Soffía sæta

  Hún Soffía sæta er snillingur og ein af þessum manneskjum sem gerir tilveruna allt í kringum sig skemmtilegri.  Hún er svo mikið krútt.  Soffía sæta er kannski best þekkt annarsvegar sem kærastan hans Stjána stuðs og hinsvegar sem borðtennismeistari.  Hún hefur keppt á alþjóðamótum og farið heim með fangið fullt af verðlaunum.

  Í DV í gær var Soffía sæta spurð að því hvar hún myndi helst vilja búa ef hún þyrfti að búa annarsstaðar en á Íslandi. 

  "Einhversstaðar í útlöndum,"  svaraði Soffía.  Á eftir fylgdu nöfn nokkurra landa sem komu upp í hugann. 

Athugasemdir

[Helga Guðrún Eiríksdóttir, 17.10.2007 kl. 20:07]

Alltaf gaman að því þegar greindarvísitala fólks vegur salt við skónúmerið... sérstaklega hjá þessum fótnettu.

[Steini Briem (IP-tala skráð) 17.10.2007 kl. 20:48]

Í borðtennis er Soffía sæta,
snillingur eins og Villi spæta,
á Orkuveitumóti vann milljarð,
meistari hann er í vasabilljarð.

[Jens Guð, 17.10.2007 kl. 21:17]

  Helga Guðrún,  þau kærustuparið Soffía sæta og Stjáni stuð eru það sem kallast einstök eða sérstök. 

  Steini,  enn einu sinni varð mér á að skella upp úr við lestur vísu þinnar.  Það er eins og Rannveig H.  sagði mér um daginn:  Vísurnar þínar gefa blogginu mínu sérstakt skemmtigildi.   

[Helga Guðrún Eiríksdóttir, 17.10.2007 kl. 22:24]

Ó   (skammast mín fyrir hótfyndnina)

[Jens Guð, 17.10.2007 kl. 22:51]

  Þú þarft svo sem ekkert að hlaupa í baklás vegna athugasemdar hér að ofan.  Stjáni stuð er góður vinur minn.  Frábær náungi.  Þegar ég tók þátt í Útvarpi Rót á sínum tíma þá fengum við óvænt harða gangrýni fyrir að hleypa Stjána stuði að hljóðnemanum.  En hann vann hug og hjörtu fólks og hefur hvergi látið deigan síga síðan.  Kærastan hans,  Soffía sæta,  hefur þar ekki átt minnstan þátt í vinsældum Stjána stuðs.  Þau fara á kostum þegar þeim er gefinn laus taumur í músík og dagskrárgerð.

[Fríða Eyland, 17.10.2007 kl. 23:02]

Þá er úr því skorið hvaða lag er besta dægurlagið Stjáni og Soffía er sætust....og Briem samur við sig...

[Jón Steinar Ragnarsson, 18.10.2007 kl. 00:35]

Vinnufélagi minn var eitt sinn að hlusta á frétt í útvarpinu um flóð og rigningar í þýskalandi og frakklandi. Þá sagði hann upp úr eins manns hljóði. "Mikið er ég feginn að búa ekki í Evrópu."

[Jens Guð, 18.10.2007 kl. 00:55]

  Fríða,  Stjáni stuð og Soffía sæta eru alltaf flottust.

  Jón Steinar,  einn góður grænlenskur vinur minn sagðj þetta sama við mig.  Hann sem eskimói taldi sig verða fyrir fordómum í Danmörku og Íslandi.  Það var hrækt á hann í strætisvagni í Reykjavík.  Honum heyrðist sem hann væri sakaður um að vera Tælendingur.  Hann sagðist hafa leiðrétt dæmið um að hann væri Ameríkani og  mætti þá vinsamlegra viðmóti frá unglingagengi sem áður sýndi honum ókurteisi.    

[Steini Briem (IP-tala skráð) 18.10.2007 kl. 01:40]

Grænland telst nú vera í Norður-Ameríku og meira að segja Reykjavík er í Norður-Ameríku, ef út í það er farið, þar sem Reykjavíkin er vestan við flekaskilin. Reykvíkingar eru því í rauninni Ameríkanar, sem skýrir nú ýmislegt. Þannig er það nú í pottinn búið.

[Fríða Eyland, 18.10.2007 kl. 01:50]

Þú seigir nokkuð Steini 

[Helga Guðrún Eiríksdóttir, 18.10.2007 kl. 03:06]

Æ rest mæ keis.