Vinsælustu lögin í pyntingabúðum Bandaríkjahers

  Brúskur forseti Bandaríkjanna beitti neitunarvaldi í liðinni viku gegn frumvarpi um að dregið verði úr pyntingum á föngum.  Honum þykir næstum því jafn gaman af að láta lesa fyrir sig skýrslur um pyntingar eins og að horfa á jólunum á myndbönd af aftökum í Texas.  Pyntingar og aftökur eru hornsteinn vestræns lýðræðis og mannréttinda samkvæmt hugarórum Brúsks.  Það er kannski ekki ástæða til að setja spurningamerki við þá.  Frekar kannski við vinsældalista þeirra sem breiða út boðskapinn með því að spila á hæsta styrk bandaríska músík - og þungarokk með áströlsku AC/DC og hommapopp með áströlsku Bee Gees - fyrir fanga Bandaríkjahers í Írak og Guantanamo.  Bæði til að halda fyrir þeim vöku og ergja þá og til að yfirgnæfa í þeim sársaukaöskrin.  Þannig lítur vinsældalistinn út:

1.   "Fuck Your God" með Deicide

2.   "Die MF Die" með Dope

3.   "Take Your Best Shock" með Dope

4.   "White America" með Eminem

5.    "Kim"  með Eminem

6.    "Barney Them Song"  með Barney

7.    "Bodies"  með Drowing Pool

8.    "Enter Sandmen"  með Metallica

9.    "TV commercials"  með Meow Mix

10.  "TV Themes"  með Sesar A

11.  "Babylon"  með David Gray

12.  "Born in the USA"  með Bruce Springsteen

13.  "Shoot to Thrill"  með AC/DC

14.  "Hells Bells"  með AC/DC

15.  "Stayin Alive"  með Bee Gees

16.  "All Eyes on Me"  með Tupac

17.  "Dirty"  með Kristínu Aguilera

18.  "America"  með Neil Diamond

19.  "Bulls on Parade"  með Rage Against the Machine

20.  "American Pie"  með Don McLean

 Ég á nokkur lög á þessum lista.  Og kann vel við þau.  Til að mynda lögin með Brúsa Sprengjusteini,  Metallicu,  AC/DC,  Deicide,  Dope og Rage Against the Machine.  Hinsvegar átta ég mig á því að það sé kvöl og pína að sitja undir viðbjóðnum með Bee Gees og Kristínu Aguilera.  Jafnframt tel ég klaufalegt hjá pyntingastjórunum að spila ekki frekar "American Pie" í hörmulegum flutningi Madonnu en þægilegan flutning Dons McLeans. 

  Fyrir þá sem þekkja ekki Deicide þá er þar á ferð ágæt dauðarokksveit frá Florida.  Í textum og viðtölum er hljómsveitin mjög upptekin af kristni,  sem litast af andúð á samstæðu trúarbrögðunum frá Arabíu:  Gyðingdómi,  kristni og islam.  Samt aðallega kristni.

 Hljómsveitin Dope er þokkaleg speed-metal sveit sem einnig á rætur að rekja til Florida,  þar sem bróðir Brúsks er ríkisstjóri.  Nafnið er dregið af því að liðsmenn voru - og eru kannski enn - dópsalar.

  Ég hef ekki hlustað mikið á Drowing Pool.  Sú hljómsveit kemur frá Dallas í Texas,  þar sem Brúskur var ríkisstjóri og toppaði önnur ríki Bandaríkjanna í aftökugleði á föngum.  Af því litla sem ég hef heyrt með Drowing Pool þá skilgreini ég hana undir nu-metal (þungarokk með rapp-ívafi).  Samt held ég að hljómsveitin sé fremur skilgreind sem almenn þungarokkssveit.  En hvað veit ég?  Þekki hljómsveitina ekki nógu vel.

  Þegar Bandaríkjamenn spila "Born in the USA" með Brúsa Sprengjusteini bregða þeir jafnan bandaríska fánanum á loft.  Sá kengruglaði forseti,  Ronald Reagan,  notaði þetta lag í kosningabaráttu sinni.  Brúsi gaf sitt leyfi fyrir því gegn því að Ronald myndi hlusta á plötu Brúsa "Nebraska".  Á "Nebraska" er sungið um fátæka fólkið í Bandaríkjunum.  Í "Born in the USA" dregur Brúsi upp gagnrýna mynd af hernaði Bandaríkjanna í Vietnam.  En í hugum Bandaríkjamanna er það viðlagið sem telur.  Það framkallar þjóðarrembu.

