Hryllileg lífsreynsla

  Ég vaknaði - seint og síðarmeira - í dag við það að ég var blindur.  Ég sá ekki neitt.  Bara allt svart.  Samt taldi ég mig merkja góða birtu þó ég sæi hana ekki beinlínis.  En svarta myrkrið var ekki eins kolsvart þegar ég snéri að glugga eins og þegar ég snéri frá honum.  Ég fékk eðlilega áfall.  Ég "sá" tilveru mína hrynja. 

  Ég er reyndar búinn að sjá flest sem ég þarf að sjá,  svo það var ekki málið.  En hvernig átti ég að geta sinnt skrautskriftarkennslu án sjónar?  Hvernig átti ég að sinna útkeyrslu á heildsölunni án þess að sjá neitt?

  Ég staulaðist í sturtu.  Það gekk að mestu áfallalaust fyrir sig.  Yfir mig helltust samt áhyggjur vegna þessarar óvæntu fötlunar.  Mér tókst að klæða mig og fór að velta því fyrir mér hvernig ég ætti að staulast svona blindur á veitingastað til að fá mér eitthvað í svanginn.  Jú,  ég gæti hringt á leigubíl. 

  Í þann mund sem ég fann farsímann minn og ætlaði að hringja á leigubíl fékk ég skyndilega góða hugdettu.  Ég prófaði að opna augun.  Og viti menn:  Þá sá ég prýðilega.  Hjúkk,  hvað mér var létt.  

Athugasemdir

[Steinn Hafliðason, 19.4.2008 kl. 23:59]

Ég passa stundum að opna ekki augun á morgnana þegar ég nenni ekki að takast á það sem framundan þann daginn eða er latur eða ósofinn, nenni ekki framúr eða af ýmsum ástæðum. En oftast er ég nú meðvitaður um orsök þessarar blindu og laga hana áður en ég stíg fram úr

[Jóna Kolbrún Garðarsdóttir, 20.4.2008 kl. 00:06]

 Kraftaverkin gerast á hverjum degi

[Jens Guð, 20.4.2008 kl. 00:07]

  Steinn,  það er mismunandi hvað maður fattar hlutina snemma.  Sérstaklega á laugardögum.

  Sigurður,  takk fyrir innlitið.

[Jens Guð, 20.4.2008 kl. 00:09]

  Jóna,  það er hverju orði sannara og kraftaverkin gerast þegar minnst varir.

[Guðmundur Brynjólfsson (IP-tala skráð) 20.4.2008 kl. 00:36]

Þú ert nú meiri andskotans ormurinn. Ég var að því kominn að kynna mér heimsóknartímana á augndeildinni!

[Jens Guð, 20.4.2008 kl. 00:39]

  Guðmundur minn kæri,  þetta slapp fyrir horn.  Samt væri alltaf gaman að fá þig í heimsókn í eða utan heimsóknartíma á augndeildinni.

[Þorsteinn Briem, 20.4.2008 kl. 00:43]

Það sér hver blindur maður að þetta er bara vitleysa í þér, Jensinn minn.

[Jens Guð, 20.4.2008 kl. 00:45]

  Steini,  ég sé það núna.

[Þorsteinn Briem, 20.4.2008 kl. 00:51]

En blindir geta lesið Netið með blindraletri núna, þannig að við skulum tala fallega um þá.

[Lára Hanna Einarsdóttir, 20.4.2008 kl. 01:05]

  Góður! 

[Guðmundur Brynjólfsson (IP-tala skráð) 20.4.2008 kl. 01:45]

Annars á ég eineygður maðurinn ekki að vera að hafa þetta í flimtingum heheheh

[Jens Guð, 20.4.2008 kl. 01:57]

  Steini,  ég tala aldrei nema vel um blinda.

  Lára,  takk fyrir innlitið.

  Gummi minn,  síðan hvenær ert þú eineygður?

[Guðmundur Brynjólfsson (IP-tala skráð) 20.4.2008 kl. 02:51]

Síðan að vírus lagði hægra auga mitt í rúst með skipulögðum hætti frá því ég var 12 ára og þar til sjónin var fyrir bí er ég var 17 ára.

