Verstu plötuumslögin

  Þau eru sprenghlægilega hallærisleg mörg plötuumslögin hér fyrir neðan.  Enska poppblaðið New Musical Express hefur að undanförnu staðið fyrir skoðanakönnun um verstu plötuumslög sögunnar.  Þó að ekki sé búið að kveða upp úr með endanlega niðurstöðu þá virðist mér sem hún sé þegar ráðin.  Enda mörg umslögin kunn úr öðrum samskonar könnunum.  Þetta eru 20 verstu umslögin:

1.   The Handless Organist:  "Truly a Miracle of God"

  Þetta umslag er gömul klassík á lista yfir verstu plötuumslögin og þaulsetin í vinningssætinu.  Færri sögum fer af músíkinni.

2.   Fabio:  "Fabio After Dark"

  Þó að Fabio sé heimsfræg fyrirsæta þá náði hann sér ekki á strik sem poppstjarna og einhverra hluta vegna hugnast lesendum New Musical Express ekki þetta plötuumslag.  Ég man ekki eftir að hafa séð þetta umslag svona ofarlega áður.

3. Millie Jackson:  "Back to the Shit!"

  Það er ekki augljóst hvað Millie var að pæla með þessu umslagi.  Þessi ágæta bandaríska soul-söngkona sló fyrst í gegn með gospel-laginu A Child of God (It's Hard to Believe) snemma á áttunda áratugnum og átti á næstu árum mörg önnur vinsæl lög og plötur. 

  Kannski ætlaði Millie að stimpla sig inn hjá kjaftforu rappkynslóðinni með þessu umslagi en Millie brúkaði tal-söng löngu fyrir daga rappsins.  En hver sem pælingin var þá "floppaði" þessi plata svo rækilega að hún er minnst selda platan á ferli dömunnar.  Samt nutu stök lög af plötunni vinsælda (meðal annars lagið hennar Jóhönnu Seljan,  Ætlarðu að hringja á morgun?).  En það er eins og fólk vilji ekki eiga þetta plötuumslag - þó það gleymi því ekki þegar kosið er um verstu plötuumslögin.

4.  Manowar:  Anthology

  Monowar gera út á víkingarokk.  Þeir syngja um Óðinn og taka sig hátíðlega.  Aðrir gera það hinsvegar ekki.  Manowar eru einungis kjánalegir.  Ef menn vilja víkingarokk með einlægum alvöru víkingarokkurum þá er færeyska hljómsveitin Týr málið. 

 

5.  Tino:  Por Primera Vez

  Ég veit ekkert um þennan stuttbuxnanáunga.

6.  The Handsome Beasts:  Beastiality

  Um þessa hljómsveit veit ég fátt annað en að hún er bresk og tilheyrir því sem kallaðist nýbylgja breska þungarokksins um 1980.

7.  Herbie Mann:  Push Push

 Herbie Mann hefur sent frá sér marga góða djass-heimspopps plötuna.  Push Push er ein af þeim.  En umslögin hafa ekki alltaf verið eins góð hjá honum.

8.  Gary Dee Bradford:  Sings For You and You and You

  Þessi náungi varð aldrei stórstjarna.  Plötuumslagið hefur þó séð til þess að hann gleymist ekki. 

9.  Orleans:  Walking and Dreaming

  Orleans er kannski þekktust sem fyrrverandi hljómsveit Johns Halls (Hall & Oats).  Hallærisleg popp-rokk hljómsveit,  varla nógu rokkuð til að falla undir flokkinn bandarískt iðnaðarrokk. 

10. Jim Post: I Love My Life

  Ef ég er ekki að rugla einhverjum saman þá er Jim Post bandarískur vísnasöngvari.

11.  Ken:  By Request Only

12. Country Church

13.  Cher: Take Me Home

  Munurinn á umslagi á borð við það með Country Church (#12) hér fyrir ofan og þessu hérna með Cher er að umslag Country Church er óhannað.  Einhver kunninginn sem átti góða ljósmyndavél hefur bara smellt mynd af liðinu fyrir framan heyhlöðuna og prentarinn í sveitinni rúllað upp nafni hópsins með "sniðugu" letri.  Einfalt, unnið án fagmennsku og útkoman er hallærisleg.

  Umslagið með Cher fer yfir strikið í hina áttina.  Það er svo hryllilega ofunnið að það er jafn hallærislegt og hitt. 

14.  The Frivolous Five:  Sour Cream & Other Delights

15.  Millie Jackson:  E.S.P. (Extra Sexual Persuasion)

  Það er nokkuð afrek hjá Millie að eiga 2 af 15 verstu plötuumslögum sögunnar.  Þessi plata þykir næstum því jafn slöpp og umslagið.

16.  Al Davis:  Christian Crusaders

17.  William Hung:  Hung for the Holydays

 Það er allt í stíl hjá William Hung:  Laglaus söngur,  vond músík og vond umslög.  "Nævismi" í bak og fyrir.

18.  Mike Adkins:  Thank You for the Dove

19. Michael Bolton 

  Bandaríski vælukjóinn Michael Bolton er holdgerfingur hins hallærislegasta í poppmúsík og nær einnig að koma því til skila á plötuumslagi.

20.  Pooh-Man:  Funky as I wanna Be

Athugasemdir

[Ragga (IP-tala skráð) 18.5.2008 kl. 17:48]

Vá, sum eru svo svakaleg að þau eiginlega fara hringinn og verða næstum því töff, næstum því.