  Ég er sannfærður um að liðsmenn Rage Against the Machine eru ekki ánægðir með að músík þeirra sé notuð til pyntinga á föngum.  Ég tók viðtal við gítarleikara RATM þegar hljómsveitin spilaði í Hafnarfirði 1992 eða ´93.  Í nokkur ár á eftir héldum við sambandi.  Eða réttara sagt þá sendi hann mér reglulega þá óútgefið efni með hljómsveitinni,  skyrtuboli merktum hljómsveitinni og gott ef ekki húfu ásamt áróðursefni um mannréttindi í sunnanverðri Ameríku.  Fyrir klaufaskap var ég latur við að þakka fyrir sendingarnar og samskiptin rofnuðu. 

Athugasemdir

[Sigurður Þórðarson, 9.3.2008 kl. 22:52]

Hann er verulega skrýtinn þessi maður.

[Jón Einarsson (IP-tala skráð) 9.3.2008 kl. 22:55]

Þú átt oft merkileg skrif, og stundum ætti ekki að birta þau. Ég amk kvartaði yfir þegar þú talaðir um enda eitthva m Ótrúlegt að fullorðinn maður skrifi svona, jafnvel vitani að börn lesi þetta.

Farðu að vanda þig og bera virðingu f sjálfum þér og þeim sem lenda í að lesa skrfiin þín.

kv 

[Eddi stuð (IP-tala skráð) 9.3.2008 kl. 22:59]

Ertu drukkinn Jens eða er eiitthvað að í þínu sálarlífi ?

[Óskar Þorkelsson, 9.3.2008 kl. 23:21]

djöfuls tuðarar þvælast um í bloggheimum...

[Steini Briem (IP-tala skráð) 9.3.2008 kl. 23:31]

Ég held að Jón Einarsson ætti nú sjálfur að vanda sig, því ég skil hvorki upp né niður í því sem hann er að reyna að koma hér á framfæri. Hvað á þessi "setning" til dæmis að merkja: "Ég amk kvartaði yfir þegar þú talaðir um enda eitthva m" ?! Ef menn vilja að aðrir vandi sig verða þeir nú að sýna gott fordæmi og girða niður um sig áður en þeir ganga hér örna sinna, ef þeir vilja ekki gera í buxan sín. Og fróðlegt væri að vita hvað börn mega ekki sjá hérna, nema sýna bevís að þau séu orðin átján.

[Einar Bragi Bragason., 9.3.2008 kl. 23:42]

þú átt sem sagt ekki bestu artistana á þessum lista he he he

[Jens Guð, 10.3.2008 kl. 00:01]

  Siggi,  Brúskur er sérstæð týpa. 

  Jón,  þegar ég reyndi að horfa framhjá stafsetningavillunum hjá þér þá varð mér samt hugsað til þess að fleiri en ég ættu að vanda sig.  Það er bara til bóta þegar menn reyna að vanda sig,  hafandi í huga að kannski lesa óhörðnuð börn textann.

  Eddi stuð,  ég er ekki dómbær um mitt sálarlíf.  Engu að síður er ég sáttur við að vera andvígur pyntingum og aftökum á fólki.  Jafnframt er ég sæll og glaður þegar ég hlusta á mörg þau ágætu lög sem pyntingameistarar Bandaríkjahers spila.  En ég er minna fyrir "drukknunarpyntinguna" sem var þróuð á dögum spænska rannsóknarréttarins og Brúskur hefur svo mikið dálæti á.

    Óskar,  það er aldrei skortur á tuðinu.  Það skiptir ekki máli hvort til umræðu er barnaníð,  nauðganir,  pyntingar eða aftökur á föngum.  Það spretta alltaf upp einhverjir til varnar ofbeldinu.

  Steini,  það er gestaþraut að ráða fram úr innleggi Jóns.  Ég hef þó tekið þátt í skemmtilegri og áhugaverðari gestaþrautum. 

  Einar Bragi,  hverjir eru bestu artistarnir á listanum?  Ég hef gaman að mörgu með Eminem og Tupac án þess að eiga plötur með þeim.  Er meira fyrir harða rokkið en rappið engu að síður. 

[Ari (IP-tala skráð) 10.3.2008 kl. 00:15]

Hver setti þennan lista saman og hvernig er hægt að mæla þetta?

