Ný skoðanakönnun - takið þátt!

  Ég var að ýta úr vör nýrri skoðanakönnun.  Þar er spurt hver sé mesta,  besta og flottasta söngkona heims.  Þegar óvefengjanleg niðurstaða liggur fyrir vind ég mér í næstu könnun.  Þar verður spurt:  Hver er flottasta íslenska poppsöngkonan í dag?  Í fljótu bragði dettur mér í hug að stilla þar upp Björk,  Andreu Gylfa,  Heiðu "í Unun",  Ellen Kristjáns,  Lay Low,  Ragnheiði Gröndal,  Röggu Gísla,  Dísu,  Ólöfu Arnalds...  Mér er áreiðanlega að yfirsjást einhver nöfn sem koma til greina.  Kannski á Diddú heima í þessum flokki?   

Athugasemdir

[Jenný Anna Baldursdóttir, 10.6.2008 kl. 11:29]

Eyvör hvað?  Amy Winehouse ekki spurning.

Og svo er það Ragnheiður Gröndal.  Jájá.

[Rannveig H, 10.6.2008 kl. 12:28]

Þær eru allar svo flottar sem þú telur upp þarna,ég held ég veðji á Ragnheiði G.

[tommi (IP-tala skráð) 10.6.2008 kl. 12:38]

Björk:-)

[Sigurður Þórðarson, 10.6.2008 kl. 12:45]

Eivör fékk mitt atkvæði, hún er frábæt.

En væri ekki rétt að hafa fleiri nofn á "seðlinum" svo ekki fari fyrir þessari atkvæðagreiðslu ein og fór fyrir atkvæðagreiðslunni í Michigan og Florida á dögunum? 

[Eiríkur Guðmundsson, 10.6.2008 kl. 12:48]

Ég held ég verði að segja Dísa og benda svo á gamla vinkonu mína Lilju Kristínu í Bloodgroup. Lay Low syngur ekki, hún hvíslar og mér finnst það bara ekki flott. Ég myndi heldur ekki segja að Ólöf Arnalds sé í poppi. Andrea Gylfa er síðan að mestu hætt í poppi í dag, er bara í djassi og blús og svona, sem er mjög flott en ekki popp samt sem áður. Reyndar alveg spurning með Röggu Gísla líka, fyrst við erum að tala um daginn í dag

[Kristján Kristjánsson, 10.6.2008 kl. 12:59]

Hvar er Emiliana Torrini? Af þessum mundi ég velja Björk.

[Ragga (IP-tala skráð) 10.6.2008 kl. 13:01]

Er Eivör ekki færeysk?

En tek undir með Kidda, vantar Emiliönu Torrini og af þessum fær Björk mitt atkvæði.

[Óskar Arnórsson, 10.6.2008 kl. 13:31]

Er þetta spurnig hvaða söngkona lítur best út, eða hver syngur best? Að mínu mati er það ekki það sama..

[Snowman, 10.6.2008 kl. 14:09]

Ég vil tilnefna Julie Berthelsen.. hina grænlensku / dönsku söngkonu.  Syngur eins og engill

[corvus corax, 10.6.2008 kl. 14:33]

Með allri virðingu fyrir öllum hinum þá ber Andrea Gylfa höfuð og herðar yfir allar aðrar íslenskar söngkonur í hvaða tónlistarstefnu sem er.

[Kolgrima, 10.6.2008 kl. 14:52]

Björk og Andrea Gylfa eru langbestar, ekki spurning! Annars eru Diddú, Ragnhildur Gísla, Ragnheiður og Lay Low alveg frábærar

[Helga Guðrún Eiríksdóttir, 10.6.2008 kl. 15:02]

Ef kjósa má um allar söngkonur af íslenskum plötum þá fær hún Mira mitt atkvæði. Hún er ótrúlega kröftug og æðisleg með Sverri Stormsker. Geggjuð plata btw.

[Brjánn Guðjónsson, 10.6.2008 kl. 15:04]

hver er Dísa?

