Tveir frábærir kjötréttir

10.7.2008 | 23:28

Tveir frábærir kjötréttir

Hvernig væri að koma fjölskyldunni og gestum skemmtilega á óvart um helgina? Til að mynda með því að bjóða þeim upp á einn eða tvo nýja, spennandi og gómsæta rétti. Það góða við þessar uppskriftir er sömuleiðis að þær eru ótrúlega einfaldar og auðveldar viðureignar. Það er varla hægt að klúðra þeim

Fyrri rétturinn er þannig og hentar best á laugardegi:

Hráefni:

- Nokkrar 11 mm þykkar sneiðar af fersku ísbjarnarkjöti, helst úr lund

- matarolía

- Best á ísbjörninn (sjá www.bestalambid.is)

Penslið kjötið klaufalega með olíunni og kryddið með Best á ísbjörninn. Grillið á KOLAgrilli í 3 mín og 17 sek á hvorri hlið. Með þessu er gott að hafa kartöflusalat frá Kjarnafæði og nokkrar kippur á mann af Kalda. Það skerpir notalega á norðlensku stemmningunni.

Sunnudags hakkréttur

- 4 epli

- 613 gr beinlaust ísbjarnarkjöt

- 3 dl mjólk

- 1 dl vatn

- 1 dl tómatsósa

- 4 msk hveiti

- 2 egg

- 1 eggjahvíta

- slatti af steiktum lauk

- brauðrasp

- Best á ísbjörninn

- 3ja lítra kútur af rauðvíni

Eplin eru skræld, skorin í þunnar sneiðar og raðað snyrtilega í eldfast mót. Rauðvíninu er hellt í stórt glas og þambað í einum teyg. Í kjölfarið skal horft framhjá eggjahvítunni, vatninu, tómatsósunni og rauðvíninu og láta sem maður sjái það ekki. Allt hitt er hakkað saman í eina klessu og gusað með hávaða og látum yfir eplin. Þá er rauðvíninu aftur hellt í stóra glasið og þambað í einum teyg. Því næst er hakkklessan pensluð með eggjahvítu og slatta af raspi stráð yfir.

Þetta er bakað í 173° heitum ofni í 47 mínútur. Á 8 mínútna fresti er rauðvíninu hellt í stóra glasið og þambað í einum teyg. Um svipað leyti er vatninu og tómatsósunni slæmt yfir hakkið í ofninum.

Borið fram og til baka í nokkrar mínútur og síðan sett niður og snætt með kartöflusalati frá Kjarnafæði og afgangnum af rauðvíninum. Öðrum er boðið upp á nokkrar kippur af Kalda. Nema mjög ungum börnum. Þau fá bara eina kippu.

Flokkur: Matur og drykkur | Breytt 11.7.2008 kl. 00:10 | Facebook

Athugasemdir

Grænlendingar eru alveg tjúllaðir í ísbjarnarkjöt og vel á minnst kjötinu af ísbirninum sem slátrað var undir umsjón umhverfisráðherra var fargað. hvílík sóun.

Sigurður Þórðarson, 10.7.2008 kl. 23:43

Væri til í að prufa ísbjarnarkjöt synd að því hafi verið hent þvílík sóun.

Skattborgari, 10.7.2008 kl. 23:56

Þá er bara að vona að fleiri ísbirnir veri drepnir og við getum svo ólöglega étið þá

Ómar Ingi, 10.7.2008 kl. 23:57

kjötið af ísbirninum var ónýtt vegna þess að björnin var ekki látinn blæða eftir skotið.

Óskar Þorkelsson, 10.7.2008 kl. 23:59

Siggi, Grænlendingar verða viðþolslausir ef þeir vita af ísbjarnarkjöti. Umhverfisráðherra er núna á flótta - eins og vegavilltur ísbjörn - undan spurningum fréttamanna eftir að hafa staðið í ströngu við að hindra störf blaðaljósmyndara.

Stígur, það er ljótt að henda mat.

Ómar, það skiptir ekki máli hvort kjötið er löglegt eða ólöglegt. Það er jafn gott hvort heldur sem er.

Óskar, það er ekkert verra að hafa kjötið blóðríkt.

Jens Guð, 11.7.2008 kl. 00:22

Kolvitlaus er nú kallinn á grillinu,
ket af ísbirni hann étur í chillinu,
allvel steiktir,
og útúrreyktir,
og hortugir báðir úr Hillbillinu.

Þorsteinn Briem, 11.7.2008 kl. 00:25

Mæli með ísbirninum ef sami höfundur er að verki og gerði ávaxtakökuna:

Ávaxtakaka	Brauð og kökur
Ávaxtakaka eða ... ?

1 bolli vatn 1 bolli sykur 4 stór egg 2 bollar þurrkaðir ávextir 1 teskeið bökunarsódi 1 teskeið salt 1 bolli púðursykur 1 bolli sítrónusafi 1 bolli hnetur 1 FULL flaska af eftirlætis viskíinu ykkar	Smakkaðu viskíið til að vera viss um að það sé ekki skemmt. Takið stóra skál. Athugið viskíið aftur til að vera alveg viss um að það sé ekki skemmt. Hellið í einn bolla og drekkið. Endurtakið. Kveikið á hrærivélinni, hrærið 1 bolla af smjöri í stóra mjúka skál. Bætið 1 teskeið útí og hrærið aftur. Athugið hvort viskíið sé nokkuð farið að skemmast, fáið ykkur annan bolla. Slökkvið á hrærivélinni. Brjótið tvær fætur og bætið í skálina og hendið útí bollanum af þurrkuðu ávöxtunum. Hrærið á kveikivélinni. Ef þurrkuðu ávextirnir festast við hrærararana losið þá þá af með rúfskjárni. Bragðið á viskíinu til að athuga brestgratið. Næst, sigtið 2 bolla af salti. Eða einhverju. Hverjum er ekki sama. Athugið viskíið. Sigtið sítrónusafann og teygið hneturnar. Bætið einu borði. Skeið. Af sykri eða eitthvað. Hvað sem þú finnur nálægt. Smyrjið ofninn. Stillið kökuformið á 250 gráður. Gleymið ekki að hræra í stillaranum. Hendið skálinni út um gluggann. Athugið viskíið aftur. Farið að sofa. Finnst nokkrum hvort sem er ávaxtakökur góðar?