Annars mætti frekar blasta laginu Bible Basher m. Deicide f. utan Hvíta húsið.

Í textanum segir meðal annars:

Ram your religion so far up your ass
Till it becomes just a thing of the past
Trample the cross and you cave into hate
Bible basher I'm destroying your faith

[Jens Guð, 10.3.2008 kl. 00:40]

  Anna,  Brúskur hefur verið ennþá áhugasamari við að horfa á myndbönd á jólunum af aftökum á vangefnu fólki.  Þau toppa jólagleðina hjá böðlinum frá Texas.

  Ari,  þessi listi er samantekt á framburði fyrrverandi fanga í pyntingabúðum Bandaríkjahers í Írak og Guantanamo.  Það vekur athygli að lögin sem eru efst á listanum eru í stafrófsröð flytjenda.  Það hefur vakið upp grunsemdir um að lögin séu valin af hærra settum en þeim sem spila lögin.  Reyndar er flest sem að þessum pyntingabúðum snýr tómt rugl frá A-Ö.  Af þeim mörg hundruð föngum sem hafa verið pyntaðir í Guantanamo hafa innan við 10 verið kærðir formlega og ennþá færri sakfelldir.  Hlutfall fanga Bandríkjahers í Írak nær ennþá lengra í þá átt.   En góðu fréttirnar eru þær að allir hafa þeir fengið góða uppfræðslu um vestrænt lýðræði og mannréttindi.    

[Gunnar Hrafn Jónsson (IP-tala skráð) 10.3.2008 kl. 02:29]

Merkilegt að "Killing an Arab" með The Cure hafi ekki ratað inn á listann :)

[DoctorE (IP-tala skráð) 10.3.2008 kl. 07:41]

Best af öllu væri að setja liðið inn á asískan karaókíbar... það er nóg til að fá hvern sem er til þess að játa hvað sem er til þess að sleppa

[Ragnar (IP-tala skráð) 10.3.2008 kl. 08:19]

vantar líka lagið "Fuck the Middle-East" með hinni ágætu þungarokkssveit Stormtroopers of Death.

[Baldur Fjölnisson, 10.3.2008 kl. 09:07]

[Ragnheiður , 10.3.2008 kl. 11:10]

Ef ég yrði látin hlusta á "Nínu" þá myndi ég játa á mig hvað sem er til að losna við það.

[Ásthildur Cesil Þórðardóttir, 10.3.2008 kl. 11:10]

Þetta er viðbjóðslegt, ekki þú Jens minn, en þessi mál og búskurinn sjálfur viðbjóðslegastur.  Mér sýnist vera farið að flæða ískyggilega undan honum, þegar rebublikanar háttsettir eru farnir að gagnrýna hann og aðferðir hans við að eyðileggja mannorð manna.  Þá er fokið í flest skjól.  Ætli hann verði ekki sjálfur sendur til Quandanmo, slig hefur verið gert áður, en í Dagenau var fangelsisstjóranum stungið inn í versta klefann og fékk að dúsa þar til dauðadags.  Og  þótti ekkert of gott á hann.

[Sigurður Þórðarson, 10.3.2008 kl. 11:53]

Jens er frábær!  Það er Bush sannarlega ekki.

[Gulli litli, 10.3.2008 kl. 11:57]

ég held að það væri bara huggulegt að láta pína sig við þessi lög. Plagat af Bush myndi hinsvegar neyða mig til svara!

[Blúshátíð í Reykjavík, 10.3.2008 kl. 12:40]

Blúsinn eflir vinarþel

Tónlistin getur bæði sefað og örvað. Hún getur líka hjálpað okkur að skilja hvert annað og verið beitt vopn gegn hatri, stríði og mannvonsku. Í blústónlistinni býr von um betra líf og viljinn til þess að gefast ekki upp fyrir kúgun og misrétti, vonin um sátt og vinarþel mannanna.

[Steini Briem (IP-tala skráð) 10.3.2008 kl. 13:32]

Í 5. grein Mannréttindayfirlýsingar Sameinuðu þjóðanna segir svo: "Enginn maður skal sæta pyndingum, grimmilegri, ómannlegri eða vanvirðandi meðferð eða refsingu." Bandaríkjastjórn stundar því kerfisbundin mannréttindabrot, sem Bush forseti ber fulla ábyrgð á, með því að pynda erlenda fanga. Og fangar eru teknir af lífi í mörgum ríkjum Bandaríkjanna, ekki síst Texas. þar sem Bush var ríkisstjóri. Í 3. grein Mannréttindayfirlýsingarinnar segir að allir menn eigi rétt til lífs.

