Sumir eru furðulega nægjusamari en aðrir

  Í þessum vesældarlega kofa kúldrast maður sem kallast Sheikh Zayed bin Sultan Al Nahyan ásamt  öllum sínum börnum og þjónustufólki.  Til að kofinn virki stærri og veglegri hafa myndirnar verið teknar með gleiðhornalinsu.  Sheikh Zayed bin Sultan Al Nahyan er fyrrverandi forseti Sameinuðu arabísku furstadæmanna.

 

 Í bakgarðinum sprakk vatnslögn.  Vegna nísku og blankheita tímir Sheikh Zayed bin Sultan Al Nahyan ekki að spandera peningum í viðgerð.  Þess vegna hefur í bakgarðinum myndast þessi leiðinlegi pollur sem eyðileggur möguleika krakkanna á að leika sér í fótbolta eða brennó í garðinum.  

Sheikh Zayed bin Sultan Al Nahyan hefur einfaldan smekk.  Þessi silfurliti kubbslegi smábíll hans er smíðaður úr hreinu silfri.  Sheikh Zayed bin Sultan Al Nahyan þykir það vera kjánalegt pjátur og tvíverknaður að smíða bíl úr járni og sprauta hann síðan með silfurlitaðri málningu.

Synir Sheikh Zayed bin Sultan Al Nahyan eiga hver sinn bílinn.  Kallinn er svo aðhaldssamur að hann náði að suða út magnafslátt með því að kaupa alla bílana á einu bretti.  Þeir eru allir af sömu árgerð og flestir af sömu tegund. Dökku bílarnir eru notaðir í snattferðir vinnumanna.  Dökkur liturinn dregur í sig óþægilegan hita frá sólinni.  Vinnumennirnir eyða þess vegna ekki meiri tíma í snattrúnt en nauðsynlegt er.

 

Athugasemdir

[Halla Rut , 15.5.2008 kl. 23:18]

Money money.

[Magnús Geir Guðmundsson, 15.5.2008 kl. 23:23]

Jamm, þetta heitir bara að sníða sér stakk eftir vexti félagi Jens!

Þetta myndum við báðir örugglega gera líka í hans sporum, nema kannski að Virgin Megastore eða ein slík yrði partur af "kofanum" frekar en íþróttavöllur eða annað slíkt.

Nú svo yrði Höllu Rut og öðrum kvinnum oss til gleði, auðvitað fundin viss staður í einu horninu, nema hvað!

[Lára Hanna Einarsdóttir, 15.5.2008 kl. 23:32]

Svo er fólk að fárast yfir því að bensínið sé dýrt! Þvílík níska, maður á ekki að telja eftir sér að styrkja svona málefni. 

[Ragnheiður , 16.5.2008 kl. 00:03]

hahahaha þessi færsla var skemmtileg hahaha

[Gulli litli, 16.5.2008 kl. 00:11]

Iss svona sundlaug fær madur í Bauhaus, sófasett í ÍKEA og bíldruslur í Brimborg......og lánin í Glitni.

[ari (IP-tala skráð) 16.5.2008 kl. 00:23]

Já það er vandlifað í Sameinuðu Bíunni hans Ara. Mjög erfitt að eiga svona margt, hlutirnir byrja bara að eiga mann, en maður ekki þá.

[Þorsteinn Briem, 16.5.2008 kl. 00:25]

Líf hans allt bara leikur,
læri og endalaus sleikur,
ekkert er feik,
hjá Al Nahyan sheikh,
með kellingar hundrað er keikur.

[Þórarinn Þ Gíslason (IP-tala skráð) 16.5.2008 kl. 00:41]

Sæll.

Já,þetta er það sem menn geta sett undir nægjusemi.

Góð birting hjá þér eins og svo oft.

[Jóhannes H. Proppé (IP-tala skráð) 16.5.2008 kl. 02:51]

Iss, þvílíkt hreysi. Tímir ekki einusinni að fylla upp í pollinn.

[Svanur Gísli Þorkelsson, 16.5.2008 kl. 08:42]

Kallinum munaði lítið um að "tapa" fjórum miljörðum dala í "bankahneyksli" 1972. Þá var auðvitað verið að styðja Muhjahídana í Afganistan og leggja grunninn að styrjöldinni þar sem enn stendur yfir. Þessi karl er einn fremsti glæpabarónn heimsins og ég vona svo sanarlega að allt gullið hans verði grafið með honum. Það er svo illa fengið að ég skil ekki að nokkur vilji nýta það.

[Ásthildur Cesil Þórðardóttir, 16.5.2008 kl. 09:04]

Já nægjuseminn og sparnaðurinn skín út úr þessum myndum. 

[halkatla, 16.5.2008 kl. 09:31]

nennirðu að hætta að birta færslur um fólk í svona mikilli neyð, vorkunnsemi mín höndlar þetta ekki :(

[...désú (IP-tala skráð) 16.5.2008 kl. 10:05]

Og það fyndnasta er að karlgreyið er eflaust ekkert hamingjusamari en kauðinn sem er búinn að vera í rusli í 50 ár!

[Stefán (IP-tala skráð) 16.5.2008 kl. 13:35]

Arabaolíuokrarar, arðræningjar og kvennakúgarar.

[Flower, 16.5.2008 kl. 15:31]

Nú á ég erfitt með njóta gull Benzins míns með demantahurðarhúnunum. Það er svo erfitt að horfa upp á þá sem eru fátækari en maður sjálfur

[Júlíus Valsson, 16.5.2008 kl. 15:32]

Er þetta ekki það sem Íslandsvinurinn Odd Nerdrum myndi kalla "Kitsch".

List fyrir hina ríku, en smekklausu.

[paurinn (IP-tala skráð) 16.5.2008 kl. 19:19]

Zayed raunar lést árið 2004 þannig að hann nýtur þessa ekki lengur, svo að menn viti.