[Jens Guð, 20.4.2008 kl. 03:04]

  Nú er ég hissa,  Guðmundur minn kæri vinur.  Eins og við höfum þekkst í mörg ár og umgengist mikið hef ég aldrei orðið var við sjóndepurð þína.  Þú berð hana ekki með þér.

[Guðmundur Brynjólfsson (IP-tala skráð) 20.4.2008 kl. 03:12]

Nei enda sést þetta nánast ekkert.

En víkjum að öðru; gerðirðu ekki heiðarlega tilraun til að drepa Bush í ferð þinni vestur um haf?

[Siggi Lee Lewis (IP-tala skráð) 20.4.2008 kl. 07:44]

Ég  fékk nánast sjokk þegar ég las þessa færslu.....en þar er enda áunninn vinningur Jens. Til hamingju með það.

[Pálmi Gunnarsson, 20.4.2008 kl. 10:21]

Ég hefði nú getað komið í heimsókn, misstigið mig á leiðinni og boðið uppí „haltur leiðir blindan“

[Kjartan Pétur Sigurðsson, 20.4.2008 kl. 12:31]

Haltur leiðir blindan :)

http://www.photo.is/fly2005/pages/kps06051379.html

[Ómar Ingi, 20.4.2008 kl. 13:37]

Tja hérna hér

[Jenný Anna Baldursdóttir, 20.4.2008 kl. 14:08]

Ég var komin í víðtækt áfall yfir sjónraunum þínum skömmin þín,.

[Ásthildur Cesil Þórðardóttir, 20.4.2008 kl. 14:10]

[Ragnheiður , 20.4.2008 kl. 15:52]

Hahaha rosalega var gott að lesa þetta svona á sunnudagsmorgni

[Gunnar Helgi Eysteinsson, 20.4.2008 kl. 16:35]

Jens: Þú ert nú meiri rugludallurinn... og ég fíla það í botn.

[Rúna Guðfinnsdóttir, 20.4.2008 kl. 16:56]

Ég held þú ættir að láta Blindrafélagið vita. Kannski eru fleiri þarna úti sem ekki hafa fattað þetta.

[Hrannar Baldursson, 20.4.2008 kl. 20:12]

Mig grunaði að þetta væri raunin þegar ég sá fyrirsögnina, en frásögnin er hrein snilld.

[Brjánn Guðjónsson, 20.4.2008 kl. 20:35]

mér þykir spurning Valdemars óviðeigandi, eins og móðins er að segja um þessar mundir.

væntanlega hefur Jensinn staðið í ströngu að opna bjórflöskur og dósir. eins og þeir vita sem slíkt þekkja er það mikil vinna og erfið. skiljanlegt að maðurinn hafi verið úrvinda eftir slíka vinnutörn.

[Helga Guðrún Eiríksdóttir, 20.4.2008 kl. 21:52]

 Varstu þá bara með lokaða búð eftir allt saman!

[Guðrún (IP-tala skráð) 20.4.2008 kl. 22:21]

 Þú ert nú meiri maðurinn Algjör snilli

[Ása Hildur Guðjónsdóttir, 20.4.2008 kl. 22:28]

Harkan að komast í sturtu áfallalaust blindur....

Ég er ein af þeim sem sjá mjög illa á gleraugna og ég treysti mér varla á salernið heima í minni eigin íbúð án þeirra. þó hef ég búið á sama stað í 12 ár tæp. Svo ég dáist að dugnaðinum við sturtuna.

En skamm skamm að stríða fólki svona.....

:-)

[Steingrímur Helgason, 21.4.2008 kl. 00:00]

Ef Jens skammaðist sín færu líka líkur á því að Ísland ynni Evrusjónina verulega hækkandi.

[Helga Guðrún Eiríksdóttir, 21.4.2008 kl. 01:35]

.. og dúfur hættu að skíta á þök.

[Íris Fríða , 21.4.2008 kl. 11:14]

 Þetta var ansi fyndin færsla!

[Kristín Björg Þorsteinsdóttir, 21.4.2008 kl. 13:31]

Ég veit afhverju strákar verða blindir