Óhuggandi sértrúarsöfnuður

  Íslendingar hafa löngum undrast tíð grátköst þátttakenda í bandarískum raunveruleikasjónvarpsþáttum.  Táraflóðið í þeim þáttum kemst þó hvergi með tær þar sem n-kóreskir grátkórar hafa hæla þessa dagana.  Við fráfall Kims Jong-il,  leiðtoga landsins,  hefur gripið um sig óhemjuleg móðursýki.  Þegnarnir hágráta örvilnaðir.

  Vegna einangrunar frá umheiminum,  stöðugrar innrætingar (heilaþvottur),  ofurstrangrar ritskoðunar og allskonar bulls eru íbúar N-Kóreu 20 milljón manna sértrúarsöfnuður.  Öfgafullur sértrúarsöfnuður þar sem guðirnir eru Kim-feðgarnir.  Söfnuðurinn trúir því að þegar Kim Jong-il fæddist þá hafi 2 eða 3 regnbogar myndast yfir heilögu fjalli, allir fuglar heims tekið upp á því að syngja á kóresku;  skær leiðarstjarna hafi birst á himni.  Hún leiddi 3 vitfirringa úr austri að hrörlegum bjálkakofa.  Þar lá í einskonar jötu nýfæddur Kim Jong-il.  Vitfirringarnir færðu honum reykelsi,  myrru og bull að gjöf.

   Skömmu síðar og fram á dauðadag gerði Kim Jong-il fátt annað en drekka koníak og stríplast.  Þess á milli horfði hann á hluti.  Það eru til heilu ljósmyndasöfnin sem sýna myndir af honum horfa á hluti.  Allt frá skóm til sólgleraugna.  Á hátíðisdögum horfði hann á kvikmyndir um Rambó.  Þannig að ekki var kvikmyndasmekkurinn góður.  Hinsvegar samdi hann flestar eða allar bestu óperur heimssögunnar.  Fyrir örfáum árum fann hann upp spennandi skyndibita.  Rétturinn er svo einfaldur að allir geta matreitt hann:  Fyrst er hamborgarakjöt steikt beggja vegna.  Síðan er það lagt á hamborgarabrauð.  Hamborgarasósu er sprautað yfir og efri sneið hamborgarabrauðsins lögð ofan á.  Kosturinn við þennan byltingarkennda skyndibita er sá að hvorki þarf að brúka hníf né gaffal.  Það sparar uppvask.

  Kim fann einnig upp hátíðarútgáfu af þessum nýja rétti.  Hún er ekki fyrir almenning.  Aðeins fyrir útvalda sem komast yfir ferskt grænmeti og fleira.  Í hátíðarútgáfunni er einnig tómatsósa,  sinnep,  tómatar,  hrár laukur,  steiktir sveppir,  paprika og salatblað.  Hér er opinbera ljósmyndin af hátíðarréttinum:

Alþýðurétturinn er ekki síður girnilegur.  Galdurinn felst í því að bruðla ekki með hamborgarasósuna og fara sparlega með kjötið. 

   

  Því hefur verið spáð í n-koreskum fjölmiðlum að þessi frumlegi skyndibiti Kims eigi eftir að njóta vinsælda utan N-Kóreu.

  Um daginn kynntist ég í Noregi s-kóreskum fyrrverandi hermanni.  Hann stóð á sínum tíma vakt á landamærum kóresku ríkjanna.  10 metrar skilja landamæravörsluna að.  Hann kynntist ágætlega n-kóresku hermönnunum og átti vinsamleg samskipti við þá.  Þó eru nú einhver átök þarna á milli án þess að umræddur flæktist inn í það.  Hann kynntist aðeins glaðværu hlið á varðstöðunni.  Hermenn beggja liða göntuðust og grínuðust í léttum nótum og varð vel til vina.  Enda áttu sumir ættingja hinu megin víglínunnar. 

