Takið þátt! Ný skoðanakönnun

  Fyrir nokkru bað ég ykkur um að tilnefna verstu íslensku hljómsveitarnöfnin.  Viðbrögð voru góð.  Hátt í 100 nöfn voru nefnd til sögunnar.  Næsta skref var að stilla upp þeim nöfnum er voru gjaldgeng og óska eftir stuðningi við þau þeirra sem ættu að enda í formlegri skoðanakönnun. 

  Það sem ég á við með því að tala um gjaldgeng nöfn er að þetta er leit að versta íslenska hljómsveitarnafninu.  Útlend nöfn komu ekki til greina. 

  Nú hef ég stillt hér upp þeim nöfnum sem fengu 3 eða fleiri atkvæði.  Nokkur þeirra fengu töluverðan fjölda atkvæða en sjáum til hvernig fer.  Ég hvet ykkur til að láta það ekki hafa áhrif á atkvæðagreiðsluna hvernig ykkur líkar við músík viðkomandi hljómsveitar.  Einblínum á nafnið sem slíkt - þó eðlilegt sé að taka mið af því hvernig nafnið passar við það sem hljómsveitin stendur fyrir.

  Þessi skoðanakönnun er ekki illa meint.  Henni er ekki beint gegn einum eða neinum.  Þetta er bara saklaus og léttur samkvæmisleikur.   

  Þegar þið hafið greitt atkvæði væri gaman að heyra rökin fyrir valinu. 

Athugasemdir

[Víðir Benediktsson, 13.5.2008 kl. 00:13]

Nú er ég út í skurði. Þekki varla nöfnin á þessum hljómsveitum nema SSSól

[Birkir Viðarsson (IP-tala skráð) 13.5.2008 kl. 01:24]

Mér finnst nafnið Morðingjarnir algert afbragð.

Hölt Hóra er fínt og Síðan Skein Sól er ekki alslæmt.

Valið stendur á milli 8-vilt og Eurobandið. Eurobandið er auðvitað ekki hljómsveit þannig að þetta er hið erfiðasta mál....

[Haukur Viðar, 13.5.2008 kl. 02:51]

Eins mikið og mig langar að vinna þessa keppni þá gef ég 8-villt mitt atkvæði 

[Gunnar Th. Gunnarsson, 13.5.2008 kl. 03:00]

Eurobandið er ekki, eins og Ólafur Skorrdal bendir á, ekki íslenskt nafn, hvers vegna er það þá gjaldgengt? Auk þess er þetta ekki hljómsveit, heldur hópur fólks sem er að sinna tímabundnu verkefni.

Þegar ég met hvort hljómsveitarnöfn eru góð eða vond, þá hugsa ég til þess hvernig nafnið kemur til með að eldast. Sum nöfn eldast vel og önnur ekki. Óhjákvæmilega hlýtur það að hafa áhrif, hvernig manni líkar við hljómsveitina og hljómsveitarnafnið er vörumerki hennar. Eins geta nöfn verið alveg glötuð, en hafa samt húmor í sér, sem endurspeglar þá oft hljómsveitarmeðlimina. t.d. Stuðmenn, brilljant nafn.

Valið hjá mér stendur milli Haltrar hóru og Pláhnetunnar. Ég stimpla á Halta hóru, mislukkuð fyndni sem eldist illa. Það verður gaman fyrir hljómsveitarmeðlimina að segja barnabörnum sínum hvað þeir voru að sýsla í bransanum í denn

[Gunnar Th. Gunnarsson, 13.5.2008 kl. 03:03]

8-villt kom reyndar sterklega til greina líka hjá mér

[Jens Guð, 13.5.2008 kl. 03:42]

  Víðir,  það er ekki nauðsynlegt að þekkja hljómsveitirnar út í hörgul til að gera sér grein fyrir því hvort að þetta séu vond eða góð hljómsveitanöfn.

