Eigingirni eða...?

  Íri nokkur að nafni Murphy fór til læknis eftir langvarandi veikindi. Læknirinn skoðaði hann vel og vandlega.  Þegar skoðun var lokið dæsti læknirinn og sagði:  "Ég hef slæmar fréttir að segja þér.  Þú ert með krabbamein sem verður ekki læknað. Þú átt ekki nema tvær vikur eftir ólifaðar,  mánuð í mesta lagi."

 

  Murphy var að vonum brugðið.   En þar sem að hann var jarðbundinn maður var hann fljótur að jafna sig.

  Hann fór fram þar sem að sonur hans beið eftir honum.  Murphy sagði við hann:   "Sonur sæll, við Írar höldum upp á hlutina hvort sem gengur vel eða illa.  Í þetta skipti ganga þeir mjög illa.  Ég er með krabbamein og á skammt eftir ólifað. Förum nú á pöbbinn og fáum okkur nokkra bjóra."

  Eftir fjóra bjóra voru feðgarnir orðnir kátir.  Þeir hlógu og drukku meiri bjór og skemmtu sér mjög vel.  Nokkrir vinir Murphys gamla komu að borðinu hjá þeim og spurðu hvað þeir væru að halda upp á.  Murphy sagði að þeir Írar héldu bæði upp á það góða og slæma og í þetta skiptið væri það slæmt þar sem hann ætti stutt eftir.  Vinirnir urðu furðulostnir og spurðu hvað hrjáði hann.  Murphy sagðist vera nýkominn frá lækninum sem hefði greint hann með alnæmi og hann ætti bara tvær vikur eftir.  Félagarnir fengu sér nokkra bjóra með Murphy til að samhryggjast honum og tíndust svo burtu þegar leið á kvöldið.

  Þegar vinirnir voru allir farnir hallaði sonurinn sér að Murphy og sagði:  "Pabbi, ég hélt að þú værir með krabbamein en þú sagðir vinum þínum að þú værir að deyja úr alnæmi."  Murphy svaraði:  "Ég er með krabba, sonur sæll.  Ég vil bara ekki að neinn af þessum andskotum skríði upp í til mömmu þinnar þegar ég er farinn." 

 

Athugasemdir

[alva (IP-tala skráð) 20.8.2008 kl. 23:29]

eeeeeeeeehehehehe, góður!!

[Þorsteinn Briem, 20.8.2008 kl. 23:58]

Á Akranesi með alnæmi,
allir nema hann Sæmi,
á Írskum dögum,
fer engum sögum,
af kallsins óviðurkvæmi.

[Rúna Guðfinnsdóttir, 21.8.2008 kl. 00:03]

Bölvaður ódámurinn.

[Skattborgari, 21.8.2008 kl. 01:45]

Skil hann mjög vel karl angann.

[Jóna Kolbrún Garðarsdóttir, 21.8.2008 kl. 01:54]

  Frábær brandari

[Pálmi Guðmundsson, 21.8.2008 kl. 03:15]

He he , Góður.

[Ía Jóhannsdóttir, 21.8.2008 kl. 06:59]

Skemmtilegt að lesa þig í morgunsárið.  Rækjuréttinn ætla ég að setja í uppskriftabókina mína ekki spurning.  Sammála þér með Bermudaskálina hans Davíðs og Írar eru óborganlegir enda frændur okkar og vinir.     Góðan daginn Jensinn minn