Heildarlistinn yfir greind og trúhneigð

 

  Ég hef raðað hér upp þjóðum heims eftir meðalgreind þeirra.  Greindarvísitalan er fyrir aftan nafn landsins.  Í sviganum þar fyrir aftan er hundraðshluti viðkomandi þjóðar sem ekki trúir á guð.  Þetta er nokkuð merkilegur og umhugsunarverður listi að skoða.  Þegar litið er yfir listann í fljótu bragði læðist að mér sá grunur að greindarvísitöluprófið (Raven) sé ónákvæmt.  Skekkjumörk þess séu í hag menntuðum Asíu- og Evrópu- og N-Ameríkuþjóðum en nái síður að mæla ýmsa hæfileika (greind) 3ja heims þjóða.

  Það kemur mér pínulítið á óvart hvað hlutfallslega margir trúa ekki á guð.  Þar gætu líka verið skekkjumörk.  Flestir Víetnamar eru búddistar.  Ég þekki búddisma ekki nógu vel.  Sumir skilgreina hann sem heimspeki fremur er trúarbrögð.  Þeir víetnömsku búddistar búsettir á Íslandi sem ég þekki iðka sinn búddisma líkt og trúarbrögð.  Hafa altari og stunda þar sínar daglegu "serimóníur",  "kirja" við brennandi reykelsi og þess háttar.

  Einnig kemur mér á óvart hvað margar þjóðir eru nánast altrúaðar,  eða 99,5%.

  Fyrri grein um sama efni er á http://jensgud.blog.is/blog/jensgud/entry/576172. 

1             Singapore         108     (13)

2             Suður-Kórea      106     (30)

3-5          Japan                105     (65)

3-5          Kína                  105     (12)

3-5          Tævan               105     (24)

6             Ítalía                  102     (6)

7-9          Ísland                101     (16)

7-9          Mongólía            101     (20)

7-9          Sviss                 101     (17)

10-13       Austurríki           100     (18)

10-13       Bretland             100     (41,5)

10-13       Holland              100     (42)

10-13       Noregur              100     (31)

14-21       Belgía                  99     (43)

14-21       Kanada                99     (22)

14-21       Eistland               99     (49)

14-21       Finnland               99    (28)

14-21       Þýskaland            99    (42)

14-21       Nýja-Sjáland         99    (22)

14-21       Pólland                99     (3)

14-21       Svíþjóð                 99    (64)

22-29       Ástralía                98    (26)

22-29       Bandaríkin            98    (10,5)

22-29       Danmörk              98    (48)

22-29       Frakkland             98    (44)

22-29       Lettland                98    (20)

22-29       Spánn                  98    (15)

22-29       Tékkland              98    (61)

22-29       Ungverjaland         98    (32)

30-32       Hvíta-Rússland      97    (17)

30-32       Rússland              97   (27)

30-32       Úkraína                97    (20)

33-36       Moldavía              96    (6)

33-36       Slóvakía               96    (17)

33-36       Slóvenía               96    (35)

33-36       Úruguay               96    (12)

37-38       Ísrael                   95    (15)

37-38       Portúgal               95    (4)

39-43       Armenía               94    (14)

39-43       Georgía                94    (4)

39-43       Kazakhstan          94    (12)

39-43       Rúmenía              94    (4)

39-43       Víetnam               94    (81)

44-45       Argentína             93    (4)

44-45       Búlgaría               93    (34)

46-48       Grikkland             92    (16)

46-48       Írland                   92    (5)

46-48       Malasía               92    (0,5)

49-52       Brunei                 91    (0,5)

49-52       Kambódía            91    (7) 

49-52       Litháen                91    (13)

49-52       Tæland                91    (0,5)

53-56       Albanía                90    (8)

53-56       Chile                    90   (2)

53-56       Króatía                 90   (7)

53-56       Kyrgystan            90   (7)

57-58       Kosta Rica           89   (1)

57-58       Laos                    89   (5)

59-60       Ecuador               88   (1)

59-60       Mexíkó                 88   (4,5)

61-68       Azerbaijan            87   (0,5)

61-68       Bólivía                  87   (1)

61-68       Brasilía                87    (1)

61-68       Indónesía             87    (1,5)

61-68       Írak                     87    (0,5)

61-68       Tajikistan             87    (2)

