besta. Átta mig ekki alveg á því hvaðan þetta skot kom frá þér en það skiptir ekki öllu máli.

[Stefán (IP-tala skráð) 13.2.2008 kl. 16:49]

Já Birkir, ætli þetta hafi ekki bara verið ,, Shot In the Dark " eins og Ozzy söng um árið. Þrælflott lag hjá kalli, verð að finna eitthvað álíka flott lag með I Adept, því að ég las einhversstaðar ,, I Adept make your heart move like nobody else can .... " og Einar Steinsson ég er alveg sammála þér en verst er að þessi pólski ökufantur vill ekki gangast við afbroti sínu og ég skil bara ekki afhverju farbanninu var aflétt.

[Birkir (IP-tala skráð) 13.2.2008 kl. 17:46]

Stefán: Shot in the Dark er auðvitað afbragðslag og hafði mikil áhrif á mig þegar ég var krakki.

Það er margt sem ég skil ekki heldur eins og t.d. tíður partýfílingur landamæravarða Íslands (tollverðir) og reglur sem handbendlar ríkissins fara svo sjálfir ekki eftir, en ég mun seint vera tortrygginn í garð útlendinga sem hóps.

Fólk er fólk.

Fífl eru fífl.

Bara misjafnlega skaðleg fífl 

[Birkir (IP-tala skráð) 13.2.2008 kl. 17:51]

Stefán: ég var að lesa síðustu viðbrögð þín við skrifum Bryndísar og verð að gera aðra athugasemd. Er það rétt skilið hjá mér að ég á að vera tortygginn í garð Pólverja af því að verðir laganna og hið opinbera hleypti manni úr landi sem keyrði á barn í Keflavík, drap það og hljópst á brott?

 Það þykir mér ansi grunnhygginn póll úr hæð.

a.t.h. þetta var spurning. 

[Númi (IP-tala skráð) 13.2.2008 kl. 17:51]

Kæra Bryndís,ertu fyrirmynd einhverra saklausra sála,ef svo er farðu þá nú að vanda þig í ritmáli.Enn og aftur ertu að klikka á fordómum ,ekki gera svona mistök,Hefur þú kynnst andskotanum sjálfum?það mætti halda það miðað við innlegg þitt.Hafðu það sem allrabest.Ég var einusinni hrikalega róttækur og þekki það að ,,spennast,, upp og segja hvað sem er,en þá var ekkert bloggið.

[Númi (IP-tala skráð) 13.2.2008 kl. 18:05]

Ég dreg það ekki í efa að þú ræður að sjálfsögðu hvernig þú svarar og þú svo sannarlega gerir það Bryndís,ég óska þér alls hins besta .

[Einar (IP-tala skráð) 13.2.2008 kl. 18:07]

Ef það ætti að veita verðlaun í heimi bloggara þá fengi Bryndís verðlaunin fyrir að vera málefnalegasta manneskjan á þessu bloggi.

Kannski væri ekki verra Bryndís ef þú splæstir nokkrum þúsundköllum í "anger management" námskeið.

Málið er bara það að fólk..sem betur fer hefur öðruvísi skoðanir á lífinu og umhverfi sínu og ef það elskar ekki útlendinga eins mikið og þú virðist greinilega gera þá eru það bara hálvitar og "verri en andskotinn sjálfur" og ég veit ekki hvað og hvað.

[Jens Guð, 14.2.2008 kl. 02:20]

  Skoðum málið út frá þessari hlið:  Útlendingar á Íslandi eru um 10% (ég nenni ekki að tékka á nákvæmri tölu).  Afbrot útlendinga á Íslandi eru um 12% (ég nenni heldur ekki að tékka á nákvæmri tölu).  Skekkjumörk eru óveruleg.  Meirihluti útlendinga sem fremja afbrot á Íslandin eru ferðamenn.  Ekki nýbúar. 

  Málið snýst ekki um þetta.  Hatursglæpi á ekki að réttlæta með tölfræði yfir að tiltekið % af 30.000 útlendingum fremji hér afbrot.  Eftir stendur að hátt í 9 af hverjum 10 útlendingum á Íslendingar eru heiðarlegir,  svipað hlutfall og meðal Íslendinga,  jafnvel þó við teljum með ferðamenn sem eru verulegur hátt hlutfall af glæpum útlendinga á Íslandi.

   Svona reikningskúnstir koma ekki beinlínis máli við.  Né heldur tilvísanir í afmörkuð afbrot útlendinga á Íslandi eða hlutfall íslenskra glæpamanna.

