Bestu lög Davíðs

  Enski tónlistarmaðurinn Davíð Bowie hefur verið að í röska fjóra áratugi.  Hann hefur verið kallaður kamelljónið vegna þess hve oft hann hefur tekið óvæntar stefnur í músíksköpun sinni ásamt útlitsbreytingum.  Enska músík og kvikmyndablaðið Uncut fékk marga af helstu lagahöfundum poppsins til að finna út hvaða lög Davíðs eru best.  Af mörgu er að taka því eftir Davíð liggja um þrír tugir platna. 

  Meðal þátttakanda í þessu vali á bestu lögum Davíðs Bowies eru liðsmenn REM,  Rolling Stones,  Massive Attack,  Foo Fighters,  Led Zeppelin,  New Order og Depeche Mode ásamt Morrisey,  Miami Steve Van Sandt,  Rufus Wainwright,  Marc Almond,  Slash,  Robert Wyatt og fleiri.

  Niðurstaðan er þessi og gaman væri að heyra skoðun ykkar á henni:

1   Heroes (1977)

  Sigur þessa lags kemur ekki á óvart.  Í því fléttast saman á áhrifaríkan hátt endurkastandi (feedback) gítarleikur Roberts Fripps,  syndandi tölvuhljómborðsleikur Brians Enos og krátrokk (Davíð bjó í Þýskalandi á þessum árum).  Þetta magnaða lag er eftir Davíð Bowie og Brian Eno.  Aðstæður voru Davíð óhagstæðar 1977.  Breska pönkbyltingin sem hófst ´76 hafði tekið yfir.  Hún einkenndist m.a. af andúð á poppstjörnum,  hetjum og leiðtogum.  Hugmyndafræðin var Do-It-Yourself.  No More Heroes með The Stranglers kom út á sama tíma (sept. ´77) og Heroes með Bowie.  Það var tímanna tákn að pönkslagarinn flaug inn á Topp 10 (8.  sæti) en Hetju-slagarinn náði ekki einu sinni inn á Topp 20 (24. sæti).  Heroes hefur samt staðist tímans tönn með glæsibrag og verið krákaður af King Crimson,  Nico,  Wallflowers og fjölda annarra.   

2   Ziggy Stardust (1972)

  Af plötunni The Rise and Fall of Ziggy Stardust and the Spiders from the Mars.  Skrítið nafn á plötu og framandi stemmning.  Peter Buck í bandarísku rokksveitinni REM minnist þess hve hann hreifst að gítarleik Micks Ronsons í þessu lagi og öðrum á plötunni.  Hann stakk rækilega í stúf við klisjur gítarhetja þessa tíma.   

3   Fame (1975)

  Fönkað lokalag plötunnar Young Americans,  samið með hjálp frá John Lennon.   Fyrsta lagið með Bowie til að komast á topp bandaríska vinsældalistans.

4   Starman (1972)

  Síðasta lagið sem Bowie samdi fyrir Siggy Stardust-plötuna.  Þegar á reyndi vantaði smáskífulag til að kynna plötuna,  Bowie settist þá niður og samdi Starman.  Lagið náði 10.  sæti breska vinsældalistans.

5   Space Oddity (1969)

  Fyrsta lagið með Bowie sem náði árangri á breska vinsældalistanum.  Náði 5.  sætinu.  Sex árum síðar var það endurútgefið og fór þá á toppinn. 

6   Ashes to Ashes (1980)

  Annað lag Davíðs í röðinni sem náði toppsæti breska vinsældalistans.  Af plötunni Scary Monsters og smellpassaði inn í nýrómantísku tölvupoppbylgjuna.

7   Rebel Rebel (1974)

  Af plötunni Diamond Dogs.  Fór í 5.  sæti breska vinsældalistans.

8   Changes (1971)

  Af plötunni Hunky Dory.  Bæði lagið og platan kolféllu í sölu.  Keith Richards telur Changes vera besta lag Bowies.  Keith tekur þó fram að hann sé enginn Bowie aðdáandi - þrátt fyrir að þeir hafi gengið í sama myndlistaskóla.  Keith segir Bowie vera lítið annað en ljósmyndafyrirsætu. 

