Sagan sem breytist og breytist

  Allir kannast við það þegar bandaríska rokkstjarnan Bruce Springsteen - eða Brúsi frændi eins og hann er oft kallaður - tók lagið með íslenska "böskaranum" Jó-jó á Strikinu í Kaupmannahöfn.  Enda heimsfrægur viðburður sem trónir nú á youtube.  Í dag er sagan þannig:

  Jó-jó var að spila dúett með öðrum manni úti á götu.  Hinn þurfti að skjótast á klósettið.  Á meðan gekk Brúsi hjá,  greip upp gítar mannsins og byrjaði að syngja og spila með Jó-jó.

  Fyrst eftir atburðinn var sagan hinsvegar á þessa leið:

  Jó-jó vissi hvar Brúsi var staddur (á kaffihúsi eða matsölustað).  Hann vissi líka hvaða leið Brúsi myndi ganga upp á hótelið sitt,  rétt hjá.  Jó-jó kom sér því fyrir með aukagítar og kvikmyndatökumann.  Beið svo um hríð þangað til Brúsi rölti hjá.  Þá kallaði Jó-jó til hans ögrandi áskorun um að sýna að hann sé ekki yfir almenning hafinn og bað hann um að spila með sér eitt lag.  Brúsi varð undrandi og hálfringlaður en lét svo slag standa þegar Jó-jó rétti að honum gítarinn.

   

Athugasemdir

[Steini Briem (IP-tala skráð) 19.10.2007 kl. 15:26]

Við Brúsapallinn böskaði Djó Djó,
beið þar eftir sínum hjartans vini,
og Springsteen kom, spilaði, hló,
sprellaði með honum Djó Djósyni.

[Rannveig H, 19.10.2007 kl. 17:20]

Jó jó er skemmtilegur karater  Jens má ég notfæra mér aðstöðuna,æ geri það bara.

STEINI!!! Frændi þinn hjólaproffin vil endilega vita hver faðir þinn er,proffi er nebbla komin með Villa heileinkenni og fattar ekki alveg hver þú ert 'Eg er að seigja honum hvað hann á skemmtilegan frænda.

[Steini Briem (IP-tala skráð) 19.10.2007 kl. 18:26]

Rannveig mín Há, Halldór Briem, faðir minn, ólst upp hjá afabróður mínum, sem ég heiti eftir, séra Þorsteini Briem, ráðherra á Akranesi og Framsóknarmanni. Margir þekktu uppeldissystur föður míns á Akranesi, sem voru reyndar töluvert eldri en hann, þær Dódó, Gógó, Dídí og Löllu, enda kjarnakonur, og Steinunn Jóhannesdóttir skrifaði bók um Dódó (Halldóru Briem).

[Jón Steinar Ragnarsson, 19.10.2007 kl. 19:58]

Erlenda nafnið hans breytist líka frá tíð til tíma. Joe Clayton, Clayborne og einhverjar fleiri útgáfur.  Uppruni hans er algerlega óljós en ég held að hann sé frá plánetunni Nibiru. Annars er Jó Jó ljúfur og vel meinandi drengur, auðmjúkur í list sinni, þótt stundum þurfi hann smá athygli eins og flestir.

[S. Lúther Gestsson, 19.10.2007 kl. 20:28]

Aldrei má skemma góða sögu með sannleikanum.

[Þorgerður (IP-tala skráð) 19.10.2007 kl. 21:42]

Iss, fyrri sagan er mun skemmtilegri, og því ætla ég að trúa henni. Og Bruce Springsteen er æðislegasti tónlistarmaður á jörðinni

[Jens Guð, 19.10.2007 kl. 22:48]

  Rannveig,  mín kæra.  Bara um að gera að fá ætterni Steina stuðbolta Briem á hreint. 

  Hjördís,  ég er sannfærður um að elsta útgáfan af atburðarrásinni er nær lagi en sú sem sögð er í fjölmiðlum í dag. 

