Útlendingar til vandræða í Fjáreyjum

  Lengst af hafa Fjáreyjar verið svo gott sem glæpafríar.  Glæpatíðni þar hefur verið svo lág að fólk læsir hvorki húsum sínum né bílum.  Upp á síðkastið hefur hinsvegar borið á því að útlendingar steli úr bílum,  verslunum og smygli eiturlyfjum.  Jafnframt stofna útlendingar í Fjáreyjum til slagsmála og annarra leiðinda í þessu annars friðsæla samfélagi.

  Nýjasta dæmið er að útlendingur réði sig til vinnu í Skálafirði.  Eftir að vinnuveitandi hans tók á móti honum, kom honum fyrir í húsnæði,  láði honum bíl til afnota,  þá lagði útlendingurinn leið sína samdægurs í bensínsjoppuna í Skálafirði.  Þar er starfsfólk ekki að anda ofan í hálsmálið á viðskiptavinum.  Það heldur sig til hlés en fylgist með bakatil með því að horfa á sjónvarpsskjá er sýnir það sem fram fer í búðinni.  Starfsfólkinu til undrunar sá það útlendinginn hlaða inn á sig bensínbrúsum og öðrum vörum.  Mesta undrun vakti þegar útlendingurinn bar út úr búðinni skjávarpa.

  Myndavélar bensínsjoppurnar kvikmynduðu allt.  Það var létt verk að kalla til lögreglu og sýna henni afbrot útlendingsins.  Í Skálafirði þekkjast allir og útlendingurinn var auðþekktur.  Hann var snarlega handtekinn og dæmdur í 30 daga fangelsun.  Í fangelsinu sitja fyrir nokkrir samlandar hans kærðir fyrir dópsmygl og fleira.  Í kjölfarið var útlendingnum vísað úr landi og fær ekki að koma til Fjáreyja næstu 3 árin. 

  Í ljós kom að útlendingurinn beið einnig dóms í heimalandinu,  Íslandi. 

Athugasemdir

[Óskar Þorkelsson, 21.3.2008 kl. 01:06]

athyglisvert að færeyjingar vísa mannhelvítinu úr landi.. við gerum það ekki :(

[Hólmdís Hjartardóttir, 21.3.2008 kl. 01:07]

Alls staðar erum við í útrás.

[Jens Guð, 21.3.2008 kl. 01:19]

  Óskar,  það er komið í gang ferli um að útlendir glæpamenn á Íslandi afpláni í sínu heimalandi.  Mjög gott dæmi.  Verra er að útlendir glæpamenn í Fjáreyjum séu að uppistöðu til Íslendingar.

  Hólmdís,  jú,  við getum kallað þetta útrás.  En kannski ekki besta útgáfa af útrás Íslendinga.

[Steini Briem (IP-tala skráð) 21.3.2008 kl. 01:26]

Þetta hefur örugglega verið Grímseyingur. Hann hefur vantað bensín en ekki þorað að spyrja um það. Þeir eru svo feimnir, greyin.

[Jens Guð, 21.3.2008 kl. 01:30]

  Steini,  til að ekkert fari á milli mála þá er viðkomandi ekki fyrrverandi sveitastjóri Grímseyja. 

[Jóna Kolbrún Garðarsdóttir, 21.3.2008 kl. 01:55]

Ææ þessi glæpon hefur verið góðkunningi lögreglunnar okkar   Gleðilega páska ps: Ég hef heyrt nokkrar sögur af henni frænku þinni Önnu á Hesteyri, á barnum þar sem ég vinn.  þessi kerling er engum lík

[Pétur Kristinsson, 21.3.2008 kl. 01:55]

Kannski er hann fyrrverandi samgönguráðherra sem samþykkti Grímseyjarferjuna?

[Jens Guð, 21.3.2008 kl. 02:24]

  Magnús,  það var dálítið skrítið - miðað við umræðu um útlenda glæpamenn á Íslandi - að heyra að í Fjáreyjum séu útlendu glæpamennirnir Íslendingar.

  Jóna,  mikið væri gaman að hlera hjá þér sögu/r af Önnu náfrænku minni á Hesteyri (afar okkar voru bræður).  Svo sannarlega er hún engum lík. 