9   Life on Mars (1971)

  Einnig af Hunky Dury og náði betri árangri en Changes.  Fór í 3ja sæti breska vinsældalistans.

10  Let´s Dance (1983)

  Af samnefndri plötu.  Fór á toppinn bæði í Bandaríkjunum og Bretlandi.

11  The Jean Genie (1973)

  Af plötunni Aladdin Sane.  Náði 2.  sæti breska vinsældalistans,  sem var besti árangur Bowies til þessa.  Johnny Marr,  gítarleikari The Smiths,  segir lagið prýða alla kosti þess sem í upphafi fékk hann til að heillast af rokki. 

12  All the Young Dudes (1974)

  Þetta lag er einungis til í hljómleikaútgáfu með Bowie,  á plötunni  David Live.  Hljómsveitin Mott the Hoople kom því hinsvegar í 3ja sæti breska vinsældalistans.  Robert Wyatt hrífst að því hvernig Bowie hleður spennu í viðlagið með því að láta hina eiginlegu sönglínu ekki fara í gang fyrr en á 3ja hljómi.   Robert kallar viðlagið jafnframt einn af bestu "fótbolta-fjöldasöngs" slögurum sögunnar. 

13  Dimond Dogs (1974)

  Af samnefndri plötu.

14  John,  I´m only Dancing (1972)

  Kom út á smáskífu og vakti upp umræðu um tvíkynhneigð Bowies.

15  Sound & Vision (1977)

  Af plötunni Low.  2ja mín.  spilaður krátrokk-inngangur með grípandi gítarleik og Mary Hopkin syngur bakrödd. 

16  The Man Who Sold The World (1971)

  Titillag 3ja plötu Bowies.  Nirvana krákuðu lagið á plötunni frábæru  MTV Unplugged in N.Y.  og héldu sig við útsetningu Bowies og félaga. 

17  Young Americans (1975)

  Af samnefndri plötu.

18  Rock ´N´ Roll Suicide (1972)

  Af plötunni um Ziggy Stardust.

19  Oh!  You Pretty Things (1971)

  Af plötunni Hunky Dory.

20  Letter to Hermione (1969)

  Kom fyrst út á plötunni  Man of Words/Man of Music  sem var sérútgefin í Bandaríkjunum.  Tilgangurinn var að koma Bowie á kort þar.  Það tókst ekki í þeirri atrennu.  Þremur árum síðar var lagið endurútgefið á plötunni Space Oddity.

Athugasemdir

[Óskar Þorkelsson, 21.6.2008 kl. 16:56]

David Bowie hefur verið í uppáhaldi hjá mér síðan ég var unglingur, ég eignaðist plötuna Heroes stuttu eftir að hún kom í Karnabæ hér fyrir einhverjun áratugum síðan ;)  og eftir það hefur karlinn verið einn af mínum uppáhalds..

Ég get alveg kvittað undir þennan lista.

[Jenný Anna Baldursdóttir, 21.6.2008 kl. 17:01]

Fame er snilldin ein.

[Markús frá Djúpalæk, 21.6.2008 kl. 17:37]

Lagið The Man Who Sold The World hefði ég sett ofar á listann, en þegar snillingar eins og Bowie eiga í hlut er erfitt að raða upp einhverjum vitrænum lista yfir hvað telja má best. Ætla mætti af þessum lista að kappinn hafi ekkert gert af viti síðan 1983, en nýjasta lagið er einmitt Let's dance frá því herrans ári. Ég hefði fyrir minn hatt viljað sjá Tonight frá 1984, Strangers when we meet frá 1993/1995, og Seven frá 1999 á þessum lista. Jafnvel Absolute Beginners, titillag samnefndrar kvikmyndar frá 1986 hefði getað átt heima þarna. Það hefur lítið heyrst frá David Bowie síðan 2003, þegar hann gaf út plötuna Reality. Hann fékk minniháttar hjartaáfall á tónleikaferðalagi, og hefur mest verið í að koma fram með ungum og upprennandi og gömlum og endurvinnandi stjörnum síðastliðin ár, nefna má samvinnu við David Gilmour og Arcade Fire sem dæmi um áhugaverð verkefni Davids Bowie nú nýlega. Bowie er kominn á sjötugsaldur en ég efa að það hái honum nokkuð og vænti meistaraverks frá honum innan skamms.

