Þegar Anna á Hesteyri slóst við mömmu

 

   Móðir mín var 18 ára þegar faðir hennar lést.  Hann var jarðaður í fjölskyldugrafreitnum á Hesteyri í Mjóafirði.  Heimasætan á Hesteyri,  Anna Marta Guðmundsdóttir,  var komin á þrítugsaldur.  Þær mamma eru bræðradætur.  Mamma var flutt suður til Reykjavíkur.  Þarna á fimmta áratugnum var ferðalag frá Reykjavík til Mjóafjarðar heilmikið mál.

  Mamma keypti sér fínan og - eiginlega um efni fram - rándýran kjól fyrir jarðarförina.  Hann var víður og svartur.  Sniðið byggði á gulllituðu belti sem reyrði kjólinn saman í mittið.  Yfir brjóstinu vinstra megin var gulllituð rós í stíl við beltið.   Mamma var rígmontin af sér í þessum fína kjóli þegar hún mætti í jarðarförina.  Fyrsta manneskjan sem mamma hitti var Anna.  Þær höfðu varla heilsast þegar Anna réðist á mömmu og tók hana glímutökum.  Mömmu var verulega brugðið en varðist fimlega framan af.  Hún æfði stíft fimleika og var í góðri þjálfun.  Leikar fóru þó þannig að Anna þeytti mömmu í loft upp,  sleit utan af henni beltið og skellti henni flatri í drullusvað.

  Mamma var í miklu uppnámi.  Kjóllinn hékk eins og skítugur hveitipoki utan á henni þegar beltsins naut ekki lengur við.  Hólkvíður og druslulegur.  Mamma fór að gráta og spurði Önnu hvers vegna í ósköpunum hún hefði ráðist á sig.  Anna svaraði með vorkunnartóni:

  - Ég veit að þessi sorgardagur er þér erfiður.  Ég var búin að velta mikið fyrir mér hvernig ég gæti auðveldað þér að takast á við fráfall pabba þíns.  Þá datt mér í hug að ég gæti fengið þig til að dreifa huganum ef ég kæmi þér á óvart með glímubrögðum.  

-------------------------

Fleiri sögur af Önnu á Hesteyri:

- Hringt á lögguna

www.jensgud.blog.is/blog/jensgud/entry/463661

- Keyrt á miðjum vegi

www.jensgud.blog.is/blog/jensgud/entry/423296

- Glannaakstur

www.jensgud.blog.is/blog/jensgud/entry/409355

- Konfekt

www.jensgud.blog.is/blog/jensgud/entry/398785

- Klámi mótmælt

www.jensgud.blog.is/blog/jensgud/entry/398589

- Bílpróf

www.jensgud.blog.is/blog/jensgud/entry/337158

- Reddar hlutunum

www.jensgud.blog.is/blog/jensgud/entry/532905

- Farandssali

www.jensgud.blog.is/blog/jensgud/entry/606305

- Bók

www.jensgud.blog.is/blog/jensgud/entry/592177 

Athugasemdir

[Þorsteinn Briem, 22.8.2008 kl. 23:07]

Þetta eru hrikalegar lýsingar á kellu og þessi bók um hana verður trúlega bönnuð áður en hún kemur út í haust. Anna og föðuramma mín hefðu verð góðar saman og hún átti líka heima fyrir austan.

Kvenfélagið Tilraun í Svarfaðardal bliknar í öllum samanburði.

[Steingrímur Helgason, 22.8.2008 kl. 23:24]

Dægilegt fínt bloggerí, næztum fer að skammazt mín yfir að hafa ekki 'KallaTommað' þig frekar en ~aðrar~.

[Rúna Guðfinnsdóttir, 22.8.2008 kl. 23:34]

Ég hefði orðið verulega leið yfir eyðileggingu nýja kjólsins, það verð ég að segja.

[Eva Benjamínsdóttir, 23.8.2008 kl. 00:23]

Anna er örugglega einstök manneskja og í hvert sinn sem ég les um uppátækin hennar, sé ég fyrir mér senu í bíó. Það verður að gera kvikmynd um Önnu - original.  Ég hefði ekki viljað vera mamma þín Jens minn og kem ekki til með að leika hana.

[alva (IP-tala skráð) 23.8.2008 kl. 01:26]

kvikmynd, konan hefur verið rosaleg, athyglisverður persónuleiki sem má ekki gleymast!!

já, sammála, þú ert ekki sem vestur að blogga

[Gunnar Th. Gunnarsson, 23.8.2008 kl. 02:31]

Anna á Hesteyri er kynlegur kvistur og slíkir kvistir auðga mannlífið hjá þeim sem ekki falla í slíkan kvist-flokk.

En þegar 18 ára stúlka er við jarðarför föður síns, þá finnst mér svona trakteringar bara ömurlegar og ekki varpa neinum dýrðarljóma á svona útkjálkakarakter.

[Heidi Strand, 23.8.2008 kl. 07:55]

Målsettingen var god, men metoden var skrekkelig. Stakkars mora di.

PS: Norske jentene er i finale i OL nå og stillingen er N. 8 R 2

[Rannveig H, 23.8.2008 kl. 09:43]

Kvikmynd það er málið. Ég vildi leika Önnu hlutverkið yrðið alveg sniðið fyrir mig

[Heidi Strand, 23.8.2008 kl. 10:48]

og lÍka fyrir mig.

[Brynjar Jóhannsson, 23.8.2008 kl. 11:13]

Þessi Anna er greinilega SNILLDARKELLING .. Mættu fleirri vera svona í dag.

[Gunnar Pálsson, 23.8.2008 kl. 12:18]

Kerlingin hafði góðan hug að baki. Skemmtileg saga Jens.

[Dreifbýlistúttan (IP-tala skráð) 23.8.2008 kl. 16:18]

Anna er bara æðsigengin.....  Ég hugsa að ég yrði mjög góð í hlutverki hennar í kvikmyndinni , það er margt sem við eigum sameiginlegt og líka margt líkt með okkur sko..

Kveðja úr Álversbæ..  Dreifbýlistúttan

[Res (IP-tala skráð) 24.8.2008 kl. 21:33]

Jens varstu búinn að skrifa færslu þegar landhelgisgæslan bjargaði öndunum hennar.

[Jens Guð, 24.8.2008 kl. 22:10]

  Nei,  ég hef ekki skrifað um það.  Ég held að sú saga verði í bókinni um Önnu.