Plötuumsögn

 

Titill:  Rokkland 2007

Flytjendur:  Ýmsir

Lagaval:  Ólafur Páll Gunnarsson

Einkunn: ****1/2

  Rokklandskóngurinn Ólafur Páll er kominn með góða uppskrift að safnplötu sem er afskaplega girnileg fyrir rokkáhugafólk.  Uppskriftin felst í tvöfaldri plötu þar sem önnur platan inniheldur sýnishorn af áhugaverðustu lögum liðins ár.  Hin platan inniheldur sígildar perlur úr sögu rokksins.  Elstu lögin eru frá 1956 og þau yngstu frá þessari öld.  Hér fyrir neðan er listi yfir lögin á plötunum.

  Á fyrri plötunni eru áhugaverð lög sem voru kynnt í útvarpsþættinum Rokklandiá rás 2 í bland við lög sem nutu vinsælda í almennri dagskrá á rás 2.  Þar kennir ýmissa grasa.  Upphafslagið er "instrumental" djass-fönk flutningur Marks Ronsons á þekktu Coldplay-lagi.  Næsta lag er sungið á dönsku af einni vinsælustu hljómsveit Dana,  tölvupoppsveitinni Nephew.  Sænska söngkonan Nina Person (úr The Cardigans) syngur lag með welsku hljómsveitinni Manic Street Preachers.  Ástralski Íslandsvinurinn Nick Cave fer á kostum í æðislega flottu lagi með Grindermen (sem er skipuð sömu mönnum og The Bad Seedsen áherslurnar eru aðrar.  Til að mynda spilar Nick Cave á gítar með Grindermen).  Þannig mætti áfram telja til að sýna að fjölbreytni er töluverð á plötunni.

  Ég var búinn að ákveða að fá mér plötuna með Grindermen,  eins og plötur sem innihalda nokkur önnur lög á þessari plötu,  svo sem með Radiohead og Michael Franti & Spearhead.  Ég þarf einnig klárlega að kynna mér New York-sveitina The National betur.  Það er svo ljómandi gott lagið með þeim.

  Fjögur lög á þessari plötu eru flutt af Íslendingum.  Margir munu fagna því að fá nú loks á plötu Freight Train í flutningi Lay Low,  Ólöfu Arnalds og Péturs Ben.  Lögin með Jónasi Sigurðssyni,  Mugison og The Viking Giant Showeru meira spennandi.  The Viking Giant Show er nýja hljómsveitin hans Heiðars úr Botnleðju.

  Seinni platan er í einu orði sagt frábær.  Ég á 13 af 14 fyrstu lögunum á henni á plötum með flytjendunum.  Nema Apache á ég í flutningi Links Wrays í stað The Shadows.  Lagið ágæta með sænsku pönksveitinni Randy hafði ég aldrei heyrt.

  Þrjú lög til viðbótar á þessari plötu á ég á plötum með flytjendunum:  Chuck Berry,  Eddie Cochran og Ram Jam.  Það segir töluvert um þessa safnplötu að ég skuli eiga rösklega 3/4 af lögunum á henni.  Er þó á henni gamalt rokk og ról,  pönk,  mod,  þungarokk og "bítlarokk".

  Íslensku lögin með Utangarðsmönnum ogThor´s Hammer (Hljómum) standa útlendu perlunum í engu að baki.  Snilldarlög.

  Í samanburði við aðrar safnplötur er áberandi hvað Óli Palli hefur næma tilfinningu fyrir heppilegri uppröðun laga.  Næsta lag á undan skilur eftir stemmningu sem laðar fram helstu kosti næsta lags á eftir.

  Það sem gerir þessa plötutvennu líka verulega eigulega er að henni fylgir 36 blaðsíðna bæklingur.  Í honum er slíkt safn af fróðleik um lögin og flytjendur að hann einn og sér er rík ástæða fyrir rokkáhugafólk til að eignast Rokkland 2007. 