[Magnús Geir Guðmundsson, 10.6.2008 kl. 15:09]

Eins og mæðuleg bresk húsmóðir gerir gjarnan um leið og hún stynur þungan, segi ég nú bara, "Oh My Dear"!

Hér les bara hið mætasta fólk að því er virðist ekki færsluna, spurningin um íslenska söngkonu er EKKI könnunin núna, heldur kemur hún á eftir könnuninni um erlenda!

[Garðar (IP-tala skráð) 10.6.2008 kl. 15:19]

Ég verð nú að segja að Björk hefur alltaf verið frumleg en Andrea er með virkilega flotta rödd. Get ekki gert upp hug minn.........Verð að segja Björk.

[Siggi Lee Lewis (IP-tala skráð) 10.6.2008 kl. 15:23]

Njörk og Lay Low eru þær einu sem ég hef heyrt á minnst af þessum skvísum......Þekkti hinasr kannski í sjón

[Siggi Lee Lewis (IP-tala skráð) 10.6.2008 kl. 15:23]

Njörk átti að vera Björk....

[Kristín Björg Þorsteinsdóttir, 10.6.2008 kl. 16:19]

Ragnheiður Gröndal og Ragga Gísla

[Óskar Þorkelsson, 10.6.2008 kl. 16:54]

Ragga gísla.. kynþokkinn vellur af henni.. listrænt yfirbragðið er frábært.. geðveikt sexy dama og kominn á sjötta áratuginn..

Björk.. hún er BEST. 

Eivör.. líkt og Ragga Gísla bara yngri og meira sexy :) 

[Rúna Guðfinnsdóttir, 10.6.2008 kl. 18:40]

Ragnheiður Gröndal án efa mín uppáhalds, enda frábær listamaður á ferðinni. Hún söng fyrir móður mína á 80 ára afmæli hennar og var hún hreint yndisleg persóna, það geislaði af henni.

[Páll Einarsson, 10.6.2008 kl. 19:01]

jó !

Hef ávalt haft thing fyrir Guðrúnu gunnars ...svo diddú þegar hún var í spilverkinu !

óver and át..

[Anna Ólafsdóttir Björnsson, 10.6.2008 kl. 19:14]

Rosalega eigum við mikið af góðum söngkonum. Björk er efst á mínum lista en Lay Low og Ragnheiður Gröndal ekki langt undan. Og svo sakna ég Emelíönu eins og fleiri, hún kæmi líklegast með þeim stöllum á eftir Björk.

[Helga Magnúsdóttir, 10.6.2008 kl. 19:40]

Diddú á sko örugglega heima þarna, hún er flottust. Gleymi því aldrei þegar ég sá hana í Luciu di Lammermoor.

[María (IP-tala skráð) 10.6.2008 kl. 20:13]

Hvað með söngkonuna sem ég veit ekki hvað heitir í hljómsveitinni sem ég man ekki hvað heitir? Nú verð ég að bregða mér í leitarvél... Hún heitir Sigríður Thorlacius og er í Hjaltalín.

Ólöf Arnalds finnst mér alls ekki eiga heima á þessum lista.

[Jens Guð, 10.6.2008 kl. 20:34]

  Jenný,  Amy má vera í 2.  sæti ef hún fer að haga sér almennilega. 

  Rannveig og Tommi,  takk fyrir innlitið. 

  Siggi Þórðar,  fleiri nöfn á seðlinum myndu einungis rugla þátttakendur.  Það er betra að hafa skoðanakönnunina einfalda og auðskilda. 

  Eiríkur,  takk fyrir þína ágætu hugleiðingu.  Ég ætla að kanna hvort Lilja Kristín í Bloodgroup sé nógu vel þekkt til að stilla henni upp á móti Björk og Ragnheiði Gröndal.  Til að hafa nafn hennar með verða að vera góðar líkur á að hún blandi sér í baráttuna um toppsætið.

