Mæjónes-söfnuðurinn

  Í DV í dag er staðfest flökkusaga um að fjölskyldufyrirtækið Gunnars mayonnaise hafi breyst í einskonar sértrúarsöfnuð.  Þar á bæ hefur verið settur forstjóri,  Kleopatra Kristbjörg,  andlegur leiðtogi fjölskyldunnar.  Að sögn starfsmanns kemur Kleopatra ekki nálægt rekstrinum og hefur enda enga þekkingu á til þess.  Sumir starfsmenn fyrirtækisins hafa aldrei séð hana. 

  Helen Gunnarsdóttir,  einn eiganda fyrirtækisins,  fullyrðir að Kleopatra sé heiðarlegasta kona sem til er.  Engin af rösklega 3,3 milljörðum kvenna heims kemst með tær þar sem Kleopatra hefur hæla.  Hún er hlý með afbrigðum.  Góð umfram allar manneskjur.  Gáfuðust allra kvenna á Íslandi.  "Ofsalega vel gefin og mælsk".  Jafnframt er hún þeim einstæða hæfileika gædd að fá "fólk til að sjá ljósið".  Hallelúja!

  Helena segir Kleopötru vera hæfileikaríkan rithöfund.  "Bókin hennar,  Hermikrákuheimur,  er besta bók sem til er,"  að sögn Helenar.  Hallelúja! Biblían,  Góði dátinn Sveijk og Sjálfstætt fólk eru prump til samanburðar við Hermikrákuheim. 

  Helena vill ekki meina að klíka sé í kringum Kleopötru heldur styrktaraðilar (hver er munurinn?). 

  Ég veit ekki hver Kleopatra er umfram það að í gegnum tíðina hafa birst í dagblöðum heilsíðuauglýsingar þar sem hún er hlaðin lofi.  Þar er fullyrt að  ALLIR  vilji snerta hana og konur jafnt sem karlar bugti sig og beygi fyrir henni.  Hún veki  ALLSSTAÐAR  aðdáun og fólk falli að fótum hennar.  Jafnframt að hún sé  mjög  andleg og gædd dulrænum hæfileikum.  "Að vera nálægt henni er engu líkt."  Hallelúja! 

  Í umræddum auglýsingum eru sýnishorn af ritsnilld hennar og andlegri leiðsögn.  Einnig í auglýsingum um bækur hennar.  Þau sýnishorn styðja ekki fullyrðingar um hæfileika hennar.  Þeir hljóta að opinberast á öðrum vettvangi.

  Ég fann ekki mynd af andlegum leiðtoga mæjónes-safnaðarins.  Ég læt samnefnara hans/hennar duga.

Athugasemdir

[Halldóra Hjaltadóttir, 2.11.2009 kl. 21:48]

Sæll

Á þessi færsla virkilega stoð í veruleikanum, eða er þetta grín?

mbk HH (orðin ljóshærð)

[Jón Steinar Ragnarsson, 2.11.2009 kl. 21:53]

Ég hélt fyrst að þú værir að bulla eitthvað, en svo hafði ég samband við Google og hann sagði mér að þetta væri hreinn sannleikur.

Þetta er næstum eins og Sylvía Nótt trúariðnaðarins, en manneskjunni er fúlasta alvara.  Hr. Google átti mynd af henni, sem hann var með í láni frá mogganum.

[Jón Steinar Ragnarsson, 2.11.2009 kl. 21:54]

Ó mæ ó mæ ó mæ ó nes pa.

[Jón Steinar Ragnarsson, 2.11.2009 kl. 21:57]

Hér er valinn kafli úr bók hennar: (Ég er ekki að grínast)

"Er ekki kominn tími til að vakna?

Væri ekki betra ef við öll myndum hjálpast að og breyta þessum heimi úr myrkri í ljós? Eigum við ekki að fara að hætta þessu bulli?

Hætta að ráfa og ringlast um í engu?

Hætta að ráfa blind um á blindgötum?