  Ólafur og Gunnar,  Eurobandið er eitt af þessum nöfnum sem lendir á gráu svæði.  Viðskeytið bandið er íslenskt orð og við höfum margra áratuga hefð fyrir því að tala og skrifa um Eurovisjón.  Prófarkalesarar prentmiðla gera fæstir athugasemd við Eurovisjón þó að strangt til tekið sé rammíslenska heitið á fyrirbærinu Söngvakeppni evrópskra sjónvarpsstöðva. 

  Með tilliti til þessa tel ég nafn Eurobandsins sleppa naumlega við að vera gjaldgengt.  Ekki síst vegna þess að mörgum þykir þetta nafn það hallærislegasta.

  Ég veit fátt um Eurobandið.  Þó veit ég að það hefur starfað í 1 eða 2 ár og var ekki stofnað til að sinna þessu núverandi verkefni; að taka þátt í undankeppni Eurovisjón hér heima og fylgja því eftir úti.  Það er þess vegna ekkert sem bendir til að Eurobandið hætti eftir að þátttöku í Eurovisjón lýkur.  Því miður.

  Birkir og Haukur,  takk fyrir þátttökuna. 

[Róbert Tómasson, 13.5.2008 kl. 07:03]

Eurobandið er alveg arfaslakt nafn að mínu mati enda sletta af verstu gerð.

[Þorsteinn Briem, 13.5.2008 kl. 09:12]

Júgurbandið jússulegt,
jukk er og helvíti frekt,
troðum því bara í trekt,
og tætum í ró og spekt.

[Óskar Þorkelsson, 13.5.2008 kl. 09:20]

júróbandið.. frekar slappt

[Tinna (IP-tala skráð) 13.5.2008 kl. 09:35]

Að sjálfsögðu er nafnið Lummurnar verst af þessu öllu. Í 'gamla' daga hugsaði maður um gómsætt bakkelsi þegar einhver sagði lumma. Í dag hefur orðið nýja og heldur ógeðslegri merkingu: lumma af munntóbaki.

[Sigurlaug Gísladóttir (IP-tala skráð) 13.5.2008 kl. 10:24]

Hölt hóra og Morðingjarnir eru að mínu viti ljót og ósmekkleg orð, á örugglega að vera eitthvað voða kúl en misheppnast algjörlega  og vil ég frekar slettu eins og Eurobandið. Eins er það mjög ósmekklegt þegar fyrirtæki fá nafn eins og Hryðjuverk ehf sem einnig er alveg misheppnaður brandari hafi það átt að vera slíkur.

[Sólveig Pétursdóttir (IP-tala skráð) 13.5.2008 kl. 11:19]

Ég hef sagt það áður og enn Morðingjarnir og jú Hölt hóra eru barasta alveg alvond nöfn

[Ragnheiður , 13.5.2008 kl. 11:27]

Ég valdi Halta Hóru. Sé fyrir mér ótótlegan kvenmann, draghalta af illri meðferð -svipuð þessari í bragganum sem sat olíulaus.

Finnst það ljótasta hljómsveitarnafnið.

[Birkir Viðarsson (IP-tala skráð) 13.5.2008 kl. 12:27]

Ég svaf á þessu, lagðist nakinn undir sæng og komst að því að 8-villt er verssta nafnið. Þau vinna Júróbandið því að 8-villt er í raun hljómsveit. Þessir leikru að orðum gengur ekki upp og er skuggalega bjánalegur eins og hann stendur.

Ég get glatt Sigurlaugu Gísla með þeirri staðreynd að það er til íslenskt hljómsveit sem heitir Hryðjuverk og hefur gefið út undir því nafni.

[Gunnar Th. Gunnarsson, 14.5.2008 kl. 03:27]

Já, og hvers eiga haltar hórur að gjalda?

[ari (IP-tala skráð) 16.5.2008 kl. 00:38]

Pláhnetan hjá mér....  ég þoli ekki hvað þetta er asnalegt nafn og ófyndið