Þjóðhátíðardagur Bandaríkjanna féll í skuggann af 20 ára afmæli Blönduósbæjar

  Venjulega litast dagskrá útvarpsstöðvanna mjög af því 4.  júlí ár hvert að þá er þjóðhátíðardagur Bandaríkja Norðu-Ameríku.  Í ár brá hinsvegar svo við að varla heyrðist bandarískt lag spilað heldur var lagaval meira og minna kæft af músík frá Blönduósi.  Reyndar heyrði ég á Útvarpi Sögu að í tilefni þjóðhátíðardags Bandaríkjanna var spilað lag með Bryan Adams.  Hann er kanadískur og Kanada er ekki langt frá Bandaríkjunum.  Á annarri útvarpsstöð var afmæli Blönduóss fagnað með spilun á lagi með hljómsveitinni Jörlum frá Reyðarfirði.  Enda hvorutveggja úti á landi og ekki mjög langt á milli.

Blönduós 20 ára

Athugasemdir

[Ómar Ingi, 4.7.2008 kl. 21:10]

HAHAHAHAHAHAHAHAHA

U Kill Me

[arnar valgeirsson, 4.7.2008 kl. 21:45]

mér finnst þau hefður átt að spila rush.....

en svo er hallbjörn ekki langt frá blönduósi. en hvaða hljómsveitir koma frá blönduósi spyr maður bara eins og fávís... eitthvað.

jamm, og til hamingju með tuttugu árin, kæri blönduós

[Óskar Þorkelsson, 4.7.2008 kl. 21:56]

ha ha hef skemmt mér vel yfir undanförnum póstum frá þér Jens en þessi toppar hina ;)

[Guðríður Hrefna Haraldsdóttir, 4.7.2008 kl. 23:30]

Hahahahahahah, snilld!

[Kári K (IP-tala skráð) 4.7.2008 kl. 23:56]

Sorry félagi nú skaustu yfir markið, enginn humor lengur... fáðu þér kött félagi

[Jón Sigurðsson, 5.7.2008 kl. 00:29]

Blönduósingar eru að leggja af stað með metnaðarfulla dagskrá fyrir gesti og gangandi um næstu helgi. Þeir sem hug hafa á nýsköpun í íslenskri dægurtónlist ættu að leggja eyrun  við á huni.is. Þeir sem engan áhuga hafa á þessu geta bara snúið sér að einhverju öðru. En hvað sem aðrir gjöra þá liggur leið mín samhliða uppbyggilegu starfi Blönduósinga fram á veginn óhrædda við vandræðagang þeirra sem ætluðu sér meira en efni stóðu til.

[alva (IP-tala skráð) 5.7.2008 kl. 01:03]

ja, sko Blönduós er miiiklu merkilegri en lýðurinn þarna í BNA

Hljómsveit hér já,já. margar og miklu betri en gaulið frá BNA líka...eru það ekki haldapokarnir...held það og Polýester...

þú ert ágætur Góða helgi frá Blönduóslandnema.

[Þorsteinn Briem, 5.7.2008 kl. 01:17]

Eitt sinn Guð fékk óverdós,
ældi og skapaði Blönduós,
þar búa apar,
og þrælapar,
í drullu og beyglaðri dós.

[Jens Guð, 5.7.2008 kl. 01:44]

  Ómar,  takk fyrir innlitið.

  Arnar,  ég er sammála því að útvarpsfólk á að taka Rush framyfir Bryan Adams þegar kanadísk músík er valin.

  Af frægustu hljómsveitum Blönduósbæjar bera Ósmenn hæst.  Ég held að þeir hafi starfað í að minnsta kosti 3 vikur 1964 (eða var það 1965?).  Kannski störfuðu þeir lengur.  Svo mikið er víst að þeir spiluðu (ókeypis) á opinberum dansleik í skólahúsi þarna.  Hugsanlega spiluðu þeir tvisvar þar - eða þeir æfðu allavega tvisvar.

