Tímamót í rokksögu Íslands - nú er allt að gerast!

  

  Það verður heldur betur brjálað stuð á morgun,  föstudaginn 08.08.08.  Hopp og hí og tra-la-la.  Og hefst þá lesturinn:   Hinar fjörmiklu og frábæru hljómsveitir Momentum og Celestine verða með sameiginlega útgáfuhljómleika.  Báðar hljómsveitir voru rétt í þessu að gefa út sína aðra plötu. Hljómleikarnir verða teknir upp fyrir væntanlega DVD hljómleikaútgáfu. Hljómsveitirnar Ask the slave og Muck sjá um upphitun.

 

  Hljómleikarnir verða haldnir í Iðnó og kostar 1000 kr. inn.  Hurðin verður tekin úr lás klukkan 19:00 og fyrsta band byrjar að spila 20:00.  Ekkert aldurstakmark.

  Hljómleikarnir marka tímamót í íslensku rokksögunni.  Með þeim innsigla liðsmenn Momentum og Celestine stofnun nýs útgáfufyrirtækis,  Molestin Records,  sem hefur það markmið að lyfta þungarokkssenu Íslands upp á hærra plan með útgáfustarfsemi, metnaðarfullu hljómleikahaldi, kynningu á íslensku þungarokki hérlendis og erlendis ásamt innflutningi og útflutningi á hljómsveitum.  Nú er allt að gerast.  Þungarokkið hefur hafið sig til flugs á Íslandi og það verður allt á útopnu á næstu misserum.

http://www.myspace.com/momentumtheband
http://www.myspace.com/celestinemusic

Athugasemdir

[Steingrímur Helgason, 7.8.2008 kl. 23:35]

Þungarokk ?

Voðalega er það eitthvað 'eightíz' eitthvað, dó það ekki einz & diskóið & Abba, bara eldizt verr ?

[Magnús Geir Guðmundsson, 7.8.2008 kl. 23:37]

Fagnaðarefni, megi þetta njóta meðbyrs og bera ríkulegan ávöxt!

Hins vegar vona ég nú að kynningin verði víðar og á skemmtilegri vettvangi en þessum myspacesíðum eingöngu!

[Gulli litli, 7.8.2008 kl. 23:38]

Spennandi...

[Þorsteinn Briem, 7.8.2008 kl. 23:44]

Þar róður í þunguðu rokki,
sem rass á gömlum kokki,
Ask the Slave,
Muck behave,
í Celestine Momentum sjokki.

[Jens Guð, 8.8.2008 kl. 02:07]

  Steingrímur,  það er búið að spá dauða þungarokksins með reglulegu millibili í 35 ár eða svo.  Það eina sem gerist er að það rís alltaf upp aftur og festir sig betur í sessi.  Ýmist endurnýjað og ferskt eða klassík.  Oft hvorutveggja á sama tíma.  Níundu áratugurinn var þó frekar daufur en sá tíundi þeim mun öflugri. 

  Maggi,  ég hef ekki náð að setja mig inn í myspace-dæmið.  Ég kann ekkert á þær og er mjög tregur varðandi allt sem snýr að tölvum.

  Gulli,  takk fyrir innlitið.

  Steini,  ég kalla þig lunkinn að koma öllum nöfnunum fyrir í knappri limru.

[Dunni, 8.8.2008 kl. 09:40]

Virkilega gaman að fá þessar fréttir.  Maður fær andskotan aldrei nein rokktíðindi að heiman.  Veit ekkert hvað er að gerast þrátt fyrir að eiga 4 systursyni sem allri eru í rokkböndum.

Guði sé lof fyrir bloggið. Léttur og skemmtilegur fréttamiðill svona inn á milli moðsins.

Annars eru það Hauksson & Hensley sem ég heimsæki á morgun.  Verða með flotta tónleika í Gressvik annað kvöld.  Á von á að Phil Thompson (Manfred Man) troði upp líka.

[Ómar Ingi, 8.8.2008 kl. 11:23]

 

[Eiður Örn Eiðsson (IP-tala skráð) 8.8.2008 kl. 13:07]

Þungarokkið er ódrepandi......þetta er eins konar fíkn held ég.  Hef ekki getað losnað við hana áratugum saman.  Þið ættuð að kíkja á ÞRUMUVAGNINN "Out of a Coma" http://www.myspace.com/chariotofthunder

[Þröstur Unnar, 8.8.2008 kl. 14:29]

Þegar hurð er ekki í hurðarfalsinu eru dyrnar opnar. Hurðir geta ekki opnast, en það geta dyr aftur á móti.

Hvaða rokksögu?

[Dunni, 8.8.2008 kl. 18:07]

Þröstu Unnar.  Það er engin vandi að opna hurð svo framarlega sem hún er ekki massíf úr tré eða stáli.

En ef þú notar hurð sem þágufallsverkfæri  má færa rök fyrir því að hún sé opnanleg. En auðvitað er hurð verkfæri til að opna eða loka DYRUM.  En ég myndi nú ekki vera með svona tittlingaskít nema meiningin væri að hrekkja einhvern.  Stundum ratar nefnilega talmál inn í ritgerðir. 

[viðar (IP-tala skráð) 8.8.2008 kl. 21:14]

Dunni alltaf flottastur, hafðu það gott á H&H tónleikunum og lifi rokkið.

[Dunni, 8.8.2008 kl. 21:22]

Já mágur!!!    LONG LIVE ROCK eins og skáldið P.T. sagði

[Kristján Kristjánsson, 8.8.2008 kl. 21:24]

Ég var búinn að heyra um þessa útgáfu og er mjög spenntur að sjá og heyra þeirra afurðir.