Fögnum glæsilegum árangri með því að fjölmenna í gleðigönguna og á hátíðarhöldin

 

  Á morgun bjóða ríkisstjórn Íslands og Reykjavíkurborg til fagnaðarfundar íslensku þjóðarinnar.  Ókeypis verður í strætó eftir klukkan 15:02.  Einnig verður ókeypis í bílastæðishús á milli klukkan 17:00 og 19:00.  Ákveðin hefur verið ný akstursleið frá Skólavörðuholti en þaðan mun hópur skógræktaráhugamanna leggja af stað í opnum vagni kl. 18:00 í fylgd lúðrasveitar,  fánabera og lögreglu. Ekið verður niður Bankastræti að Arnarhóli.  Þar verður haldinn fagnaðarfundur og Töfratréð heiðrað af íslensku þjóðinni og karlakórnum Fjallabræðrum frá Flateyri.

  Töfratréð stendur að öllu jafna vaktina á lóðinni við leikskólann Steinahlíð í Vogahverfi í Reykjavík.  Það sigraði með glæsibrag í keppninni um tré ágústmánaðar eftir harðvítuga samkeppni frá öllum helstu trjám landsins.  Töfratréð er afbrigði körfuvíðis sem kallast þingvíðir.

  Töfratréð er 6,15 metrar á hæð,  ummál í brjósthæð er 0,65 m og umfangið 7,50 m.

  Íslenska þjóðin er að sjálfsögðu að springa úr stolti yfir glæsilegri frammistöðu Töfratrésins. 

  Um kvöldið veitir forseti Íslands,  Ólafur Ragnar Grímsson,  Töfratrénu fálkaorðuna.  Bölsýnismenn óttast að Töfratréð muni ekki veita orðunni viðtöku þar sem það er þekkt fyrir áhugaleysi á prjáli. 

.

  Athugið að börnin á myndinni tilheyra ekki Töfratrénu.  Þau eru bara að klifra í því. 

Athugasemdir

[Númi (IP-tala skráð) 26.8.2008 kl. 23:24]

Veit að þú munt koma á Skólavörðuholtið á morgun og samfagna Landsliðinu,Þú munt einhverstaðar sjást þarna.Gleymdu ekki að hafa fánann okkar með í farteski þínu,svona koma núna Jens.

[Rannveig H, 26.8.2008 kl. 23:41]

OMG hvað ert þú nú að koma þér í.

[Jóna Kolbrún Garðarsdóttir, 27.8.2008 kl. 01:35]

Ég og börnin mín ætlum að mæta, og fagna með strákunum okkar

[Skattborgari, 27.8.2008 kl. 02:17]

Ég ætla ekki að fara mun sjá þetta í sjónvarpinu.

Kveðja Skattborgari. 

[Þórður J. (IP-tala skráð) 27.8.2008 kl. 02:29]

Þetta er frekar eitruð sending frá þér Jens.  "hópur skógræktaráhugamanna"  Hvað ertu að koma þér í segi ég líka. hehehehe.

Kveðja

Þórður J.

[J. Einar Valur Bjarnason Maack , 27.8.2008 kl. 02:50]

Enn snýr J. Guð Kamikazebloggari aftur með eitraða sendingu.

Hlakka til að sjá hysteríuköstin yfir þessu. 

[Þorsteinn Briem, 27.8.2008 kl. 05:55]

Úr Gaukshreiðri koma geðveikir,
með gullið þar næstum og keikir,
og þjóðin elskar þá,
þunn er samt hún smá,
og sárin hún Þorgerður sleikir.

[Halla Rut , 27.8.2008 kl. 09:13]

Jens; Þú ert EINSTAKUR.

Takk fyrir á minni síðu.

[Rúna Guðfinnsdóttir, 27.8.2008 kl. 11:25]

En skemmtilegt, það verða þá tvær hátíðir sama daginn   En ég ætla nú frekar að fagna Landsliðinu  en Trénu. Ég hef alltaf verið svo lítið fyrir skógrækt og alla garðrækt yfir höfuð.

Góða skemmtun minn kæri.

[Sigurbjörg Sigurðardóttir, 27.8.2008 kl. 14:54]

Þú ert með frábæran Humor.

[Sigurbjörg Sigurðardóttir, 27.8.2008 kl. 15:40]

Var að lesa comentinn frá færslunni um handbolltan,Jesus skemti mér konunglega.(Ps )sumt fólk á erfitt með að nota fingurnar á lyklaborðinu.Enn frábær skemtunn,hummm margir reyðir hér í þjóðfélaginu út af engu.