  Pétur,  ég er ekki nógu vel inni í dæminu um Grímseyjarferjuna.  Hinsvegar fylgdist ég með upprisu og falli fyrrverandi sveitastjóra Grímseyjar.  Maðurinn kom þangað sem frelsandi engill en svindlaði og stal öllu steini léttara. 

[Pétur Kristinsson, 21.3.2008 kl. 03:01]

Kannski er þetta eitthvað með eyjamenn. Árni stal öllu steini léttara í sínu starfi og ef hann gat ekki stolið því sem hann var með í höndunum bjó hann til "Listaverk" úr því.

[Jóna Kolbrún Garðarsdóttir, 21.3.2008 kl. 03:34]

Ég tala við mína menn í vikunni svo ég hafi það rétt, ég er frekar gleymin.  Sendi sögur eftir upprifjun frá heimildarmönnum mínum

[Viðar Eggertsson, 21.3.2008 kl. 11:08]

Sæll Jens,

mér finnst þú einfalda svolítið "sakleysi" Fjáreyjabúa. Það er engum til gagns að gera heilu þjóðflokkana að sakleysingjum. Mér eru til dæmis minnisstæðar hatursárásir eyjaskeggja á samkynhneigða einstaklinga og viljaleysi stjórnmálamanna þar í landi til að setja lög til að heimila samkynhneigðum að njóta sömu mannréttinda og öðrum sem í samfélaginu búa.

Ég þekki marga Fjáreyjabúa sem eru miður sín yfir ofbeldisviðhorfi meirihlutans þar í eyjum.

[konráð (IP-tala skráð) 21.3.2008 kl. 11:11]

Þetta er nú afar leiðinlegt og til skammar að koma svona fram við þá sem taka okkur opnum örmum. En Jens af hverju kallaru Færeyjar Fjáreyjar?

[Landfari, 21.3.2008 kl. 11:46]

Þfett er náttúrulega afskaplega leiðinlegt til afspurnar en ég er nú samt þeirrar skoðunar að það sé heppilegara fyrir okkur Íslendinga að flytja frekar út glæpamenn en inn. Þyrftum samt að flytja  þá eitthvað lengra en til Færeyja.

Alfarið á móti því að eyða tíma og fjármunum í að fá leysta úr haldi einhverja dópsmyglara í Brasilíu, Malasíu eða hvar sem er bara af því þeir eru íslenskir ríkisborgarar.

[Ásthildur Cesil Þórðardóttir, 21.3.2008 kl. 12:01]

Hjúkket eins gott að maðurinn var "bara "íslendingur, annars hefði allt orðið brjálað  hér heima, af því að það er rasismi að segja til um ætterni þjófa og nauðgara, þ.e.a.s. annara en íslendinga. 

[Gunnar Helgi Eysteinsson, 21.3.2008 kl. 12:30]

Hvað ætli margir hafi hugsað með sér að Jens Guð væri útlendinga hatari?

Þessi færsla er gargandi snilld. 

[Gunnar Hrafn Jónsson (IP-tala skráð) 21.3.2008 kl. 13:18]

Ég hef einmitt velt því fyrir mér hvað "fær" í Færeyjar á að fyrirstilla þegar eðlilegri þýðing væri auðvitað Fjáreyjar eða jafnvel Kindasker ;)

[Steini Briem (IP-tala skráð) 21.3.2008 kl. 14:10]

Það er sjálfsagt að nefna í fréttum uppruna allra glæpamanna, bæði hérlendis og erlendis:

Smáfríður Ögn, ellilífeyrisþegi, ættuð frá Skútustöðum 6 í Mývatnssveit og frænka Helga Skútu, var nöppuð í fríhöfninni í Leifsstöð á þriðjudaginn við að lauma titrara í budduna sína. "Ég ætlaði nú ekki að gera þetta en hann Guðmundur minn er dáinn," sagði Smáfríður í yfirheyrslu hjá lögreglunni.

Davíð Oddsson seðlabankastjóri var gripinn við að taka tvo snúða með glassúr, ítem einn lélegan brandara, ófrjálsri hendi í mötuneyti Seðlabankans á mánudaginn. "Blessaður vertu, þetta er einskis virði, rétt eins og allir fimm þúsund kallarnir sem við erum með í kjallaranum hjá okkur. Og ég vil taka það fram að ég er skyldur Steina Briem, það er sjálfsagt að rekja hér ættir okkar og þetta er allt honum að kenna."

