Ótrúlega flottar götuteikningar

  Ljósmyndirnar hér fyrir neðan sýna krítarteikningar sama mannsins á göngugötur og torg.  Þeim er raðað eftir aldri.  Þannig sést hvernig listamaðurinn nær betri og betri tökum á viðfangsefninu.  Litaskil verða skarpari, dýpt myndefnisins (perspektívið) eykst,  smáatriðum fjölgar og teikningin verður flóknari.   

  Það tekur marga daga,  jafnvel vikur,  að hrista eina svona mynd fram úr erminni.  Það sorglega er að myndirnar varðveitast ekki til frambúðar.  Þær eyðast örfáum vikum vegna ágangs fólks og veðurs.   Þá getur komið sér vel fyrir listamanninn og vegfarendur að varðveita listaverkið á ljósmynd.

Athugasemdir

[Ómar Ingi, 30.8.2008 kl. 20:52]

Jakob Frímann hefði fangelsað manninn.

[Gunnar Hrafn Jónsson (IP-tala skráð) 30.8.2008 kl. 21:02]

Þetta eru auðvitað gríðarleg skemmdarverk, Ómar.

[Linda Linnet Hilmarsdóttir, 30.8.2008 kl. 21:33]

Innlitskvittknús knús og bestu kveðjur

[Ragnheiður , 30.8.2008 kl. 22:01]

Flottar myndir -merkileg dýpt í þeim

[Númi (IP-tala skráð) 30.8.2008 kl. 22:24]

Bara tær snilld.Hef aldrei séð svona hér heima á fróni.Eigum við listamann sem svona kann?

[Heidi Strand, 30.8.2008 kl. 22:25]

Dette er så flott!!!!!!!!!! Utrolig hva de kan !!!!Det finnes heldigvis enda folk som kan å tegne.
Det er litt tankevekkende å se at så talentfulle mennesker skulle lage kunstverk som ikke kan beholdes bortsett fra med fotografier. Alikevel så er det sikkert mange flere som ser disse gatebildene enn mye av det som er stilt opp i kunstsamliinger og i gallerier.

[Sveinn Ingi Lýðsson, 30.8.2008 kl. 22:37]

Þetta eru hrein skemmdarverk á eigum almennings.  Hvar er Gísli Marteinn og sílamávaherdeildin?  Nei, í alvöru auðvitað er þetta flott.  Ég hef orðið þeirrar ánægju aðnjótandi að sjá svona "listamann" við iðju sína, ekki bara á götuna heldur einnig á veggi.

[S. Lúther Gestsson, 30.8.2008 kl. 22:52]

Ekki séns að þetta sé svona, Jens alltaf jafn auðtrúa.

Óli F. hefði sektað hann um 500.000.-

[Hulda Bergrós Stefánsdóttir, 30.8.2008 kl. 23:02]

tær snilld vill sjá þetta í Kringlunni og Smáralind, Jens þú reddar því

[Kjartan Pálmarsson, 30.8.2008 kl. 23:27]

Gargandi snilld

[Jens Guð, 31.8.2008 kl. 00:06]

  Búkollabaular,  takk fyrir innlitið.

  Ómar,  Jakob Frímann hefur engan fangelsað og færi varla að taka upp á því þó þessi maður tæki upp krítarnar sína á Lækjartorgi.

  Gunnar Hrafn,  ég ræddi við svona götulistamann í Ansterdam í fyrra.  Hann sagði að svona verk væri unnið í samvinnu við borgina.  Ekki aðeins til að fá leyfi fyrir uppátækinu heldur til þess að hreinsunardeildin sópi verkinu ekki í burtu.

  Knús til þín,  Linda mín. 

  Ragnheiður,  ég er einmitt svo dolfallinn af hrifningu yfir því hvað maðurinn er búinn að ná góðu valdi á dýptinni.  Og það er gaman að sjá framfarirnar hjá honum í því frá fyrstu myndum til þeirra nýjustu.

  Númi,  það er enginn hérlendis sem hefur lagt þetta fyrir sig.  Hugsanlega hefur það með veðráttu að gera.  Það er ekki góð tilhugsun að leggja margra daga vinnu í svona verk og vera rétt hálfnaður með það þegar því rignir burt eða hverfur undir snjó.

  Heidi,  það er hluti af töfrunum við svona verk;  að vita að líftími þess á gangstéttinni er stuttur. 

  Sveinn,  ég fylgdist með einum svona í Amsterdam.  Reyndar ekki jafn flinkum og þessum.  Að vísu sá ég ekki endanlegu útkomuna.  En það var gaman að sjá hvað fólk bar mikla virðingu fyrir þessu.  Náunginn teiknaði bara á kvöldin.  Þegar hann var fjarri gætti fólk þess að ganga ekki á verkinu fremur en þegar hann var á staðnum.  Ég hef grun um að íslenskir skemmdarvargar gætu ekki haldið aftur af sér.

  Sigurður Lúther,  þetta eru raunveruleg verk en ekki eitthvað "fótósjoppað" dæmi.   Sjálfur er ég útskrifaður úr Myndlista- og handíðaskóla Íslands og hef þokkalega þekkingu á vinnubrögðum myndlistamanna.  Einnig á ég auðvelt með að greina ljósmyndir sem átt hefur verið við.  Ég vann við svoleiðis til fjölda ára.  Hitt er þó rétt að ég er auðtrúa.

  Hulda,  þegar ég var í myndlistinni vissi ég ekki að svona væri til.  Kannski ætti að setja upp götulistaverkadeild í Listaháskólanum fína við Laugaveg?

  Kjartan,  takk fyrir innlitið og það er gleðilegt að fleiri en ég skuli hafa gaman af að skoða þessar myndir.

[S. Lúther Gestsson, 31.8.2008 kl. 00:16]

Myndlista og handíðaskóla íslands?  Jáháá....það hefur líklega verið þegar þú varst um það bil að ljúka ferlinum í Ungmennafélaginu Hjalta í Skagafirði.

[arnar valgeirsson, 31.8.2008 kl. 00:35]

þetta er magnað. en gengi ekki vel upp hér eins og þú segir. bæði vegna veðurs og svo yrði þetta skemmt. ekki spurning.

ótrúlega flott vinna og minnir svolítið á snjólistaverkin sem lifa stutt. en eru gjörsamlega mögnuð.

[Jens Guð, 31.8.2008 kl. 01:07]

  Sigurður Lúther,  hann er góður þessi hjá þér.    En þetta er næstum því rétt hjá þér.  Ég stimplaði mig út úr verðlaunapeningunum hjá Ungmennafélaginu Hjalta í Skagafirði yfir í nám á Laugarvatni.  Eftir að hafa verið rekinn þaðan en samt útskrifast eftir flóknar samningaviðræður við menntamálaráðuneytið tók Myndlista- og handíðaskólinn við. 

  Arnar,  mikið rétt.  Götulistaverkin eiga þetta sameiginlegt með snjó- og íslistaverka:  Að líftíminn er stuttur. 

[Jens Guð, 31.8.2008 kl. 01:09]

  Arnar,  þessi nýja ljósmynd af þér er miklu flottari en sú gamla.  Þú virkaðir eins og fullur á þeirri gömlu.

[Heidi Strand, 31.8.2008 kl. 16:51]

það er alveg satt.