Hætta að keppa á þessari tilgangslausu og lífshættulegu kappakstursbraut!

Hætta að hlaupa á eftir vindinum? 

Hætta að berjast og slást hvert við annað? Hætta að slást við vindinn? Hætta að sofa og fara að vakna? Í stað þess að hver höndin sé upp á móti annarri, er þá ekki betra að haldast í hendur í gegnum lífið? Hvað myndum við gera ef við værum um borð á sama skipinu og það væri að sökkva? Myndum við ekki öll hjálpast að við að reyna að bjarga lífi okkar? Við erum öll um borð á sama skipinu og það er að sökkva!

Er ekki kominn tími til að hætta að sofa á verðinum? "

 Ódauðlegt!

[Jens Guð, 2.11.2009 kl. 22:48]

  Halldóra,  vissulega hljómar þetta eins og súrrealískt grín.  En svo er ekki.  Þetta er tilfellið.  Hallelúja!

[Jens Guð, 2.11.2009 kl. 22:57]

  Jón Steinar,  takk fyrir myndina.  Þegar ég heyrði fyrst af þessu fyrir nokkrum dögum hélt ég að flökkusaga væri komin á flug.  Að vísu kannaðist ég við að hafa séð í dagblöðum þessar furðulegu auglýsingar um konuna.  Til að byrja með hélt ég að um grín að hætti Silvíu Nætur væri að ræða.  Svo fullyrti málsmetandi fólk við mig að þetta væri ekki grín heldur alvöru sértrúarsöfnuður Gunnars mæjóness.  Nú hefur DV staðfest það.   

[Þorsteinn Briem, 2.11.2009 kl. 22:59]

Einu sinni var ég með læknastelpu í Garðabænum og móðir hennar vann í Gunnars mæjónesi.

En eftir mánuð neyddist ég til að gefa stelpuna upp á bátinn út af öllu mæjónesinu á hennar heimili, auk alls kyns furðulegra læknisfræðitilrauna sem stelpan gerði á mínum líkama.

Hún féll reyndar á prófi í háskólanum vegna spurningar um það hvernig hjartað væri í laginu en eftir mikið harðfylgi tókst henni að fá þar leiðréttingu sinna mála og er nú geðlæknir í Kringlunni.

[Jens Guð, 2.11.2009 kl. 23:04]

  Bestu þakkir fyrir ljóð þessarar merku konu.  Er þetta ekki annars ljóð?  Ég veit ekki hvort ástæða er til að skella upp úr eða gráta.  Ritstíllinn er vondur.  Látum vera að við sem skrifum bloggfærslur í kæruleysi og látum allt flakka (og getum lagfært daginn eftir).  En hér erum við sennilega með ljóð sem hefur verið prófarkalesið.

[Jón Steinar Ragnarsson, 2.11.2009 kl. 23:14]

Þetta eru ljóð. Hvernig læturðu?

[Jens Guð, 2.11.2009 kl. 23:24]

  Förum yfir þetta:

  - "Eigum við ekki að fara að hætt þessu bulli?"  Hér er "að fara" klaufalega ofaukið.

  - "...ráfa og ringlast um í engu."  BULL!  Ég er ekki einu sinni viss um að orðið ringlast sé til í viðurkenndri íslensku.  En ef það er til þá er þetta engu að síður verulega vondur ritstíll.

  - "...ráfa blind um á blindgötum."  Verulega klaufalega orðað.  Eðlilegra orðalag er að "...ráfa blind um blindgötur."

  - Stíllinn hefst á spurningum.  Það er í góðu lagi.  Síðan kemur setning án spurningarmerkis og verður fullyrðing með upphrópunarmerki.  Kjánalegt stílbrot.

  - "Hætta að sofa og fara að vakna?"  Þarna er "fara að" klúðurslega ofaukið.

  -  "Í stað þess að hver höndin..."  Hér er ákveðnum greini ofaukið. 

  Þetta er verulega vont ljóð.  Illa orðað.  Nær engu flugi.  Bara ómerkileg flatneskja og merkingarlaust hjal um ekki neitt.  Orðagjálfur  fyrir heimska fólkið.

