Tékkið á þessu

   Núna í lok júní sendi færeyski gítarsnillingurinn Rasmus Rasmussen frá sér þriðju sólóplötuna,  Poems in Sound.  Á plötunni er ljúf "instrumental" músík (einungis hljóðfæraleikur án söngs).  Rasmus var gítarleikari rokksveitarinnar Makrels,  sem tók þátt í Músíktilraunum Tónabæjar 2002.  Makrel sigraði á sínu kvöldi undanúrslita og hreppti bronsið á lokakvöldinu.  Rasmus var jafnframt kosinn besti gítarleikari Músíktilraunanna.

  Með Makrel spilaði Rasmus inn á nokkrar plötur.  Þær fást í versluninni Pier í glerturninum við Smáratorg.  Þar fást margar fleiri færeyskar plötur.

  Rasmus sendi frá sér eina sólóplötu,  Implosive,  áður en hann hætti í Makrel fyrir tveimur árum.  Í fyrra kom út önnur sólóplata hans,  Edalweiss.

  Eitthvað af sólóplötum Rasmusar er hægt að nálgast á skrifstofu Samtakanna 78.  Það er líka hægt að fá þær í póstverslun www.tutl.com.

  Tékkið á www.myspace.com/rasmusrasmussen

Athugasemdir

[Ómar Ingi, 13.7.2008 kl. 14:19]

Æ hann er svo mikið rassgat

[ringo (IP-tala skráð) 13.7.2008 kl. 14:30]

Oft eru nöfn platna hallærisleg  , þetta kemst á topp 10 held. Annars fín músik.