Bjargið lífi ykkar með því að vita þetta

 

  Íslendingar eru óvanir því að rekast á ísbirni á förnum vegi.  Sú staða getur þó alltaf komið upp.  Hingað leggja af og til leið sína ísbirnir frá Ameríku.  Einkum Grænlandi.  Vitað er um 600 ísbirni sem lagt hafa leið sína til Íslands.  Þeim á eftir að fjölga næstu árin.

  Í huga Íslendinga eru birnir stórhættulegar skepnur.  Fyrsta hugsun þeirra sem rekast á ísbirni er að það verði að fella dýrið.  Annars muni það ráðast á mann,  rífa á hol og éta.  Vissulega getur sú staða komið upp ef dýrið er langsoltið. 

 

  En það er til einföld aðferð til að hindra með öllu að birnir ráðist á mann.  Hún felst í því að maður syngi.  Birnir ráðast ekki á syngjandi fólk.  Það er talið að þeir skynji söng sem eitthvað er svipar til væls í húnum.  Fyrir bragðið vorkenna birnir syngjandi fólki og láta það alveg í friði.

  Ekki er ráðlegt að öskra grimma rokkara á borð við Hiroshima  (Þið munið öll,  þið munið öll,  þið munið öll deyja!  Þið munið stikna,  þið munið brenna...).  Betra er að syngja ljúfari slagara og helst á grænlensku.  Að sjálfsögðu er bannað að syngja Draum um Nínu og This is My Life.  Það má ekki kvelja dýrin.

  Þetta ráð - að vernda sig með söng - virkar á hvort sem er ísbirni,  skógarbirni,  svartbirni og Birni Bjarnasyni.    

  Ísbjörninn á myndinni efst slapp í ljósabekk.  Þess vegna er hann svona fallega sólbrúnn.  Effemm-hnakka-eurotrash virkar samt ekki vel á hann.

Athugasemdir

[Skattborgari, 5.6.2008 kl. 23:24]

hahaha Þetta er fyndið prufa þetta ef ég mæti einum en betra að vera með  skotvopn til öryggis.

[Óskar Þorkelsson, 5.6.2008 kl. 23:26]

ég óttast Bíbí mest...

[Neddi, 5.6.2008 kl. 23:31]

Ég myndi nú reyndar syngja Daum um Nínu fyrir BB. Held að hann eigi það alveg skilið (og kannski færi hann að skilja hvað vesalings mennirnir í Guantanamo þurfa að þola þegar að kaninn spilar fyrir þá Britney og co)

[Ingvar Valgeirsson, 5.6.2008 kl. 23:51]

Eg tek kraftmikinn riffil fram yfir míkrófón ef ég hitti bangsa.

Ég reyndar söng eitt sinn á samkundu hjá Sjálfstæðisflokknum. Þar var Björn Bjarnason víst og lét mig alveg í friði. Því má leiða líkur að því að þetta sé satt og rétt hjá þér.

[Ari (IP-tala skráð) 6.6.2008 kl. 02:18]

Þakka þér f. heilræðið.

Ég ætla að syngja "Nú er tími til að elska" með Gunnari Jökli ef ég rekst á bjarndýr.

[Ía Jóhannsdóttir, 6.6.2008 kl. 06:00]

Njóttu helgarinnar með eða án Ísbjarnarblús. Kveðja héðan úr sveitinni 

[Óskar Arnórsson, 6.6.2008 kl. 06:50]

Fróðlegt!..hmm

[Þorsteinn Briem, 6.6.2008 kl. 08:03]

Ekki mátti undan líta,
á útikamri var að skíta,
hann þar söng,
sín harðlífi löng,
Karlsson vildi kúki flýta.

[Axel Jóhann Hallgrímsson, 6.6.2008 kl. 08:40]

Ég myndi ekki vilja gera prufu á þessu Jens. Hún endaði örugglega illa, metið út frá minni söngrödd.

Ég er algerlega ósammála þeirri fullyrðingu þinni að birnir séu stórhættulegir í augum Íslendinga. Samanber þúsundir bloggfærslna þá telur þorri Íslendinga birnina, krúttlegar barnagælur, auðsveipa, vel meðfærilega og algerlega hættulausa. Sem betur fer eru samt einhverjir sem sjá skógin fyrir trjánum og bregðast hárrétt við.

[Þorsteinn Briem, 6.6.2008 kl. 08:45]

Verði þér að góðu, Hörður minn.

[Gulli litli, 6.6.2008 kl. 10:18]

Bjössi on the milkcar....

[Óskar Arnórsson, 6.6.2008 kl. 11:15]

Frekar trúi ég á söngaðferðina enn að skóta á ísbjörn með 9mm skammbyssu. Reiður ísbjörn og maður með buxurnar á hælunum og í "miðri aðgerð"...

auðvitað á flytja inn nokkra ísbirni og leyfa þeim að vera barnapíur nokkur skipti. Ætli þessar þúsundir manna myndu ekki fá aðrar hugmyndir um hvað ísbjörn er raunverulega, eftir nokkur skipti.