61-68       Turkmenistan       87    (2)

61-68       Uzbekistan          87    (4)

69-70       Kúveit                  86    (0,5)

69-70       Filippseyjar          86    (0,5)

71-74       Kúba                   85    (40)

71-74       Perú                    85    (1)

71-74       Trinidad                85   (9)

71-74       Jemen                  85   (0,5)

75-85       Afganistan            84   (0,5)

75-85       Kólumbía              84   (1)

75-85       Íran                      84   (4,5)

75-85       Jórdanía               84   (0,5)

75-85       Morocco              84    (0,5)

75-85       Pakistan              84    (0,5)

75-85       Panama               84    (1)

75-85       Sameinaða Arabíska furstadæmið  84   (0,5)

75-85       Sádi-Arabía          84    (0,5)

75-85       Paraguay             84    (1)

75-85       Venesúela           84    (1)

86-90       Algería                83    (0,5)

86-90       Líbya                  83    (0,5)

86-90       Oman                 83    (0,5)

86-90       Sýrland               83    (0,5)

86-90       Túnis                  83    (0,5)

91-95       Bangladesh         82    (0,5)

91-95       Dóminíska lýðveldið   82  (7)

91-95       Indland                82    (3)

91-95       Líbanon               82    (3)

91-95       Madagaskar         82   (0,5)

96-98       Egyptaland          81    (0,5)

96-98       Hondúras             81   (1)

96-98       Níkaragúa            81   (1)

99           El Salvador           80   (1)

100-101   Gvatemala            79   (1)

100-101   Sri Lanka             79    (0,5)

102         Nepal                   78    (0,5)

103         Máritanía              76    (0,5)

104         Úganda                73    (0,5)

105-107   Kenya                  72    (0,5)

105-107   Suður-Afríka         72    (1)

105-107   Tansanía              72    (0,5)

108-110   Ghana                 71     (0,5)

108-110   Jamaíka              71     (3)

108-110   Zambía                71     (0,5)

111-115   Benin                  70     (0,5)

111-115   Botswana            70     (0,5)

111-115   Namibía               70     (4)

111-115   Rwanda               70     (0,5)

111-115   Togo                    70     (0,5)

116-121   Búrundi                69     (0,5)

116-121   Cote d´lvoire         69     (0,5)

116-121   Malawi                 69     (0,5)

116-121   Malí                     69     (0,5)

116-121   Niger                    69    (0,5)

116-121   Nígería                 69     (0,5)

122-125   Angóla                 68     (1,5)

122-125   Burkina Faso        68     (0,5)

122-125   Chad                    68     (0,5)

122-125   Sómalía                68     (0,5)

126-128   Guinea                  67     (0,5)

126-128   Haíti                      67     (0,5)

126-128   Líbería                   67     (0,5)

129-131   Gambía                 66     (0,5)

129-131   Senegal                 66     (0,5)

129-131   Zimbabwe              66     (4)

132-137   Kamerún                64    (0,5)

132-137   Mið-Afríska lýðveldið  64  (1,5)

132-137   Kongó                    64    (2,7)

132-137   Ethíópía                  64    (0,5)

132-137   Mósambik               64    (5)

132-137   Sierra Leone            64    (0,5)

Hér eru efstu sæti þeirra þjóða þar sem fæstir trúa á guð:

1             Víetnam                  81%    (greind 94)

2             Japan                     65%    (greind 105)

3             Svíþjóð                   64%    (greind 99)

4             Tékkland                61%    (greind 98)

5             Eistland                 49%    (greind 99)

6             Danmörk                48%    (greind 98)

7             Frakkland               44%    (greind 98)

8             Belgía                    43%    (greind 99)

9             Þýskaland              42%    (greind 100)

10           Bretland                 41,5%  (greind 100)

11           Kúba                      40%    (greind 85)

12           Slóvenía                  35%    (greind 96)

13           Búlgaría                  34%    (greind 93)

14           Ungverjaland            32%    (greind 98)

15           Noregur                   31%    (greind 100)

16           S-Kórea                  30%    (greind 106)

17           Finnland                  28%    (greind 99)

18           Rússland                 27%    (greind 97)

19           Ástralía                   26%    (greind 98)

20-22      Tævan                     22%    (greind 105)