Og hér skiptir engu máli að nokkrar þjóðir hafa ekki ennþá staðfest Mannréttindayfirlýsinguna, því flestar þjóðir í heiminum hafa staðfest þessa yfirlýsingu og eru því sammála um hvað skuli teljast mannréttindi. Það væri nú ógaman ef Bush forseta leiddist að lesa hverja pyndingarskýrsluna á fætur annarri eftir allar transportasjónirnar á föngum fram og aftur um veröld víða. Eitthvað kostar það nú, eins og olíuprísarnir hafa rokið upp undanfarið. Eigum við kannski að senda honum samúðarskeyti?

En eigum við ekki að lofa Jens að ráða því sjálfur um hvað hann skrifar? Rétt eins og Jón Valur, doktor í Guði og Belsebúb, skrifar um Sjöundármorðin hin síðari að hans eigin mati og fær þar dyggan stuðning í Bush forseta. Menn verða að sérhæfa sig á hinum síðustu og verstu tímum. Komast ekki yfir allt. Hafa í mörg horn að líta. Doktor Jón Valur hefur horn í síðu kvenna sem vilja aftur verða einsamlar. Það er spurningin um hvenær líf verður að manni en það er skilgreint á læknisfræðilegan og lagalegan hátt.

Fram að þeim tíma hefur hver íslenskur kvenmaður fulla lögsögu og yfirráð yfir téðu lífi í eigin líkama, innan landhelginnar, samkvæmt íslenskum lögum. Doktornum og Bush finnst það ekki sanngjarnt en það veitir þeim síðarnefnda ekki rétt til að pynda og drepa mann og annan "til að jafna leikinn", Ragnar Örn.

[Gulli litli, 10.3.2008 kl. 13:39]

heyr heyr

[Laufey Ólafsdóttir, 10.3.2008 kl. 14:19]

Ofboðslega er ég sammála Ragnheiði. Reyndar myndi hvaða Eurovision safndiskur sem er virka á mig....
 

[Georg P Sveinbjörnsson, 10.3.2008 kl. 17:46]

Það mætti senda fangavörðum í  Guantanamo allar plötur Sálarinnar Hans Jóns Míns ef þeir vilja hvíla þessa ágætu listamenn sem þeir eru að brúka til pyntinga, hvaða skífa með Sálinni á stöðugu repeat hlýtur að teljast með meiri mannraunum sem hægt er að lenda í og eflaust myndu upplýsingarnar renna uppúr föngunum í löngum bunum.

[Siggi Lee Lewis (IP-tala skráð) 10.3.2008 kl. 19:36]

Komdu nú með svipað "ítarlega" og langa færslu um pyntingaraðferðir hryðjuverkamanna og skæruliða. Til að hressa upp á minnið hjá þeim sem ekki vita um hvað ég er að tala, má nefna íkveikjur í lifandi fólki, hressandi sýrusturtu og "afhausun" svo eitthvað sé nefnt.

Ég held að fjölmiðlar ættu frekar að rannsaka hvort bandaríjkaher download-i lögunum ólöglega af netinu, heldur en að fjalla um þetta sem sem "pyntingaraðferðir".

Gaman er líka að fylgjast með hversu fólk um allan heim er duglegt að kaupa þessi pyntingartól...

[Ómar Bjarki Kristjánsson, 11.3.2008 kl. 01:03]

Það gæti alveg (að mínu álit) verið meira í music/torture  "tækninni" en blasir við við fyrstu sýn.  Talið er að aðferðin sé notuð þegar fórnarlambið er í slæmum aðstæðum o.s.frv. og haldið vakandi eða í afkáranlegum stellingum og. fl.

Það gæti alveg verið að tónstyrkur og tíðni spilaði þarna mikilvæga rullu. Þetta gæti alveg verið miklu útspekúleraðra en almennt er vitað, blönduð tækni, með ljósi, music hita/kulda, vöku etc.

Td. er haft eftir FBI:

"W[itness] observed sleep deprivation interviews w/strobe lights and loud music. Interrogator said it would take 4 days to break someone doing an interrogation 16 hrs w/lights and music on and 4 hrs off. Handwritten note next to typed synopsis says "ok under DoD policy". http://en.wikipedia.org/wiki/Music_torture

Hér er heillöng grein eftir náunga sem reynir að átta sig á þessu á fræðilegann hátt.  Margt athyglisvert.