[Jens Guð, 2.11.2009 kl. 23:27]

  Steini,  þú ert toppur!  Frumleg kímnigáfa þín gerir daginn!

[Jens Guð, 2.11.2009 kl. 23:29]

  Jón Steinar,  ég reyndi að lesa ljóð út úr þessu bulli.  Ég held að það hafi tekist.  Nokkurn veginn.  En upp í huga kemur þessi bútur úr kvæði Megasar:

  Þeir sungu frekt með fólskuhljóðum:

"Færum Snorra á heljarslóð."

  Þeir vöktu alla upp á bænum.

Engum þótti ljóðin góð.

[Jens Guð, 2.11.2009 kl. 23:40]

  Tökum dæmið út í aðra sálma.  Þarna hefur sprottið fram andlegur leiðtogi sér óskyldrar fjölskyldu.  Til er orðinn söfnuður sem álítur viðkomandi vera öðrum æðri.  Dýrkar viðkomandi og dáir sem óskeikulan leiðtoga er leiðir inn í ljósið.  Hvað svo sem það er.  Hvað er í gangi?  Hvar er skynsemi?  Er Ómega komin með samkeppni?  Charles Manson?  Múhameth?  Jesú?  Óðinn?  Móðir Theresa?  Dalia Lama?  Elvis?  John Lennon?   

[Jón Steinar Ragnarsson, 2.11.2009 kl. 23:40]

Þetta er djúp bókmenntrýni hjá þér, en ég vil kafa dýpra:  "Hætta að sofa og fara að vakna?"  Hér hebbði höfundur getað sparað blek og látið sér nægja annan hvorn helming setningarinnar.

Þú mátt ekki vanmeta við hana kjarkinn og frammúrstefnuna. Þetta eru frumkvöðlaskrif.  Konan er jafnt ljóðskáld og leirlistakona án þess að gera ljóð, vera skáld né snerta leir.  Svona getur fók bara, sem haldið er heilögum anda eða vínanda eða hvoru tveggja.

[Jens Guð, 2.11.2009 kl. 23:41]

  Gunnars mæjónes?

[Emil Hannes Valgeirsson, 2.11.2009 kl. 23:43]

Heilsíðuauglýsingarnar sem birst hafa eru eitthvert undarlegasta fyrirbæri sem ég hef séð í dagblöðum. Gríðarlega mikill og langur lofgjörðartexti um þessa mannseskju í annars mjög illa unnum auglýsingum.

[Jens Guð, 2.11.2009 kl. 23:44]

  Er hún í leirlist?  Það hljómar betur í samanburði við leirhnoð ljóðlistar.  Hefur hún sótt um íslenskuverðlaun Jónasar Hallgrímssonar?

[Jens Guð, 2.11.2009 kl. 23:51]

  Emil,  ég er lærður grafískur hönnuður.  Það kostaði mig fjögur námsár að ná þeim áfanga.  Ég vann við fagið í 15 ár eða svo.  Í fljótu bragði man ég ekki eftir að hafa séð jafn illa unninn langlokutexta og jafn mikið bull framsett á jafn klúðurslegan hátt og í umræddum auglýsingum. 

  Ég ætla ekki að útiloka að Kleopatra sé öllum fremri í gáfum og ýmsum öðrum kostum.  Auglýsingarnar ganga þó þvert á vísbendingu í þá átt. 

[Þór (IP-tala skráð) 2.11.2009 kl. 23:58]

en hvað ef Kleopatra er í raun nýr Messías?

[Jens Guð, 2.11.2009 kl. 23:59]

  Þór,  líkurnar eru 0%.

[Emil Hannes Valgeirsson, 3.11.2009 kl. 00:41]

Jens, við erum nefnilega báðir grafískir hönnuðir. Svona stórkostleg manneskja hefði auðvitað átt að hafa vit á að leita til fagmanna.

