Að gefnu tilefni...

  Skúbbið mitt í gærmorgun um væntanlega upprisu tímaritsins Birtu vakti mikla athygli og ekki síður taugatitring í fjölmiðlaheiminum.   Á www.visir.is,  www.dv.is og útvarpsstöðvum var skúbbið hent á lofti og fréttir unnar úr því er leið á daginn.  Jafnframt fór í gang ófrægingarherferð gegn Birtu.  Því var slegið upp að nafni og "konsepti" blaðsins væri stolið frá útgáfufélaginu 365,  rétthafa þess.  Jafnframt að útgefendur Fréttablaðsins kannist ekki við að dreifingarfélag þess,  Pósthúsið,  muni sjá um dreifingu Birtu.

  Vegna fréttaflutningsins er mér ljúft og skylt að upplýsa eftirfarandi: 

  Fyrsta tölublað Birtu hefur þegar verið prentað.  Því verður dreift inn á heimili landsins samviskusamlega að morgni komandi föstudags.  Öll útgáfuréttindi Birtu hafa verið þingfest og skráð,  þar með talið nafn blaðsins.  Það eru engir óleystir endar sem eiga eftir að dúkka upp og hindra að nýstofnað útgáfufélag Birtu muni bjóða upp á sjóðandi heitt og ferskt nýtt tölublað af Birtu á hverjum föstudegi um ókomna framtíð.   

  http://jensgud.blog.is/blog/jensgud/entry/631641

Athugasemdir

[Ómar Ingi, 3.9.2008 kl. 21:49]

og fer á hausinn eftir ?

[Kjartan Pálmarsson, 3.9.2008 kl. 21:58]

Þinn er mátturinn og ............ Amen

[Steingrímur Helgason, 3.9.2008 kl. 22:40]

Búinn að rafsjóða bréfalúguna á alla kanta, allt um kring, enginn skorsteinn á mínu húsi, nú er bara að muna að loka út á pall, læza bæði að framan & aftan, & hafa alla glugga lokaða annað kvöld, svo þessi óþarfi af aumum auglýzíngarpéza nái ekki hér inn fyrir dyr.

[Heiða B. Heiðars, 4.9.2008 kl. 10:27]

Æi Jens...þetta gat varla talist skúbb hjá þér. Þetta hefur verið vitað innan tímaritageirans töluvert lengi.

Af hverju nefndir þú ekki að vinur þinn Gunni Gunn....sem var hjá klúðri sem nefndist Fræ....og Ámundi Ámundarson sem "allir þekkja" standa líka að þessu tímariti?

[Jens Guð, 4.9.2008 kl. 12:27]

  Ómar,  mér skilst að það eigi ekki að fara á hausinn.

  Kjartan,  takk fyrir það.

  Steingrímur,  dugir ekki að setja miða með tesxtanum "Engin fríblöð" við póstlúguna?

  Heiða,  þetta er skúbb að því leyti að ekki hafði verið sagt frá þessu í fjölmiðlum.   Fréttin kom mörgum á óvart,  ekki síst í fjölmiðlageiranum.

  Ég held að Gunni og Ámi standi ekki að blaðinu heldur séu starfsmenn auglýsingadeildarinnar.

[Siggi Lee Lewis, 5.9.2008 kl. 14:10]

Tja, þá er pabbi minn one of a kind!