Það verður allt brjálað á Blönduósi

  Allt stefnir í að Blönduós og nágrenni muni iða af lífi og klikkuðu fjöri um helgina.  Spenningur fyrir helgarstuðinu á Blönduósi er svo mikill að heyrst hefur af fólki sem kemur að langar leiðir,  jafnvel frá fjarlægum útlöndum,  í þeim eina tilgangi að missa ekki af fjörinu.  Yfirskrift skemmtunarinnar er Húnavaka 11. - 13. júlí 2008.

  Það sem mestur spenningur ríkir um er að á föstudagskvöldinu,  annað kvöld,  mun hin áður ofurvinsæla stuðsveit,  Lexía frá Laugarbakka,  rísa upp eftir aldarfjórðungs langan dvala.  Lexía var mest auglýsta danshljómsveit landsins á sínum tíma og kunni öll "trixin" við að skrúfa upp í topp stemmninguna á böllunum. 

  Lexía mun að sjálfsögðu spila alla gömlu vinsælu smellina sína en til viðbótar kynna nýjan sumarsmell.  Þar segir (gott að vera búinn að læra þetta fyrir annað kvöld):

"Tjaldhælar og strigaskór,

gítargarmur og fullt af bjór,

  allir syngja í einum kór

Bítla,  Bubba og Magga Þór."

  Fjöldi annarra hljómsveita skemmtir á Húnavökunni.  Má þar nefna Svörtu sauðina (nafnið er sennilega innblásið af færeyska bjórnum Black Sheep),  Haldapokana,  Polyester,  Groundfloor,  Mercedes klúbbinn (sem kynnir til sögu nýja söngkonu,  Margréti Eddu Jónsdóttur (Gnarr)) og hljómsveit Guðmundar Jónssonar,  gítarleikara frá Skagaströnd.    

  Af öðrum hápunktum Húnavökunnar er ástæða til að vekja athygli á skóflustungu að sundlaugargarði á Blönduósi,   skoðunarferð um leikskóla bæjarins og að veðurspámaður verður hylltur.  Gestum verður boðið upp á mjólk,  sér að kostnaðarlausu,  eftir hádegi á laugardeginum. 

  Margt verður til skemmtunar fyrir börn:  Gunni og Felix sprella,  söngleikurinn Abbababb eftir Dr.  Gunna verður sýndur og keppt í söng.  Bara svo fátt eitt sé nefnt.

  Kíkið á www.lexia.blog.is.  Þar er hægt að finna meira um Lexíu og dagskrá Húnavökunnar.

Athugasemdir

[Þröstur Unnar, 10.7.2008 kl. 16:21]

Marinó og Hermann á Haugi eru bara eilífðartöffarar.

Enginn bjór, e.hádegið?

kv

Húnvetningur.

[Þorsteinn Briem, 10.7.2008 kl. 16:35]

Sauðir á Blönduósi í sundlaugargarði,
þar Sigríður úr fjósi kemur frá Skarði,
blindfullt fólk,
í bjór og mjólk,
lærir sína lexíu Rósi Guðsteins í Garði.

[Ómar Ingi, 10.7.2008 kl. 16:47]

DisLEXÍA ?

[Axel Jóhann Hallgrímsson, 10.7.2008 kl. 17:08]

Ég er á Skagaströnd núna og verð fram yfir helgi. Reikna fastlega með því að kíkja á Húnavökuna. Vonandi er búið að náða mig. Allir á Húnavöku!

[Jenný Anna Baldursdóttir, 10.7.2008 kl. 17:58]

Aldrei heyrt á þetta band minnst, þ.e. Lexíu.  Það ætti að kenna þér ákveðna lexíu Jens minn.

Góða skemmtun.

[Sigurlaug Gísladóttir (IP-tala skráð) 10.7.2008 kl. 19:59]

Ég er eins og Jenný, aldrei heyrt um þetta band, sem segir mér að við hljótum að vera svo ungar að þetta sé fyrir okkar tíma en góða skemmtun á Húnavöku. Kv

[Magnús Geir Guðmundsson, 11.7.2008 kl. 00:13]

Gaman að sjá þetta, þú ætlar kannski já að skella þér?

Nema hvað, vegna þess hve ég er lítillátur af þingeyingi að vera, þá má ég til með að geta þess, að fyrir einum þremur eða fjórum árum var ég Í Húnavöku! Það er að segja, ég var í hópi hagmæltra útvalina er átti kviðlinga í veglegu bokarhefti er jafnan kemur út samfara vökunni og ber nafn hennar!

hvísla þessu að þér Jens minn til gamans, fáir hvort sem er líka á ferli hérna núna.

Hún hlýtur því að vera lagleg dóttir hans Jons og frjálsleg í fasi og ófeimin, fyrst hún er komin í þessa "súpergrúppu"!?