[Gunnar Helgi Eysteinsson, 18.5.2008 kl. 17:49]

hahahahahahahahahahahahahahahahaha

[Bubbi J. (IP-tala skráð) 18.5.2008 kl. 18:48]

Þetta er snilld. Það er eitthvað sem segir mér að tónlistin á þessum plötum sé jafn vond og umslögin... nema hjá Manowar.. þar er umslagið verra en tónlistin. En ég væri til í að eiga allar þessar plötur því það jaðrar við að þetta fari í hring og virki töff.

[Þorsteinn Briem, 18.5.2008 kl. 19:08]

Olga er handalaus organisti,
opinn í Jens Jaws þær missti,
þeim kjaftaskúmi,
á kynlegu albúmi,
æði langur hans afbrotalisti.

[Ómar Ingi, 18.5.2008 kl. 19:21]

Já sko Milli Jacksson fengi mitt atkvæði nema hvað ég þekki Tínó og hann fær mitt atkæði sem slappasta cover allra tíma :)

[Helga Magnúsdóttir, 18.5.2008 kl. 19:29]

Held ég hafi ekki heyrt um neitt af þessu fólki nema Cher.

[Magnús Geir Guðmundsson, 18.5.2008 kl. 20:13]

Gaman að sjá hve listakonan Ragga og hugsuðurinn með meiru hann Bubbi, enduróma hvert annað. En Born Again með Black SAbbath var fáranlega ljótt og ósmekklegt umslag, en tónlistarlega alls ekki svo slæm.

[Haukur Viðar, 18.5.2008 kl. 20:18]

Það get ég sagt þér Jens, að Manowar taka Týsarana í nefið!

[...désú (IP-tala skráð) 18.5.2008 kl. 20:29]

Sem mikill aðdáandi slæmrar popplistar Gúgglaði ég einu sinni "Bad album covers" og fékk þá myndir af flestum þessum plötuumslögum... en þó ég sé nú orðinn sérlegur aðdáandi blautu mottunnar hans Jim Post þá verð ég að segja að ég sakna sárlega Devastatin' Dave The Turntable Slave!  Sjá hér: http://www.lesjones.com/www/images/posts/devastatindave.gif

[ari (IP-tala skráð) 18.5.2008 kl. 20:47]

það er alltaf gaman að svona listum, fór í gegnum þó nokkra í fyrra

Scorpions voru ósmekklegir

http://www.zonicweb.net/badalbmcvrs/virginkiller.jpg

Heino fannst mér yndislega slæmur http://www.zonicweb.net/badalbmcvrs/heino.jpg

[Kristján Kristjánsson, 18.5.2008 kl. 21:03]

Ég tek undir að þetta fer eiginlega hringinn! Manowar eru náttúrlega bara snillingar og Millie Jackson er betri tónlistarmaður en umslögin segja til um

[Guðmundur Brynjólfsson (IP-tala skráð) 18.5.2008 kl. 21:33]

Mér finnst hann Ken alveg bera af þarna

[dante (IP-tala skráð) 18.5.2008 kl. 22:29]

The Handsome Beasts: Beastiality

+

erta ekki Guðni Már

[Júlíus Valsson, 18.5.2008 kl. 22:51]

Þetta er afar listrænt safn og erfitt að gera upp á milli umslaganna. 

[Magnús Unnar, 20.5.2008 kl. 03:01]

Manowar eru bara ekki neitt kjánalegir.

[Óskar P. Einarsson (IP-tala skráð) 20.5.2008 kl. 17:14]

Ég fór á Michael Bolton tónleikana 2006. Fékk miða hjá Capone, fyrir að vita hvað hann hét (getraun í uppsiglingu).

FURÐULEGT gigg, svo ekki sé meira sagt.

[Georg P Sveinbjörnsson, 20.5.2008 kl. 23:44]

Er Orleans umslagið ekki svolítið líkt umslaginu á Trabant plötu?

[Óskar P. Einarsson (IP-tala skráð) 21.5.2008 kl. 19:55]

Þú hefur væntanlega ekki þorað að birta #1 af þessari síðu:

http://www.zonicweb.net/badalbmcvrs/ 

...sem er þetta hér (ekki fyrir viðkvæma!):

http://www.zonicweb.net/badalbmcvrs/badalbumcoverstopten/toptenbadalbumcovers1.htm

...enda álasa ég þér það ekki. Þetta reykspólar gjörsamlega út úr öllum alheimskortum velsæmis.

"Ken" hefur samt alltaf verið mitt uppáhald, þetta hlýtur að vera luralegasti gaur ever. Hvernig ætli platan sé?!?

[Brjánn Guðjónsson, 22.5.2008 kl. 11:17]

flest eiga þessi umslög heima á þessum lista. þó þykir mér ákveðinn húmor í umslagi nr. 6, The Handsome Beasts:  Beastiality.

þótt umslagið hans William Hung sé vissulega vont, er það þó í ákveðnu samræmi við 'söng' hans og tónlist. ætli hönnuðurinn hafi ekki bara haft húmor og hannað umslagið vísvitandi illa? umslög eiga auðvitað að laða að kaupendurna. hvað ætli laði að þá sem hrífast af naív tónlist? líklega naív umslag

[Helga Dögg (IP-tala skráð) 28.5.2008 kl. 08:52]

Þú ættir að skoða bloggið hans Garðars Jónssonar, hann birtir plötu vikunnar á hverjum mánudegi og nokkur þessara umslaga hafa ratað þar inn, sem og mörg mörg fleiri .

Slóðin er : www.123.is/gardar

Kv, HD