20-22      Kanada                    22%   (greind 99)

20-22      Nýja-Sjáland             22%   (greind 99)

23-25      Mongólía                  20%   (greind 101)

23-25      Lettland                   20%    (greind 98)

23-25      Úkraína                    20%   (greind 97)        

Greind og trúhneigð - merkileg rannsókn

  Í Kristilega dagblaðinu í Danmörku fer fram áhugaverð umræða um merkilega niðurstöðu samanburðarrannsóknar 3ja virtra háskólaprófessora.  Þeir báru saman hlutfall trúaðra í 137 löndum og meðalgreind viðkomandi þjóða.  Beint samhengi er á milli þess að þeim mun hærri sem meðalgreindin (IQ) er þeim mun lægra hlutfall þjóðarinnar trúir á guð.  Þetta hefur kallað á ýmsar vangaveltur í Kristilega dagblaðinu.

  Þó að í víðu samhengi sé niðurstaðan þessi þá er staðreynd að margt trúrækið fólk er bráðgáfað og hæfileikaríkt.  Vegnar ákaflega vel í lífinu og það allt.  Sömuleiðis er ekkert sem bendir til þess að fólk sem tekur trú með aldrinum verði grunnhyggnara við það.  Niðurstaða rannsóknarinnar kveikir þess vegna fleiri spurningar en hún svarar.  Hugsanleg skýring getur legið í sögu og menningu þjóðanna 137. 

  Það væri gaman að heyra skoðun ykkar á þessu - án upphrópana.  Það er skemmtilegra að hafa umræðu um þetta á kurteislegum og yfirveguðum nótum,  eins og hjá Kristilega dagblaðinu.  Fyrir þá sem nenna að "gúgla" þessa rannsókn þá heita prófessorarnir Richard Lynn, Helmuth Nyborg og John Harvey.

Mikilvæg leiðrétting á bloggfærslu

  Fyrir nokkrum dögum birti ég mynd af því að Eiríkur Sigurbjörnsson sjónvarpsstjóri Omega lagði ólöglega í bifreiðastæði fatlaðra.  Í gær hringdi Eiríkur í mig.  Við erum gamlir vinir til margra ára.  Hann ætlar að bjóða mér í súpu og bað mér guðblessunar.  Frábær náungi og hann sagðist ekki hafa hringt í mig nema vegna þess að við erum góðir vinir.

  Ástæðan fyrir því að Eiríkur lagði í bílastæði fatlaðra var sú að það er aldrei lagt í þetta bílastæði við Omega.  Eiríkur var með slæmsku í hné og þurfti að styðjast við hækjur eftir að hafa gengist undir uppskurð.  Þegar öll önnur bílastæði voru upptekin þá hugsaði Eiríkur:  "Ef ég á einhvertímann rétt á að leggja í þetta bílastæði þá er það nú."

  Ég fellst algjörlega á það að Eiríkur var þarna í rétti þó að hann væri ekki með löglega merkingu öryrkja í bílrúðu.  Eiríkur er maður vandaður að virðingu sinni og mér er ljúft að votta að hann er heilsteyptur fyrir því sem hann stendur fyrir.  Heill,  sannur og einlægur.   Það verður beðið fyrir mér á Omega og ekki í fyrsta sinni.

Ljósmynd sem segir sögu

 

   Þessi mynd er af 7 milljón króna jeppa sjónvarpspredikarans og -stjórans á Omega.  Myndin staðfestir sögusagnir um að sjónvarpspredikarinn telji sig ekki þurfa að taka tillit til fatlaðra ökumanna.  Hann leggur hiklaust í bílastæði merkt fötluðum með bros á vör og Jesú í hjarta.

   Þessi mynd á eftir að koma upp í hugann þegar fylgst er með predikaranum á skjánum.  Hún segir meira en mörg orð.  Lýsir svo mörgu. 

  Ef smellt er á myndina stækkar hún og verður skýrari.

