Viðgerðarmaðurinn Albert

  Hann er þúsundþjalasmiður.  Sama hvað er bilað;  hann lagar það.  Engu skiptir hvort  heimilistæki bili,  húsgögn,  pípulagnir,  rafmagn, tölvur,  bílar eða annað.  Hann er snöggur að kippa hlutunum í lag.  Hann smíðar, steypir, flísaleggur,  grefur skurði,  málar hvort sem er utan eða innan húss.  

  Um tíma bjuggum við á sama gistiheimili.  Þar þurfti af og til að dytta að hinu og þessu.  Þá var viðgerðarmaðurinn Albert í essinu sínu.  Á gistiheimilinu bjuggu einnig hjón frá Kambódíu.  Samkomulagið var gott.  Ásamt öðrum íbúum vorum við eins og eins stór fjölskylda.  Svo bar við að viðgerðarmaðurinn Albert og ég sátum í herbergi kambódísku hjónanna.  Hjör á stórum fataskáp þeirra hafði gefið sig.  Hurðin dinglaði kengskökk.  Hjónin báru sig illa undan þessu. 

  Viðbrögð viðgerðarmannsins Alberts voru að sitja í sínum stól og líta í rólegheitum í kringum sig.  Hann kom auga á járntappa af gosflösku.  Teygði sig eftir honum.  Um leið dró hann upp svissneskan hníf.  Eða réttara sagt eftirlíkingu að svissneskum hníf.  Með hnífnum hnoðaðist hann á tappanum án þess að skoða hjörina. Að skömmum tíma liðnum teygði hann sig í hana.  Eftir smástund var hurðin komin í lag.  Fataskápurinn var eins og nýr.  Viðgerðarmaðurinn Albert stóð ekki upp af stól á meðan viðgerðarferlið stóð yfir.           

         

Athugasemdir

[sigurður bjarklind (IP-tala skráð) 19.2.2021 kl. 06:24]

Var þetta ekki örugglega tappi af kók glerflösku?

[Jens Guð, 19.2.2021 kl. 09:22]

Sigurður Bjarklind,  ég hef sterkan grun um það.  

[Þorsteinn Briem, 19.2.2021 kl. 09:30]

Albert yrði áreiðanlega góður í að setja tappa í sponsið á Miðflokknum á Alþingi til að stöðva alla ræpuna.

[Jens Guð, 19.2.2021 kl. 09:52]

Þorsteinn,  góður að vanda!

[Sigurður I B Guðmundsson, 19.2.2021 kl. 10:42]

Er Albert kannski "kallinn" sem reddar öllu og hverning væri að fara að fá að sjá síðustu afrek hans???

[Jens Guð, 19.2.2021 kl. 11:12]

Sigurður I B,  https://www.facebook.com/Vi%C3%B0ger%C3%B0arma%C3%B0urinn-Albert-101958075126716

[Sigurður I B Guðmundsson, 19.2.2021 kl. 12:09]

Kann ekki kínversku!!

[Jens Guð, 19.2.2021 kl. 12:58]

Sigurður I B,  þetta er slóðin á Facebook-síðu viðgerðarmannsins Alberts.

[Stefán (IP-tala skráð) 20.2.2021 kl. 18:29]

Væri hægt að koma þessum Alberti í samband við Vegagerðina til þess að kenna þeim að meðhöndla hættulausa og varanlega malbikun ?  

[Jens Guð, 20.2.2021 kl. 18:47]

Stefán, viðgerðarmaðuirinn Albert myndi ekki malbika veginn heldur steypa hann.  Þar með yrði hann viðhaldsfrír næstu áratugina.  Skilst mér.