[Þorsteinn Briem, 3.11.2009 kl. 01:16]

Þetta er allt satt og rétt, Jensinn minn.

Faðir læknastelpunnar var togaraskipstjóri og þegar ég kynntist stelpunni leigði hún herbergi í blokk á Víðimelnum. Skipstjórinn æddi inn á okkur á sunnudagsmorgni, spurði hverra manna ég væri, og þarna varð ég allsnakinn að rekja ættir mínar þar til kallinn tók mig í sátt.

[Sverrir Stormsker, 3.11.2009 kl. 03:51]

Þetta minnir svolítið á Rasspútín og rússnesku keisarafjölskylduna. Nema hvað þetta er Kleópatra Kristbjörg og Gunnars mæjónes. Næsti bær við.

Rasspútín var andlegur leiðtogi keisarafjölskyldunnar og hafði gríðarleg áhrif á hana. KK (Kleópatra Kristbjörg) á áreiðanlega eftir að hafa mikil áhrif á Gunnars mæjónes í framtíðinni. Og jafnvel remúlaði líka ef hún leggur sig fram.

[Ásthildur Cesil Þórðardóttir, 3.11.2009 kl. 09:03]

Ef þetta er auglýsing þá er hún greinilega að skila sér.  Hef hvorki tekið eftir þessum heilsíðu auglýsingum né konunni Kleopötru fyrr en í síðasta DV og svo umfjöllunina hér.  Þá er auglýsingin greinilega farin að skila sér.   Bíð spennt eftir framhaldinu.   Er svo ættaróðalið ekki á Sandeyri við Ísafjarðardjúp?

[Guðmundur A. (IP-tala skráð) 3.11.2009 kl. 09:35]

Líklega ekki nýr Messías, klárlega ekki nýr Megas

[DoctorE (IP-tala skráð) 3.11.2009 kl. 12:28]

Praise MaJesúína

[Ásdís Sigurðardóttir, 3.11.2009 kl. 12:45]

Ég er hætt að borða Gunnars majones, guði sé lof. Ég er ekki grafískur hönnuður, en tók eftir þessum auglýsingum á sínum tíma og sem neytanda fannst mér þær mjög lélegar.  Annars eruð þið sko bara fyndnir.

[S. Lúther Gestsson, 3.11.2009 kl. 14:57]

Já Jens minn, það er á svona dögum sem þið gömlu karlarnir andskotist yfir hvað þið eruð orðnir gamlir.  málin á þessari konu eru eins og tálguð til af Guði. Ég lái þér ekkert.

[Hildur Helga Sigurðardóttir, 3.11.2009 kl. 15:06]

Þetta Kleópötru-fyrirbæri er búið að valda mér heilmiklum heilabrotum í gegnum tíðina.  Það þarf blindan mann -eða konu- til að hafa misst af þessum útúrfríkuðu heilsíðuauglýsingum, sem hafa birst á síðum dagblaðanna með reglulegu millibili árum saman.

Sýnist þó hér að ofan að Steini Brím hafi komist í návígi við gripinn.  Hann getur kannski sagt okkur hinum nánari deili á þessu stórfurðulega fyrirbæri.

Hingað til hefur það nefnilega haft svipuð áhrif á mig og óskiljanlegt veggjakrot, sem ber við augum daglega, er alltaf jafn vonlaust að botna í -og því afar pirrandi

(Skyldi Mæjonesið vera eins konar sakramennti, jafnvel með lækningamætti ???)

[Ragna Birgisdóttir (IP-tala skráð) 3.11.2009 kl. 15:39]

Létt majones???????Hef lesið þessar óviðjafnalegu bækur um Kleópötru og játa það að mér finnst bókin um Ástrík gallvaska og Kleópötru  hina fögru með nefið ,miklu skemmtilegri .

[Þorsteinn Briem, 3.11.2009 kl. 16:04]

Hildur Helga. Nei, ég þekki ekki þetta tiltekna mæjónesfólk.

Mæjónesmóðirin og togaraskipstjórinn í Garðabænum skildu og hún býr nú uppi í Borgarfirði.