Human Rights Watch posted brief first-person accounts of detainees released from a secret prison in Afghanistan, many of whom asserted that part of their experience included being held in a pitch-black space and forced to listen to music that they described, variously, as “unbearably loud”, “infidel”, or “Western”. The same posting included the account of Guantanamo prisoner Benyan Mohammed, an Ethiopian who had lived in Britain, and who had been forced to listen to music by Eminem (Slim Shady) and Dr Dre for twenty days before the music was replaced by “horrible ghost laughter and Halloween sounds.” http://www.sibetrans.com/trans/trans10/cusick_eng.htm

Þetta er allt með ólíkindum.  Og að til skuli vera menn sem verja þetta er handan míns skilnings.

[Jens Guð, 11.3.2008 kl. 02:10]

  Ég tek undir það að lagið "Nína" kemst næst því að vera lag sem veldur óþægindum.  Fyrir næstum því ári síðan sigraði það í skoðanakönnun hjá mér yfir mest pirrandi lög.  Ég sjálfur fæ blóðnasir og flogaveikiskast þegar ég heyri þann viðbjóð.  Og er ég þó ekki viðkvæmur en þeim mun öfgafyllri gagnvart vondri músík.

  Siggi Lee,  af hverju ætti ég að fara nánar út í hryðjuverk mesta hryðjuverkaríkis heims,  Bandóðuríkjum böðulsins frá Texas?  Eða næst mesta hryðjuverkaríkis heims,  Ísrael? Hvers vegna ætti ég að fara nákvæmlega út í pyntingar Bandaríkjahers á föngum í leynifangelsum og pyntingarbúðir hans?  Eru þeir sem eru drepnir í pyntingabúðum samþykktum af Brúski betur settir ef fjallað er um aðra hryðjuverkamenn sem Bandaríkjaher hefur þjálfað til hryðjuverka?

  Af hverju ætti einhver að kanna hvernig Bandaríkjaher stendur að höfundarréttarmálum fremur en að velta fyrir sér dauðsföllum milljón Íraka vegna kolólegrar innrásar í Írak á upplognum forsendum um gereyðingarvopn Íraka?  Eða að yfir 2 milljónir Íraka séu flóttamenn og þar af meira en hálf milljón í sárri neyð?  Af hverju á að afsaka pyntingar með tilvísun í að hryðjuverkamenn sem Bandaríkjaher þjálfaði til hryðjuverka séu núna að beita sinni þjálfun í hryðjuverkum gegn bandarískum hermönnum í stað sovéskum?

  Rokklögin sem bandarísku böðlarnir nota til að halda vöku fyrir föngum og yfirgnæfa sársaukaöskur þeirra hefur ekkert að gera með skemmtanagildi þessara laga fyrir aðra.  Ég á mörg þessi lög og hlusta á þau mér til skemmtunar.  Ég nota líka rafmagn þó að rafmagn sé notað til pyntinga.  Ég drekk líka vatn þó að ég sé blessunarlega laus við að þurfa að þola "drukknunarpyntingar" Bandaríkjahers. 

  Eftir stendur að pyntingar eru vont fyrirbæri.  Sömuleiðis napalmbrunar sem Bandaríkjaher hellti yfir Víetnama. Eru einhverjar forsendur fyrir því að afsaka pyntingar?  Eða morð?

[Siggi Lee Lewis (IP-tala skráð) 11.3.2008 kl. 17:54]

Þetta með að Bandóðuríkjaher og Djords Búss séu eitthvað ábyrgir fyrir einstökum tilfellum pyntinga í búðum á suður Kúbu er náttúlulega algerlega út í hött. Þeir sem ábyrgir eru fyrir þessum pyntingum ( Og þá er ég ekki að tala um spilaða tónlist ) Eru fyrst og fremst vitleysingarnir sem beita þeim.

 Þessir vitleysingar eru meira að segja svo vitlausir að þeir taka myndir af þeim svo aðveldara sé að sanna aðferðirnar. Vitleysingarnir eru líka umsvifalaust settir í grjótið og reknir úr hernum með skömm.

