Styttur af Þrándi í Götu og Eivöru

  Færeyingar eru blessunarlega lausari við persónudýrkun en Íslendingar.  Fyrir bragðið eru fá málverk og styttur í Færeyjum af gengnum stjórnmálamönnum.  Á dögunum var þó afhjúpuð í þorpinu Götu í Færeyjum glæsileg stytta af Þrándi þeim sem í rösk 1000 ár hefur verið frægastur Færeyinga.

  Styttan er þannig hönnuð að Þrándur er látinn standa bísperrtur þversum út í loftið.  Þetta er skemmtilega djörf túlkun á því að Þrándur í Götu stóð ætíð þver og fastur fyrir þegar honum þótti að Færeyingum sótt.  Hann hlýddi hvorki kóngi né presti - í bókstaflegri merkingu - þegar hagur heimamanna var í húfi.

  Þrándur í Götu var stórhuga og áhugasamur um að Færeyingar menntuðust.  Hann var í raun fyrsti menntamálaráðherra Færeyja.  Enn í dag stendur menntun og menning í meiri blóma í Götu en víðast annarsstaðar í og utan Færeyja - miðað við höfðatölu.

  Gata í Færeyjum er 1000 manna þorp sem samanstendur af þremur,  ja,  eiginlega fjórum götum.  Styttan af Þrándi er í Norðurgötu og vekur mikla athygli og ánægju heimamanna og gesta.  Það er þess vegna ekki nema eðlilegt að áhugi hafi kviknað fyrir því að einnig verði reist stytta af frægasta afkomanda Þrándar og íbúa Suðurgötu,  álfadrottningunni Eivöru. 

 

Þarna er ég (tólfti frá hægri) á hljómleikum hjá víkingarokkurunum Tý í fjörunni í Götu.

Athugasemdir

[Lára Hanna Einarsdóttir, 27.7.2008 kl. 23:34]

Assgoti er þetta skemmtileg stytta!

[Þorsteinn Briem, 28.7.2008 kl. 00:22]

Skriplaði Jens þar á skötu,
skallinn í kjöltunni á Kötu,
þar loðin læri,
en lokað færi,
G-strengur Þrándur í Götu.

[alva (IP-tala skráð) 28.7.2008 kl. 02:15]

já, alveg frábær gjörningur!

[Sigurður Þórðarson, 28.7.2008 kl. 02:42]

Þrándur í götu var merkur maður og Eivör er ágæt söngkona.

Góðir fulltrúar fyrir sitt land og verðug styttu. 

[Villi Asgeirsson, 28.7.2008 kl. 03:48]

Frábær stytta!

[Sigurður Þorsteinsson, 28.7.2008 kl. 06:42]

Við erum nú með einn svona stjórnmálamann í Kópavoginum. Alltaf á móti. Guðríður Arnardóttir. Munurinn á þeim tveim er að Þrándur í Götu var líka hugsjónamaður, það hef ég ekki séð frá Guðríði, enn sem komið er.

[Óskar Þorkelsson, 28.7.2008 kl. 08:40]

flott stytta..   Sigurður ertu ekki að meina að kópavogur sé með einn stjórnmálamanna sem ekki er leiðitamur sauður ?

[Ásthildur Cesil Þórðardóttir, 28.7.2008 kl. 09:00]

Fróðleg færsla hjá þér Jens minn.  Og flottar myndir.

[Heidi Strand, 28.7.2008 kl. 09:11]

Þetta er mjög serstök og flott stytta.

Ég man alltaf eftir styttunni fyrir framan sjónleikhúsið í Þórshöfn. : )

PS: Ég er ekki með bros eða leiðrettingapúka á athugasemdirnar hjá mér eftir éf fór yfir í Safari.) :

[Stefán (IP-tala skráð) 28.7.2008 kl. 09:17]

Guðríður Arnardóttir kæmist auðveldlega fyrir svona á vömbinni á strigakjaftinum Gunnari Birgissyni í Kópavoginum

[Gulli litli, 28.7.2008 kl. 09:17]

Flott stytta og Jens ég sé ekki betur en að þú hafir lagt af....

[Helga Magnúsdóttir, 28.7.2008 kl. 11:19]

Færeyingar hafa greinilega húmor fyrir sjálfum sér. Flott stytta.

[Ómar Ingi, 28.7.2008 kl. 12:51]

Styttan er nokkuð töff

[Þröstur Unnar, 28.7.2008 kl. 16:18]

Flott stytta af Þrándi.

En ég skil ekki af hverju Eivör ætti að hljótan þann heiður að fá af sér afsteypu. Hundleiðinlegt væl sem hún fremur í hópi örfárra Íslenskra snobbhunda.

[eyjakona (IP-tala skráð) 28.7.2008 kl. 17:33]

flott stytta,en hún er staðsett í Norðurgötu

[Rannveig H, 29.7.2008 kl. 17:25]

Íslenskur snobbhundur er ég,ekki verra en hvað annað.Mér finnst Eivör flott og hef farið á marga tónleika með henni.Vona að hún fái skemmtileg styttu af sér eins og Þrándur í Götu.

[Jens Guð, 29.7.2008 kl. 20:19]

 Bestu þakkir til ykkar allra fyrir umræðuna.

  Þröstur og Rannveig,  Eivör er flottasta söngkona heims.  Það eru ekki örfáir snobbhunda sem kunna að meta yfirburðarhæfileika hennar.  Fáar söngkonur njóta jafn mikilla vinsælda hérlendis.  Plötur hennar hafa sumar hverjar selst í allt að 10.000 eintökum hérlendis.  Hljómleikar hennar fá ætíð mjög góða aðsókn.  Íslenskir tónleikahaldarar togast á um að fá hana með í uppfærslu hljómleika,  allt frá Íslensku dívunum til Lennon-hljómleika.  Þátttaka Eivarar tryggir góða aðsókn.

  Plötuútgefendur togast á um að fá lög með henni á safnplötur til að auka sölu.  Eivör er margverðlaunuð sem besta íslenska söngkonan,  besti flytjandinn og höfundur bestu tónlistar í leikriti.

  Vinsældir Eivarar og virðing er ekki bundin við Íslendinga.  Hún er einnig margverðlaunuð í Danmörku sem besta danska söngkona og sitthvað fleira.  Að sjálfsögðu er hún sömuleiðis margkrýnd besta söngkonan í Færeyjum.

  Það getur engin önnur státað af því að bera í senn titilinn besta danska söngkonan,  besta íslenska söngkonan og besta færeyska söngkonan.

  Eyjakona,  takk fyrir að leiðrétta mig.  Ég rugla þessum götum alltaf saman en var snöggur að laga þetta í færslunni.