  Þessi kunningi minn fór meðal annars í fjallaferð með n-kóreskum hermönnum þarna við landamærin.  Þetta var skemmtiferð á sama tíma og knattspyrnulið þeirra öttu kappi á,  ja,  gott ef ekki Ólympíuleikum eða heimsmeistarakeppni eða eitthvað svoleiðis.  N-kóreska liðið koltapaði.  N-kóresku hermennirnir brustu í grát.  Þeir hágrétu.  S-kóresku hermennirnir reyndu að útskýra fyrir þeim að þarna væri aðeins um léttan samkvæmisleik að ræða.  Skemmtunin gengi út á að vera með og hafa gaman af.  Úrslitin væru aukaatriði.  Huggunarorðin náðu ekki í gegn.  Þeir n-kóresku voru óhuggandi.  Það var ofar þeirra skilningi að margblessað knattspyrnulið þeirra gæti farið halloka í fótboltaleik.

  Annað:  Kóreski drengurinn keðjureykti Kent sígarettur.  Á fílter sígarettnanna er táknmynd af lykli.  Til að hægt sé að reykja sígaretturnar þarf að bíta fast í lykilinn.  Þá heyrist smellur.  Án þess að rjúfa læsinguna er ekki hægt að reykja sígarettuna.  Þetta er til þess að ungir óvitar geti ekki reykt sígaretturnar.  Sinn er siður í hverju landi.

  Til gamans má geta að kóreski kunningi minn hefur verið ólatur við að senda mér í tölvupósti ljómandi skemmtilegt kóreskt pönkrokk og dauðarokk.

Fiskurinn var svooona stór!

 

.

Kim Jong-il látinn

Athugasemdir

[Helga Kristjánsdóttir, 19.12.2011 kl. 22:36]

Oft hef ég marist á hjarta,við að sjá myndir af sveltandi börnum frá Afríku nú seinast frá Sómalíu. Fara svo að slafrva í sig,þetta er svo óréttlátt. Verð að skýra frá þessu,áður en ég segi þér,að aldrei hef ég fyrr hlegið að grátandi fólki.Rétt eftir fréttina kom sonur minn í heimsókn og minnti mig á einangrun þessa fólks sem syrgir "föður"sinn. Mikill hópur mannkyns er umkomulaus,án einhvers að tilbyðja.

[Jens Guð, 19.12.2011 kl. 22:53]

  Helga,  tilbeiðsla á eitthvað "æðra" sér sjálfu er forritað í heila okkar.  Þetta er víst í samhengi við eitthvað sem kallast félagsþörf/félagsvitund:  Að vera hluti af hópi/flokki.  Þetta er eitthvað sem heldur hópnum saman sem félagi.  Þá skiptir ekki máli hvort við höldum sama hóp undir merki guða sem tilheyra Jesú eða Kim Jong-il.  

[casado (IP-tala skráð) 19.12.2011 kl. 23:19]

Það er ekki tilbeiðsla eða ofur ást á látnum þjóðarleiðtoga sem fær þetta fólk til að gráta og kveinka sér heldur kúgun og hræðsla,,að ykkur skuli detta eitthvað annað í hug er í besta falli heimska,,

[Helga Kristjánsdóttir, 19.12.2011 kl. 23:23]

Þú áttir að sjá mig áðan,tárast í taumum! Þar sem ég fékk góða tölvu,sem ég get náð með í you tube. Ég var í gamla rómógírnum,spilaði "More" með AndyVilliams,Doris Day,Frank Sinatra, loksins king cole. Ég spilaði þetta oft á skemmtara í den.Jens,maður er ekki alltaf að rífa munn.

[DoctorE (IP-tala skráð) 20.12.2011 kl. 08:51]

Öll helstu trúarbrögð hafa einmitt orðið til í gegnum svona ruglukolla... Það eru afar góðar líkur á að td guð biblíu/kórans sé einmitt svona gaur... (Í besta falli) YWHW(Guddi).. hornsteinn íslands að sumra mati, var í besta falli svona maður eins og Dear leader

[Ásdís Sigurðardóttir, 20.12.2011 kl. 12:03]

[Ásthildur Cesil Þórðardóttir, 20.12.2011 kl. 12:39]

Hysterískur grátur er vel við hæfi, því ekki hef ég trú á að þetta sé einlæg sorg, heldur miklu fremur eitthvað sem menn EIGA AÐ GERA í svona situation.  En vesalings fólkið það verður langt í að þarna breytist eitthvað, nema auðvitað er sonurinn drepur þjóðina i fikti við kjarnorkuvopninn.