Magnús Geir af þingeyskum ættum var tekinn við að skoða kindur í Fjáreyjum. "Þetta er viðbjóðslegt og við eigum engin orð yfir þetta á færeysku," sagði Hárfín Hækja, lögreglustýra í Fjáreyjum. "Magnús fær ekki að koma aftur til Fjáreyja, nema þá í fylgd með Möggu Blöndal, útvarpskonu á Akureyri. Það er kona með sterka siðferðiskennd og við treystum henni fullkomlega til að passa upp á Magnús Geir. Við fréttum að hann hefði verið að glápa á botninn á Ernu Þórarins þegar hún var að reyna að kenna honum ensku í allltof þröngum leðurbrókum í VMA. Það stöðvar enginn þennan mann, nema þá Magga Blöndal."

Steini Briem var tekinn við of hraðan akstur í Öxnadal á leiðinni í brúðkaup Möggu Blöndal á Grund í Eyjafirði. Steini er ættaður úr Skagafirði, Svarfaðardal, Dalsmynni og Flateyjardal í Suður-Þingeyjarsýslu, Vopnafirði og Hróarstungu í Norður-Múlasýslu.

Erlendur Sveinn Hermannsson var gripinn við að míga utan í lögreglustjórann í Reykjavík í klukkutíma í miðbæ Reykjavíkur aðfaranótt laugardags. "Mamma er frá Akureyri og afi var óþekki hermaðurinn en pabbi er einhver Hermann."

[Jens Guð, 21.3.2008 kl. 15:15]

  Pétur,  Árni segist vera farinn að taka 15 gítargrip.  Flest þeirra ófrjálsri hendi ef að líkum lætur.

  Jóna,  takk fyrir það.  Ég hlakka til.

  Viðar,  vissulega hafa Fjáreyingar brotið af sér í aldanna rás.  Núna er til að mynda barnaníðingsmál í vandræðagangi í eyjunum.  Það ætlar að reynast snúið að fá botn í það vegna þess að það tengist með sérkennilegum hætti lögþingsmanni og Jesú-söfnuði.  

  Hatursárásin á gítarsnillinginn Rasmus Rasmusen og eftirmálar þess voru furðuleg atburðarrás.  Ég skrifaði mikið um það á sínum tíma og fékk fjölda Íslendinga til að leggja hönd á plóg.

  Fyrir þá sem muna ekki eftir málinu þá var það í stuttu máli þannig:  Gítarleikari rokksveitarinnar Makrels neitaði að fylgja í fótspor annarra samkynhneigðra:  Að flytja úr landi.  Fyrir það var hann barinn í klessu af nokkrum mönnum.  Þegar á reyndi kom í ljós að fjáreysk lög vernduðu ekki fólk gegn ofsóknum - ef ofsóknirnar voru vegna samkynhneigðar fórnarlambsins.

  Rannveig Guðmundsdóttir tók málið upp á þingi Norðurlandaráðs.  Þar var þess krafist að Fjáreyingar myndu lagfæra lögin.  Frumvarp þess efnis var lagt fram á fjáreyska lögþinginu.  Í kirkjum eyjanna voru skipulagðar vikulegar bænastundir.  Þar var guð beðinn um að sjá til þess að frumvarpið næði ekki fram að ganga.  Í fjölmiðlum sögðu Jesú-mennirnir að það væri nauðsynlegt að lemja samkynhneigða með Biblíunni og hnefum.  Það myndi kannski forða þeim frá því að brenna um eilífð í logum helvítis.   

  Þegar frumvarpið var samþykkt var flaggað í hálfa stöng í kirkjunum.

  Ég held að meirihluti eyjamanna hafi verið fylgjandi frumvarpinu.  Ungt fólk var áberandi í baráttunni fyrir samþykkt frumvarpsins.  Það fjölmennti á þingpalla íklætt bolum sem á stóð "Ja",  var duglegt að skrifa í blöð og blogg,  safnaði undirskriftum o.s.frv. 

