Brenglað fjarlægðarskyn

  Flestu fólki þykir eðlilegt að viðmælendur þeirra almennt séu í dálítilli fjarlægð.  Það er að segja séu ekki klesstir upp við nefið á manni.  Svona að öllu jöfnu.  þetta er eitthvað sem enginn þarf að ræða sérstaklega.  Fólk kann þetta.  Nema þeir sem jórtra Opal.  Efnablandan í Opali veldur því að þeir tapa fjarlægðarskyni.  Þeir upplifa sig vera í kurteislegri fjarlægð þó þér séu alveg með nefið á sér þétt við nef viðmælandans.  Þetta sést meira að segja í sjónvarpsauglýsingum um fólk sem borðar Opal.

  Þó að Opal sé selt sem jórturnammi þá er Opal í raun pappalím.  Sælgætisgerðin kynntist Opali sem lími til að ganga frá umbúðum.  Við forstjóraskipti eitt sinn varð til sá hlálegi misskilningur að Opal væri nammi.  Og af því að það var forstjórinn sem misskildi þetta þá kunni enginn við að leiðrétta hann.

 

Athugasemdir

[Skattborgari, 2.7.2008 kl. 23:33]

Prufa að nota opal næst þegar mig vantar pappalím.

[Jens Guð, 2.7.2008 kl. 23:47]

  Skattborgari,  mundu að það þarf að bleyta upp í því fyrst.  Þurrar Opal pillur ná ekki að líma neitt. 

[Skattborgari, 2.7.2008 kl. 23:51]

hehe gott að vita af því. Ég er með einn veg sem þú hefur örugglega gaman af á blogginu mínu.

[Jóna Á. Gísladóttir, 3.7.2008 kl. 00:07]

hahaha bullari

[Þorsteinn Briem, 3.7.2008 kl. 00:17]

Haarde núna í henni inni,
hroðalega þar náin kynni,
tafla af Ópal,
og tótallí gal,
þau Solla í kytrunni sinni.

[Jens Guð, 3.7.2008 kl. 00:47]

  Skattborgari,  ég kíkti á vegina þína.  Þeir svipa til þess þegar við Skagfirðingar keyrðum til Ólafsfjarðar í gamla daga.

  Jóna,  samt er þetta satt.  Held ég. 

  Arró,  ég veit ekki að segja hvaðan gúmmíið er í Opali.  Ég held að það sé úr endurunnum hjólbörðum.  En kannski er það arabískt.

  Steini,  limran er snilld. 

[Skattborgari, 3.7.2008 kl. 00:48]

hahahaha þetta er hættulegasti vegur í heimi upp undir 200dauðsföll á ári þegar hann var í norkun.

[J. Einar Valur Bjarnason Maack , 3.7.2008 kl. 03:06]

Jú, nánast allt nammi í hlaupformi inniheldur bindiefnið arabískt gúmmí í mismiklu magni sem er vatnsleysanlegt og því nothæft sem lím í sumum tilfellum, eftir magni í hverri nammitegund...

[Sverrir Stormsker, 3.7.2008 kl. 10:18]

Ég nota blautan Opal frekar en límstaut til að líma aftur umslög. Gefst mun betur á bréfsefni. Betra grip. Maður sleikir Opalið pent (ekkert endilega einsog hundur), bíður í ca 15 sekúntur og rennir því svo eftir umslagskantinum, og étur það svo, semsé Opalið, ekki umslagið.  Blautan Tópas nota ég hinsvegar sem lím á viðarefni, svo sem bókahillur og til að klastra saman brotnum styttum og reyndar líka til að festa baðherbergisflísar. Gæti náttúrulega alveg eins notað Opal en er bara búinn að venja mig á Tópas. Skil ekkert í Byko og Húsasmiðjunni að vera ekki með þessar frábæru límtegundir í sínum rekkum í stað þess að líma sig á þessar klassísku tegundir einsog Jötungrip, Galdragrip, Minjagrip og Nautgrip eða hvað þetta heitir nú alltsaman.

[Svanur Gísli Þorkelsson, 3.7.2008 kl. 11:32]

Annað í sambandi við Opalið var að það hét fyrst bara Pal. Oið átti að vera mynd (stílfærð) af töflunni. Almenningur sá töfluna sem stórt O og kallaði vöruna aldrei annað en Opal.

[Ómar Ingi, 3.7.2008 kl. 16:24]

Nei Jóna ekki bullari Yfirbullari

[Brjánn Guðjónsson, 3.7.2008 kl. 19:35]

Sverrir. Opallinn og Tópasinn held ég fáis í Húsó og Byko. Það er bara við kassann, hjá tyggigúminu

[Brjánn Guðjónsson, 3.7.2008 kl. 19:39]

annars er lím í mörgu öðru sem við etum. hveiti + vökvi = hveitilím. brauð inniheldur helling af hveiti og helling af vatni. bjór er einskonar fljótandi brauð.

Jens farðu varlega í bjórinn. hann gæti límt aftur á þér þarminn.

ekki gott.