Biskup níðir Magnús Skarphéðinsson

  Í þar síðustu jólapredikun biskups íslensku ríkiskirkjunnar,  Karls Sigurbjörnssonar,  sagði:  "...Ég trúi ekki á jólasveininn,  fremur en nokkur heilvita,  fullorðin manneskja."  Þetta er dálítið hrokafull afstaða.  Magnús Skarphéðinsson,  músa-,  geimveru- og hvalavinur,  trúir - eins og margir aðrir - á tilvist jólasveina og hefur lýst því yfir í viðtali hjá Markúsi Þórhallssyni á Útvarpi Sögu að hann trúi á tilvist gömlu íslensku jólasveinanna.  Magnús færði meira að segja góð rök fyrir tilvist þeirra.  Eða réttara sagt vísaði í frásagnir fólks sem hefur séð þá eða orðið vart við tilvist þeirra að öðru leyti. 

  Magnús Skarphéðinsson er merkilegur náungi og það er ljótt af biskupi að úrskurða hann ekki heilvita. 

Snilldar saga

  Magnús Skarphéðinsson,  músa-, hvala- og geimveruvinur,  er með allra skemmtilegustu mönnum.  Hann mætir alltaf í viðtal hjá Markúsi Þórhallssyni á Útvarpi Sögu fyrsta mánudag hvers mánaðar.  Magnús trúir á tilvist gömlu íslensku jólasveinanna og sagði sögur því til staðfestingar hjá Markúsi í dag. 

  Ein sagan var af manni sem var að keyra vörubíl fjarri mannabyggðum.  Skyndilega fylltist bílinn af sterkri hangikjötslykt.  Hún varði í klukkutíma.  Maðurinn var eðlilega undrandi þangað til hann uppgötvaði að þetta var einmitt dagurinn þegar Kjötkrækir kemur til byggða. 

Stálu sextán tonnum af skinku

Hjúkk! Steinunn rétt slapp við að hætta að vera kona

  Í Silfri Egils á dögunum var Steinunn Jóhannesdóttir,  rithöfundur og leikkona,  í sjokki.  Ótti hennar var mikill við að hún yrði ekki lengur kona ef prestar ríkiskirkjubáknsins myndu fá að gefa samkynhneigða saman í hjónaband.  Ekki fylgdi sögunni hvað Steinunn taldi sig verða eftir að hún yrði ekki lengur kona.  Kannski karlmaður?  Eða sauður?

  Það skiptir kannski ekki öllu máli.  Góðu fréttirnar eru þær að Steinunn hefur sloppið - í bili - við að hætta að vera kona.  Ríkiskirkjubáknið er að venju áratugum á eftir samfélaginu í framþróun.   

Góð uppástunga hjá Sigurði Kára

  Margir strákar alast upp við að lesa ævintýrabækur um spennandi leynifélög.  Sumir fullorðnast aldrei upp úr þessum ævintýraheimi bernskunnar.  Þeir ríghalda í ævintýraljóma þess að allt sem er leyndó sé skemmtilegast af öllu.  Því meiri leynd þeim mun meira gaman.

  Það sem fram fer á bakvið tjöldin í reykfylltum herbergjum er toppurinn á tilverunni.  Menn ganga í leynireglur eða í stjórnmálaflokka þar sem leynd hvílir yfir fjármálum og öllu sem hægt er halda leynd yfir.  Skjöl merkt TRÚNAÐARMÁL eru sérlega spennandi.  Launaleynd,  leyniskjöl,  leyniþjónusta og allt sem er leyni-eitthvað kitlar og fullnægir ævintýraheimi leyniáráttunnar.

  Svo eru aðrir sem reyna að skemma þennan leik með því að vilja hafa lýðræðið gegnsætt og frjálst.  Allt uppi á borðum.

  Sigurður Kári,  alþingismaður og baráttumaður fyrir leynd,  kom með ansi skemmtilegan vinkil á baráttu sína fyrir launaleynd í útvarpsviðtali í dag.  Hann lagði til að fólk myndi nota opinn aðgang að álagningaskrá skattsins með því að finna út hverjir í hverfinu eru tekjulægstir.  Síðan yrðu börn þeirra lögð í einelti vegna lágra tekna foreldranna.  Aldeilis ljómandi áhugavert dæmi. 

  Þetta er ekki aðeins skemmtilegur leikur heldur veitir hann vesalingunum aðhald.  Þeir myndu reyna að hífa upp tekjur sínar með aukavinnu eða koma sér í þokkalega launaða vinnu.  Besta ráðið er að skipta um vinnu með því að ná starfslokasamningi í gömlu vinnunni upp á 1600 milljónir.  Og málið er dautt.    

