Rökföst

    Í gær ræddi ég við unga stúlku um jólin. 

  - Hvað verður í matinn hjá ykkur á aðfangadag?  spurði ég.

  - Það er alltaf tvíréttað;  lamb og svín,  svaraði hún.

  - En á jóladag?

  - Ég veit það ekki.  Enda er það ekkert merkilegur dagur!

  - Jú, jóladagurinn er eiginlega skilgreindur sem aðal jóladagurinn.

  - Í útlöndum,  já.  Á Íslandi er aðfangadagur aðal jóladagurinn.  Þá bjóðum við hvert öðru gleðileg jól; þá er mesta veislan og við opnum jólapakkana,  lesum á jólakort og leikum okkur.

  - Það er rétt hjá þér að þetta er misvísandi.  En orðið aðfangadagur þýðir að þetta sé dagurinn fyrir jóladag; aðdragandi jóla.

  - Hvers vegna heldur þú að í súkkulaðijóladagatalinu sé síðasti dagurinn 24. des?  25. des er ekki einu sinni í dagatalinu.

  Ég var mát!

„Jólunum er aflýst“

Athugasemdir

[Sigurður I B Guðmundsson, 24.12.2022 kl. 13:39]

Já, það er spurning! 

[Jens Guð, 24.12.2022 kl. 13:52]

Sigurður I B,  það er stóra spurningin!

[Stefán (IP-tala skráð) 24.12.2022 kl. 15:18]

Börn bíða spennt eftir Jólum og gleðjast yfir fallegum gjöfum, góðum mat og samverustundum með fjölskyldum sínum og ættingjum. Samt er það svo að 10 % barna á Íslandi alast upp við fátækt. Þessi börn eru vanrækt og eiga ekki mikla möguleika í lífinu. Um 1 % þjóðarinnar skipta á milli sín eignum og þjóðarauði. Afkomendur þessa auðmanna erfa landið og miðin og halda áfram að stjórna landinu með auðvaldi - Gleðilega hátíð !

[Jens Guð, 24.12.2022 kl. 15:55]

Stefán,  þörf hugleiðing - ekki síst á þessum árstíma. 

[Jóhann Elíasson, 27.12.2022 kl. 12:32]

Já börnin koma oft með ummæli sem erfitt er að svara.  Gleðileg Jól Jens (þau eru víst enn ) vonandi hefur þú og þínir haft það gott.......

[Jens Guð, 27.12.2022 kl. 16:32]

Jóhann,  gleðileg jól og takk fyrir samskiptin á blogginu!