  Það er ekkert sem réttlætir hatursglæpi gagnvart útlendingum.  Engin tölfræði.  Engin tilvísun í að útlendingar fremji glæpi.  Hvorki gagnvart hver öðrum né Íslendingum.  Hatursglæpi á ekki að líða og það á ekki að afsaka þá með öðrum glæpum.  Hatursglæpi á að afgreiða á eigin forsendum.  Þá á að fordæma af fullum þunga og án allra afsakanna.  Þeir sem fremja hatursglæpi eru fyrirlitlegir og þá á ekki að afsaka með tilvísun í eitt né neitt.  Þeir eru aumkunarverðir vesalingar sem verða ekkert minni vesalingar þó að bent sé á aðra glæpamenn.  Ég skal með ánægju sjálfur lemja þá hvar sem ég næ til þeirra og fara niður á þeirra lága plan.  Svo lágkúrulegur er ég í andúð minni á þessum ræflum.

[Jens Guð, 14.2.2008 kl. 02:26]

  Birkir og Stefán,  ég tek undir að "Shot in the Dark" er ljómandi gott lag.  Enda er ég gamall BS fan þó að ég sæki meira í aðeins harðara rokk með I Adapt og Slayer.  En BS er klassík.

[Jens Guð, 14.2.2008 kl. 02:37]

  Hlerinn,  þú ert svo skaddaður að ætla má að þú sért markvörður.  Þú berð öll einkenni þess að hafa skallað stöngina of oft.  Það er bæði dapurlegt og broslegt að fullorðinn maður sé í kvíðakasti og pissandi í sig af hræðslu yfir að nokkur hundruð Pólverjar séu að yfirtaka 312.000 manna samfélag Íslendinga,  ræna frá því landsins gæðum,  nauðsynjum og menningu.  Þú þarft á bráðahjálp að halda,  kallinn minn.  Þegar maður heyrir frá fífli eins og þér þá er stutt í að óska þess að endir verði bundinn á skaðlega innræktun og hróp á sem mesta blóðblöndun til að bull útkynjaðra fari hljóðlegar. 

[Steini Briem (IP-tala skráð) 14.2.2008 kl. 16:19]

Jurgen, ég hef í rauninni engu við það að bæta sem ég sagði hér áður í #43. Ég held að það skiljist ágætlega og þarfnist engra útskýringa. Sá sem er með smábarn í gæslu má ekki líta augnablik af því, eins og þú bendir réttilega á. Það er einmitt málið. Hvar og hvenær sem er, ekki síst við umferðargötur og hvað þá þar sem umferðin er mikil á hverjum degi.

BÆÐI ökumaðurinn og sá sem á að hafa gætur á viðkomandi barni bera ábyrgð, ÖLL AUGNABLIK, ekki bara sum eða flest. Og hér skiptir engu máli hvaða börn og ökumenn um er að ræða og í hvaða landi. Og íslenskir ökumenn eru nú ekki almennt betri en útlendir og margir þeirra síðarnefndu verða skelfingu lostnir þegar þeir koma í umferðina hér í Reykjavík.

Hérlendis verða yfirleitt um 20 banaslys á ári í umferðinni, langflest af völdum Íslendinga, og þessi slys gætu verið mun færri, EF fólk almennt, BÆÐI Íslendingar og útlendingar, gættu hér betur að sér og keyrðu hægar alls staðar. Sautján ára gamall lærði ég það, ÁÐUR en ég hafði valdið slysi. Og það skiptir miklu meira máli en það hvort einhver einn eða fleiri hafi stungið af frá slysstað, enda þótt það sé nú ekki til fyrirmyndar.

[Steini Briem (IP-tala skráð) 14.2.2008 kl. 20:12]

Ég held að við skiljum hvor annan alveg ágætlega, Jurgen, en "skítlegt eðli" finnst að sjálfsögðu í sumu fólki af öllu þjóðerni. Hægt væri að skrifa langan lista um slíkt óeðli hjá hverri þjóð fyrir sig og Íslendingar eru hvorki betri né verri en aðrir í þeim efnum.

Það er til dæmis óeðli að kenna öllum Pólverjum sem búa hérlendis, mörg þúsund manns, um þetta slys í Keflavík, eins og margir Íslendingar hafa gert. Það óeðli er ekki betra en annað óeðli og alls ekki minna óeðli en að stinga af frá slysstað.

[Steini Briem (IP-tala skráð) 14.2.2008 kl. 22:52]

Vegna milliríkjasamninga yrði þessi Pólverji þá bara látinn sitja dóminn af sér í steininum í Póllandi og við þurfum þá ekki að greiða kostnaðinn af vist hans á Litla-Hrauni upp á nokkrar milljónir króna.

Það er hagur bæði íslenska ríkisins og erlendra sakamanna hér að þeir sitji af sér íslenska dóma í sínu heimalandi, þar sem ættingjar þeirra eiga auðveldara með að heimsækja þá í steininum. Og það er nú rætt um það í stjórnkerfinu hér að slíkt verði almenna reglan. Þar að auki eru fangelsi hér yfirfull af bæði útlendingum og Íslendingum og því erfitt að koma fleirum í grjótið hér.

[Gísli Bergsveinn Ívarsson, 15.2.2008 kl. 00:38]

Kíktu inn á blogið mitt og segðu hvað þér finnst um NOVA auglýsinguna