Napalmbruni kemur pyntingum ekkert við. Að hafa ofurýkta yfirburði í hernaði hefur ekkert með pyntingar að gera. Asnarnir (oftast kallaðir einræðisherrar) sem stjórna löndunum og hylma yfir hryðjuverkamenn eru réttu ábyrgðarmennirnir á pyntingunum og stríðunum sem hellast yfir þjóðir þeirra.

Persónulega er ég á móti pyntingum. En ef snargeðveikir ofsatrúarmenn sem drepa og pynta saklaust fólk er handtekið og sett í fangabúðir, kippi ég mér ekkert allt of mikið upp þó þeim sé gefið svínakjöt og rauðvín undir ljúfum Bruce Springsteen tónum.

 Drukknunarpyntingar eru ekki aðferð Bandarískra yfirvalda til að fá upplýsingar út úr fólki, heldur þekkt aðferð meðal annara þjóða eins og Kínverja, Venezúela-inga, Norður Kóreumanna og annara kommúnista, sem auðvitað annarra öfgamanna eins og Nasista ofl. HINS VEGAR gæti alveg sá möguleiki verið til staðar að einhverjir asnar innan fangavarða hjá Bandaríkjaher hafi notað þessa aðferð í einhver skipti. En það er ekkert hægt að springa út í Bandaríkjamenn fyrir það.

Vond fyrirbæri í lokin. Þú gleymir alveg að nefna 9/11 - hryðjuverkin Í Madrid, Hryðjuverkin í London, Pyntingar Uday og Qusay Husseinsyni á saklausu fólki sér til skemmtunar, þar sem þeir settu fólk unn í vélknúna kvörn með lappirnar á undan svo fórnalambið kveldist lengur, peningana sem Saddam sjálfur tók frá löndum sínum svo þeir gætu ekki keypt sér til mat eða lyf, efnavopnaárásir Íraka á Kúrda á níunda áratugnum og svo mætti endalaust telja.

Ekki miskilja mig. Ég er á móti pyntingum, en lítum aðeins meira á óvini vestrænu þjóðana og óvini lýðræðisins og þeirra aðferðir til að koma skoðunum sínum á framfæri áður en við skoðum "einstaka pyntingar" nokkura fávita innan Bandaríkjahers. 

[Jens Guð, 12.3.2008 kl. 06:50]

  Siggi Lee minn kæri,  þú ert svo ákafur í að verja hryðjuverkaforingjann böðulinn frá Texas að þú hleypur langar leiðir frá raunveruleikanum.

  Skoðum fyrst þá staðhæfingu að drukknunarpyntingar séu ekki aðferð bandarískra stjórnvalda og að þau beri enga ábyrgð á pyntingum í Guantanamo.

  Staðreynd:  Brúskur greip í síðustu viku til nauðréttar síns,  neitunarvalds forseta,  til að hindra vilja Bandaríkjaþings í að hætt verði að nota drukknunarpyntingar í bandarískum pyntingabúðum. 

  Drukknunarpyntingar eru ein af þeim pyntingaraðferðum sem bandarísk stjórnvöld mæltu sérstaklega með og Donald Rumsfield skrifaði undir.  Og núna beitir Brúskur sem sagt neitunarvaldi forseta til að ekki sé hægt að sækja pyntingaböðla bandaríkjahers og CIA til saka fyrir drukknunarpyntingar.

  Það eru með öðrum orðum ekki nokkrir fávitar og vitleysingar innan bandaríkjahers sem bera ábyrgð á pyntingunum heldur fávitar og vitleysingar sem eru hæst settir innan Bandaríkjastjórnar.

 Þessir sömu Brúskur og Rumsfield komu upp pyntingabúðunum í Guantanamo gagngert til að bandarísk lög næðu ekki yfir pyntingarnar þar.  Þeir bera þess vegna fulla ábyrgð á pyntingunum sem þar er beitt.  Það er sameiginlegt álit mannréttindasamtaka og annarra sem hafa látið pyntingabúðirnar til sín taka.  Rumsfield hefur verið formlega margkærður fyrir stríðsglæpi af mörgum aðilum vegna ábyrgðar hans á pyntingum.  Brúskur hefur sömuleiðis fengið á sig nokkrar hliðstæðar kærur en þó með víðtækari skírskotun fyrir glæpi gegn mannkyninu.

  Brúskur hefur marghamrað á því í ræðu og riti að alþjóðasáttmálinn um meðferð á stríðsföngum nái einungis til þeirra sem eru teknir höndum í herklæðum.  Hann verndi ekki fólk sem er tekið höndum í borgaralegum klæðnaði.  