   Plata 1

1. Mark Ronson And Daptone Horns – God Put A Smile Upon Your Face
2. Nephew – Igen & igen &
3. The Fratellis – Chelsea Dagger
4. The Klaxons – Golden Skans
5. Manic Street Preachers – Your Love Alone Is Not Enough
6. Interpol –The Heinrich Maneuver
7. Spoon –The Underdog
8. Radiohead – Reckoner
9. The National – Fake Empire
10. Lay Low, Ólöf Arnalds og Pétur Ben – Freight Train
11. Rufus Wainwright – Going To A Town
12. Amy Winehouse – Love Is A Losing Game
13. Michael Franti And Spearhead – Yell Fire!
14. Jónas Sigurðsson – Baráttusöngur uppreisnarklansins á skítadreifurunum15. Rapture – Get Myself Into It
16. Modest Mouse – Dashboard
17. Blonde Redhead – 23
18. The Viking Giant Show – The Cure
19. Grinderman – No Pussy Blues
20. Mugison – Sweetest Melody

Plata 2

1. The Ramones – I Wanna Be Sedated
2. The Jam – Going Underground
3. Buzzcocks – Ever Fallen In Love? (With Someone You Shouldn't Have)
4. Utangarðsmenn – Fuglinn er floginn
5. The Skids – The Saints Are Coming
6. Randy – Win Or Lose
7. MC5 – Kick Out The Jams
8. The Clash – Janie Jones
9. The Fall – Victoria
10. The Runaways – Cherry Bomb11. Little Richard – Long Tall Sally
12. Thor´s Hammer – I Don´t Care
13. Iggy And The Stooges – Search And Destroy
14. The Shadows – Apache
15. The Tornados – Telstar
16. Chuck Berry – Johnny B. Goode
17. Eddie Cochran – C'mon Everybody
18. Stray Cats – Rock This Town
19. Ram Jam – Black Betty
20. The Hives – Walk Idiot Walk
21. Johnny Kidd And The Pirates – Shakin' All Over 

Athugasemdir

[Ómar Ingi, 29.4.2008 kl. 00:24]

Þetta er að looka , og ætti að geta verið gott í eyrun líka

Takk Takk

[Gulli litli, 29.4.2008 kl. 01:32]

jamm jamm...

[Bárður Örn Bárðarson, 29.4.2008 kl. 03:28]

Held að þetta sé plata sem rokkáhugamenn eigi bara að eiga í skápnum sínum. Reyndar á ég eftir að ná mér í eintak af henni og heyra en kannast þó líkt og þú við flest lögin og dágóður hellingur er til í hillunni. Reyndar hef ég verið með latari mönnum undnafarið að sinna plötukaupum. Forgangsröðinu heimilisins hefur verið að þokast yfir til konunnar, En ég ætla strax í dag að yfirtaka þennan hluta heimilisbókhaldsins

[Júlíus Valsson, 29.4.2008 kl. 10:45]

Takk fyrir ábendinguna Jens!

Þetta er þarft framtak hjá Ólafi Páli.  Kynning á nýju efni (og jafnvel gömlu) er í hálfgerðum ólestri. Svo vantar sárlega góðar plötubúðir þar sem menn geta labbað ill og rætt við sérfræðinga í faginu eins og í Japís í gamla daga þegar Ási o.fl. voru þar innanborðs. Auðvitað er hægt að niðurhala öllum fjandanum í dag en þessi .mp3 tækni er hreinlega að eyðileggja tónlistina, upptökur og tónlistarsmekk manna.
Vil þó benda mönnum á ágætan vef þar sem kynnt er ný tónlist til sögunnar: All Songs Considered á NPR (sem ég held svei mér þá að sé ríkisrekin í USA).  

[Þorsteinn (IP-tala skráð) 29.4.2008 kl. 10:59]

Heyrði einmitt flutning diskanna í rokklandi núna á sunnudaginn þegar Óli Palli var að kynna diskinn. Verð að vera sammála þér með að hér er á ferðinni mjög góð útgáfa. Aftur á móti má setja smá spurningamerki við að kalla The Viking Giant Show nýja sveit. Kom hún ekki með mjög vinsælt lag fyrir svona 2-3 árum síðan sem var mikið spilað á rokkstöðvunum? Spurning því hversu ný hún sé.  Hljóma lagið hafði ég svo aldrei heyrt áður, en líkaði mjög vel við. Þetta er klárlega diskur sem verður keyptur, eins og allavega 3-4 aðrir rokklands diskar sem maður á nú þegar.

[Axel Jóhann Hallgrímsson, 29.4.2008 kl. 11:47]

Rokkland á rás2..........."rás2, fyrst og fremst í íslenskri tónlist"?

[Júlíus Valsson, 29.4.2008 kl. 14:23]

ubs! ...ég var nærri búinn að gleyma Dóra á Laugaveginum.  Hvar ertu Dóri?