Vandræðalegt bílnúmer

  Fyrir vestan haf standa yfir málaferli.  Og það fleiri en ein og fleiri en tvenn.  Ein málaferli snúast um bílnúmer.  Kona nokkur keypti sér nýjan bíl.  Hún keypti einkanúmer á hann með orðinu 8THEIST (þýðir TRÚLAUS).  Þegar konan fékk bílinn í hendur blasti við á honum bílnúmerið BAPTIST (stendur fyrir þann sem hefur tekið niðurdýfingarskírn).

  Konan brást hin versta við.  Vandamálið er hinsvegar það að samkvæmt lögum má ekki skipta um bílnúmer.  Nýr bíll er skráður á tiltekið bílnúmer og skal bera það óbreytt uns honum er fargað (eða seldur til annars ríkis).

  Á skráningarstofunni er konan sökuð um að hafa handskrifað einkanúmerið illa.  Það hafi valdið mislestri.    

 

 

  

Bókstafstrúarmenn stálu styttu af keltneskum guði

Athugasemdir

[Jóhann Kristinsson, 24.1.2015 kl. 20:32]

Gæti verið rétt hjá þér Jens í þessu tilfelli, en það er ekki í öllum Ríkjum USA.

Til dæmis í Nevada þá gat ég ráðið því hvort að ég fengi nýtt númer eða notaði númerið sem eg hafði á bílnum sem ég seldi.

Ég valdi að færa númerið af bílnum sem ég seldi yfir á bílinn sem ég keypti.

Kveðja frá Houston.

[Jóhann (IP-tala skráð) 24.1.2015 kl. 21:35]

Man alltaf eftir þessu tilfelli á Akranesi http://www.visir.is/vildi-ekki-gay-numer/article/2007312140004

[maria (IP-tala skráð) 25.1.2015 kl. 20:11]

http://adf.ly/JR6GL

[Jens Guð, 26.1.2015 kl. 21:33]

  Jóhann,  takk fyrir upplýsingarnar.

[Jens Guð, 26.1.2015 kl. 21:37]

  Jóhann (#2),  takk fyrir skemmtilega ábendingu.  

[Jens Guð, 26.1.2015 kl. 21:38]

María,  takk fyrir sendinguna.