Stórskemmtilegt afmælishóf

 

  Múgur og margmenni safnaðist á skemmtistaðinn Steik & leik (Steak and play) við Grensásveg í gær.  Tilgangurinn var að hjálpa Sverri Stormsker yfir fertugasta og fimmta aldursárið.  Þrátt fyrir sjóndepru kom ég auga á margt kunnuglegt andlitið.  Þar á meðal Jón Baldvin Hannibalsson og Bryndísi Schram,  Markús Þórhallsson og Halldór Einarsson af Útvarpi Sögu,  Eirík Stefánsson,  Jakob Bjarnar Grétarsson blaðamann og söngvara,  Sigga Lee Lewis og Hörpu Karls fyrrverandi tilvonandi forsetafrú.  Sverrir Stormsker var þarna líka og spilaði á píanó.  Arnar látúnsbarki söng.  Er leið á kvöld var opnað fyrir karíókí.  Þá kom í ljós að fleiri gátu tekið lagið en Arnar.

  Borð svignuðu undan kræsingum af ýmsu tagi.  Gosdrykkir,  bjór og fleiri drykkir flutu í stríðum straumum.  Allir virtust skemmta sér konunglega.  Enda var þetta afskaplega vel heppnað og skemmtilegt afmælishóf í alla staði. 

  Ég hef ekki áður kíkt á Steik & leik.  Þetta er hinn glæsilegasti staður.  Ólíklegt er að annar skemmtistaður á Íslandi sé með jafn góða reykingaraðstöðu.

Athugasemdir

[Óskar Þorkelsson, 7.9.2008 kl. 23:18]

og mér var ekki boðið ???

[Ómar Ingi, 7.9.2008 kl. 23:21]

Stemming í lagi heyri ég

[Sverrir Einarsson, 7.9.2008 kl. 23:24]

Þetta hefur reddast fyrst Sverrir hélt sig við flygilinn (vonandi allt kvöldið) og sett eins og einn pilla ofaná það til að súpa á á milli laga.

[Heidi Strand, 7.9.2008 kl. 23:59]

Var Guðni ikke der?

[Jens Guð, 8.9.2008 kl. 00:04]

  Óskar,  getur verið að boðskortið hafi misfarist?

  Ómar,  það var rosalega góð stemmning.

  Sverrir,  ég fylgdist ekkert með því hver drakk hvað.  Nema,  jú,  ég fylgdist lítillega með því hvað ég drakk.

[Jens Guð, 8.9.2008 kl. 00:05]

  Heidi,  Guðni Ágústsson var fjarri góðu gamni.

[Siggi Lee Lewis, 8.9.2008 kl. 00:23]

Verst ahvað Jón Baldvin strunsaði fljótt út á einhverju móðgunartippi..

[Þorsteinn Briem, 8.9.2008 kl. 00:24]

Hann Sverrir var þar í sleik,
með sumum í Steik og leik,
með skvísunni Bryndísi,
hann skellti í sig lýsi,
og fyllerí það allt var feik.

[Siggi Lee Lewis, 8.9.2008 kl. 00:27]

móðgunartrippi átti þetta að vera. Þarf að fara að fá mér nýtt takkaborð...

[Helga Guðrún Eiríksdóttir, 8.9.2008 kl. 00:38]

Út af hverju móðgaðist Jón?

[Siggi Lee Lewis, 8.9.2008 kl. 00:48]

Við vorum að ræða um Íraksstríðið og hann var eitthvað ósammála mér.

[Óskar Þorkelsson, 8.9.2008 kl. 00:51]

smá umfjöllum um Stake and play svo maður misnoti aðstöðuna..

af því að mér var ekki boðið  

http://skari60.blog.is/blog/skari60/entry/635963/

[Jens Guð, 8.9.2008 kl. 00:59]

  Siggi,  mér þótti setningin eitthvað skrýtin.

  Steini,  alltaf snöggur að smella saman limru.

  Helga Guðrún,  strákpjakkur nokkur vildi koma Jóni í skilning um nauðsyn innrásarinnar í Írak.  Jón meðtók treglega og sagði stráknum að þegja.  Strákur þagnaði ekki,  Jón kallaði hann hálfvita og rauk út. 

[Sigurður Þórðarson, 8.9.2008 kl. 01:05]

Jens, skilaðu hamingjuóskum til Sverris frænda míns

[Jens Guð, 8.9.2008 kl. 01:10]

  Óskar,  ég kíkti á færsluna þína.  Hljómburður var góður í húsinu í gær. 

  Halldóra,  strákurinn ber aldurinn vel.

[Jens Guð, 8.9.2008 kl. 01:14]

  Siggi,  hann sér áreiðanlega þessa kveðju frá þér.

[Sigurður Þórðarson, 8.9.2008 kl. 01:16]

Siggi, ég  ætla nú ekki að vera með nein leiðindi með því að gagnrýna Íraksstríðið.  Bandaríkjamenn urðu að bregðast við árásunum á turnana. En ég má samt til með að benda á að það er ákveðið óhagræði íi að ráðast á land sem er svona langt íi burtu, það hefði t.d. verið miklu billegra að ráðast á Mexíkó.

[Rúna Guðfinnsdóttir, 8.9.2008 kl. 09:37]

Mér hefur alltaf líka píanóleikur Sverris og lögin hans mörg stórgóð og falleg.....en mér var auðvitað ekki boðið þó ég hefði tekið mig vel út hjá Frú Bryndísi og fleiri eðal konum, með Gabríelle prinsessu á öxlinni

[Stefán (IP-tala skráð) 8.9.2008 kl. 10:57]

Það þarf einhver að koma því rækilega inn í hausinn á Stormskerinu, að hann á alls ekki að syngja sín ágætu lög sjálfur. Í augnablikinu man ég ekki eftir aulalegri og væmnari söngrödd.

[Gulli litli, 8.9.2008 kl. 12:08]

Þetta er okkar langfrægasti Sverrir...

[Siggi Lee Lewis, 8.9.2008 kl. 12:19]

Sæll nafni. Já einmitt, bölvað vesen að Hussein hafi þurft að vera svona langt í burtu...

[Jóhannes (IP-tala skráð) 8.9.2008 kl. 13:19]

  Var það Siggi Lee sem hrakti Jón úr húsi?

[Sigurður Þórðarson, 8.9.2008 kl. 15:46]

Jóhannes, já samkvæmt mínum heimildum gerði hann það.  En þú mátt ekki misskilja þetta. Siggi Lee Lewis ber alls ekki  illan hug til Jóns Baldvins þvert á móti. Hann líður aftur á móti ekki neina samúð með Saddam Hussain og vinum hans í  Al-kaida.

[Helga Guðrún Eiríksdóttir, 8.9.2008 kl. 18:24]

Sniðugt kommentið (nr. 20) frá Stebba Hilmars!

[Magnús Geir Guðmundsson, 8.9.2008 kl. 20:29]

Hefði skemmt mér vel þarna bara þegjandi að hlusta!

En nú skal lyfta sér á kreik í klukkuleik Jens minn, sérð hjá mér í hverju leikurinn felst.