  Þó að ósmekklegt sé að segja það þá var lán í óláni að sá sem málið snérist um,  Rasmus,  var ein vinsælasta poppstjarna eyjanna,  margverðlaunaður besti gítarleikarinn,  hafði spilað með öllum stærstu þungarokksböndunum,  var í einni vinsælustu og virtustu rokksveitinni og hafði átt 2 sólólög á toppi fjáreyska vinsældalistans skömmu fyrir árásina.  Að auki stýrði hann eina rokkþættinum í fjáreysku útvarpi,  hinni mjög svo vinsælu Rokkstofu.

  Stuðningur unga fólksins við frumvarpið var í aðra röndina beinn stuðningur við Rasmus.

  Konráð,  Fjáreyjar er íslenska orðið yfir Föroyar.

  Landfari,  ég kvitta undir það.

  Ásthildur,  það eru ekki margir aðrir útlendingar í Fjáreyjum en Íslendingar.

  Gunnar Helgi,  takk fyrir það.

  Óskar,  þessa sögu hafði ég ekki heyrt.  En hún er góð.

  Gunnar Hrafn,  ég veit ekki hvernig orðið Föroyjar varð FÆReyjar.  Kindasker er hinsvegar gott orð - þó að það sé ekki mikil reisn yfir því.

[Jens Guð, 21.3.2008 kl. 15:17]

  Steini,  ég hló svo mikið að ég tárfelldi!

[Bjöggi (IP-tala skráð) 21.3.2008 kl. 15:53]

Djöfulsins útlendingar, þeir eru alltaf til vandræða hvert sem þeir koma. Mér finnst að það ætti að banna útlendinga.

[Einar Steinsson, 21.3.2008 kl. 16:14]

Einu sinni var mér sagt að forfeður Fjáreyjinga væru þeir landnámsmenn og konur sem voru orðin of sjóveik til að halda áfram til Íslands og þau hafi verið skilin þarna eftir með nokkrar rollur sér til viðurværis þar sem talið var óvíst að þau myndu lifa það sem eftir lifði ferðar af.

Ég hef einu sinni notið gestrisni eyjarskeggja og ég verð að segja að það vakti mesta athygli mína hversu lítið lálendi er þarna, þ.e. eiginlega ekki neitt, t.d. var eini fótboltavöllurinn sem ég sá staðsettur alveg niðri í fjöru á litlu eyði, ekki margir staðir fyrir svoleiðis þarna.

Ég bý núna í Austurríki en þeir ásamt nágrönnum sínum Svisslendingum ætla að halda Evrópumótið í knattspyrnu í sumar og ætla sér stóra hluti og frægð og frama í þessu móti. En gorgeirinn er fljótur að fara út í veður og vind ef maður segir: "Hvernig var það, voruð það ekki þið sem töpuðuð fyrir Færeyingum þarna um árið? Dagurinn sem Austurríkismenn töpuðu landsleik í knattspyrnu við Fjáreyinga er nefnilega einn svartasti dagurinn í íþróttasögu þessarar fornfrægu menningarþjóðar.

[Viðar Eggertsson, 21.3.2008 kl. 16:21]

Einar:

Fjáreyjingar eiga aðra útgáfu af upprunasögu sinni:

Það fólk sem sigldi á víkingaskipunum um sollið haf frá Noregi til að flýja ofríki konungs en þegar komið var að Fjáreyjum, þá þótti þeim hyggnu betra að fara þar í land en sigla til Íslands.

Vitleysingarnir héldu áfram....

Og hér sitjum við, afkomendur þeirra og kunnum ekkert betra að gera við tímann... en að blogga!

[Steini Briem (IP-tala skráð) 21.3.2008 kl. 17:04]

Fær hefur verið notað í íslensku í samsetningum um sauðfé, til dæmis færsauður í merkingunni mjólkurær, kvíaær eða ásauður, en sauður getur til dæmis haft merkingarnar (sauð)kind, vanaður hrútur eða mjólkurær. Fráfæringur eða fráfærnalamb var lamb sem var fært frá móður sinni til að unnt væri að nytja mjólk hennar til heimilisþarfa.

Fráfærur var aðskilnaður lamba og áa á vorin til að unnt væri að nytja ærmjólkina og fráfærutími, eða fráfærnaleyti, var í lok júnímánaðar. Fráfærnalamb, eða fráfærulamb, var einnig kallað graslamb. Og réttirnar, þar sem fráfæruær voru mjaltaðar, voru kallaðar kvíar, samanber "Móðir mín í kví kví". Sauðvingull heitir einnig færgras og sauða(r)lús eða ullarlús er líka kölluð færilús. En nú færa menn fé á milli reikninga og mjólka almúgann í bönkunum. Það eru hinar nýju fráfæruær.

