Lay Low á toppnum

 

  Fyrir viku síðan spáði ég því að platan Ökutímar með söngkonunni Lay Low myndi ná toppsætinu í þessari viku.  Þetta hefur gengið eftir.  Ökutímar er söluhæsta platan á Íslandi í dag.  Það er sérstakt fagnaðarefni.  Ekki aðeins er platan hin áheyrilegasta,  eins og Lay Low er von og vísa,  heldur rennur allur ágóðahlutur Lay Low af sölu plötunnar óskiptur til Aflsins,  systursamtaka Stígamóta á Norðurlandi. 

  Þess vegna hvet ég alla þá sem eiga eftir að kaupa þessa plötu til að draga það ekki lengur.  Best er að kaupa nokkur eintök og gefa þau í afmælisgjafir og stinga þeim með í fermingarpakkana.  Með því er vakin athygli á þarfri starfsemi Aflsins og stutt við bakið á fjársveltum samtökum.  Um leið er vakin athygli á höfðinglegu framtaki Lay Low.  Það getur orðið öðrum hvatning til að styðja Aflið.  Og viðtakandi getur hlustað á fína plötu.

www.aflid.muna.is

www.myspace.com/baralovisa     

Athugasemdir

[Steini Briem (IP-tala skráð) 14.2.2008 kl. 20:25]

Líka hægt að leggja einhverja upphæð inn á Aflið í banka, 1145-26-2150, kennitala 690702-2150.

[Ásthildur Cesil Þórðardóttir, 14.2.2008 kl. 20:26]

Þetta er svo sannarlega gleðiefni.

[Lára Hanna Einarsdóttir, 14.2.2008 kl. 20:54]

Til hamingju... þú átt örugglega þinn þátt í því, Jens. Systir þín má vera stolt af þér. 

[Brjánn Guðjónsson, 14.2.2008 kl. 21:13]

er að bíða eftir að síðan hlaðist niður. myspace hefur verið í sérstaklega mikilli sultu undanfarið. kíki annað veifið til að tékka, en alltaf sama sultan.

gafst upp á að bíða.

[Númi (IP-tala skráð) 14.2.2008 kl. 22:03]

Auðvitað var þetta vitað með Lay Low,en var það vitað að héraðsdómur mundi sýkna nauðgarann er kom fram vilja sínum fram,á salerni á Hótel Sögu í fyrra.Og vel á minnst er hann ekki frá Litháen?Vá rétt þori að skrifa þetta,Jens hver er þín skoðun.?

[Markús frá Djúpalæk, 14.2.2008 kl. 22:07]

Góð plata, gott málefni, skrýtinn dómur.

[Markús frá Djúpalæk, 14.2.2008 kl. 22:10]

Hæstiréttur ómerkti í dag dóm héraðsdóms í nauðgunarmáli og vísaði málinu heim í hérað til nýrrar aðalmeðferðar. Ákærða sem er tæplega tvítugur karlmaður er gefið að sök að hafa aðfaranótt 17. mars 2007 þröngvað tvítugri konu á salerni í kjallara Hótels Sögu í Reykjavík til samræðis og annarra kynferðismaka með því að ýta henni inn á salernisbás og halda henni þar meðan hann hafi komið fram vilja sínum.

[Brjánn Guðjónsson, 14.2.2008 kl. 22:36]

hvernig tengjast ofantalin komment íslenskum nauðgurum, eða erlendum?

einhver með slæma samvisku hér?

[Jens Guð, 14.2.2008 kl. 22:40]

  Steini,  takk fyrir að minna á það.

  Ásthildur,  ég tek undir það.

  Lára Hanna,  ég vona að mér takist að ýta á einhverja.

  Brjánn,  ég kann ekkert á myspace.

  Númi,  ég tók sýknudóm Héraðsdóms í þessu máli fyrir hér:  http://jensgud.blog.is/blog/jensgud/entry/259017  Þar neðst lýsi ég skoðun minni á málinu.

  Markús,  ég heyri líka að þið hjá Útvarpi Sögu eruð dugleg við að spila lög af plötunni.  Bestu þakkir til ykkar fyrir það.

[Magnús Geir Guðmundsson, 14.2.2008 kl. 22:54]

Brjáni hinum norðlenskættaða til upplýsingar, þá er AFLIÐ systursamtök Stígamóta, er taka á grimmum afleiðingum til dæmis nauðgana og annara kynferðisafbrota. Til þess rennur allur Ágóði Ley Low af plötunni. Þar liggur tengingin.