[DoctorE (IP-tala skráð) 20.12.2011 kl. 13:31]

Sko sæta einræðisguddalagið
http://www.youtube.com/watch?v=hjn3ND3GIC8

Fólkið verður að syrgja fíflið eða þola pyntingar/þrælkun/dauða; Sumir fá smá hrísgrjón fyrir að syrgja...  Þetta er alveg eins og í biblíunni,

[Bergur Ísleifsson (IP-tala skráð) 20.12.2011 kl. 15:33]

Doktor, ég hef aldrei vitað neinn sem er með trú jafnmikið á heilanum og þú ... nema ef vera skyldi guðfræðinginn Hjalta Rúnar. Mér finnst satt að segja að þú ættir að fara að reyna að losa þig við þetta. Guddi og galdrabókin hans er búinn að ná algjörum heljartökum á þér, miklu meiri en á þeim sem þú heldur að þú sért að gagnrýna.

[Sólrún (IP-tala skráð) 20.12.2011 kl. 15:52]

Mikið er þetta fólk yndislega fallegt.

Við íslendingar trúum á Jóhönnu og Steingrím og kjósum þau aftur og aftur í frjálsum kosningum.

Engar aðrar pyntingar eða refsingar í því nema það að hafa þau stöðugt yfir sér.

En íslendingar eru ekki eins fallegir :(

Er þetta ekki ennþá verri bilun?

[Jens Guð, 20.12.2011 kl. 20:20]

  Casado,  ég tek meira mark á upplýsingum fólks sem hefur búið í N-Kóreu en þér.  Almenningur þar hefur ekki hugmynd um að hann sé kúgaður.  Þvert á móti stendur hann í þeirri trú að það séu forréttindi að búa í N-Kóreu.  Þeir fáu sem komast að sannleikanum flýja land.

[Jens Guð, 20.12.2011 kl. 20:21]

  Helga,  þú ert lukkunnar pamfíll.  Heppin,  svona rétt fyrir jól.

[Jens Guð, 20.12.2011 kl. 20:25]

  DoctorE (#5),  einhversstaðar sá ég eða las um að mörg trúarbröð hafi byrjað sem galdrar og þess háttar og þróast yfir í trú á einn eða fleiri guði.

[Jens Guð, 20.12.2011 kl. 22:30]

  Ásdís,  takk fyrir innlitið.

[Jens Guð, 20.12.2011 kl. 22:41]

  Ásthildur Cesil,  ég hef víða rekist á vangaveltur um að herinn muni steypa nýja Kiminum og taka völd.  Það er víst einhver kurr í hernum.  Spáð er að yfirmenn hersins muni leita eftir stuðningi hjá Kínverjum og muni fá hann.  Kínverjar eru sagðir óttast óútreiknanlega duttlunga Kimanna.  Herinn verður að sæta lagi áður en almenningur kynnist nýja Kiminum og tekur hann í guðatölu. 

  Aðrir spá því að Kínverjar muni hernema N-Kóreu með leifturinnrás og innlima í Kína.  Aðeins þannig geti þeir tryggt stöðugleika á Kóreuskaganum.  

[Jens Guð, 20.12.2011 kl. 22:46]

  DoctorE (#8),  takk fyrir myndbandið.  Þetta var svo hjartnæmt að ég var næstum búinn að kveikja á reykelsi og signa mig.

[Jens Guð, 20.12.2011 kl. 22:47]

  Bergur,  takk fyrir innlitið.

[Jens Guð, 20.12.2011 kl. 22:48]

  Sólrún,  asískt fólk er almennt fallegt.

[DoctorE (IP-tala skráð) 21.12.2011 kl. 08:43]

Já það var hjartnæmt að horfa á lagið um General God.

Það vita náttlega allir að guðir voru aldrei neitt meira en geggjuðustu ruglukollarninr í hellinum/í þorpinu.. .rest is history.

[Sigurbjörg Sigurðardóttir, 24.12.2011 kl. 12:39]

Mjög skemtilegur pistill hjá þér.