  Lay Low á til að þenja raddböndin smávegis,  samanber í sumum Dolly Parton lögunum á Ökutímar.  Engu að síður kann ég best við söng hennar þegar hann er sem lágstemmdastur.  Þá er hann svo krúttlegur og "töff".   

   Kiddi,  takk fyrir að minna mig á Emilíönu Torrini.  Ég einfaldlega gleymdi henni,  þessari elsku.  Skamm,  skamm!  Ég hef hana með þegar ég stilli upp í alvöru könnun.

  Ragga,  Eivör er færeysk.  Þess vegna verður hennar nafn ekki með í könnuninni um flottustu íslensku söngkonurnar.  Ef Eivör væri ennþá búsett á Íslandi mætti hugsanlega hafa hana á listanum.  En þá væri ekkert annað nafn til greina á listann.

  Óskar,  mér finnst ekki rétt að miða könnunina við þær söngkonur sem best syngja út frá mælistiku fagurfræðinnar.  "Karakter" söngstílsins vegur þyngra í popp og rokkmúsík.  Janis Joplin var til að mynda æðislega flott söngkona,  eins hás og óhamin og hún var.  En hún hefði ekki náð inntöku í Idol eða Söngskóla Reykjavíkur.  Útlitið skiptir ekki máli í þessari könnun.

  Snowman,  Julie Berthelsen er ekki íslensk og þess vegna ekki gjaldgeng í skoðanakönnun um bestu íslensku söngkonuna.  En hún getur sómt sér vel í skoðanakönnun um bestu grænlensk-dönsku söngkonuna.

  Corvus og Kolgríma,  takk fyrir ykkar "komment".

  Helga Guðrún,  ég verð að binda könnunina við íslenskar söngkonur.  Annars yrði ég að hafa langan lista með Rose McDowel og ótal öðrum.  En Mira er flott söngkona.  Kannski ein sú besta í tælensk-kínversk-víetnömsku deildinni.

  Brjánn,  Dísa var að senda frá sér plötu sem hefur hvarvetna fengið toppdóma.  Hún kemur bratt inn á markaðinn.

  Maggi,  rétt hjá þér.  

  Siggi Lee,  þú hefur áreiðanlega séð Röggu Gísla í einhverri kvikmynd.  Þú ert svo duglegur að horfa á kvikmyndir.  Hún er til að mynda í Stuðmannamyndunum.

  Kristín Björg,  Óskar Þorkels og Rúna,  takk fyrir innlitið og ykkar "komment".

  Páll,  það er spurning með Guðrúnu Gunnars.  Hún er vissulega ljómandi góð söngkona en kannski um of einskorðuð við krákur.  Hugsanlega ætti ég að hafa sér skoðanakönnun um frambærilegustu karíókí-söngkonurnar?

  Anna,  það er varla þverfótað fyrir góðum íslenskum söngkonum.  Ég set nafn Emilíönu inn í formlegu könnunina. 

[Matthildur Ágústa Helgadóttir Jónudóttir, 10.6.2008 kl. 20:36]

Ég held ég kjósi Björk, þá Andreu og í þriðja sætið fær Emiliana Torrini.

[Jens Guð, 10.6.2008 kl. 20:43]

  Helga,  ég set þá Diddú á listann. 

  María,  ég hef grun um að Sigríður í Hjaltalín sé ekki nógu þekkt til að eiga möguleika á að skáka Björk eða Ragnheiði Gröndal.  Ekki að sinni.  En kannski að ári. 

  Ég þarf að skoða betur þetta með þátttöku Ólafar Arnalds.  Kannski á hún frekar heima í vísnasöngvaradeildinni. 

[Jens Guð, 10.6.2008 kl. 20:46]

  Matthildur,  takk fyrir það.

[Haraldur Davíðsson, 10.6.2008 kl. 21:13]

Amy Crackhouse..hehehe..hún toppar þetta alltsaman..