Gæludýrakjaftæðið myndi sjálfsagt stoppa snögglega...ekki láta Grælendingar ísbirni passa börnin sín, svo mikið er víst..

[Hreiðar Eiríksson (IP-tala skráð) 6.6.2008 kl. 12:33]

Jens.  Þú hefur greinilega ekki heyrt mig syngja.  Ég er sannfærður um að jafnvel friðsömustu jurtaætur mundu reyna að taka mig af lífi ef þær heyrðu söng minn

[Ívar Pálsson, 6.6.2008 kl. 12:36]

Góður! Systir mín og ég mættum skógarbirni á fjallgöngu okkar í Wyoming BNA í fyrra. Við böðuðum út höndunum, töluðum frekar hátt og bökkuðum frá, en þarna ytra er fóliki ráðlagt að fara þannig að og gæta þess sérstaklega að vera ekki á milli húns og birnu. Maður tók nú ekki áhættuna á því að syngja um Nínu. Annars væri þessi athugasemd kannski skrifuð með annarri hendi núna!

[Rannveig H, 6.6.2008 kl. 12:43]

Nína með smáhræðslublönduðu ópi,og Bjössi yrði mitt gæludýr

[Helga Magnúsdóttir, 6.6.2008 kl. 14:58]

Ég vildi að einhver hefði sungið fyrir ísbirninga sem voru við illan aðbúnað í Sædýrasafninu í gamla daga. Ég er viss um að þeir ísbirnir hafi þráð það helst að einhver myndi binda enda á hörmungar þeirra og skjóta þá.

[Júlíus Valsson, 6.6.2008 kl. 15:54]

Hvernig er með rafbyssur?

[Óskar Arnórsson, 6.6.2008 kl. 16:22]

Rafbyssur á ísbirni?  Af hverju ekki bara reyna að rota ísbjörn með blíanti?

[Júlíus Valsson, 6.6.2008 kl. 16:29]

Ég man vel eftir risablýanti í IKEA hjá Kungens Kurva í Stokkhólmi.

[Rúnar (IP-tala skráð) 6.6.2008 kl. 16:47]

Það væri kannski ráð fyrir laglausa að gaula bangsa í hel.

[Júlíus Valsson, 6.6.2008 kl. 16:50]

..eða bara spila Billy Joel?

[Óskar Arnórsson, 6.6.2008 kl. 17:09]

Ég kann ekki að syngja svo ég myndi ekki þora að berja á bangsa með risablíanti frá Íkea. 0.45 magnum sjálvirk myndi vera í lagi og samt verður maður að hitta rétt. Brúnbirnir eru gæfari enn ísbirnir og hefur margur veiðimaðurinn verið rifin í tætlur í Norður Svíþjóð vegna þess að þeir verða ergilegir við að fá skot í sig. Enn svona í alvöru talað, birnir af hvaða tegund sem er, eru engin leikföng og sér í lagi eru kvendýrin hættuleg með húna eins og einhver benti á hér að ofan.  Kannski myndi björn byrja að dansa við Billy Joel músik?  Ég ætla nú ekki að spyrja neinn bjarndýraveiðimann um það.  Mér hefur einu sinni verið boðið á bæði elg og bjarndýraveiðar. Ég afþakkaði boðið þrátt fyrir góð vopn og öflug.  Það er til svolítið sem kallast "Bjarnafrossi"  Veiðimaður stirnar af hræðslu þegar hann stendur andspænis birni, og þá verður venjulega jarðarför ef eitthvað er eftir til að jarða...

[Árni Gunnarsson, 6.6.2008 kl. 17:33]

Vel athugandi þetta með að syngja.

Ef það virkar ekki, nú,- þá kemur það bara í ljós! 

[Haraldur Davíðsson, 6.6.2008 kl. 17:48]

...Dvel ég í draumahöll, virkaði vel á Mikka ref.....

[Siggi Lee Lewis (IP-tala skráð) 7.6.2008 kl. 17:56]

Ísbjörninn á myndinni hér að ofan hefur vafalaust notað Banana Boat sólbrúnku krem. Feldurinn er fallega brúnn og engir flekkir í honum.

En ef ég stæði fyrir framan standandi ísbjörn myndi í hiklaust syngja Atti Katti Nóa. Það er vísa sem Bjössi skilur, enda Grænlönsk. 

Atti katti nóa, Atti katti nóa

Enisa Denisa dolli matti dei

Seta kola missa rató

Seta kolla missa a rató! Atti katti nóa, Atti katti nóa

Enisa denisa dollimatter-ei ! JE 

 Væri samt frekar broslegt og hálf scary að sjá mann syngja þessa vísu fyrir framan urrandi (og undrandi) ísbjörn, glorsoltinn!

[Óskar Arnórsson, 7.6.2008 kl. 18:17]

..eða svangan brúnbjörn..