  Steini,  hann Stefán bróðir minn upplýsti mig um síðustu helgi að Alexander frændi þinn hafi kennt mér tvö fyrstu grunnskólaár mín.  Ég var ekki með það á hreinu.  Hélt að það hefði bara verið einn vetur.  Stefán deildi með mér minningu um hverslags úrvals kennari hann var.  Stefán er tveimur árum eldri en ég og fann fyrir því umfram mig hve virkilega góður kennari og náungi Alexander var í samnburði við aðra sem kenndu okkur síðar í skólum.

  Jón Steinar,  ég hef aldrei lært raunverulegt nafn Jó-jós.  Var pabbi hans ekki hermaður á Keflavíkurvelli?

  S.  Lúther og Þorgerður,  seinni tíma sagan er mun flottari.  Bæði fyrir Brúsa frænda og Jó-jó.  Það er eiginlega ljótt af mér að styðja ekki þá sögu.  Mér skilst að seinni tíma sagan sé ráðandi á aðdáendanetsíðum Brúsa.  Ég hef þó ekki nennt að fletta því upp til að sannreyna það. 

[Steini Briem (IP-tala skráð) 19.10.2007 kl. 23:32]

Þóreyju í Hlíð, systur hans Alexanders, þykir örugglega vænt um að heyra það þegar ég hringi í hana á morgun, Jens.

[Jens Guð, 20.10.2007 kl. 00:00]

  Steini,  þær litlu minningar sem ég 6 og 7 ára á af Alexander eru af rosalega góðum og hlýlegum manni.  Klæddum jakkafötum og með axlabönd.   Alltaf brosmildum,  klappandi mér,  litlum strák á kollinn.  Á þessum árum var ég ekki orðinn sá uppvöðsluseggur sem ég síðar varð.  Og Stefán,  eldri bróðir minn,  sem var alveg sérstaklega uppreisnargjarn og kjaftfor (við lærðum það af afa) var ljúfur sem lamb í samskiptum við þennan einstaklega þægilega kennara.  Ég tel mig geta fullyrt að að okkur nemendum Alexanders á Hólum í Hjaltadal þótti virkilega vænt um hann.   

[Gunnar Th. Gunnarsson, 20.10.2007 kl. 00:37]

Brúsi er svona vitræna útgáfan af Bubba. Fíla hvorugan

[Magnús Geir Guðmundsson, 20.10.2007 kl. 00:48]

aaaaaah geisp, gerast menn nú full tilfinningasamir og grátbólgnir, enda jú orðnir meyrir og miðaldra hehe!

Ættir að fara að segja strákskömmunum þínum tveimur að fara að hunskast til að búa til barnabörn handa þér, yrðir augljóslega fínn afi til jafns við afa þinn!

En Jójó garmurinn og þessi saga, endar hún ekki bara með því að upp úr dúrnum kemur, að þetta var alls ekkert "The Boss" heldur Little Steven frændi hans!?

[Magnús Geir Guðmundsson, 20.10.2007 kl. 00:56]

Hvurn fjáran er Gunnar Th. að gefa í skyn um Bubba hér að ofan?

Það má vissulega segja ýmislegt um hann og setja út á, en að vera með svona dylgjur undir rós er ekki við hæfi!

[ari (IP-tala skráð) 20.10.2007 kl. 20:21]

er þetta youtube myndbandið fræga?

http://www.youtube.com/watch?v=LWQV7agBFtE

[Ingvar Valgeirsson, 21.10.2007 kl. 23:44]

Jó-Jó heitir réttu nafni Jón Magnússon.

Hann var víst eitt sinn í hljómsveit sem kallaði sig Live - löngu áður en erlend hljómsveit með sama nafni náði gríðarlegum vinsældum - ásamt Birni Jörundi. Björn hefur þá væntanlega verið rétt fermdur, en Jó-Jó eitthvað talsvert yfir tvítugu.