[Röggi (IP-tala skráð) 10.6.2008 kl. 21:47]

Sandra Nasic er lang besta söngkona sem ég hef heyrt í , krafturinn í röddinni er hreint ótrúlegur úr ekki stærri búk. Ég hélt að hún væri svona 400 kg þegar ég heyrði í henni fyrst í útvarpinu en svo sá ég myndir af henni og efast um að hún nái 50kg.

[Ylfa Lind Gylfadóttir, 10.6.2008 kl. 21:57]

Er ekki alveg að ná því hvort þetta snúist eingöngu um Íslenskar söngkonur eða erlendar líka þannig að ég kem með bæði

Íslensk: Andrea Gylfa.... En ekki hvað?

Erlend: Aretha Franklin......Að sjálfsögðu!!

[Jens Guð, 10.6.2008 kl. 23:10]

  Haraldur og Röggi,  Eivör er flottari.

  Erlingur,  ég tek undir það að val á bestu íslensku söngkonunni er erfitt.  Ég er alls ekki viss um hverja ég kýs þegar skoðanakönnunin fer formlega í gang.

  Ylfa Lind,  ég er að leita eftir áliti á íslenskum söngkonum.  Ég er þegar búinn að setja í gang formlega skoðanakönnun um bestu söngkonu heims.  Áður en ég set í gang formlega skoðanakönnun um bestu íslensku söngkonuna vildi ég leita af mér grun um að ég væri ekki að gleyma neinni sem hefði raunhæfa möguleika í slagnum um toppsætið.  Og það kom í ljós að ég var að gleyma "krúsindúllunni" Emilíönu Torrini.  Sömuleiðis vildi ég kanna hug ykkar til Diddúar.  Hún er óperusöngkona en líka poppsöngkona.  Svo þetta var spurning sem ég hef fengið svar við. 

   Þú ert nú líka flott söngkona.  En átt eftir að stimpla þig betur inn með frumsömdu plötunni á næsta ári.

  Það er gaman að þú skulir nefna Arethu Franklin.  Ungt fólk í dag gerir sér fæst grein fyrir því hvað hún var stórt nafn hippaárunum.  Hún átti stóran þátt í því að margar merkar hljómsveitir fóru að daðra við soul-músík.  Hljómar,  Flowers,  Roof Tops og fleiri krákuðu lög eftir Arethu,  bæði á hljómleikum og inn á plötur.  Til að mynda er lagið sívinsæla  Slappaðu af  eftir Arethu.

[Einar Bragi Bragason., 10.6.2008 kl. 23:29]

halló......Sigga Beinteins....Erna Hrönn....Heiða Ólafs .....Regína.......GUðrún Gunnars......Hera....Margrér Eir...Sigga Guðna....stelpan sem söng með Pálma í Júró er líka æði.....Er ekki í lagi með þig Jens....

[Jens Guð, 11.6.2008 kl. 00:01]

  Einar Bragi,  það er aldrei neitt í lagi hjá mér.  Það vantar tölu á eina skyrtuna mína.  Það er komin sprunga í sólann á uppáhalds skóinn minn.  Ég steig í ógáti á disk með Anti-Flag og braut smá utan af disknum þannig að ég get ekki hlustað á síðustu lögin á honum.

  Ég veit ekki hvaða stelpa söng með Pálma í Júró.  Mig rámar í að Helga Möller hafi sungið með honum í Júró en þú ert sennilega að vitna í eitthvað nýrra dæmi.  Ég hef ekki fylgst með Júró og er alveg úti að keyra í því dæmi.

  En gott að þú minntir mig á Heru.  Ég má ekki gleyma henni.  Hún þarf að vera á listanum yfir flottustu söngkonurnar. 

  Sigga Guðna,  já,  hún söng nokkuð "töff" með Jet Black Joe.  Hefur hún sungið eitthvað síðan? 

[ari (IP-tala skráð) 11.6.2008 kl. 00:24]

Nú, Leoncie.   