Dóttirin geðlæknir í Kringlunni og býður þar upp á mæjónesmeðferð.

Læknastelpur og hjúkrunarfræðingar eins og mý á mykjuskán á mínu heimili.

[Jón Steinar Ragnarsson, 3.11.2009 kl. 16:52]

Ef þetta er "viral marketing" hjá Gunnars Majonesi, þá eru þeir náttúrlega óforbetranlegir snillingar. Því miður, þá er það líklegast ekki raunin, enda illséð hvernig þetta geri majónesi nokkurn greiða. Þetta er þó ágætis sýnikennsla í því hvernig best væri að standa að slíku.

[Jens Guð, 4.11.2009 kl. 03:08]

  Emil (#21),  ég átta mig ekki á þessum hörmungar heilsíðuauglýsingum.  Mér dettur helst í hug að þessi merka manneskja sé að klastra þeim upp sjálf. 

  Hinsvegar sé ég að kápan á Hermikrákuheimi er hönnuð af fagmanni.

[Jens Guð, 4.11.2009 kl. 03:09]

  Steini (#22),  frábær saga!

[Njáll Harðarson, 4.11.2009 kl. 10:16]

Jens, þetta hlýtur að vera það sem kallað er "að vera á milli tannanna á fólki" annar tilgangur þessarar greinar er ekki auðséður.

Eftir því sem ég best veit hefur enginn majó né kleó áunnið sér þessa umferð.

Sjálfur hef ég aðeins haft góð samskipti við Helenu sem fékk mig til að gera smá heimasíðu fyrir sig www.starplus.infoog fékk ég meðal annars í bónus tilsenda útprentun af einni kleóbók.

Tek það skýrt fram að ég er frekar heiðinn, kannski smá pagan

Eins og ég sagði, skil ekki alveg þessa umfjöllun.

[Helen (IP-tala skráð) 4.11.2009 kl. 14:09]

  Jens Guð svo þar liggur hundurinn garafinn, að þú heldur að þú sért Guð!

Finnst þér þá Kleopatra vera í samkeppni við þig Jens Guð? Kleopatra þykist ekki vera Guð þannig

að þú getur slappað af því það er engin samkeppni frá hennar hálfu. Það er mikið af geðsjuklingum

til eins og alls staðar sést t.d á facebook og blogginu en það eru varla mjög margir svo geðveikir að þeir haldi að þeirr séu Guð.

 Helen

[Helen (IP-tala skráð) 4.11.2009 kl. 14:33]

Jens Guð, svo þar liggur hundurinn grafinn, að þú heldur að þú sér Guð!

Finnst þér þá Kleópatra vera í samkeppni við þig Jens Guð? Kleópatra þykist ekki vera guð.

Svo þú getur slappað af því það er enginn samkeppni af hennar hálfu.

Það er mikið af geðsjúklingum til eins og alls staðar sést t.d. á facebook og blogginu en það eru varla mjög margir svo geðveikir að haldi að þeir séu Guð

Helen 

[DoctorE (IP-tala skráð) 4.11.2009 kl. 16:03]

Well Helen, guð er ekki til.. ertu að halda því fram að Jens sé ekki til?

[Jens Guð, 4.11.2009 kl. 21:45]

  Sverrir,  Kleopatra Kristbjörg er eiginlega íslenskur Rasspútín.

[Jens Guð, 4.11.2009 kl. 21:52]

  Ásthildur,  ég þekki ekkert til Gunnars mayonnaise fjölskyldunnar.  Þess vegna veit ég ekki hvar ættaróðalið er.  Hinsvegar held ég að Gunnars mayonnaise sé ágæt vara borin saman við mæjónes annarra framleiðenda.  Það er mér ekkert þvert um geð að þessi umræða virki eins og auglýsing fyrir mæjónesið.  Hinsvegar veit ég að þú ert ekki ein um að hafa flett framhjá heilsíðuauglýsingunum um Kleopötru.  Þær auglýsingar virðast í fljótu bragði vera tilkynningar frá skattstofunni eða tollstjóraembætti eða eitthverjum af því tagi sem maður flettir helst framhjá. 

