Plötur sem þú verður að heyra

 

  Ég rakst á afskaplega áhugaverða bók sem heitir "1001 plata sem þú verður að heyra áður en þú deyrð".  Hver einasta plata sem þar er nefnd til sögunnar er tekin til rækilegrar umfjöllunar og kynningar.  Það er einkar gaman fyrir okkur Íslendinga að í bókinni eru 5 íslenskar plötur í upptalningunni.  Þær eru:

"Debut",  "Medúlla" og"Vespertine" með Björk;  "Life´s Too Good" með Sykurmolunum;  og "Ágætis byrjun" með Sigur Rós. 

  Bókin er norsk,  vel unnin í alla staði og ég sakna engrar plötu sérstaklega á listanum.  Ég fletti upp á mörgum plötum sem ég tel að eigi heima á svona lista.  Þær eru þarna allar.  Aftur á móti eru í bókinni örfáar norskar plötur sem ég þekki ekki.

  Plöturnar eru taldar upp eftir aldri.  Eftirtaldir flytjendur eiga flestar plötur á listanum,  7 hver:  Bítlarnir,  Bob Dylan, David Bowie og Neil Young.

  Næst flestar plötur eiga eftirtaldir,  6 plötur hvor: The Rolling Stones og Elvis Costello.

  5 plötur eiga:  The Byrds,  Radiohead, Bruce Springsteen, Sonic Youth,  The Who og Tom Waits.

  Takið eftir því að í bókartitli er mælt með því að fólk hlusti á þessar plötur frekar en að það kaupi allan pakkann.  Þó að listinn spanni í aðra röndina bestu plötur rokksögunnar þá er einnig tekið með í dæmið plötur sem höfðu djúpstæð áhrif á þessa sömu rokksögu - án þess að vera endilega 5 stjörnu plötur. 

Athugasemdir

[Óskar Þorkelsson, 26.3.2008 kl. 23:39]

hvaða norsku plötur voru þarna.. nojarar eiga margar góðar hljómsveitir.

[Jenný Anna Baldursdóttir, 26.3.2008 kl. 23:56]

Voru Bítles ekki í umræddri bók?

[Jens Guð, 27.3.2008 kl. 00:04]

  Óskar,  ég þekki nöfnin á norsku flytjendunum þannig að ég gleymdi þeim strax.  Mig minnir að ég hafi rekist á um það bil 8 - 9 norskar plötur á listanum.  Ég sá þessa bók í borgarbókasafni Þórshafnar.  Ég gluggaði í hana í 2 - 3 klukkutíma og punktaði niður hjá mér eitt og annað.  En ekkert um norsku plöturnar.

  Jenný,  ef þú átt við The Beatles þá eru 7 plötur með þeim á listanum.  Eða 70% af plötum þeirrar hljómsveitar.

[Hilmar Garðars (IP-tala skráð) 27.3.2008 kl. 00:06]

hvaða plötu er waits með þarna?

[Gunnar Th. Gunnarsson, 27.3.2008 kl. 00:09]

hvað hér bókin? kannski hægt að gúggla þetta

[Steini Briem (IP-tala skráð) 27.3.2008 kl. 00:18]

Ég vona að The Sound of Music-platan sé þarna á listanum. Ég myndi nú frekar vilja hlusta á hana áður en ég hrekk upp af, frekar en að hún verði sett á repeat eftir að Elli kerling hefur riðið mér að fullu:

"The Telarc label made a studio cast recording of The Sound of Music, with the Cincinnati Pops Orchestra conducted by Erich Kunzel. The lead roles went to opera stars: Frederica von Stade as Maria, Håkan Hagegård as Captain von Trapp, and Eileen Farrell as the Mother Abbess. Kunzel cast children from the Cincinnati School for the Creative and Performing Arts in the children's parts."

[Ari (IP-tala skráð) 27.3.2008 kl. 00:23]

ég eyddi seinasta haust hálftíma á Akureyri í bókabúðinni í miðbænum (þegar ég þurfti að drepa tímann þar sem það var slatti í flug hjá mér) að fara í gegnum þessa bók. Hún var nokkuð skemmtileg og fullt af góðum plötum og ég fékk hugmyndir um hvað ég ætti að tékka á. Hins vegar er maður auðvitað aldrei fullkomlega sammála svona listum og fannst mér vanta nokkuð í hana eins og sumt prog & þungarokk, of mikið vægi var í nútíðinni á stefnur eins og indie & brit-pop t.d.

Norsk, af hverju?  Er þetta ekki samvinna margra tónlistarskríbenta og málamiðlunarniðurstaða milli þeirra?