Ef þú hefur hana ekki með Jens, þá ertu RASISTI!

[Jens Guð, 11.6.2008 kl. 00:54]

  Ester,  það er bara Eivör og og aftur Eivör.  Alltaf flottust hvar sem er og hvenær sem er. 

  Ari,  þetta er snúið mál með Leoncie.  Hún er drottning euro-trashins samkvæmt BBC og ég get alveg kvittað undir það.  Leoncie segist vera indversk prinsessa - og samkvæmt auglýsingum hennar er hún gullfaleg indversk prinsessa.

  Ég hef hana grunaða um að vera danska en ekki indverska.  Hún hefur sjálf sagt að hún tali betri dönsku og íslensku en Danir og Íslendingar.  Indverskar konur eru svarthærðar með rauðan depil á enninu. Leoncie er með ljósgula hárkollu og í stað rauðs depils þá rakar hún af sér augabrúnir og málar á sig augabrúnir uppi á miðju enni. 

  Músíkin sem Leoncie spilar á skemmtarann sinn árgerð 1974 er ekki "raga" heldur euro-trash.  Það styður kenningu mína um að hún sé dönsk en ekki indversk.   

[Röggi (IP-tala skráð) 11.6.2008 kl. 13:33]

Jens ef þú lest færsluna þína þá sérðu að þú varst ýta úr vör skoðanakönnun þar sem spurningin er hver sé mesta besta og flottasta söng kona heims.

Í næstu könnun VERÐUR spurt hver er flottasta Íslenska söngkonan í dag.

[Brjánn Guðjónsson, 11.6.2008 kl. 16:05]

Jens, er ekki réttast að kalla tónlist Leoncie sínu rétta nafni? Nýbylgju-skemmtara-dinnermúsík 'a la Esjuberg - Hótel Esju, 1979.

[Ingvar Valgeirsson, 11.6.2008 kl. 19:49]

Mér finnst Brjánn fara of mikinn í skilgreiningu á tónlist Leoncie. Orðið "krapp" lýsir þessu alveg nógu vel.

[Jens Guð, 11.6.2008 kl. 21:44]

  Ester,  ég er sammála þér.

  Brjánn,  einhverra hluta vegna kalla Bretar músík hennar eurotrash en ekki þessu þó annars ágæta nafni nýbylgju-skemmtara-dinnermúsík "a la" Esjuberg-Hótel Esju 1979. 

  Ingvar,  "krapp" lýsir sömuleiðis fyrirbærinu prýðilega.

[Jens Guð, 11.6.2008 kl. 22:12]

 Röggi,  ég sé það núna að þetta er dálítið ruglingslegt hjá mér.  Skoðanakönnunin um bestu söngkonur heims er í dálki vinstra megin við færsluna,  fyrir ofan tónspilarann.  Ég hefði átt að taka það fram.  Sorry,  að hafa afgreitt þetta svona ruglingslega.

[Óskar Arnórsson, 11.6.2008 kl. 22:23]

Af hverju þarf maður að velja úr svona marga? Maður er svo lengi að ákveða hvern maður á að kjósa...

[Einar Bragi Bragason., 12.6.2008 kl. 02:50]

Björk, Andreu Gylfa, Heiðu "í Unun", Ellen Kristjáns, Lay Low, Ragnheiði Gröndal, Röggu Gísla, Dísu, Ólöfu Arnalds... Mér er áreiðanlega að yfirsjást einhver nöfn sem koma til greina. Kannski á Diddú heima í þessum flokki?

Þarna eru góðar sönkonur en líka arfaslakar söngkonur...og minni enn á að þrátt fyrir þinn einþykka smekk þá hlýtur þú að þurfa að setja rokk drottninguna Siggu Beinteins(þó að hún hafi kannski ekki mikið verið að sýna þá hlið á plötum) ofarlega á lista.......jú ég var að meina síðasta Júró......hvernig væri nú að þú fylgdist með....Tónlistarsagan heldur áfram....

