Skúbb!

 

  Á sunnudögum,  á milli klukkan 16.00 og 18:30,  er á dagskrá Bylgjunnar þátturinn "Enn á tali með Hemma Gunn".  Þar fer hinn síkáti gleðigjafi á kostum og laðar fram allar jákvæðustu hliðar á viðmælendum sínum.  Á sunnudaginn kemur spilar Hemmi út trompi.  Gestir hans verða söngkonan unga frá Mývatni,  Jóhanna Seljan,  og hljómsveit.  Þau munu væntanlega flytja 4 eða 5 lög í þættinum.

  Hemmi kolféll fyrir laginu "Ætlarðu að hringja á morgun?" með Jóhönnu Seljan í tónspilaranum mínum.  Hann brá við skjótt og verður fyrstur til að kynna lagið og Jóhönnu í ljósvakamiðli.  Missið ekki af þessu.  Hemmi hefur nef.  Ég endurtek:  Hemmi hefur nef fyrir því sem virkar.  Áður hefur hann kynnt fyrir hlustendum Bylgjunnar unga og efnilega nýliða í poppinu á borð við Lay Low og Geir Haarde.  Þau eru stórstjörnur í dag.

  Bylgjan er á fm 98,9. 

  Takið forskot á sæluna og tékkið á "Ætlarðu að hringja á morgun?" með Jóhönnu Seljan í tónspilaranum (það þarf að "skrolla" niður hann til að finna lagið).  Lagið hljómar betur eftir því sem það er spilað á meiri hljómstyrk. 

Athugasemdir

[Kristján P. (IP-tala skráð) 2.4.2008 kl. 15:47]

Ágætur flutningur hjá stúlku þessari og félögum hennar en ég varð fyrir vonbrigðum með lagavalið. Hélt ég myndi fá að heyra ferska og frumsamda lagasmíð. Þessi er margþvæld.

[Magnús Geir Guðmundsson, 2.4.2008 kl. 15:49]

Heyhey góði félagi, gaman að sjá þig á stjái, vonandi er veirufjárin að láta undn síga!?

Og ekki er að spyrja að gamla gárungnum, það glittir í "hornin" á honum haha!

[Brjánn Guðjónsson, 2.4.2008 kl. 15:52]

verður hann í gula gallanum á sunnudaginn?

[Ása Ninna Katrínardóttir (IP-tala skráð) 2.4.2008 kl. 16:15]

Er sammála Kristjáni P., finnst þetta fínn flutningur en þetta er svona lag sem maður hefur "heyrt oft áður". Bara svona venjulegt íslenskt lag býst ég við....

[Jens Guð, 2.4.2008 kl. 16:18]

  Kristján,  þessi lagasmíð er ekki margþvæld heldur klassík,  sem hefur ekki áður verið sungin á íslensku.  Þarna er verið að laga útlenda perlu að íslenskum aðstæðum,  rétt eins og þegar sænska sönglag var sungið með íslenskum texta,  Ég vil fá mér kærustu,  í leikritinu Ævintýri á gönguför fyrir margt löngu.  Það lag varð eignaðist svo ríkan stað í hjörtum Íslendinga að meira að segja reggí-hljómsveitin Hjálmar hefur gefið það út á plötu.

  Maggi,  takk fyrir góða kveðju.  Veirufjárin er á hröðu undanhaldi og ég rek flóttann.  Ég var stimplaður út af Borgarspítalanum áðan en fer í sjúkraþjálfun á morgun og verð á lyfjum og hækjum næstu vikurnar.

  Brjánn,  Hemmi verður einungis á blárri sundskýlu á sunnudaginn.

[Steini Briem (IP-tala skráð) 2.4.2008 kl. 16:34]

Borgar spítalinn? Það er nú gott að spítalinn borgar. En það er ekki nóg að stimpla sig út. Það þarf einnig að stimpla sig inn til að fá borgað.

En mér er nokk sama hvernig hann Hemmi Gunn er klæddur. Mér hefur aldrei fundist hann sexí. Gott annars að þú skulir vera lifandi, Jensinn minn. Þú ert svo leiðinlegur þegar þú ert dauður.

