Látið fagmennina um verkin! II

  Konan hans Jez Gould í Derby á Írlandi hafði keypt rúllu af forláta veggfóðri og gott lím.  Í nokkra daga suðaði hún í Jez að líma veggfóðrið á stofuveggina.  Jez var allur af vilja gerður en verkið dróst samt. 

  Eitt kvöldið missti Jez tökin á öldrykkju á hverfispöbbnum.  Þar var verið að sýna fótbolta á breiðtjaldi og Jez hleypti sér lausum í skot á barnum til að skerpa á bjórnum.  Enginn veit hvað gerðist síðan eða hvenær Jez skilaði sér heim.  En daginn eftir sá konan hans að Jez var búinn að veggfóðra stofuna.  Vinnubrögðin voru léleg.  Blýfastar límslettur - eða réttara sagt hrúgur af lími - voru út um alla stofu.  Fá húsgögn höfðu sloppið.  Þau voru meira og minna ónýt.

  Jez náði að veggfóðra alla stofuveggina áður en hann sofnaði í stofudyrunum.  Allur útataður í lími og með límpensilinn í annarri hendinni. 

  Það sem verra var er að Jez hafði ekki fjarlægt neitt af veggjum áður en hann veggfóðraði.  Hvorki ljósmyndir né veggljós.  Hann einfaldlega veggfóðraði yfir allt slíkt.  Það versta var að það eina sem konan hans leyfði sér að eyða peningum í voru málverk.  Hún hafði unun af fallegum málverkum og var tilbúin að borga vel fyrir þau málverk sem hún féll fyrir.  12 dýr og óbætanleg málverk lentu undir veggfóðrinu og eyðilögðust.

Athugasemdir

[Lilja Haralds (IP-tala skráð) 19.5.2007 kl. 19:53]

Ái... 

[Sóldís Fjóla Karlsdóttir, 19.5.2007 kl. 21:08]

Ég segi nú bara eins og krakkarnir.......ÓMYGOD....

[Ásthildur Cesil Þórðardóttir, 19.5.2007 kl. 22:36]

Karl anginn hefði átt að bíða betri tíma með þetta.

[Lady Elín, 20.5.2007 kl. 12:32]

Ég skil þetta sem svo að það verður bráðum hjónaskilnaður sem bætist við söguna.