[Ylfa Lind Gylfadóttir, 12.6.2008 kl. 10:37]

Haha ok ég fatta Jens

En Einar Bragi er að tala um stúlku sem heitir að mig minnir Hrund og er alveg vígaleg söngkona, þú ættir að þefa hana uppi, þó svo að þú kankski fílir ekki tónlistina sem hún hefur verið að gera þá er ég viss um að þú fellur killiflatur þegar þú heyrir röddina.

Þessi stúlka malaði einhverntíma söngkeppni framhaldsskólana og hefur síðan verið að vinna eitthvað með Pálma Gunnars og Magga Eiríks.

Ég kýs hana hér með!!!

[Ylfa Lind Gylfadóttir, 12.6.2008 kl. 10:39]

Og já Aretha Franklin hefur alltaf verið goð í mínum augum og kellan var algerlega ástæðan fyrir því að ég fór að syngja, konan er náttúrulega svakaleg

[Ragga (IP-tala skráð) 12.6.2008 kl. 11:57]

Er þetta bara svona hjá mér eða er Eivör eini valmöguleikinn í könnuninni sem er í gangi núna?

[Inga Jóna Traustadóttir, 12.6.2008 kl. 18:16]

Vá hvað margir svara ... en ég ætla að segja Ragga Gísla... uff, hún er bara snilld ..sko

[Jens Guð, 12.6.2008 kl. 21:37]

  Óskar,  ég er að reyna að hafa þetta einfalt.  Það þjást svo margir af valkvíða. 

  Einar Bragi,  tónlistarsagan verður ekki til í Júró.  Ég glugga reglulega í poppblöðin sem fást í íslenskum búðum.  Mörg þeirra kaupi ég.  Sömuleiðis fylgist ég með mörgum músíksíðum á netinu.  Ég hef aldrei séð stafkrók um Júró þar. 

  Ég á vel á annað hundrað bækur um poppmúsík.  Þar fer lítið fyrir Júró.  Einungis þar sem ítarlega er skrifað um Abba er nefnt í framhjáhlaupi - án frekari útlistunar - að hljómsveitin hafi farið með lögin Ring Ring og Waterloo í söngvakeppni evrópskra sjónvarpsstöðva.    

  Fyrir nokkrum árum var ég staddur í Þýskalandi á úrslitakvöldi Júró.  Íslenskir ferðafélagar mínir spurðust fyrir um Júró.  Það vissu fáir hvað það var.  Loksins fannst ein manneskja sem vissi af fyrirbærinu og sagði að þetta væri keppni sem einskorðist við hommaklúbba.

  Meira að segja hérna á Íslandi,  þar sem Júró er "hæpað" upp eins og eitthvað áhugavert,  skilur það lítið eftir sig.  Þessa dagana er að koma út pakki sem sagður er innihalda bestu íslensku popplögin, valin af breiðum hópi fólks með allskonar músíksmekk.  Aðeins 1 Júró lag náði inn á Topp 400.

  Það missir enginn af neinu - nema heilsubresti - þó Júró sé sniðgengið.

  Hinsvegar er mér reiðulaust að hafa Siggu Beinteins á listanum - á meðan ég þarf ekki að hlusta á söng hennar.

  Ylfa Lind,  þið verðið að hjálpa mér að finna fullt nafn þessarar dömu.  Ég kem af skagfirskum fjöllum.  Veit ekkert um hana.  Ég spurðist lítillega fyrir um hana í dag án þess að nokkur vissi nafnið á henni.

  Ragga,  það er þarna fleiri söngkonur.  En þær falla algjörlega í skuggann af Eivöru. 

  IJT,  Ragga Gísla hefur oft verið spræk.

[Ragga (IP-tala skráð) 12.6.2008 kl. 21:52]

Skrítið því ég sé bara Eivör og hún er með 100% og alls 43 hafa gefið henni þau atkvæði.

Hvaða aðrar söngkonur eru þarna með henni í þessari könnun? 