[Helga (IP-tala skráð) 21.6.2008 kl. 18:33]

Ég er ekki frá því að ég myndi setja lagið Sound & Vision í 2. sætið - næst á eftir Heroes.   Ég þekki flest lögin á þessum lista, en samt ekki alveg öll.

[Helga (IP-tala skráð) 21.6.2008 kl. 19:04]

Meira um Sound and Vision:  Kom ekki Brian Eno líka eitthvað þar við sögu?  Mig minnir það endilega.

[Markús frá Djúpalæk, 21.6.2008 kl. 19:25]

Brian Eno spilaði á hljóðgerfla í laginu Sound & Vision, en Bowie og Tony Visconti pródúseruðu það. Platan Low sem lagið kom út á er alltaf talin upp sem sú fyrsta í Berlínar þrennu Bowies og Brian Eno, þrátt fyrir að hafa að mestu verið tekin upp í Frakklandi, en hún var þó hljóðblönduð í borginni sem í þá daga hét Vestur-Berlín.

[Helga (IP-tala skráð) 21.6.2008 kl. 19:41]

Markús, takk fyrir þessar upplýsingar.  Önnur spurning:  Hver var þriðja platan í Berlínarþrennunni?

[Markús frá Djúpalæk, 21.6.2008 kl. 19:47]

Helga, Berlínarþrennan inniheldur plöturnar Low og Heroes frá 1977 og Lodger frá 1979. Reyndar var sú síðastnefnda unnin í Montreaux í Svisslandi og í New York en tilheyrir engu að síður þessarri þrennu.

[Linda Linnet Hilmarsdóttir, 21.6.2008 kl. 20:56]

Hann er snillingur þessi tónlistamaður  

[ringo (IP-tala skráð) 21.6.2008 kl. 22:38]

Honky dory er besta plata bowies

[ringo (IP-tala skráð) 21.6.2008 kl. 22:41]

lög eins og life on marz  everly brothers ,cooks canges, og hið vanmetna lag quicksand, tær snilld.

[Markús frá Djúpalæk, 21.6.2008 kl. 22:53]

Hunky Dory er fín plata. Alveg Hunky Dory eins og bretarnir myndu segja. Life on Mars, The Bewlay Brothers, Kooks, Changes...  einhvers staðar á ég tónleikaútgáfu af Quicksand, þar sem Robert Smith aðalsprauta The Cure tekur lagið með Davíð.

[ringo (IP-tala skráð) 21.6.2008 kl. 23:18]

Og ekki gleyma einu , rick wakeman yes hljómborðsleikarinn, lyftir plötunni á æðra stig með sínum snillldar leik,líkt og Guðmundur Ingólfs glíng gló Bjarkar.

[Steingrímur Helgason, 21.6.2008 kl. 23:32]

Má nú bæta við fyrir okkur sem að fannzt "Let Dance" vera hið fínasta dansalbúm, hevý riffuiðu innleggi blúsgítargoðsins heitna Stevie Ray Vaughan á þá plötu, en hann reyndar harðneitaði víst að túra með í prómó tónleikaferðalaginu sem venjulegur launaþræll & fannst sinn þáttur vera vanmetinn til tekna & sögu.

[ringo (IP-tala skráð) 21.6.2008 kl. 23:32]

Ziggy plays guitar%#/I& am.  d.  em. to major Tom:) eða línan úr quicksand; tont belive in your self:) maður fær hroll:)

[Númi (IP-tala skráð) 21.6.2008 kl. 23:44]

Bestu lög Davíðs,,villandi fyrirsögn hjá þér.Hélt að þú værir að skrifa um Illvirkjann í Seðlabankanum,en hann er pottþétt á fullu að skrifa landslögin,sá valdafýsni Fýri.

[Heimir Tómasson, 22.6.2008 kl. 05:15]

Ég get að mestu leyti kvittað undir þennan lista, en mér finnst sem að nýrri lögum hans sé alls ekki gert nógu hátt undir höfði. Mörg af lögunum sem að hann hefur gert í sienni tíð standa hinum eldri alls ekki langt að baki. Ber þar fyrst að nefna "I'm afraid of Americans". Það finnst mér vera með betri lögum Bowie.