[Berglind (IP-tala skráð) 4.11.2009 kl. 23:30]

Ég held að þessi umræða sé ein af þeim bestu maiones auglýsingum sem ég hef séð :)  Hefði aldrei skoðað þetta nema að um eina heitustu umræðum á moggablogginu væri að ræða :)

B.t.w.  "GUNNARS MAIONEES BEST Í HEIMI"

[Óskar Arnórsson, 4.11.2009 kl. 23:36]

Gunnars mayonnaise? Stórskemmtileg færsla þó ég skilji hana ekki....Að undanskilinni Helenu fýlupoka, þá er færslan og kommentin algjör snilld! það er alltaf hressandi að garga af hlátri, sama hver ástæðan er. það sem er mest dularfullt við alltsaman er að mér finnst þetta svo sprenghlægilegt og samt hef ég enga hugmynd um hver þessi Kleópatra er...annars vann ég eitt  ár m.a. við að sendast með 200 lítra salatolíutunnur til Gunnars mæjones á Hverfisgötunni, eða þarna við Hlemminn...er maður þá ekki búin að gera sitt í þessu majonesmáli?

[Jens Guð, 4.11.2009 kl. 23:44]

  Guðmundur A,  Kleopatra er klárlega ekki nýr Megas.  Það er frekar spurning hvort hún sé nýr Messías.  Þeir eru reyndar taldir í þúsundum,  bæði fyrir og eftir okkar tímatal.  Fínn félagsskapur.

  Ég sló kellu upp í tölvu á bókasafni.  Hún hefur sent frá sér 5 eða 6 bækur.  Þar af eru 3 merktar sem fróðleikur um framhaldslíf.  Það vantar alltaf bækur um það furðulega fyrirbæri.  Þó ekkert sé til sem heitir framhaldslíf.  Nema...ja...ókey...

[Jens Guð, 4.11.2009 kl. 23:46]

  Smá bakþankar vegna #12:  Sennilega á lokalínan að vera:

  Engum þóttu ljóðin góð.

[DoctorE (IP-tala skráð) 4.11.2009 kl. 23:46]

Það er eitthvað í majonesinu.. LSD líklega, eins gott að mér þykir majones vont :)

[Jens Guð, 4.11.2009 kl. 23:49]

  DoktorE (#26),  lof og dýrð sé heilagri MæJESÚínu! 

[Jens Guð, 4.11.2009 kl. 23:50]

  Ásdís,  þetta er brandari út í eitt.  Alveg burt séð frá þekkingu á grafískri hönnun.

[Jens Guð, 4.11.2009 kl. 23:54]

  Sigurður Lúther,  ertu með málin á henni?  Ég hef hvergi séð þau uppgefin.  Endilega bættu þeim inn í umræðuna.  Kannski skipta þau máli.  það væri þá ekki í fyrsta skipti sem mál skipta máli.

[Jens Guð, 5.11.2009 kl. 00:05]

  Jón Steinar (#14),  það er vel athugað hjá þér að mun beinskeyttara hjá nýja Messíasi væri að spara blek og leggja til að fólk vakni.  Það nægir og óþarfi að hengja framan við "hætta að sofa".  Þetta með að "hætta að sofa" er einkar aulalegt orðalag. 

[Thelma (IP-tala skráð) 5.11.2009 kl. 01:33]

Hefur fólk ekkert betra að gera en að slúðra um majones? Segi nú bara að majones fjölskyldan hafi dottið í lukku pottinn á kreppu tímum og grætt hina ágætis auglýsingu!

Aftur á móti finnst mér einum of að tengja slíkt fyrirtæki við sértrúarsöfnuð, þetta er fyrirtæki, ekki Krossinn!

Svo skil ég ekkert hvað þú ert að reyna segja Jens, skrifandi með hinum ýmsu nöfnum?