Pönkveisla á Grand Rock

 

  Færeyingar tala um átfund þegar þeir eiga við veislu.  Átfundur er gott orð sem lýsir fyrirbærinu betur en orðið veisla,  sem þó er dregið af orðinu veitingar.  Betur fer þó á því að kalla pönkhátíðina á Grand Rock í kvöld pönkveislu.  Þar mun rjóminn af pönkrokkurum níunda áratugarins matreiða 40 helstu einkennislög pönkbyltingarinnar á seinni hluta áttunda áratugarins. 

  Eitt af aðalsmerkjum pönksins á þessum árum voru sterkar og grípandi laglínur.  Fyrir bragðið hefur fjöldi þeirra orðið klassískur.  Ég ætla að flestir rokkunnendur kannist við lögin sem verða flutt í kvöld þó að þeir séu undir þrítugsaldri.  Og eitt er víst:  Það verður mikið fjör og mikið gaman.

Athugasemdir

[Bara Steini, 8.3.2008 kl. 15:25]

Maður er að raða í sig öryggisnælum hlaðandi utan á sig keðjum og kveðja siðmenntað þjóðfélag, þó það verði ekki nema í bara nótt, í reykjavík ó reykjavík þeirri yndisleguborg.

[Ari (IP-tala skráð) 8.3.2008 kl. 15:41]

Býst að það verði troðið þarna. Grandrokk er ekki góður staður til að halda tónleika ef það mæta margir, hann er í raun alger hörmung. Það hefði frekar mátt halda þetta á stærri stað. 

[Magnús Geir Guðmundsson, 8.3.2008 kl. 21:26]

Bara 40?

Miðað við meðallengd margra pönkperlanna, þá verður þetta eins og þar stendur "Stutt gaman en skemmtilegt", eða þannnig!