[Ylfa Lind Gylfadóttir, 12.6.2008 kl. 23:23]

Fann hana Hrund Ósk Árnadóttir heitir hún, vann söngkeppni framhaldsskólana fyrir MR 2005

[Jens Guð, 12.6.2008 kl. 23:31]

  Ragga,  það skiptir engu máli hverjar aðrar söngkonur eru í boði.  Eivör er að rúlla þessu upp.  Hún er göldrótt álfadrottning.  Það er eins og allar aðrar söngkonur gleymist og hverfi þar sem Eivör er.

  Ylfa Lind,  takk fyrir þetta.  Það er gaman að hafa eina svona lítið þekkta með - fyrst hún er svona flott eins og þið segið.

[Jón Sólberg Nóason (IP-tala skráð) 13.6.2008 kl. 04:57]

María Björk Sverris er lángbest.

Yfirburða talent.

Ju.

[Óskar Arnórsson, 13.6.2008 kl. 08:16]

Þessu sýstemi þyrfti að koma á í alþingiskosningum líka...þá myndi ég kannski kjósa. ég kýs aldrei, því það tekur á að velja..enn það var ekkert mál að kjósa hjá þér. þetta var akkúrat hæfilega einfalt fyrir svona eins og mig..

[Gudrún Hauksdótttir, 13.6.2008 kl. 08:35]

Andrea Gylfa engin spurning....Bara lang flottust konan

[Hilda (IP-tala skráð) 13.6.2008 kl. 09:59]

Tek undir með Röggu. Hver er tilgangurinn með skoðanakönnunni þegar aðeins er hægt að velja eina söngkonu? Það hlýtur að vera einhver kerfisvilla í gangi. Svona kemur þetta fram á minni tölvu: 

"

Spurt er

Hver er mesta, besta og flottasta söngkona heims?

• Eivör

Niðurstöður"

[Ragga (IP-tala skráð) 13.6.2008 kl. 11:33]

Nú jæja, þá verður mitt atkvæði pass þar sem ég fæ enga aðra möguleika.

Eivör er fín en þetta er rugl. 

[Óskar Arnórsson, 13.6.2008 kl. 17:50]

..ég hef ekki hugmynd hver þessi Eivör er og aldrei heyrt hana syngja, mér finnst bara JensGuð svo mikill snillingur að koma með skoðunarkönnun sem er svo einföld að jafnvel ég get skilið hana og kosið, að mér finnst þetta frábært framtak! JensGuð tókst þó að plata nokkra fúlupoka inn á bloggið sitt og bara það er hrein snilld!

[Ragga (IP-tala skráð) 13.6.2008 kl. 20:26]

JensGuð er snillingur og kannanirnar hans líka þótt þessi virðist vera frekar gölluð.

[Jens Guð, 14.6.2008 kl. 01:02]

  Hilda og Ragga,  fyrirgefið mér þennan aulahúmor hjá mér að setja upp skoðanakönnun um bestu söngkonu heims með því að hafa þann eina möguleika að kjósa Eivöru.  Þetta er að hluta stríðni við Jónas Kristjánsson,  þann merka fyrrum ritstjóra DV,  sem deildi á heimasíðu sinni á óvísindaleg vinnubrögð mín og viðhorf til skoðanakannana í bland við gagnrýni mína á aðrar og kannski betri skoðanakannanir.

  Óskar,  bestu þakkir fyrir góð orð og sömuleiðis bestu þakkir fyrir mörg önnur góð og oft mjög fróðleg innlegg í umræðu um önnur umræðuefni.

[Ragga (IP-tala skráð) 14.6.2008 kl. 02:17]

Snillingur, sagði það áður en hafði ekki hugmynd um stríðnina ;)

[Óskar Arnórsson, 14.6.2008 kl. 12:12]

JensGuð er húmoristi Ragga ;) þess vegna les ég hann alltaf. Maður getur aldrei vitað hvað kemur næst..