Er álagning einkamál?

Annað lag með Gyllinæð

  Ég var að bæta við í tónspilarann öðru lagi með hljómsveitinni Gyllinæð,  Gamall maður í hjólastól.  Eins og hitt lagið með Gyllinæð,  Djöflakallinn,  var það hljóðritað við frumstæðar aðstæður á segulbandstæki á æfingu hjá hljómsveitinni þegar hún var nokkurra daga gömul.  Strákarnir voru bara 14 - 15 ára gamlir.  Þetta er þess vegna skemmtilega ferskt.  Einungis gítar,  trommur og söngur.  Textinn er sóttur í frétt af því þegar Hljómabítillinn Engilbert Jensen varð fyrir barðinu á handrukkurum.  Textinn er kannski dálítið yfirkeyrður.  En lagið er flott og hressandi.

Draugagangur á Hólum í Hjaltadal

 

  Um miðjan sjöunda áratuginn heimsóttu útlendar kaþólskar nunnur Hóla í Hjaltadal.  Ein var dönsk.  Önnur bandarísk.  Það er eins og mig rámi í að sú 3ja hafi verið með í för.  Þori þó ekki að fara með það.

  Erindi nunnanna var heimsókn í kirkjuturninn.  Kaþólska kirkjan gaf Hóladómkirkju turninn snemma á síðustu öld.  Kirkjan hafði þá verið turnlaus frá því að hún var byggð tveimur öldum áður.* 

  Turninn er ekki áfastur kirkjunni.  Hann stendur hálf kjánalegur einn og stakur úti á túni.  Ástæðan er sú að hann er reistur á leiði Jóns Arasonar,  síðasta kaþólska biskupsins yfir Íslandi. 

  Nunnurnar röltu efst upp í turninn og lögðust á bæn.  Ég var 9 eða 10 ára.  Ég vissi ekki af nunnunum uppi í turninum.  Þetta var á virkum degi og fáir á ferli nema presturinn sem væflaðist um kirkjugarðinn. 

  Turninn er hár og mjór.  Bara járn og steypa.  Hljómburðurinn er bergmálandi og flottur.  Ég hugði gott til glóðarinnar.  Laumaðist inn í turninn og klifraði upp í hann miðjan.  Þar er bergmálið kröftugast. 

  Ég fór að leika mér að bergmálinu.  Sönglaði:  "Vavavaaaaa.  Vóvóvóóóóó.  Vúvúvúúúúú."  Ekki hafði ég lengi sönglað þegar ég heyri öskur og gól í nunnunum.  Mér brá við það.  Tók á sprett út úr turninum.  Gekk nokkru síðar til prestsins og lét eins og ég væri nýkominn á svæðið.  Spurði af hverju turninn væri opinn.  Hann var varla fyrr búinn að segja mér frá nunnunum er þær komu út grenjandi af geðshræringu.  Ég skildi fátt af því sem þær sögðu.  Náði þó því að þær töluðu um munkasöng.

  Löngu síðar barst frá bandarísku nunnunni til Hóla eintak af kaþólsku dagblaði.  Þar var sagt frá pílagrímsferð nunnanna til Íslands.  Í fréttinni kom fram að nunnurnar hefðu lagst á bæn og þá hafi upphafist hávær munkasöngur í turninum.  Samt hafi enginn verið í turninum nema þær.  Síðan var eitthvað lagt út frá því að munkasöngurinn hafi verið svar við bænum þeirra.  Fólki á Hólum þótti þetta merkilegt.  Ég þorði ekki að leiðrétta söguna.  Hélt að ég yrði skammaður fyrir hrekkinn.  Jafnframt því sem mér þótti þetta pínulítið fyndið. 

----------------------------------------------------------------------------------------------------

*Kirkjan var byggð í þegnskylduvinnu.  Bændur voru teknir úr háannatíma frá heyskap til að byggja kirkjuna.  Ferja grjót ofan úr Hólabyrðu.  Verkstjórinn var Bauni.  Skapillur skratti sem varð hálfu verri eftir að barnungur sonur hans hrapaði í kirkjubyggingunni og dó.  Bændurnir tóku sig saman og fóru í verkfall.  Klömbruðu kirkjunni saman án turns.  Kirkjan var því turnlaus í tvær aldir.