[Guðríður (IP-tala skráð) 15.2.2008 kl. 01:40]

Því miður þá finnst mér söngur Lovísu (aka. LEYLÓ) allt of veikburða og máttlaus til að hann geti verið góður. Auk þess kann hún ekki að syngja - eða semja á íslensku. Hún slítur orð í sundur og framburður sumra orða er úti á túni.

Sorrí, komið með frambærilegri söngvara! 

[Jens Guð, 15.2.2008 kl. 01:59]

  Guðríður,  það er sérstæður söngstíll Lay Low sem gerir tónlist hennar svo heillandi.  Það er þessi krúttlegi raulsöngur hennar sem er ástæðan fyrir því að hún skaust eldsnöggt upp á stjörnuhimininn 2006 og hefur síðan verið ein af súperstjörnum landsins.  Líka ástæðan fyrir því að hún var kosin besta söngkonan á Íslensku tónlistarverðlaununum í fyrra.  Lay Low hefur sem sagt formlega verið krýnd frambærilegasti kvensöngvari landsins.

  Lay Low á það sameiginlegt með Janis Joplin að vera ekki góður söngvari fagurfræðilega.  En í dægurlagamúsík er það ekki málið.  Þess vegna getum við

  Ég verð ekki var við hnökra í íslenskum textum hennar né framburði.  Forvitnilegt væri að fá dæmi um það.     

[steiner (IP-tala skráð) 15.2.2008 kl. 03:13]

Lay Low er flott, góð lög, skemmtilegur og soldið öðruvísi söngstíll en gengur og gerist sem einmitt gerir hana svo heillandi, og ekki skemmir fyrir að hún getur spilað á gítar líka. heyrðu jens er hún skyld þér?

[Jens Guð, 15.2.2008 kl. 04:10]

  Steiner,  ég veit ekki til þess að hún sé skyld mér.  Sýnist þér við vera svona lík? Eða er söngrödd okkar lík?

  Ef ég man rétt þá er faðir Lay Low frá Sri Lanka.  Ég veit ekki hvort að móðir hennar er íslensk eða líka frá Sri Lanka.

[Reynir (IP-tala skráð) 15.2.2008 kl. 13:19]

Frábært að heyra, líka góð plata!

En var einhversstaðar getið um listamanninn sem gerði kovverið?

[Viggi (IP-tala skráð) 16.2.2008 kl. 12:41]

Reynir, þessu var bara nappað. Þetta er vintage plakat sem var bara copy/paste-að

[Markús frá Djúpalæk, 16.2.2008 kl. 12:47]

Mér sýnist nú karlmaðurinn á koverinu líkjast Þresti Leó Gunnarssyni.

[Viggi (IP-tala skráð) 16.2.2008 kl. 17:26]

Markús, það er rétt, en tilviljun ein :)

[Viggi (IP-tala skráð) 16.2.2008 kl. 17:26]

Samt Markús, þegar ég lít á hana aftur. Þetta er miklu líkara Gunnari Eyjólfs á yngri árum.

[Markús frá Djúpalæk, 16.2.2008 kl. 17:41]

Kannski eru þeir ekkert ólíkir leiksnillingarnir, Gunnar og Þröstur.

[Magnús Geir Guðmundsson, 16.2.2008 kl. 20:33]

Þetta er Þröstur Leó, hann leikur eitt aðalhlutverkið í verkinu, eða lék öllu heldur,sýningum lokið í bili að minnsta kosti! (eða það held ég.)

[Hans (IP-tala skráð) 17.2.2008 kl. 19:21]

Er þetta Þröstur Leó?

verk sem er teiknað fyrir 40 árum í bandaríkjunum? og sýnir Þröst Leó? það er aldeilis magnað.

[Einar Bragi Bragason., 18.2.2008 kl. 00:27]

þetta er flott framtak hjá henni ...en verst þykir mér að þetta eru meira og minna cover lög(oft heyrt þau flest í flottari úts).......Þetta með söngin...ég er alveg á báðum áttum.....mér finnst hún með svolítið krúttlega rödd og fíla hana í skömmtum......en hún minnir mig mikið á barnasöng......eða fullorðinn að reyna syngja barnalega......þetta með framburðinn ...það er stundum eitthvað skrítið í því hevrnig hún slítur sönginn á milli orða.....en það eru margir Ísl söngvarar sem syngja ekki vel á Íslensku.