[Kristján P. (IP-tala skráð) 2.4.2008 kl. 17:41]

OK. Þetta er allt gott og blessað en mig minnir samt að ég hafi heyrt þetta lag sungið á íslensku áður, undir nafninu: "Elskaðu mig á morgun". En með hverjum man ég ei.

[Jens Guð, 2.4.2008 kl. 18:22]

   Ása Ninna,  þetta er ekki venjulegt íslenskt lag.  Þetta er hálfrar aldar gamalt bandarískt lag,  samið af þáverandi hjónakornunum Gerry Coffin og Carlole King.  Það sló í gegn í flutningi sálar-popp tríósins The Shirelles.  Síðan hefur það verið krákað af allt frá Brian Ferry til Joni Mitchelle. 

  Steini,  ég veit ekkert hver borgar hverjum hvað á spítalanum.  Það kom engin slík umræða upp.  En það borgaði sig fyrir mig að fara þangað. 

  Kristján,  þegar þú nefnir það þá klingir þetta einhverjum bjöllum hjá mér.  En ég man þetta samt ekki umfram það.

[Linda Linnet Hilmarsdóttir, 2.4.2008 kl. 19:12]

Innlitskvitt og kveðjur

[Júlíus Valsson, 2.4.2008 kl. 19:13]

Já, hann Hemmi minn er naskur. Gleymdu því ekki að það var hann sem uppgötvaði hæfileika Geirs Ólafssonar, Jóns Kr. Ólafssonar og Davíðs Oddssonar.

[Steini Briem (IP-tala skráð) 2.4.2008 kl. 19:32]

Jamm, Hemmi Gunn togaði nú ýmislegt upp úr honum Geir Ólafs, til dæmis tvö gömul dekk af Willy's-jeppa og strigaskó númer 42.

http://www.youtube.com/watch?v=PXB9aMV_uYU

[Jens Guð, 2.4.2008 kl. 20:21]

  Linda,  takk fyrir innlitið.

  Júlíus,  Hemmi fann upp fjörið á Íslandi eins og það leggur sig.

  Steini,  takk fyrir þetta.

[Ómar Ingi, 2.4.2008 kl. 21:07]

Og er þetta systir Helga Seljans á Rúv ?

[Brjánn Guðjónsson, 2.4.2008 kl. 21:18]

Án þess ég vilji dissa Jóhönnu Seljan. Hún hefur fína rödd but that's it.

Ég vil benda á bloggvinkonu mína sem ekki bara syngur eins og engill, heldur er hún að semja á fullu, sem og að útsetja og taka upp sjálf. Þetta er stelpa sem hefur eitthvað.

http://www.myspace.com/ingahenriksen

Þetta er munurinn á listamanni og söngvara/hljóðfæraspilara

[Ævar Rafn Kjartansson, 2.4.2008 kl. 21:27]

Átsj..... þetta var huggulegheitarmeðalmennska andskotans. Hvorki né. Svona eins og bandið hans Bubba þættirnir. Það getur vel verið að þessi stelpa geti sungið og sé efnileg en geisp!

[Jens Guð, 2.4.2008 kl. 22:04]

  Ómar,  nei,  þau eru systkinabörn.  Afi þeirra er Helgi Seljan,  fyrrverandi alþingismaður og núverandi formaður bindindissamtakanna IOGT,  og Jóhanna eiginkona hans, sem lærði skrautskrift hjá mér fyrir nokkrum árum.  Faðir ungu söngkonunnar er Þóroddur Seljan,  skólastjóri á Reyðarfirði.  Honum kynntist ég þegar við vorum á unglingsárum.  Ungu söngkonuna,  Jóhönnu Seljan,  þekki ég ekki en umræddir ættingjar hennar eru svo frábært fólk að hún er sjálfkrafa með risastóra viðkiptavild hjá mér.

  Brjánn,  tékkaðu á dæminu hennar hjá Hemma Gunn á sunnudaginn.  Ég tékka í staðinn á Ingu Henriksen.

  Ævar,  ég hef ekki séð  Bandið hans Bubba  þættina.  En hef heyrt misvísandi frásagnir af þeim.  Eins og gengur.