 Er þetta ekki bókin sem ræðir um:

http://www.amazon.com/1001-Albums-Must-Hear-Before/dp/0789313715

Listinn eins og hann leggur sig má sjá hér:

http://www.rocklistmusic.co.uk/steveparker/1001albums.htm

 wikipediugrein: http://en.wikipedia.org/wiki/1001_Albums_You_Must_Hear_Before_You_Die

[Ómar Ingi, 27.3.2008 kl. 00:25]

Sigur Rós , hinu má sleppa.

[Jens Guð, 27.3.2008 kl. 00:42]

  Ari,  þú ert búinn að redda svörum við öllum spurningum.  Takk fyrir það.  Gaman að það sé hægt að skoða listann á netinu.  Bókin í fjáreyska bókasafninu er lítillega endurskoðuð norsk útgáfa af þessari bók.  Forsíðan er verulega ólík.  En listinn að uppistöðu sá sami.

  Ómar,  Sykurmolarnir og Björk eru snilld. 

[Steingrímur Helgason, 27.3.2008 kl. 01:05]

Ojæja, þá verð ég líklega að verða alla vega helmíngi eldri, sem að er gott, líklega að verða ekki lík fyrir aldur fram.

Var annars einhver vínill með AHA á þessum nojara lista ?

[Steini Briem (IP-tala skráð) 27.3.2008 kl. 01:48]

Aha, oft rekur Steingrímur naglann í höfuðið, eins og máltækið segir. Hunting High and Low með A-Ha er á listanum:

http://www.youtube.com/watch?v=HVWu4tKq0IU

[Markús frá Djúpalæk, 27.3.2008 kl. 08:27]

Afar áhugavert

[Brynjar Emil (IP-tala skráð) 27.3.2008 kl. 10:06]

Listinn nefnir 4 plötur með U2: War - Joshua Tree - Achtung Baby og All That You Can’t Leave Behind. Ekki slæm plata svosem en maður hefði frekar bent mönnum á að kynna sér The Unforgettable Fire.  

[Ragga (IP-tala skráð) 27.3.2008 kl. 10:11]

Áhugaverð bók, væri alveg til í að glugga í hana.

[Brynjar Emil (IP-tala skráð) 27.3.2008 kl. 10:15]

Ég veit ekki betur en að þessi plata hafi bara fengið slæma dóma á sínum tíma og ekki hefur hún nú elst vel né hljómsveitin:

Limp Bizkit – Chocolate Starfish & the Hot Dog Flavored Water

Annars er ég ánægður að sjá Hunting High and Low á listanum og sömuleiðis Queen II. 

[Sigurður Þór Guðjónsson, 27.3.2008 kl. 11:23]

Geta menn virkilega dáið án þess að heyra eina einustu plötu með klassískri músik? Ég gef ekki mikið fyrir svona útilokandi popphugsun.

[Einar Bragi Bragason., 27.3.2008 kl. 11:36]

HA eru til Norskir úlpupoppskríbentar.........ok ok ok Beatles.....Björk....SIgurrós,,,...

[Brjánn Guðjónsson, 27.3.2008 kl. 11:44]

tók Kraftwerk prófið á þennan lista og hef ákveðið að leggja blessun mína yfir hann, þótt hann sé norskur

þarna eru Autobahn, Trans Europe express og The man machine. klárlega í flokki bestu verka þeirra og langt á undan sinni samtíð.

ég hefði gjarnan viljað sjá Computer world þarna líka, en þar sem hún kom ekki út fyrr en árið 1981 þykir hún líklega ekki vera nógu mikill afburður, enda aðrir einnig farnir að nota tölvuapparöt í meira mæli á þeim tíma.

[Villi Kristjáns (IP-tala skráð) 27.3.2008 kl. 11:56]

Hér má hlusta á lögin, skítt með skrattans bókina ! 

http://www.radio3net.ro/1001/

[Kjartan Pálmarsson, 27.3.2008 kl. 12:08]

Enn Bobbysjokksss :)

[Júlíus Valsson, 27.3.2008 kl. 12:33]

Skyldi plata David Crosby's If I Could Only Remember My Name vera á listanum? 

[Jenný Anna Baldursdóttir, 27.3.2008 kl. 12:44]

Auðvitað á ég við THE BEATLES Jens minn.  Bítles.  Alveg á hreinu.  Takk fyrir svarið.

[SeeingRed, 27.3.2008 kl. 15:30]

Áhugaverður listi, mínir menn, Kiling Joke eiga að vísu aðeins eina plötu þarna, þá fyrstu...sem er langt í frá þeirra besta.

[Bubbi J. (IP-tala skráð) 27.3.2008 kl. 16:35]

Þetta er skemmtileg bók sem ég fékk mér fyrir tveimur árum og hún er ensk, einnig er til samskonar bók um klassíska tónlist og kvikmyndir minnir mig.