En þetta er bara minn smekkur.

[Magnús Geir Guðmundsson, 22.6.2008 kl. 23:40]

Get nú ekki sagt að ég sé mikill aðdáandi, en hef eins og margur haft gaman af ýmsum lögum hans. Asshes To Ashes líklega mitt uppáhaldslag og svo hafði ég gaman af músíkinni í Cat People myndinni, sem margur hafði hins vegar ekki minnir mig.

Gott hjá Steingrími að draga fram þátt vinar míns heitins Stevi Ray, Let's Dance er nú bara fyrst og síðast merkileg fyrir hlut hans á plötunni og sem betur fer gerði hann uppreisn og fór ekki með í tónleikaferðir. En óskaplega var umslagið líka hallærislegt á þessari plötu með "The Thin White Duke" framan á sem bjánalegan boxara!?

[Óskar (IP-tala skráð) 23.6.2008 kl. 01:22]

Humm.... Þetta er náttúrlega rosaleg spurning...!

Mér finnst vanta lög eins og Silly Boy Blue, Cygnet Committee, Moonage Daydream, Five Years, Holy Holy, Scary Monsters, Drive In Saturday, TVC 15, Breakin Glass og svo mætti lengi telja áfram....

En fínasti listi svo sem :) 

[Kristín Björg Þorsteinsdóttir, 23.6.2008 kl. 08:31]

Ég get kvittað fyrir þetta allt - hefði þó viljað sjá fleiri lög af Let´s dance, eins og t.d. China girl

[Óskar P. Einarsson (IP-tala skráð) 23.6.2008 kl. 12:37]

Mér finnst "Modern Love" flottasta lagið hans Báí, þótt ég hlusti nánast ekkert á hann. Flott melódía lyftir þessu í hæstu hæðir. Lagið lifir meira segja af banamein flestra popplaga: Saxófónsóló. Stórskrýtið að það sé ekki á listanum...

Annars er það flottasta sem Bowie hefur komið nálægt (veit þó ekki annað en að Brian Eno sé þar aðalmaðurinn) vera soundtrakkið í heróín-stuðmyndinni 'Christiane F.' Allt svonefnt "kuldarokk" hljómar eins og Gamli Nói við hliðina á þessari geðveiki.

'Heroes' - sem er einmitt topplag téðs lista - er einmitt upphafslag myndarinnar og er, jú, fínasta lag. Það eru hins vegar instrúmental-lögin í myndinni (oft spiluð í atriðum sem gerast fyrir framan nöturlegar brautarstöðvar og sóðaleg klósett) sem nísta og skera alveg inn að beini. Klárlega besta sándtrakk sem ég hef heyrt.

[Arnar (IP-tala skráð) 23.6.2008 kl. 14:53]

Ekki er ég sáttur við þennan lista, það vantar lög eins og holy holy, lady grinning soul, the width of a circle og mörg önnur. Mér persónulega finnst Bowie bestur með Mick heitnum Ronson. En það er merkilegt að árið 1967, var Mick í bandinu The Rats og þeir gáfu út lag eða plötu sem heytir The rise and fall of Bernie Gripplestone, hljómar svipað og hjá Bowie. Svo skil ég ekkert í afhverju Fame er þarna á listanum, þvílíkur viðbjóður og öll Young Americans platan, sama segji ég um Buddha of Suburbia, hundleiðinlegar plötur.

[Gulli litli, 23.6.2008 kl. 22:55]

 Let´s dance á ekki erindi á listann, ad mínu mati afspyrnu slappt lag.

[Jesús Kristur (IP-tala skráð) 26.6.2008 kl. 14:08]

Piff, Life on Mars á að vera þarna í efsta sæti.

Og mér finnst að Putting out fire ætti að vera þarna einhvers staðar.

Svo eru lög þarna á þessum lista sem ég myndi ekki setja á topp 20 hjá kallinum. (t.d. 2 sem vísa í dans í titlinum...hvorugt með hans betri lögum að mínu mati)