Flett ofan af vegasvindlinu mikla

   Allir ökumenn þekkja það að keyra í mestu makindum á vel malbikuðum og rúmgóðum vegi þegar skyndilega blasa við vegaskemmdir.  Það eru holur í malbikinu.  Þá er ekki um annað að ræða en draga verulega úr hraða og reyna að beygja framhjá holunum því ekki vilja menn leggja það á bílinn að fá á sig þau högg sem tilheyra akstri ofan í svona vegaskemmd.

  Raunveruleikinn er sá að þetta er allt eitt allsherjar svindl.  Í skjóli nætur laumast starfsmenn vegagerðarinnar til að leggja ljósmyndir af vegaskemmdum ofan á malbikið.  Grunur leikur á að þetta sé gert ekki aðeins til að draga úr ökuhraða heldur ennþá fremur til að almenningur og stjórnvöld haldi að starfsmenn vegagerðarinnar þurfi að vinna dag og nótt í næturvinnu og á aukavöktum við að gera við allar þessar dularfullu vegaskemmdir.

  Þeir sem halda að þeir keyri ofan í svona vegaskemmdir hossa sér ósjálfrátt sjálfir í sætinu og upplifa þannig "raunverulega" vegaskemmd.  Hí á þá.

Athugasemdir

[Linda Linnet Hilmarsdóttir, 11.7.2008 kl. 15:01]

knús knús og bestu óskir um góða helgi elsku Jensinn minn

[Steinn Hafliðason, 11.7.2008 kl. 16:05]

Harðsvíraðir glæpamenn

[Skattborgari, 11.7.2008 kl. 16:50]

Spilltir ríkisstafsmenn.

[Ása Ninna Katrínardóttir (IP-tala skráð) 11.7.2008 kl. 16:51]

Haha þetta er snilld. Þetta er mjög sniðug hugmynd, draga úr hraðakstri og svona. Er ekki hægt að skella límmiðum hér og þar, á Miklubraut, Sæbraut, Reykjanesbraut og Hellisheiði, t.d.?

[Ómar Ingi, 11.7.2008 kl. 17:22]

hahahaha

[S. Lúther Gestsson, 11.7.2008 kl. 18:51]

Ég fór að spá eftir að hafa séð þessar ógnvænlegu myndir, var kannski aldrei hálka á Hellisheiðinni í vetur?

[Ásthildur Cesil Þórðardóttir, 11.7.2008 kl. 20:44]

Hehehehehe Ég er búin að komast að því að það eru allir vegir á Vestfjörðum malbikaðir, þeir setja bara svona malarfilmu yfir vegina, svo við höldum að þeir séu það ekki

[Helga Guðrún Eiríksdóttir, 12.7.2008 kl. 00:27]

[Jóna Kolbrún Garðarsdóttir, 12.7.2008 kl. 02:14]

  þetta er frábær hugmynd, til þess að draga úr hraða. 

[Halla Rut , 12.7.2008 kl. 12:58]

[egvania, 12.7.2008 kl. 13:18]

Vegurinn til Hólmavíkur er eins og hann var fyrir 30 árum, mér þykir hún endast vel myndin frá vegagerðinni verst er að hún er á myndbandi.