  Ég held að ég fari rétt með að Pétur Hjálmarsson bassaleikari hafi verið í Ósmönnum.  Hann spilaði síðar með Geislum á Akureyri og þar síðar með Galdrakörlum í Reykjavík.  Ef ég veit þetta þá er það vegna þess að hann tók saman við systir drengja sem voru í sveit á næsta bæ við mig þegar ég var krakki í útjaðri Hóla í Hjaltadal í Skagafirði.

  Ég held sömuleiðis að Jóhann Örn,  hljómborðsleikari nýendurreistrar LEXÍU frá Laugarbakka,  sé frá Blönduósi:  www.lexia.blog.is.

  Kúreki Norðursins er ekki sáttur við að vera bendlaður við Blönduós að öðru leyti en því að tengdasonur hans rak þar bensínsjoppu,  ef ég man rétt.

  Óskar og Gurrý,  takk fyrir innlitið. 

  Kári,  það var dagskrárgerðarmaður á Útvarpi Sögu sem skaut yfir markið þegar hann fagnaði þjóðhátíðardegi Bandaríkjanna með því að spila Bryan Adams.  Ég kom þar hvergi nærri.  Annar dagskrármaður,  Markús Þórhallsson,  var hinsvegar fljótur að benda á landfræðileg skekkjumörk.  Ég hef fylgst með því að Markús er glettilega og skemmtilega fjölfróður um músík.  Til viðbótar því að vera góður útvarpsmaður að öðru leyti.

  Ég átta mig ekki á því hvað ég á að gera við kött.  Til að "tandra" hann?  Nei,  varla.

  Jón,  þetta eru góðar fréttir.

  A.K.Æ.,  flest er betra frá Blönduósi í samanburði við BNA og DNA. 

  Steini,  þetta er - að ég held - eina afmælislimran sem Blönduós fékk á 20 ára afmælinu.

[Gulli litli, 5.7.2008 kl. 09:45]

God bless Blönduós...

[Axel Jóhann Hallgrímsson, 5.7.2008 kl. 11:18]

Ég þori varla að leggja orð í belg í umræðu um Blönduós. Það hefur verið gefið út á mig veiðileyfi þar. Telst réttdræpur sýni ég mig innan bæjarmarkana. Ástæða þessa er vísa sem birtist í Glugganum og ég botnaði upp á nýtt.

Vísan var eftir R.K. og var svona:

Í Blönduóskirkju víst ég vil

virða menntir slyngar.

Þaðan fara foldu til

fáir Skagstrendingar.

Ég sendi inn nýjan botn og taldi vísuna sannari svona:´

Í Blönduóskirkju víst ég vil

virða menntir slyngar.

Því þaðan fara fjandans til

flestir Blönduósingar.

Ég læt þetta vaða, þeir geta ekki drepið mig nema einu sinni.

[Axel Jóhann Hallgrímsson, 5.7.2008 kl. 12:10]

Það er mér bæði ljúft og skylt að greina frá þeirri skoðun minni að á Blönduósi búi gott fólk og umrædd vísa endurspeglar á engan hátt þann hug sem ég ber til þeirra eða óskir mínar þeim til handa, þvert á móti. En einhverjir tóku þessu bókstaflega og sannast sagna heldur illa og urðu sárir og svekktir í minn garð.

[alva (IP-tala skráð) 6.7.2008 kl. 01:48]

hahaha, þetta er bara frábært!!

[alva (IP-tala skráð) 6.7.2008 kl. 01:53]

það eru til fáir stoltari en Blönduósbúar, það verð ég að segja, að þeim ólöstuðum,  eftir að hafa búið hérna í nokkur ár og víða annarsstaðar á landinu áður, man ekki eftir slíku stolti og alls ekki vinsælt að vera að gera góðlátlegt grín að þeim eða einhverju hérna sko, margir hörundssárir með afbrigðumþað gæti kostað fórnir á altarinu...ég ætti kannski að fara að passa mig...