  Það að brenna fólk með napalmi kemur pyntingum við.  Það er pynting sem er bönnuð samkvæmt alþjóðalögum. 

  Þegar þú lýsir fórnarlömbum pyntinga í bandarískum pyntingabúðum sem snargeðveikum ofsatrúarmönnum sem drepa og pynta saklaust fólk þá á sú lýsing í raun við um bandarísku pyntingameistarana ásamt Brúski og öðrum sem bera ábyrgð á glæpnum.  Það voru bandarísk stjórnvöld með þá Brúsk og Rumsfield í fararbroddi sem vildu óð og uppvæg ráðast á Íraka,  saklaust fólk sem býr að olíuauðlindum er Brúskur og Rumsfield vildu komast að.  Þeir eru blóðugir upp að öxlum af blóði milljón Íraka og ábyrgir fyrir stórtækustu stríðsglæpum þessarar aldar.

  Skoðum nú betur fangana í Guantanamo.  Þessa sem þú kallar snargeðbilaða morðingja og pyntara saklauss fólks.  Tæplega 8 hundruð manns hafa verið fangar þar.  Þrátt fyrir langvarandi pyntingar og margháttaðar aðferðir til að klína á þá sekt þá hefur niðurstaðan orðið sú að góðum meirihluta hefur verið sleppt,  420 manns.  

  Til viðbótar hafa um 80 verið hreinsaðir af öllum áburði en bandarískum stjórnvöldum gengur illa að finna út hvert eigi að senda þá.  Bandaríska skriffinnskubáknið er seinfært og flókið þegar föngum er sleppt öfugt við það þegar þeim er stungið í pyntingabúðirnar og haldið þar í trássi við lög og rétt.  

  Það verður að teljast ólíklegt að lýsing þín á þessum 500 manns sem snargeðbiluðum morðingjum og pynturum standist,  fremur en annað í vörn þinni fyrir hryðjuverkaforingjann böðulinn frá Texas.

  Þeir sem best hafa fylgst með og kynnt sér gang mála í Guatanamo fullyrða að af þeim 275 föngum í Guantanamo sem ekki hafa verið hreinsaðir sé næsta öruggt að um eða yfir 200 þeirra verði sleppt.

 Bandarísk stjórnvöld hafa upplýst að 6 verði örugglega kærðir. 

 Ég er sammála þér í því að við eigum að líta aðeins meira á óvini vestrænu þjóðanna og óvini lýðræðisins og þeirra aðferðir til að koma skoðunum sínum á framfæri.  Engir stjórnmálamenn hafa valdið vestrænu lýðræði meiri skaða á þessari öld en Brúskur og ríkisstjórn hans.  Þeir eru mestu óvinir íbúa Vesturlanda og vestræns lýðræðis.

  Með lygum,  fölsuðum gögnum og kolólögri innrás í Írak í trássi við Sameinuðu þjóðirnar var öryggi Vesturlandabúa sett í mikla hættu sem hvergi sér fyrir enda á.  Hætta á hryðjuverkum á Vesturlöndum hefur stóraukist. 

  Brúskur hefur skaðað Bandaríkin mest.  Í öllum löndum heims eru Bandaríkin í 1.  sæti yfir þá þjóð sem fólk er neikvæðast gagnvart.  Nema í Póllandi.  Þar eru Bandaríkin í 2.  sæti.  Brúskur er sömuleiðis lang efstur á lista yfir þá manneskju sem fólk hefur mesta andúð á.  

  Það er erfitt risavaxið verkefni fyrir næsta forseta Bandaríkjanna að þrífa upp skítinn eftir Brúsk,  bakka út úr kviksyndinu í Írak,  loka pyntingabúðunum í Guantanamo,  koma Bandaríkjunum upp úr 17.  sæti á lista yfir þau lönd sem virða frelsi og lýðræði,  koma lagi á mannréttindamál,  lappa upp á stórskemmda ímynd Bandaríkjanna,  koma böndum á þann rosalegasta fjárlagahalla sem orðið hefur í sögu Bandaríkjanna og reyndar sögu heimsbyggðarinnar.  Og svo framvegis.       

[Siggi Lee Lewis (IP-tala skráð) 15.3.2008 kl. 22:38]

Þú ferð að pissa sitjandi með þessu áframhaldi Jens minn.