[Steini Briem (IP-tala skráð) 21.3.2008 kl. 17:25]

Fólki af keltneskum ættum hefur ekki ennþá tekist að útrýma af Bretlandseyjum, en þetta er með eindæmum ófrítt fólk og ælupokarnir voru fundnir upp fyrir annað fólk á eyjunum vegna þessara greppitrýna. Síðar voru pokarnir einnig settir í flugvélar vegna þess að mikið af þessu fólki var sent úr landi. Lið þetta lifði á kartöflum á eyjunum og lítur út eins og þær. En nú lifir það á styrkjum frá Evrópusambandinu, Íslendingum og Norðmönnum, þannig að enn þurfa afkomendur víkinga að ala önn fyrir þessum amlóðum.

Víkingar tóku með sér slatta af þessu liði á Bretlandseyjum á leið sinni frá Noregi til Fjáreyja og Íslands og þá sem hvern annan búfénað, enda heita Fjáreyjar í höfuðið á þessum viðundrum. En þegar forynjur þessar fengu frelsi voru þær sendar í útlegð á Vopnafirði og enn vilja menn ekki koma á sæmilegu vegasambandi við þennan guðsvolaða stað af ótta við að óværa þessi dreifi sér um landið eins og eldur í sinu.

Lína langsokkur er afsprengi þessa þjóðflokks, enda fjölkunnug og getur brugðið sér í allra kvikinda líki. Hún hefur tröllriðið sænskum, þannig að þeir liggja nú óvígir hver um annan þveran og mega eigi mæla, nema tungu Hins illa. Og svo segir mér hugur að margar hafi meyjarnar spillst af hennar völdum.

[Magnús Geir Guðmundsson, 21.3.2008 kl. 17:48]

Mótmæli því auðvitað harlega, að hinn góði leikari og nú leikhusstjóri í fjórða leikhúsinu að minsta kosti á ferlinum, skuli voga sér að tala um tímaeyðslu í eigin tilfelli! Hann hefur nei ekki sóað tíma sínum er hann hefur ötull veitt af hæfileikabrunni sínum á leiklistarsviðinu og mun áreiðanlega gera góða hluti sem nýr leikhússtjóri Útvarpsleikhússins!

Til sagnamannsins sívirka sem kemur harðjaxlinum Jens nú til að grenja, þá vil ég ekki að fv. eiginkona trommarafrænda hans sé blandað í vafasamar rasssögur. Það var nefnilega "Litla Erna" sem þarna átti í hlut, sú ágæta stúlka!

Annað er að sjálfsögðu heillagur sannleikur eins og allt sem Steini lætur frá sér, en auk fylgdar Möggu ef ég vil snúa aftur til Fjáreyja,verða börnin okkar þrjú líka að vera með í för, en það gat Steini auðvitað ekki vitað!

[Steini Briem (IP-tala skráð) 21.3.2008 kl. 18:12]

Ef þú ætlar að eiga þrjú börn skuldlaust með Möggu Blöndal, verðurðu nú að taka númer, Maggi minn. Röðin nær alla leið út á Hjalteyri.

[Halla Rut , 21.3.2008 kl. 20:29]

Óþolandi útlendingar.

[Birkir (IP-tala skráð) 22.3.2008 kl. 10:46]

Engin þjóð er gott sem glæpafrí. Það er óskhyggja.

En hei nú er fjér. Íslendingar geta líka haft andúð á útlendingum í Færeyjum, ekki bara hérna heima. Nóg um að vera.

[Steini Briem (IP-tala skráð) 22.3.2008 kl. 11:46]

Jamm, það ætti náttúrlega að setja lögbann á svona svívirðilega þröngar og ókristilegar í alla staði kvenleðurbrækur á Akureyri, Maggi minn. Þér blýstendur náttúrlega ekki á sama. En nú eru sívinsælu bleiku kvenleðurstígvélin, sem þú varst að spá svo mikið í, aftur komin í verslanir á Akureyri í þinni stærð.