Leoncie deilir á íslensku lögguna

 

  Íslenska Madonna,  eins og indverska prinsessan Leoncie kallar sig,  er ein af þessum gleðigjöfum sem kemur manni í gott skap við það eitt að sjá mynd af henni.  Viðtöl við hana eru dásamlega safarík,  skemmtileg og upplýsandi.  Í viðtali við visir.is leiðréttir hún misskilning sem ég er viss um að fleiri en ég stóðu í trú um.  Ég var sannfærður um að Leoncie væri á föstum fjárlögum frá íslenska ríkinu,  jafnvel hjá fleiri en einu ráðuneyti.  Þessu vísar Leoncie á bug í visir.is og segir: 

„Íslenska lögreglan, dómsmálaruslið og allt þetta ömurlega kerfi á það skilið að því sé sturtað niður í klósettið. Lögreglan og fólkið í Englandi er frábært.  Íslenska ríkisstjórnin styður mig ekki eins og allt þetta fólk sem er öfundsjúkt út í mig. Sigur rós, Björk og aðrar hæfileikalausar blöðrur sem geta ekki gert neitt án stuðnings frá ríkinu."

  Þetta verður að rannsaka.  Þarna er spilling.  Hugsanlega rasismi líka.  Það er eitthvað meira en lítið bogið við það að íslenska Madonna,  indversk prinsessa,  sé sniðgengin og fjársvelt af íslensku ríkisstjórninni,  löggunni og dómsmálaráðuneytinu á meðan glórulaus fjáraustur til öfundsjúkra og hæfileikalausra blaðra er látinn viðgangast.  Og það þrátt fyrir að hæfileikalausu blöðrurnar selji plötur í milljóna upplögum og eigi nógan pening. 

  Í nýlegu hefti tímaritsins New York Entertainment er stutt en áhugaverð grein um Leoncie er byggir að hluta á upplýsingum frá henni sjálfri og á því að vera nokkuð áreiðanleg.  Þannig er greinin:

Leoncie, Iceland’s Madonna, Makes Own Dirty Videos

Icelandic artist Leoncie has drawn comparisons to Madonna for her overt sexuality, fast-changing hairstyles, and prolific music-video output. She writes and performs all her own music and directs the rather cheesy videos, too—courting controversy with some of them (they were pulled from YouTube) because she showed her boobs. We particularly recommend the surreal “Invisible Girl,” in which she flies on a magic carpet, and “Sex Crazy Cop,” with the catchy refrain: “Ooooh, cheap sex.”

Athugasemdir

[DoctorE (IP-tala skráð) 2.7.2008 kl. 14:01]

Veistu hvað, mér finnst Dóms og Leoncieráðuneiti hljóma gáfulegra en Dóms & kirkjumálaráðuneyti. ;)

Þú lagðir þetta upp, ég tók áskorun ;)

[Þorsteinn Briem, 2.7.2008 kl. 14:49]

Her name is Leoncie,
and she is not for free,
helvíti er sexí,
hann með rex í,
og brjóst er góður Bíbí.

[Helga Magnúsdóttir, 2.7.2008 kl. 14:58]

Við verðum að efna til kosninga hið snarasta og stofna nýjan flokk, hann getur heitið L-flokkurinn og frambjóðendur eru vitanlega þeir fjölmörgu eldheitu aðdáendur sem Leoncie á hér á landi. Hvað er eiginlega gert við skattpeningana okkar ef Leoncie fær engan stuðning?

[Jenný Anna Baldursdóttir, 2.7.2008 kl. 16:18]

Ég er svo glöð að Leonice sé að kynna Ísland um víða veröld.

[Ylfa Lind Gylfadóttir, 2.7.2008 kl. 17:41]

Haha sammála Jenný, Leoncie er nákvæmlega myndin sem ég vill að útlendingar fái af Íslendingum!!

[Magnús Geir Guðmundsson, 2.7.2008 kl. 19:28]

Jamm, gaman allavega í aðra röndina að þessu og ekki hvað síst er skemmtilegt að stelpurnar hérna að ofan sjá kímnihliðina á þessu! En gaman þætti mér samt að vita, hvort þær vilja hafa dívuna topplausa eður ei í sinni fögru táknmynd fyrir ímynd Íslands!?

[Martha Elena Laxdal (IP-tala skráð) 2.7.2008 kl. 20:25]

já veröldin væri án efa litlausari - ef ekki bara svarthvít -  ef ekki væru til karakterar eins og Leoncie blessaða. Ég verð að viðurkenna að ég hef lúmskt gaman af henni ;) Hún er sjálfhverfasti músíkanarkisti sem ég veit um, alltaf klædd eins og hún væri á grímuballi en má eiga það að hún heldur ótrauð áfram að semja og spila sína "talentuðu" og útúrspeisuðu tónlist þrátt fyrir að veröldin sé full af fíflum! En kannski heldur hún þetta út vegna þess að hún býr í allt annarri veröld en við hin? i wonder.....

When everything looks grey - just think of Leoncie :)

[Jóhanna Magnúsar- og Völudóttir , 2.7.2008 kl. 21:29]

Leoncie er létt...  .. og svo eru sumir með sumt (eins og andspyrnu við guð og kirkju) á heilanum eins og ónefndir Doktórar... Já, já, mikið af sérstöku fólki í þessum heimi..

[Jens Guð, 2.7.2008 kl. 23:56]

  Eins og Martha nefnir þá væru færri tónar í litrófinu án Leoncie.  Og færri bros og færri hlátursköll.  Hláturinn frá dómnefndinni í X-factor í Englandi er dæmi um það.  Ræður Jóns og Kolbrúnar eru eiginlega andstæða Leoncie.  Þær svæfa.

  Ég kaupi plötur Leoncie og raða þeim við hliðina á Hamfara-plötu Gunnars Jökuls.

[Jóna Kolbrún Garðarsdóttir, 3.7.2008 kl. 01:11]

Ég er sammála Jenný Önnu og Ylfu lind.  Svo er mikill sannleikur í því sem hún Martha Elena segir. 

[Heidi Strand, 3.7.2008 kl. 14:20]

Diplomati og ambassade blir unødvendig så lenge vi har prinsessen. 

[Magnús Geir Guðmundsson, 3.7.2008 kl. 17:33]

Mér finnst Leoncie bara fín og einhvern tíman FANNST mér allavega barmur hennar, eh, "til brúks fallin"!

Vonandi móðga ég nú engan með því að játa það!?